Fréttablaðið - 12.02.2009, Blaðsíða 58

42 12. febrúar 2009 FIMMTUDAGUR
FÓTBOLTI Chelsea staðfesti í gær
að hinn 62 ára hollenski þjálfari
Guus Hiddink mun stýra liðinu
til loka þessarar leiktíðar. Hann
mun samhliða starfinu stýra rúss-
neska landsliðinu en Hiddink er
með samning við Rússana fram
yfir HM 2010.
Roman Abramovich, eigandi
Chelsea, er því loksins búinn að
fá draumamanninn sinn í starf-
ið en hann hefur lengi reynt að fá
Hiddink til að stýra liðinu. Þeir
eru miklir vinir og það er út af
vinskapnum, en ekki peningun-
um, sem Hiddink tekur starfið að
sér.
„Ég er að gera vini mínum
greiða. Abramovich gerir svo
mikið fyrir rússneskan fótbolta
að mér fannst í lagi að gefa aðeins
til baka. Hann hringdi í mig per-
sónulega og bað mig um þetta,“
sagði Hiddink sem hefur þjálfað
landslið Hollands, Suður-Kóreu
og Ástralíu.
Hiddink er með rússneska
landsliðinu í æfingabúðum þessa
dagana og hefur því ekki störf
fyrr en eftir helgi. Hann mun
fylgjast með úr stúkunni þegar
Chelsea mætir Watford í bikarn-
um um helgina. Aðspurður hvort
hann muni halda áfram með liðið
sagði Hiddink:
„Það eru tveir möguleikar. Allt
fer illa og ég verð beðinn um að
hunskast aftur til Rússlands en
svo gæti gengið vel. Ég er samt
ekki að hugsa svo langt fram í
tímann,“ sagði Hiddink. - hbg
Hollendingurinn Guus Hiddink mun stýra Chelsea til loka þessarar leiktíðar:
Er að gera félaga Roman greiða
GUUS HIDDINK Hér á æfingu
með rússneska landsliðinu í
Tyrklandi í gær.
NORDIC PHOTOS/GETTY IMAGES
HANDBOLTI Valsmenn eiga einir
félaga möguleika á bæði Íslands-
og bikarmeistaratitli karla í hand-
bolta árið 2009. Þeir eru í 2. sæti í
deildinni, stigi á eftir Haukum, og
komnir í bikarúrslitaleikinn á móti
1. deildarliði Gróttu. Þessu hafa
Hlíðarendapiltar áorkað þrátt fyrir
að hafa aðeins unnið einn af sjö
útileikjum í N1-deildinni í vetur.
Ástæðan: þeir hafa unnið alla níu
heimaleiki sína í Vodafone-deild-
inni á tímabilinu. Nú síðast tryggði
liðið sér sæti í bikarúrslitaleikn-
um í Höllinni með fjögurra marka
sigri á FH, 29-25.
Það er ótrúlegur munur á milli
tölfræði Valsliðsins heima og á
útivöllum. Í deildinni hefur Vals-
liðið unnið alla 7 leiki sína með
8,3 marka mun að meðaltali. Sex
þessara leikja hafa unnist með sex
mörkum eða meira. „Ég er mjög
ánægður að heimavöllurinn okkar
er orðinn mikil gryfja. Við unnum
alla heimaleikina okkar í Höllinni
þegar við urðum meistarar 2007
en svo töpuðum við fjórum heima-
leikjum í fyrra, þar á meðal tveim-
ur fyrstu. Ég er mjög ánægður
með að menn séu komnir í ákveð-
inn gír í Vodafone-höllinni sem
er mjög gott,“ segir Óskar Bjarni
Óskarsson, þjálfari Valsliðsins.
„Bikarleikurinn á móti HK
er eini heimaleikurinn sem við
unnum með einu marki en þar
vorum við komnir sjö mörkum yfir
en misstum þetta niður í lokin. Við
skorum mun meira á heimavelli og
mun fleiri mörk úr hraðaupphlaup-
um. Það er meiri kraftur í okkur
á heimavelli,“ segir Óskar Bjarni
og hann segir góða umgjörð hjálpa
til.
„Stjórnin hefur staðið sig mjög
vel í vetur. Það hefur verið ljósa-
sjóv á mörgum leikjum. Í síðasta
leik vorum við með trommusýn-
ingu og mjög flott ljósasjóv auk
þess að sýna leikinn beint á Valur.
is. Þetta var glæsileg umgjörð. Það
hefur verið mikið lagt í umgjörð-
ina á heimaleikjunum og það hefur
skilað sér til okkar,“ segir Óskar.
Þá má sjá mikinn mun á Valslið-
inu í bæði sókn og vörn. Í heima-
leikjunum er Valur að skora 30,3
mörk að meðaltali í leik eða 4,9
fleiri mörk en liðið skorar að með-
altali í útileikjunum. Valsliðið er
síðan aðeins búið að fá á sig 22,0
mörk að meðaltali í sjö heima-
leikjum sínum í N1-deildinni eða
3,7 mörkum færra en liðið hefur
fengið á sig í útileikjunum.
„Þetta er alls ekki viðunandi
árangur á útivelli, það verður að
segjast alveg eins og er. Við þurf-
um klárlega að laga útivöllinn ef
við ætlum að verða deildar- og
Íslandsmeistarar,“ segir Óskar
Bjarni.
Eini útisigur Vals í N1-deildinni
í vetur kom í fyrsta leik tímabils-
ins þegar liðið vann 29-34 sigur á
Víkingum í Víkinni 18. september.
Síðan þá hefur Valsliðið spilað sex
útileiki í röð í deildinni án þess að
vinna.
„Þetta er bæði jákvætt og nei-
kvætt. Mér finnst að það eigi ekki
að vera mikill munur á því að
spila á heima- og útivelli í þessari
deild en það hefur verið þannig
hjá okkur. Við höfum rætt þetta.
Við þurfum að bæta okkur á úti-
völlum en halda áfram að spila vel
í heimaleikjunum,“ segir Óskar
Bjarni.
Ætli Valsmenn sér deildarmeist-
aratitilinn og heimavallarrétt
út úrslitakeppnina þá þurfa þeir
nauðsynlega að vinna næsta úti-
leik sinn sem er gegn Haukum á
Ásvöllum um þarnæstu helgi.
„Það er lífnauðsynlegt fyrir
okkur að vinna Haukana í þessum
leik. Haukarnir hafa verið mjög
sannfærandi í annarri umferð og
töpuðu ekki leik. Þeir eiga eitt stig
á okkur og þessi leikur verður að
klárast,“ segir Óskar og kannski
grípur hann til einhverra nýrra
ráða til þess að vinna bug á slæmu
útivallargengi liðsins.
„Ætli við þurfum ekki að færa
dótið úr klefanum yfir á Ásvelli,
taka með okkur Valsfána og kaupa
Baldur bongó. Við þurfum líka að
vera með mynd af Markúsi, Helga
Sig og Margréti Láru þarna ein-
hvers staðar á skilti í kringum
völlinn,“ segir Óskar Bjarni í létt-
um tón.
Valsmenn fá Stjörnuna í heim-
sókn í kvöld þegar þriðji og síð-
asti hluti N1-deildar karla hefst.
Á sama tíma mætast Fram og HK
í Safamýri og FH tekur á móti
Akureyri í Kaplakrika. Allir leik-
irnir hefjast klukkan 19.30.
ooj@frettabladid.is
Vodafone-höllin er orðin mikil gryfja
Valsmenn eru aðeins stigi frá toppi N1-deildar karla þrátt fyrir að hafa aðeins unnið 1 af 7 útileikjum sínum, þökk sé stanslausri sigur-
göngu á heimavelli. „Við þurfum að laga útivöllinn ef við ætlum að verða deildar- og Íslandsmeistarar,“ segir þjálfari Vals.
HAFA RÆTT ÞETTA Óskar Bjarni Óskars-
son, þjálfari Vals veit vel af muninum á
sínu liði milli leikja. FRÉTTABLAÐIÐ/ANTON
NÍUNDI SIGURINN Valsmenn fagna hér heimasigri á FH í undanúrslitum bikarkeppn-
innar um síðustu helgi. FRÉTTABLAÐIÐ/ANTON
VALSMENN Á HEIMAVELLI
Tölur úr N1 deild karla
Stig
Á heimavelli 14 (100%)
Á útivelli 5 (36%)
Mismunur +9 (+64%)
Mörk í leik
Á heimavelli 30,3
Á útivelli 25,4
Mismunur +4,9
Mörk fengin á sig í leik
Á heimavelli 22,0
Á útivelli 25,7
Mismunur +3,7
Árangur liðanna á heimavelli:
1. Valur 100%
2. Haukar 86%
3.-4. FH og HK 64%
5. Fram 57%
6. Akureyri 50%
7. Stjarnan 43%
8. Víkingur 21%
Árangur liðanna á útivelli
1. Fram 64%
2. Haukar 57%
3. FH 50%
4. Akureyri 43%
5. Valur 36%
6. HK 29%
7. Stjarnan 21%
8. Víkingur 14%
Golfveisla
MasterCard
Mundu
ferðaávísunina!