Fréttablaðið - 01.04.2009, Blaðsíða 50

26 1. apríl 2009 MIÐVIKUDAGUR
Fjölþjóðasamvinna með Frakkland
í fararbroddi. Sýning sem er á leið-
inni til Frakklands þar sem Ísland
verður einnig kynnt með öðrum
menningarviðburðum í vor.
Ýmsu hefði mátt sleppa eins
og til dæmis nafninu. Þetta hefði
nefnilega getað verið svo margt
annað en sædýrasafn, en með því
að njörva heitið svona niður tak-
markast hugflæði áhorfenda nokk-
uð. Engu að síður var það einmitt
það sem áhorfendur þurftu á að
halda, sínu eigin hugflæði. Hér
flæddi allt í vatni og skírskotunum
í umgjörð sem hefði getað verið
plastpoki fljótandi úti á hafi eða
laxeldisbömmer eða neðanjarðar-
byrgi eða raunveruleikasjónvarps-
þáttur eða umsnúin túlkun á Dag-
bók Önnu Frank.
Á föstudagskvöldið var frönsk
frumsýning „dans le box“, í kassan-
um. Og þetta var líka dans í boxi,
dans í hjúp, örlagasaga systra eða
metingur um hver kann og getur
betur lifað af við óeðlilega aðstæð-
ur. Kannski var þetta saga um tvær
systur sem alltaf voru að metast á.
Önnur var barnlaus en hin eignað-
ist tvö. Sú barnlausa bætti sér það
upp með því að fóðra og laða til sín
sæskrímsli sem hún sagði að væri
kvenkyns og fékk því nafnið Bella,
hin fagra og fína, meðan börnin
tvö sem hin systirin átti voru eins
og samvaxinn ósjálfstæður berg-
málshnykill sem veltur um í þess-
ari einangruðu tilveru án framtíð-
ar eða eigin frumkvæðis. Er þetta
draumur systranna um ferðina til
Moskvu, að vísu er hún Moskva hér
París, hin undursamlega Parísar-
borg, eða er þetta aðferð til þess að
gera áhorfendur að glöðum þátttak-
endum með því að smokra inn í text-
ann að hin raunverulega paradís sé
í dropa af sólarkaffi á Ísafirði?
Er þetta leiklistartilraun í smart
upplýstu rými þar sem plast og
vatn mætist eins og eftirlíking
hvert af öðru? Er þetta hugmynd
um það hvernig fólk bregst við
þegar allt sem það átti er tekið af
því? Þetta er löng sýning í heillandi
umgjörð þar sem hin ýmsu kynja-
hljóð og fjarrænn söngur hleypa
hugmyndafluginu af stað þó ekki í
algert frelsi heldur niður í hafdjúp-
in eða í þau samskipti sem birtast
millum manna og hafs. Hjónin Karl
og Mæja eru á heimavelli. Þau eru
í beinu sambandi við þær skepnur
sem þau eru að annast, eða þjóna
og hin hjónin Villi og Elísabet flytja
til þeirra með viðundrin börnin sín
tvö sem virðast helst vera samvaxin
inni í einhvers konar hljóðvél. Plast-
skreyttur hermaður birtist einnig í
þessari einkennilegu tilveru. Villi
sem Björn Hlynur Haraldsson ljær
líf er algerlega með það á heilanum
hvernig hann og hans kynslóð lifði
af það stríð sem hann lenti í, hann
er eins konar gagnrýnisrödd sem
skilur ekki ungviðið.
Inni í hinum blauta búningi
skrímislisstelpunnar Bellu dans-
ar og rykkist Damien Jalet og sem
frumskrímslisdansari á íslensku
leiksviðið hlýtur frammistaða hans
að teljast sigur. Þau Vigdís Hrefna
Pálsdóttir og Ívar Örn Sverrisson
flétta saman öngum sínum í hlut-
verkum Lilla og Lóló með skrums-
kældum röddum eins og úr dollu
tala þau í kór og samvaxin ýmist
skríða þau eða tölta um í raun eins
og fulltrúar mjög margra ungmenna
sem eins og mamman segir í textan-
um hafa horft of mikið á sjónvarp.
Hlutverk þeirra er fremur eins og
einhvers konar effekt heldur en
eiginleg persónusköpun.
Með hlutverk Lísu eða Elísabetar
fer Elva Ósk Ólafsdóttir og það má
segja að túlkun hennar á þeirri
persónu sé þannig að hún verður
sú eina sem við virkilega kynn-
umst. Elva ljær henni festu og
sterkan vilja, það er spennandi að
fylgjast með henni og hver athöfn
trúverðug. Leikstjórinn hefur aftur
á móti valið að láta eiginmann henn-
ar leika á allt öðrum nótum sem
gerir það að verkum að hann í sam-
anburði við hana verður einhvers
konar myndskreyting.
Systirin Mæja sem Margrét Vil-
hjálmsdóttir leikur hefur aftur á
móti yfirmáta dramatíska nálg-
un eins og samsett af litlum hólf-
um. Stefán Hallur Stefánsson leik-
ur unga manninn Karl sem hefur
ýmsum verkum að sinna eins og
til dæmis að sjá um matarforðann
og nær hann jafnri túlkun þó svo
að áhorfendur kynnist nú vart per-
sónunni á nokkurn máta. Kannski
er það meiningin með verkinu að
aðeins móðirin verður auðskilin
persóna, allir aðrir eru bara hópur
í tilraun um það hversu margar app-
elsínur eða sundurskornir tómatar
nægja til þess að lifa af við undar-
legar aðstæður.
Höfundur verksins Marie Dar-
iieusecq er ein af frægustu skáld-
konum Frakka í dag. Þetta er fyrsta
leikritið hennar og það skrifað fyrir
íslenskt leikhús sem hlýtur að telj-
ast til merkra listviðburða. Hitt er
svo annað mál hversu merkur þessi
listviðburður er, því í formi sem
þessu verður auðvitað að gæta hófs
í sambandi við úthald áhorfenda.
Þessi sýning með bæði boðskap
sínum og hinu hljóð- og myndræna
samspili hefði verið hreint frábær
ef skærunum og taktsprotanum
hefði verið beitt af einhverri hörku
þannig að sýningin hefði orðið
helmingi styttri og þar með kannski
helmingi betri. Auðvitað þjást þeir
sem einhverra hluta vegna eru sett-
ir í geymslu úti á hjara veraldar og
ef það er meiningin að áhorfendur
eigi líka að þjást, finna fyrir bak-
inu, teygja úr fótunum og nudda
ísköld hné, þá hefur þessi sýning
algerlega hitt í mark.
Elísabet Brekkan
Híbýli hafsins hinsta skjól flóttafólks
LEIKLIST
Sædýrasafnið
eftir Marie Darrieussecq.
Þýðing: Sjón.
Leikmynd og búningar: Guilio
Lichtner. Tónlist og hljóðmynd: Barði
Jóhannsson. Lýsing: Scott Zielinski.
Sviðshreyfingar: Erna Ómarsdóttir
og Damien Jalet. Leikstjóri: Arthur
Nauzyciel.
★★
Listviðburður sem reynir á haus og
rass
Úrslit í hönnunarsamkeppni sem
Listasafn Reykjavíkur, Kraumur
og Hönnunarmiðstöð Íslands efndu
til um nytjahlut með innblæstri
eða tilvísun í listaverk eftir Erró
voru tilkynnt á föstudag í tengsl-
um við Hönnunardaga. Ingibjörg
Hanna Bjarnadóttir hlaut 500.000
króna verðlaun fyrir tillögu sína,
Minnistöflu.
Keppnin var ætluð fagmenntuð-
um hönnuðum og þeim sem heyra
undir aðildarfélög Hönnunarmið-
stöðvar Íslands. Listasafn Reykja-
víkur og Kraumur auk Samtaka
iðnaðarins lögðu til verðlaunaféð.
Við val á vinningstillögunni var
lögð áhersla á hönnunarþáttinn,
notagildi og sölumöguleika vör-
unnar. Þá var litið til framleiðslu-
ferilsins og þess hvort varan væri
framleidd innanlands, þó slíkt réði
ekki úrslitum.
Ingibjörg Hanna Bjarnadóttir er
fædd árið 1977 og hefur sýnt fram-
úrskarandi dugnað og atorku sem
hönnuður. Hún hefur komið fram
með ýmsan varning sem notið
hefur vinsælda. Erró veitti góð-
fúslegt leyfi fyrir því að verk hans
yrðu notuð í samkeppnina í heild
sinni eða hluti úr þeim. Stefnt er að
því að Minnistaflan verði fáanleg í
verslunum í maí. - pbb
Minnistafla
Errós
HÖNNUNARSAMKEPPNI Minnistafla
Ingibjargar Hönnu Bjarnadóttur.
Hefur þú það sem þarf
til þess að sigra?
SKRÁNING KL. 11.30 - 13.30 HJÁ:
á Íslandi • beautycamp@simnet.is
Aðeins í dag!
DynamoModels
Borgartúni 16, 4. hæð (nýju húsunum)
Fyrsta sinn á Islandi!
Viltu taka þátt í skemmtilegu helgarævintýri með leibeinanda
sem hefur um árabil séð um hár og förðun fyrir færustu hönnuði heims,
unnið við tónlistarmyndbönd og kvikmyndir ásamt því að farða og
greiða kvikmyndastjörnum víðs vegar um heiminn?
Í tilefni þess að við erum að fara af stað með sjónvarpsþáttinn
BEAUTY CAMP WEEKEND í samvinnu við DynamoModels,
leitum við að 15 kröftugum einstaklingum af báðum kynjum
til þess að taka þátt, helgina 24.04 - 28.04.
Í þættinum sem er af amerískri fyrirmynd er keppt í snyrtingu,
útlitsþrautum og hvers kyns líkamlegri umhirðu. Þátttakendur ganga
í gegnum krefjandi en athyglisverða keppni þar sem
öllum brögðum er beitt til þess að umbreyta útlitinu og sigra.
Þeir 2 sem að lokum sitja eftir sem sigurvegarar fá að launum
ferð til LOS ANGELES, heimsækja höfuðstöðvar BEAUTY CAMP,
hitta kvikmyndastjörnur, skoða tískuhús o.m.fl.
• Speed Paint
• Pédicure sucer
• Manicure Testiquele
• Enema Puta
• Detox Extreme
• Toothpicking Basics
• Brazilian Technique
• Libido Acupressure
• Nuptial Body Treatment
• Colonoscopy
• Eybrow Inital blackening
• Nail Removal Renisance