Fréttablaðið - 20.03.2009, Blaðsíða 62

42 20. mars 2009 FÖSTUDAGUR
1
6 7 8
10
13
119
12
15
16
18
21
20
17
14
19
2 3 4 5
LÁRÉTT
2. á bíl, 6. íþróttafélag, 8. traust, 9.
blástur, 11. samanburðartenging, 12.
fyrirtak, 14. óbyggðir, 16. tveir eins,
17. reik, 18. skörp brún, 20. tveir eins,
21. göngulag.
LÓÐRÉTT
1. þurrka út, 3. stefna, 4. sáldrar, 5.
fiður, 7. hátign, 10. haf, 13. hreinn,
15. sjá eftir, 16. fjór, 19. tveir eins.
LAUSN
LÁRÉTT: 2. húdd, 6. fh, 8. trú, 9. más,
11. en, 12. ágæti, 14. öræfi, 16. ff, 17.
rið, 18. egg, 20. rr, 21. rigs.
LÓÐRÉTT: 1. afmá, 3. út, 4. dreifir, 5.
dún, 7. hágöfgi, 10. sær, 13. tær, 15.
iðra, 16. fer, 19. gg.
„Ég hef bara ekki leyfi til að tjá
mig um þetta. Verkefnið er á
undirbúningsstigi. En ég get stað-
fest það að við erum að fara að
gera auglýsingu fyrir Sony. Og,
já, ég vona að hún endi með því að
verða stór,“ segir Helga Margrét
Reykdal, framkvæmdastjóri hjá
viðburðafyrirtækinu True North.
Risafyrirtækið Sony hefur verið
með lið hér á landi til að athuga
tökustaði fyrir auglýsingu sem
þeir ráðgera að taka hér.
Þeim innan hand-
ar er True North.
Leynd er um
verkefnið og
Helga Margrét
gat ekki einu
sinni upplýst um
hvaða varning ætti að
flytja til landsins til
að auglýsa. Hópur-
inn hefur farið um
landið undanfarna daga.
Og var meðal annars á
Seyðisfirði um síðustu
helgi til að skoða mögulega töku-
staði. Finni Jóhannsson hjá True
North var með í för og gat ekki
staðfest annað en nákvæm-
lega það í samtali við
Fréttablaðið. Þótt verkefn-
ið sé á undirbúningsstigi
er áætlað að tökur hefjist
fljótlega.
Sony er þekkt fyrir
glæsilegar auglýsinga-
herferðir sínar og muna
margir til dæmis framúrstefnu-
lega leir-auglýsingu þar
sem kanínur í öllum
litum hoppuðu og
skoppuðu í stór-
borg og breyttu
sér í allra kvik-
inda líki. Þá átti
Íslandsvinurinn
Jose Gonzáles
lag í einni her-
ferðinni þar
sem mislitir
boltar voru í
aðalhlutverki.
- jbg, fgg
Risavaxin Sony-auglýsing tekin á Íslandi
HELGA MARGRÉT Staðfestir
að til standi að taka upp
stóra Sony-auglýsingu á
Íslandi en frekari upplýs-
ingar var ekki að fá.
VÉLMENNI FRÁ
SONY Algert hern-
aðarleyndarmál er
hvaða varningur það
er sem Sony ætlar
að auglýsa í tengslum
við auglýsinguna sem
verður tekin hér.
LÖGIN VIÐ VINNUNA
„Ég hlusta aðallega á létta og
notalega tónlist. Ég hlusta mest
á Léttbylgjuna og svo stendur
Friðrik Karlsson alltaf fyrir
sínu.“
Sigurlaug G. Ingólfsdóttir, jógakennari
og heilari.
„Ég kaus hana, eða við stelpurn-
ar, að mig minnir og við í utan-
ríkisþjónustunni erum afskaplega
glöð yfir því að geta stutt hana til
góðra verka,“ segir Össur Skarp-
héðinsson utanríkisráðherra. Eins
og Fréttablaðið greindi frá í vik-
unni stendur til að Jóhanna Guð-
rún Jónsdóttir fari á stutt nám-
skeið um Ísland og fræðist um það
sem á hefur gengið í efnahagslífi
þjóðarinnar áður en hún heldur út
til Rússlands sem fulltrúi Íslands
í Eurovision-keppninni. Þann fróð-
leik fær Jóhanna hjá Össuri og
hans fólki í utanríkisráðuneytinu.
Utanríkisþjónustan býr yfir
miklum og aðgengilegum fróð-
leik um þau mál öll og María
Björk Sverrisdóttir, talsmaður
Eurovision-hópsins, sagði í samtali
við Fréttablaðið að þar væri unnið
að málinu. „Við erum að vinna að
þessu saman enda viljum við hafa
flottan fulltrúa fyrir Íslands hönd
í Moskvu,“ segir María. Óhætt er
að segja að Jóhanna fái storminn
í fangið enda Ísland verið stöðugt
í kastljósi fjölmiðla eftir að
stóru bankarnir þrír sukku
með manni og mús. Össur
sjálfur var hins vegar
ekki í nokkrum vafa um að
Jóhönnu Guðrúnu ætti eftir
að vegna vel. „Við vonum
auðvitað að þetta verði
sæmdar- og sig-
urför. Hún hefur
alla burði til að
ná langt og þótt
ég vilji ekki
skapa of mikl-
ar væntingar
þá held ég að
hún eigi eftir
að koma á
óvart,“ segir
Össur.
Auður
Edda Jökulsdóttir, sendiráðunaut-
ur í utanríkisráðuneytinu, segir að
ráðuneytið hafi tekið vel í þessa
bón enda sé utanríkisþjónustan
bakhjarl listafólks sem fær
tækifæri erlendis. En Auður
óttast þó ekki að blaðamenn
muni reyna að reka Jóhönnu
á gat með spurningum um
skilanefndir gömlu bank-
anna og umdeilda net-
reikninga. „Nei,
við höfum verið í
samskiptum við
kynningarskrif-
stofur sem hafa
verið að koma
íslenskri menn-
ingu á fram-
færi erlendis
og þar virðist
þetta fjármála-
hrun ekki vera
snertiflötur.
Auðvitað getur hún verið spurð
hvort við höfum nóg að borða eða
getum hitað húsin okkar en þá er
það auðvitað bara kærkomið tæki-
færi til að útskýra fyrir blaða-
mönnum að hér sé vel starfandi
samfélag,“ segir Auður.
Auður er sannfærð um að
Jóhanna Guðrún verði mjög fram-
bærilegur fulltrúi Íslands í Mos-
vku. „Okkur finnst bara frábært
af Jóhönnu og hennar fólki að vilja
koma hingað og fræðast um þetta
allt og erum bara þakklát fyrir að
þau skuli hafa hugsað til okkar,“
segir Auður og upplýsir jafnframt
að Jóhanna ætli sér að fræðast
töluvert um rússneska menningu
og hugsanagang. „Við munum
miðla af þeirri sérfræðiþekkingu
sem við búum yfir á því sviði og
undirbúa hana þannig sem best
fyrir Rússlandsferðina.“
freyrgigja@frettabladid.is
ÖSSUR SKARPHÉÐINSSON: GOTT AÐ GETA HJÁLPAÐ TIL
Jóhanna Guðrún á nám-
skeið í utanríkisráðuneytinu
NÝTT MYNDBAND Jóhanna Guðrún var í tökum fyrir nýtt Eurovision-myndband í gær.
Tökur fóru fram í upptökuveri Latabæjar en leikstjóri er Baldvin Z. FRÉTTABLAÐIÐ/GVA
„Jú, þetta eru sláandi fréttir. Ég
var nú bara að sjá þetta rétt áðan
í fréttunum,“ segir Björn Hlynur
Haraldsson leikari um fráfall leik-
konunnar Natöshu Richardson sem
lenti í slysi á skíðasvæði í Kanada
á mánudag.
Vesturportshópurinn kynntist
móður Natöshu Richardson, leik-
konunni Vanessu Redgrave, náið
þegar hann sýndi Rómeó og Júlíu
úti í London. Móðir Natöshu varð
strax í upphafi mikill aðdáandi
sýningarinnar og mætti oft sem
áhorfandi úti í sal. „Hún kom allt-
af með fólk með sér, vini og fjöl-
skyldumeðlimi og fann sig eigin-
lega í einhverju mömmuhlutverki
gagnvart hópnum sem var þarna
í útlegð í London. Hún er frábær
kona og yndisleg og bauð okkur
meðal annars eitt skiptið heim í
lambalæri. Við hittum ekki dótt-
ur hennar, Natöshu, en ég er samt
nokkuð viss um að hún hafi komið
á sýninguna einu sinni með móður
sinni,“ segir Björn Hlynur en
systur Natöshu, leikkonuna Joely
Richardson, sem hvað þekktust
er fyrir hlutverk sitt sem Julia í
Nip/Tuck, hitti hópurinn einnig.
„Það var reyndar í öðru samhengi
en þetta fólk er allt mjög yndis-
legt og hlýtt og móðirin sjálf
einstök.“ Vanessa sjálf
lék svo í uppfærslunni
á Rómeó og Júlíu en um
tíma voru gestaleikarar
fengnir til að taka þátt
lokaatriði verksins.
Björn Hlynur segist
að þar sem hann væri
svo nýbúinn að frétta
af þessu hörmulega
slysi hafi hann ekki
enn heyrt í öðrum
meðlimum Vestur-
ports sem eru ytra.
Hann búist þó við
því að Vesturports-
fólkið muni senda Vanessu og fjöl-
skyldu samúðarskeyti eða blóm.
Natasha var eiginkona stórleikar-
ans Liams Neeson og átti tvo syni
en er sjálf af stórri ætt leikara í
Bretlandi. „Redgrave-fjölskyld-
an er svona hálfgerð konungsfjöl-
skylda leikhússins í Bretlandi,
mikið í sviðsljósinu og er mjög
samheldin. Maður sá það einn-
ig á heimilisbrag Vanessu og þau
eru mikið fjölskyldufólk og halda
nánum tengslum. Ég get ímyndað
mér að þetta sé afar erfitt.“
- jma / sjá einnig síðu 36
Vesturport í sárum eftir fráfall Natöshu
SAMHELDIN FJÖLSKYLDA
Sérstakur vinskapur mynd-
aðist með móður Natöshu,
Vanessu Redgrave, og
Vesturports hópnum. Hér
sést hún ásamt systur
Natöshu, Joely. Björn
Hlynur Haraldsson segist
sleginn yfir tíðindunum.
Bjarni Haukur Þórsson,
leikhússtjóri Loftkast-
alans, stendur nú í
ströngu við að semja við
þá sem munu fara með
helstu hlutverk í sumar-
sýningunni Grease sem
Selma Björnsdóttir mun
leikstýra. Fer öll samn-
ingagerð í gegnum FÍL
en þar eru aðalmenn Randver Þor-
láksson og Björn Ingi Hilmarsson.
Ekki er búið að ganga frá neinum
samningum en ein hugmyndin er
sú að nokkrar stjörnur muni skipta
með sér hlutverki söngvarans sem
birtist „skvíkíklín“ í draumi tánings-
stúlkunnar og er það enginn smá
kvartett: Páll Óskar, Jógvan, Jónsi
og Friðrik Ómar.
Í dag ræðst hver vinnur
baráttu- og bjart-
sýnissöngvakeppni
Óla Palla á Rás 2. Má
heita merkilegt að hann
skuli hafa fengið margar
af helstu kanónum
íslenskrar dægurtónlist-
ar til að senda inn lag
til keppninnar og þar
fer vitaskuld fremstur
Gunnar Þórðarson
sem á lag þar við texta
Jónasar Friðriks. Það eru Skugga-
sveinar sem syngja, huldumenn
og svo virðist sem þar fari fyrir
flokki sjálfur Engilbert Jensen og
Ðe Lónlí Blú Bojs-flokkurinn. En
eftir því sem næst verður komist
eru skuggasveinar Gunnar sjálfur,
Magnús Kjartansson og Vilhjálmur
Guðjónsson.
Nakið faðmlag þeirra Auðuns
Blöndal og Sverris Þór Sverrissonar
vakti mikla athygli í síðustu viku en
þessir fóstbræður féllust í faðma
án neinna klæða í sjónvarpsþætti
sínum. Augljóst er að
þetta uppátæki hefur
fært þá fjær karl-
mennsku sinni því á
morgun endurnýja þeir
kynnin við testósterónið
og fá til sín nokkrar
fegurðardrottning-
ar. - jbg, fgg
FRÉTTIR AF FÓLKI
STOLT Össur
Skarphéðinsson
segist vera ákaf-
lega stoltur yfir
því að utanrík-
isþjónustan geti
orðið að liði hjá
Eurovision-far-
anum Jóhönnu
Guðrúnu.
MEIRA EN
250
ÓKEYPIS
KROSSGÁTUR
w
w
w
.t
h
is
.i
s
/k
ro
s
s
g
a
tu
r
w
w
w
.t
h
is
.i
s
/k
ro
s
s
g
a
tu
r
VEISTU SVARIÐ
Svör við spurningum á síðu 8
1 Græningja.
2 Makríl.
3 Guðjón Valur Sigurðsson.