Fréttablaðið - 25.03.2009, Blaðsíða 36

25. MARS 2009 MIÐVIKUDAGUR10 ● fréttablaðið ● formúla 1
FERRARI BÍLLINN hefur verið samkeppnisfær á æfingum en tíma-
takan mun sína hvar við stöndum í raun og veru. Ég vann í Ástralíu 2007,
en var í vandræðum í fyrra. Trúlega þarf tvö til þrjú mót til að fá raun-
verulegan samanburð á milli bíla og liða. Kimi Raikkonen, Ferrari
BRAUTIN Í MELBOURNE hentar Renault-bílnum og því vonast
ég eftir góðum árangri. Ég tel að nýju reglurnar muni rugla röðinni og
McLaren og Ferrari verði ekki einráð lið. Það verður slagur á milli margra
liða. Fernando Alonso, Renault
ÞAÐ ERU MIKLAR VÆNTINGAR hjá öllum. Ég stefni á fremsta
stað á ráslínu og jafnvel þó það takist ekki, þá mun ég keppa til sigurs.
Jafnvel þó það takist ekki í fyrstu atrennu þá mun liðið leggjast á eitt að
ná hámarksárangri. Lewis Hamilton, McLaren
ÞAÐ ÞARF ÚTSJÓNARSEMI í nokkrum vandasömum beygjum í
Melbourne. Mér finnst sérstaklega gaman í tímatökunni á þessari braut.
Ég mætti snemma til Melbourne til að venjast aðstæðum og bíllinn er
öflugur. Jenson Button, Brawn GP
ÞAÐ VERÐUR SPENNANDI að sjá hvernig fer í fyrsta mótinu.
Maður verður að vera mjög nákvæmur við stýrið. Það verður fróðlegt að
sjá hvort framvængirnir hanga á bílnum eftir fyrstu beygju.
Robert Kubica, BMW Sauber
ÉG ER MJÖG BJARTSÝNN á gott gengi Toyota í ár. Nýi bíllinn er
besti keppnisbíll sem ég hef ekið hjá Toyota. Við erum reynslumeiri og
gátum barist um verðlaunasæti í fyrra og núna stefnum við hærra.
Jarno Trulli, Toyota
ÉG ER SÁTTUR við stöðu Ferrari gagnvart keppinautum okkar. Nema
náttúrulega gagnvart Brawn-liðinu. Ég veit ekki hvað veldur góðu gengi
Brawn og FIA verður að meta hvort allt er löglegt um borð í bílum sem
er á brautinni í fyrstu keppni. Felipe Massa, Ferrari
Sókndirfska skilar árangri
Nokkrir toppökumenn tjá sig um eigin möguleika í fyrsta
móti ársins á götum Melbourne.
Sjaldan eða aldrei hefur verið
jafn erfitt að ráða í möguleika
ökumanna og fyrir árið 2009.
Reglubreytingar, breyttir bílar, ný
dekk og jafnræði milli liða á æfing-
um í vetur hefur gert það að verk-
um að jafnvel veðbankar eru ráð-
þrota. Sömu gömlu vinnuþjarkarn-
ir fá alltaf sinn skerf af atkvæðum
og nýi meistarinn Lewis Hamilt-
on á sína aðdáendur. En ólíkt fyrri
árum eru McLaren og Ferrari ekki
einir um hituna.
BMW, Toyota, Renault og Brawn
hafa öll átt góða spretti á æfingum.
Ef einstökum ökumönnum er stillt
upp sem kandídötum hvað meist-
aratitilinn varðar, þá koma nöfnin
kunnuglega fyrir sjónir. Reynsla
og áræðni er það sem skiptir máli.
En jafnvel reynslan getur orðið að
falli eins og hjá Kimi Raikkönen í
fyrra. Hann sofnaði á verðinum og
fékk skömm í hattinn fyrir. Trú-
lega mætir hann tvíefldur til leiks,
eftir að hafa staðið í skugganum af
Felipe Massa.
Massa tapaði titlinum með eins
stigs mun og á harma að hefna.
Þegar hann byrjaði í Formúlu 1
var hann villti, tryllti ökumaður-
inn. Núna gerir hann vart mistök
og bilanir Ferrari-bílsins slógu
hann út af laginu í fyrra. Að öðrum
kosti hefði hann hampað titlinum,
hann vann sex sigra, en Hamilton
fimm. Þá hefur Massa verið fljótur
á æfingum og líkar vel við nýjan
Ferrari.
BMW STEFNIR Á TITILINN 2009
Samkvæmt þriggja ára plani BMW
er 2009 ár titilsóknar. Robert Ku-
bica náði forystu í stigamótinu í
fyrra, en framþróun bílsins var
ekki næg og Kubica var hinn fúl-
asti. Ástæðan var einföld. BMW
vildi fremur huga að 2009 bílnum
og það gæti skilað sér vel. KERS-
kerfið er tilbúið í BMW-bílnum
og Kubica og Nick Heidfeld munu
njóta þess. Heidfeld hefur mjúk-
an akstursstíl og það gæti hentað
á nýju Bridgestone-dekkjunum.
Ökumenn verða að nýta dekkin
skynsamlega. Kubica er grimm-
ari og trúlega líklegri til að skjóta
Ferrari og McLaren-mönnum ref
fyrir rass.
Talandi um grimmd. Fern-
ando Alonso nýtur virðingar sem
ökumaður. Hvort Renault-bíllinn
kemur vel undan vetri er annað
mál. Alonso vann tvo sigra á loka-
sprettinum í fyrra og talar dig-
urbarkalega þessa dagana. Hann
hefur unnið tvo titla með Renault
og erfitt ár með McLaren 2007 er
gleymt og grafið. Hann hefur graf-
ið stríðsöxina, nema þegar hann
mætir á brautina. Þá er hann til
alls vís. Renault-vélin er 20 hest-
öflum öflugri en í fyrra, en FIA
gaf leyfi fyrir aukningunni, þó
vélarþróun sé fryst. Ljóst þótti að
vélin var of afllítil miðað við vélar
annarra liða.
ENGIN SÝNDARMENNSKA HJÁ BRAWN
Sebastian Vettel á Red Bull. Hann
gæti verið Tróju-hesturinn í hópi
risanna. Vettel vann altént á Torro
Rosso í fyrra sem átti ekki að vera
hægt. Hann hræddist ekki rign-
inguna á Monza og kjarkur og þor
kappans er ómælt. Reyndar hafa
æfingatímar Red Bull ekki verið
afburðagóðir, en vagn Vettels er
einn sá rennilegasti. Renault-vélin
gæti skilað honum í toppsæti, en
titillinn er kannski ekki innan seil-
ingar enn sem komið er.
Þá er það Brawn-liðið. Jenson
Button og Rubens Barrichello
sýndu mátt sinn og megin á vetr-
aræfingum. Keppinautar þeirra
telja að það sé ekki hluti af sýnd-
armennsku, heldur hafi þeir verið
á raunhraða. Button og Barrichello
gætu unnið einstök mót, en stærri
er spurningin hvort liðið sem nán-
ast var afskrifað í vetur hefur bol-
magn til að standa í titilslag í 17
mótum. Sama má segja um Willi-
ams. Nico Rosberg og Kazuki
Nakajima virðast með góðan bíl í
höndunum.
En þó að rekstrarkostnaður liða
hafi minnkað í ár, þá er hætt við að
stóru liðin, BMW, Ferrari, McLar-
en, Toyota og Renault sláist um
toppsætin. Inn á milli gætu minni
spámenn velgt þessum liðum undir
uggum. - gr
Líklegastir til afreka
Slagurinn í mótum ársins í fyrra var harður og sjö mismunandi ökumenn náðu fyrsta sæti. Enn fleiri gætu blandað sér í topp-
slaginn á þessu ári. NORDICPHOTOS/GETTY

Mark Webber fótbrotnaði í haust. Hann
fór reglulega í 50 gráða kaldan kæliklefa
til að flýta fyrir bata og æfði af kappi.
MYND/KAPPAKSTUR.IS
Felipe Massa hjá Ferrari varð í öðru sæti í meistaramótinu í fyrra. Hann telur að
Ferrari-bíllinn sé tilbúinn í toppslaginn eftir góða útkomu á æfingum, víðs vegar um
heiminn í vetur. NORDICPHOTOS/GETTY
12V 3,6A 12V 0,8A
Tilboð í mars
10% afsláttur af þessum tveimur tækjum
ER RAFGEYMIRINN TÓMUR?
HLEÐSLUTÆKI
Kúlu- og rúllulegur Hjólalegusett
Viftu- og tímareimar Hemlahlutir
Hjöru- og öxulliðir Stýrisendar og spindilkúlur
E
i
n
n
t
v
e
i
r
o
g
þ
r
í
r
3
1
.3
0
1
Bílavarahlutir
Kúplingar- og höggdeyfar
TRAUSTAR
VÖRUR...
...sem þola álagið!
www.falkinn.is- Það borgar sig að nota það besta