Fréttablaðið - 23.03.2009, Blaðsíða 27

MÁNUDAGUR 23. MARS 2009
„Það fyrsta sem kom upp í huga
minn þegar ég sá þetta var hversu
fallegar hreyfingar þetta eru á milli
tveggja aðila,“ segir Sóley Stefáns-
dóttir, í hljómsveitinni Seabear, sem
byrjaði nýlega að stunda capoeira í
Mjölnishúsinu, en capoeira er sam-
bland af bardagalist og dansi. Sóley
dvaldi í Suður-Ameríku í hálft ár
þegar hún komst í kynni við íþrótt-
ina.
„Áhuginn kviknaði 2006 þegar ég
dvaldi í Gvatemala sem sjálfboðaliði
í hálft ár og fór til Mexíkó og kynnt-
ist hópi fólks sem stundar capoeira.
Ég heillaðist líka mikið af tónlist-
inni því allir stóðu í hring, sungu og
spiluðu á hljóðfæri ef þeir voru ekki
inni í hringnum að dansa,“ segir
Sóley sem nemur tónsmíðar við
Listaháskóla Íslands og er í píanó-
námi í FÍH. „Ég keypti berimbau,
hljóðfærið sem er notað til að spila
í capoeira. Því fylgir þurrkaður
ávöxtur sem má alls ekki blotna,
en ég ferðaðist með það út um alla
Mexíkó. Ég lenti samt í vandræðum
í tollinum í Bandaríkjunum því þeir
héldu að ég væri með vopn, en náði
sem betur fer að komast með það
heilu og höldnu heim,“ segir hún.
„Ég var með hrikalegar harð-
sperrur eftir fyrstu capoeira-æfing-
una því ég hef varla farið í handa-
hlaup í tíu ár, en fór þarna eflaust
um sextíu,“ segir Sóley sem fer í
sund til að slaka á. „Ég fer oft í Suð-
urbæjarlaugina. Það nærir bæði lík-
ama og sál og er eitthvað sem maður
getur alltaf gert.“ - ag
Heillaðist af capoeira
Sóley kynntist capoeira í Mexíkó og heillaðist af íþróttinni, en capoeira er eins konar
sambland af bardagalist og dansi. FRÉTTABLAÐIÐ/VALLI
Heilsustofnun Náttúrulækninga-
félags Íslands (NLFÍ) býður upp
á tvenns konar dvalarmöguleika.
Annars vegar læknisfræðilega end-
urhæfingu, en þá er meðferð greidd
að stórum hluta af íslenska ríkinu
og í slíkum tilfellum er skilyrði að
læknir sendi inn beiðni fyrir dvöl.
Allir sem sækja um fá svarbréf þar
sem fram kemur tilboð um dvöl og
dvalartíma, en hægt er að velja um
einbýli eða tvíbýli.
Dæmi um kvilla sem boðið er upp
á meðferðir við í læknisfræðilegri
endurhæfingu eru verkir, gigtar-
sjúkdómar, offita, hjartasjúk dómar,
liðskiptaaðgerðir, streita, áföll og
missir, afleiðingar slysa, erfið veik-
indi, húðsjúkdómar, krabbamein,
reykingar, þreyta, þunglyndi og
kvíði og öldrunarendurhæfing.
Þá er boðið upp á hvíld, slökun
og endurhæfingu á Heilsustofnun
NLFÍ, en þá koma dvalargestir á
eigin vegum og bera allan kostnað
sjálfir. Dæmi um slíkt eru heilsu-
dagar og stakar meðferðir, en
Heilsustofnunin hefur sérhæft sig
í vatnsmeðferðum og sjúkranuddi.
Því er hægt að panta sjúkranudd,
partanudd og heilnudd, fara í fjöl-
breytt heilsuböð og leirböð þar sem
djúpur hiti slakar á vöðvum og linar
verki í stoðkerfi, ásamt því að hafa
góð áhrif á psoriasis og önnur húð-
vandamál. Eins er boðið upp á nála-
stungur við ýmsum kvillum, eins og
stoðkerfisverkjum, mjóbaksverkjum
og verkjum eftir hálshnykki.
Þess skal getið að öllum stendur
til boða að nýta sér aðstöðu í baðhús-
inu Kjarnalundi þar sem er 25 metra
útisundlaug, 15 metra innisundlaug,
heitir pottar, nuddpottar og fleira.
Heimilid: www.nfli.is.
- þlg
Heilsan endurheimt
hjá NFLÍ í Hveragerði
Fólk á öllum aldri leitar sér heilsubótar hjá Heilsustofnun NFLÍ í Hveragerði.
FRÉTTABLAÐIÐ/GVA
Engin málamiðlun í gæðum
Fæst í apótekum, heilsubúðum og Fríhöfninni.
Rannsóknir staðfesta árangur - www.celsus.is
1 hylk
i á dag
.
Virkar
strax!
Eykur styrk og þol vöðva
Betri árangur!
Vöðvabólga og stirðleiki
Byltingarkennt andoxunarefni !!
Lagar fljótt vöðvabólgu, stirðleika, eymsli, harðsperrur
og sinaskeiðabólgu.  Gefur aukna mýkt og vellíðan.
Eykur styrk og þol vöðva. Greinilegur  árangur við 
líkamsrækt, álagsvinnu og ferðalög.
Íþróttafólk og sjúkraþjálfarar mæla með AstaZan
AstaZan styrkir einnig húðina sem verður 
fallegri og fyrr brún í sól eða ljósabekk.