Fréttablaðið - 01.04.2009, Blaðsíða 62

38 1. apríl 2009 MIÐVIKUDAGUR
1
6 7 8
10
13
119
12
15
16
18
21
20
17
14
19
2 3 4 5
BESTI BITINN Í BÆNUM
LÁRÉTT
2. hæfileiki, 6. í röð, 8. meðal, 9.
keyra, 11. tveir eins, 12. aðferð, 14.
vörubyrgðir, 16. fæddi, 17. kk nafn,
18. rell, 20. klaki, 21. nabbi.
LÓÐRÉTT
1. íþróttafélag, 3. fisk, 4. ölvun, 5.
styrkur, 7. dynkur, 10. skel, 13. temja,
15. á fæti, 16. rjúka, 19. tveir eins.
LAUSN
LÁRÉTT: 2. gáfa, 6. rs, 8. lyf, 9. aka,
11. ll, 12. meðal, 14. lager, 16. ól, 17.
ari, 18. suð, 20. ís, 21. arða.
LÓÐRÉTT: 1. fram, 3. ál, 4. fyllerí, 5.
afl, 7. skellur, 10. aða, 13. aga, 15. rist,
16. ósa, 19. ðð.
„Ég er ekki sannfærður um að ham-
borgarar séu fitandi,“ segir Tómas
Tómasson, eigandi Hamborgara-
búllunnar, sem verður sextugur á
laugardaginn. Til að sýna fram á
það ákvað hann að sitja fyrir ber
að ofan þrátt fyrir að hafa borðað
einn hamborgara á dag að meðal-
tali síðustu fimm ár en Búllan er
einmitt fimm ára í apríl. „Núna
þennan mánuð [mars] er ég búinn
að borða meira en bara einn til að
afsanna að þeir séu fitandi,“ segir
hann.
Sagan á bak við uppátæki Tóm-
asar er sú að samstarfsmaður hans
stækkaði 25 ára gamla mynd af
honum úr tímaritinu Samúel sem
var tekin af honum berum að ofan
í Los Angeles. „Ég var svo bara
kallaður til og mér sagt að mynd-
in væri komin upp og ég varð bara
að sætta mig við það,“ segir hann
en myndin hangir uppi utan á Búll-
unni við Geirsgötu.
Tommi segist hafa æft stíft í Los
Angeles á staðnum Golds Gym sem
hefur verið kallaður mekka lík-
amsræktar í heiminum. „Við fórum
þangað ég og félagi minn og vorum
þar að æfa í tæpt ár. Að loknu þessu
ári var þessi mynd sem núna prýð-
ir Búlluna tekin,“ segir Tommi,
sem æfir núna í World Class.
„Þegar ég var búinn að selja millj-
ón Tommaborgara tók ég mér árs
frí meðan ég var að átta mig á hvað
ég tæki mér næst fyrir hendur. Á
þeim tíma kynntist ég Hard Rock
Café-mönnunum sem varð síðar
mitt næsta verkefni. Á meðan ég
var að fá yfir mig andann var ég
þarna og lyfti lóðum og reyndi að
koma kroppnum í samt lag,“ segir
hann. „Sumir halda að myndin sé
fótó sjoppuð en það er nú ekki.“
Tommi segist enn vera í fínu
formi þrátt fyrir að vera orð-
inn sextugur og hamborgaraát-
ið breyti þar engu. „Ég hugsa að
maður fái aldrei leið á hamborg-
urum, soðinni ýsu og pylsum. Sá
matur sem við Íslendingar erum
aldir upp við, súpukjöt og svona,
er svo látlaus þannig að maður
getur alltaf fengið sér einn þótt
maður sé kannski búinn að borða
nóg í dag. Ég bíð spenntur eftir
því að fá fyrsta borgara dagsins,
ég skil ekki af hverju ég fæ ekki
leið á þessu,“ segir hann og bætir
við: „Ég vil taka það fram að það
er ekkert eins skemmtilegt og að
steikja hamborgara. Ég get staðið
allan daginn og steikt hamborgara
og ég er ekki að skrökva.“
Í tilefni sextugsafmælisins ætlar
Tommi að hitta þrjú af börnunum
sínum í Los Angeles, þau Mel-
korku, Yngva Tý og Tómas Áka.
„Við ætlum að eyða afmælisdeg-
inum saman. Þau búa hingað og
þangað um heiminn og við ætlum
að sameinast öll í Los Angeles,“
segir hann áður en hann rífur sig
úr að ofan. freyr@frettabladid.is
TÓMAS TÓMASSON: SEXTUGUR Á LAUGARDAGINN EN Í FÍNU FORMI
Lifandi sönnun þess að
borgarar eru ekki fitandi
BER AÐ OFAN Tómas Tómasson ber að ofan og í fínu formi fyrir utan Hamborgara-
búlluna á Geirsgötunni. Myndin sem hann stendur við er úr Samúel fyrir 25 árum.
FRÉTTABLAÐIÐ/ANTON
„Ég geri kannski ekki þá kröfu að
RÚV sýni beint frá þessari keppni
en mér finnst að hún eigi að taki
þetta upp og sýna enda þykir mér
að RÚV eigi að sinna þessari sjálf-
sprottnu menningu,“ segir Katrín
Jakobsdóttir menntamálaráðherra.
Katrín var innt eftir viðbrögðum
við þeirri ákvörðun RÚV að sýna
ekki frá Söngkeppni framhalds-
skólanna sem fram fer á Akureyri
þann 18. apríl. Henni finnst eft-
irsjá af þessari keppni á dagskrá
RÚV.
Töluverðrar óánægju gætir
meðal framhaldsskólanema með
þá ákvörðun RÚV að taka söng-
keppnina af dagskrá. Auður Kolbrá
Birgisdóttir, nemandi í Kvenna-
skólanum í Reykjavík, hefur stofn-
að Facebook-síðu þar sem skorað
er á RÚV að endurskoða þessa
ákvörðun. Og viðbrögðin hafa
verið gríðarleg. Þegar þetta er
skrifað hafa vel á fjórða þúsund
einstaklingar skráð sig á síðuna.
„Þetta er nettur skandall, okkur
finnst RÚV höfða mikið til eldra
fólksins en gleyma okkur sem
erum yngri,“ segir Auður en hún
stefnir á að ná tíu þúsund „vinum“
í lok þessarar viku. „Krökkum í
grunnskóla og alveg upp í háaldrað
fólk þykir þessi keppni áhugaverð,“
bætir Auður við. Samkvæmt síð-
ustu tölum frá Hagstofunni stunda
rúmlega tuttugu þúsund nám í dag-
skóla á framhaldsskólastigi.
Þórhallur Gunnarsson, dag-
skrárstjóri RÚV, segir að þetta
breyti engu um ákvörðun RÚV.
„Auðvitað vildum við keyra á full-
um dampi en eins og ástandið er
í dag þá er það ekki hægt.“ Hann
segir jafnframt að stærsti kostn-
aðarliðurinn sé staðsetning keppn-
innar á Akureyri. „En hvort það
hefði breytt einhverju, að
keppnin væri haldin hér
fyrir sunnan, leyfi ég mér
að efast um,“ segir Þór-
hallur. Hann bætir því við
að upphaflega hafi staðið
til að keppnin færi fram
4. apríl, sama kvöld og
úrslitaviðureignin í Gettu
betur er. „Breytt dagsetn-
ing skiptir samt engu,
útsendingin er of dýr
fyrir okkur núna.“ - fgg
Framhaldsskólanemar æfir út í RÚV
EFTIRSJÁ Katrín Jakobs-
dóttir vill veg Söngkeppn-
innar sem mestan. Þór-
hallur Gunnarsson segir
keppnina of dýra í ár.
Hljómsveitin Dr. Spock ætlar
að taka upp nýtt útvarpsleikrit í
samvinnu við Rás 2 sem verður
byggt á síðustu plötu hennar,
Falcon Christ. Leikritið,
sem er yfir klukkutími
að lengd, verður flutt á
skírdag og endurflutt á
annan í páskum. Verð-
ur það auglýst sem
páskaleikrit Rásar 2.
„Þetta er í rauninni
byggt á þessum hugarheimi sem
varð til í kringum plötuna okkar,“
segir söngvarinn Óttarr Proppé,
sem er að leggja loka-
hönd á handritið. „Þegar
við vorum að vinna músík-
ina við plötuna varð til einhver
sápuóperuheimur sem við sáum
hljómsveitina passa í. Við sáum
plötuna dálítið fyrir okkur sem
„sándtrakk“ við ímynd-
aða bíómynd og það má
segja að síðan hafi kvikn-
að þessi hugmynd um að
byggja útvarpsleikrit
á bíómyndinni sem er
ekki til.“
Upptökur á leikrit-
inu fara fram annað
kvöld og hljómsveit-
inni innan handar verður starfs-
fólk Rásar 2. Óli Palli verður sögu-
maður, Margét Erla Maack leikur
örlagakvendi og Freyr Eyjólfsson
illmennið.
Dr. Spock hefur á ferli sínum
verið ófeiminn við að prófa nýja
hluti og er skemmst að minn-
ast útgáfutónleika sveitarinnar í
miðjum spinningtíma fyrir jólin.
„Við erum alltaf að leita okkur
að rétta forminu til að tjá okkur
almennilega. Þetta er bara hluti af
þeirri leit,“ segir Óttarr. „Þetta er
algjörlega nýtt fyrir okkur öllum
og eftir því sem ég best veit er
þetta í eitt af fyrstu skiptunum
sem það er flutt útvarpsleikrit
upp úr poppplötu, þannig að þetta
er mjög spennandi.“ -fb
Dr. Spock semur páskaleikrit Rásar 2
SPOCK Á RÁS 2 Ólafur
Páll Gunnarsson
verður sögumaður
páskaleikrits Dr.
Spock. Óttarr
Proppé segir
þetta spenn-
andi verkefni.
Ég fer oftast á Bæjarins bestu
þegar ég fæ mér skyndibita.
Pylsu og kók og svo skrepp ég
upp í Vikivaka eftir lakkrísröri
sem er ómissandi með. Þegar
ég vil gera betur við mig fer ég
á Shalimar í Austurstræti og fæ
mér einhvern indverskan rétt
dagsins.
Jóna Ingibjörg Jónsdóttir, hjúkrunar- og
kynfræðingur
Stefán Karl Stefánsson situr ekki
auðum höndum á meðan hann
bíður eftir niðurstöðum úr hinum
og þessum áheyrnarprufum í hinni
stóru Ameríku. Kappinn er nefni-
lega að setja saman
sína fyrstu breiðskífu
fyrir börn og unglinga
og mun hún koma
út í sumar á vegum
Senu. Stefán þykir
ansi liðtækur söngvari
eins og hann hefur sýnt
með Stuðmönnum og
auðvitað í Latabæ og
söngleiknum um
Trölla.
Vantrú hefur kunngjört hver er
handhafi hinna árlegu Ágústín-
usar-verðlauna sem félagið hefur
veitt síðan 2005. Sigurvegarinn
þarf að hafa ögrað mannlegri
skynsemi með orðum sínum og
það kemur kannski ekki á óvart að
hann skuli koma úr prestastéttinni.
En sigurvegarinn er sr. Þórhallur
Heimisson og orðin sem hann lét
falla um Svarthöfða-uppákomuna
frægu. Í sætunum fyrir neðan hann
eru kannski nöfn sem
koma á óvart en
það eru fyrrum
samherjarnir úr
ríkisstjórn Sjálf-
stæðisflokks og
Framsóknarflokks,
þau Þorgerður
Katrín Gunnars-
dóttir og Guðni
Ágústsson.
Tónlistartímaritið Mónitor er hvergi
nærri dautt úr öllum æðum þó
tölublöðum hafi fækkað og kemur
Mónitor nú út ársfjórðungslega. Atli
Fannar Bjarkason, hinn skeleggi
ritstjóri, situr nú sveittur við að
klára vorritið sem kemur út 8. apríl.
Atli segist á Facebooksíðu sinn vera
að vinna viðtal við andstæðu sína
og þarf engum að koma á óvart
sem þekkir Atla að sú
andstæða er ímynd
heilbrigðis – en til Atla
Bjarka sást í Hafnar-
firði á tali við skær-
ustu handboltastjörnu
landsins: Aron
Pálmarsson.
-fgg, jbg
FRÉTTIR AF FÓLKI
NUDD
Verð frá
1690.-
Selásbraut 98
110 Árbæ S:577 3737