Morgunblaðið - 10.01.2006, Blaðsíða 1

Íslendingur
á toppnum
Eyþór Guðjónsson ánægður með
velgengni Hostel Menning
Íslensk hönn-
un í London
Roðtöskur og lopahúfur frá Íslandi
til sölu í Knightsbridge Daglegt líf
Íþróttir í dag
STOFNAÐ 1913 9. TBL. 94. ÁRG. ÞRIÐJUDAGUR 10. JANÚAR 2006 PRENTSMIÐJA MORGUNBLAÐSINS mbl.is
HÆSTIRÉTTUR staðfesti í gær
úrskurð Héraðsdóms Reykjavíkur,
um að hafna kröfu verjenda í
Baugsmálinu, að átta ákæruliðir,
sem enn eru fyrir héraðsdómi,
verði látnir falla niður. Féllst
Hæstiréttur ekki á að settan rík-
issaksóknara hafi skort umboð til
að fara með málið. Þá hafi dóms-
málaráðherra ekki verið vanhæfur
til að skipa sérstakan saksóknara.
„Við erum ánægð með að það
skuli vera komin niðurstaða um
þennan ágreining,“ segir Gestur
Jónsson, verjandi Jóns Ásgeirs Jó-
hannessonar. „Það er niðurstaða
Hæstaréttar að málið geti haldið
áfram og það séu engin vandamál
sem tengjast skipun saksóknarans.
Það er búið að leiða það álitaefni til
lykta,“ segir hann. „Það sem er
fram undan hjá okkur er að reyna
að þrýsta á um að aðalmeðferð í
þessu máli geti farið fram jafnfljótt
og verða má,“ segir Gestur.
„Dómurinn er nánast óbreytt
staðfesting á úrskurði héraðs-
dóms,“ segir Sigurður Tómas
Magnússon, settur ríkissaksókn-
ari. „Þessi dómur talar sínu máli.
Nú heldur málið bara áfram.“
Gestur segir enn fremur að skv.
niðurstöðu Hæstaréttar leiki ekki
lengur vafi á um umboð og heim-
ildir saksóknara. „Það er hins veg-
ar mjög merkilegt í þessum dómi
að dómurinn telur greinilega að
það hafi verið mikið álitamál hvort
hæfi Björns Bjarnasonar hafi verið
fyrir hendi,“ segir hann og vísar til
orðalags í dómnum.
Í umfjöllun sinni um þetta segir
Hæstiréttur: „Fallist er á með hér-
aðsdómara að ýmis þessara um-
mæla séu mjög gagnrýnin í garð
Baugs hf. og að minnsta kosti
sumra varnaraðilanna, en ekki
verður séð að þau tengist sérstak-
lega einstökum sakarefnum í mál-
inu. Er heldur ekki fram komið að
ráðherrann fari með stjórnsýslu-
vald á þeim sviðum, sem ummæli
hans varða. Að öllu virtu er ekki
nægilega sýnt fram á að ráð-
herrann hafi með ummælum sínum
orðið vanhæfur til að setja ríkis-
saksóknara í málinu og að líta beri
svo á að af þeirri ástæðu hafi ekki
verið sótt þing af hálfu ákæruvalds
er það var tekið fyrir í héraðs-
dómi.“
Páll Hreinsson, lagaprófessor
við HÍ, segir að niðurstaðan um
hæfi ráðherra sé nokkuð í sam-
ræmi við dómaframkvæmd sem
fylgt hefur verið hingað til. Hún sé
einnig í samræmi við dómafram-
kvæmd sem megi t.d. finna í Dan-
mörku. „Þar eru ráðherrum játað-
ar mjög rúmar heimildir til þess að
tjá sig, enda fara þeir með pólitíska
stefnumótun og verða að geta
brugðist við á líðandi stund.“
Í dag verður fyrirtaka í Héraðs-
dómi Reykjavíkur, vegna þess
þáttar málsins er varðar beiðni rík-
issaksóknara um dómkvadda
matsmenn til að yfirfara rannsókn-
argögn.
Kröfum um niðurfellingu Baugsmálsins hafnað í Hæstarétti í gær
Aðalmeðferð hefjist
eins fljótt og verða má
Eftir Ómar Friðriksson
omfr@mbl.is

Dómur | 10 og forystugrein
„ÉG fagna því að Hæstiréttur
skuli staðfesta niðurstöðu héraðs-
dóms og unnt verði að snúa sér að
því að fjalla efnislega um þetta
flókna mál,“ segir Björn Bjarna-
son dómsmálaráðherra um dóm
Hæstaréttar í gær.
„Mér kom aldrei til hugar að ég
væri vanhæfur til að setja rík-
issaksóknara
til að fara með
málið, þótt stór
orð hafi verið
látin falla í
minn garð af
hálfu sumra, sem sæta ákæru í
Baugsmálinu eða halda uppi
vörnum fyrir þá,“ segir Björn.
Kom aldrei til hugar
að ég væri vanhæfur
Björn Bjarnason
Garcia getur leikið  Ísland fái sæti í
Skandinavíudeildinni  Nýtt líf Adrians
Mutu  Appleby varðist Singh
STARFSMENN borgaryfirvalda í Istanbúl í Tyrk-
landi eltast við grunsamlegan kjúkling sem þeir
hyggjast aflífa. Þar eru menn byrjaðir að láta farga
fuglum á stórum alifuglabúum af ótta við fuglaflens-
una sem hefur orðið tveimur börnum að bana í aust-
anverðu landinu. Fimm ný tilfelli af fuglaflensu í fólki
hafa greinst í landinu en 12 manns í Istanbúl, sem
grunur lék á að hefðu smitast, reyndust ekki vera
það. Sænskir vísindamenn við Karólínsku stofnunina,
sem rannsakað hafa fuglaflensuna í Asíu, segja hana
mun útbreiddari en talið hafi verið en ekki jafn
hættulega fólki og óttast hafi verið. Flestir sem hafi
smitast lifi veikina af og allir sem hafi dáið hafi kom-
ist í snertingu við sýkta fugla eða afurðir þeirra.
Reuters
Grunsamlegur kjúklingur
SIF Vígþórsdóttir, skólastjóri
Norðlingaskóla, hefur að frum-
kvæði Reykjavíkurborgar unnið að
því að breyta launa- og vinnutíma-
fyrirkomulagi kennara við skólann.
Hún segir að markmiðið sé að geta
betur mætt þörfum skólans og þró-
un hans. Samkomulag um þetta
efni var undirritað milli skólans og
fræðsluyfirvalda í ágúst sl.
Ósátt við afstöðu FG
„Í samkomulaginu eru laun
kennara við skólann hækkuð um 31
til 35% gegn því að vinnuskyldan
þeirra sé frábrugðin þeirri vinnu-
skyldu sem skilgreind er í kjara-
samningi grunnskólakennara,“ út-
skýrir Sif. Hún segir að
samkomulagið sé byggt á bókun
fimm í kjarasamningi grunnskóla-
kennara. Félag grunnskólakenn-
ara (FG) er hins vegar andvígt
samkomulaginu. „Það er skoðun
FG að fræðsluyfirvöld Reykjavík-
ur og skólastjóri og kennarar
Norðlingaskóla geti með góðu móti
rammað það skólastarf og þá
skólastefnu sem fyrirhuguð er í
skólanum inn í núverandi samn-
ing,“ segir í greinargerð FG.
Sif kveðst afar ósátt við afstöðu
Félags grunnskólakennara.
Deilt um
tilraun með
vinnutíma og
laun kennara

Vill gera tilraun með laun | 6
STJÓRNVÖLD í Bandaríkjunum og
Frakklandi vöruðu í gær klerkastjórnina
í Íran við því að hefja á ný eftir tveggja
ára hlé tilraunir með kjarnorkueldsneyti.
Vesturveldin óttast að tilraunirnar séu
aðeins skálkaskjól fyrir tilraunir til að
smíða kjarnavopn. „Við hvetjum Írana til
að afturkalla strax og skilyrðislaust þessa
ákvörðun sína,“ sagði Philippe Douste-
Blazy, utanríkisráðherra Frakklands, eft-
ir fund í París með Javier Solana, sem
fer með utanríkismál Evrópusambands-
ins.
Íranar fullyrða að ætlun þeirra sé ein-
göngu að vinna að friðsamlegri notkun
kjarnorku, einkum framleiðslu á raf-
magni. Þeir hafa á hinn bóginn hafnað
boði Rússa um að framleiða eldsneytið.
Yfirmaður Alþjóðakjarnorkumálastofn-
unarinnar, IAEA, Mohammad ElBaradei,
sagði í gær að ríki heims væru að „missa
þolinmæðina“ gagnvart Íran. Talsmaður
stjórnar George W. Bush Bandaríkja-
forseta, Scott McClellan, varaði Írana við
því að svo gæti farið að málið yrði tekið
fyrir í Öryggisráði Sameinuðu þjóðanna.
Þar gæti niðurstaðan orðið sú að sam-
þykkja refsiaðgerðir gegn Íran fyrir að
brjóta gegn ákvæðum alþjóðlegra samn-
inga sem ríkið á aðild að og kveða á um
bann við frekari útbreiðslu kjarnavopna.
AP
Javier Solana (t.h.) og Philippe Douste-
Blazy á fundinum í París í gær.
Íranar
varaðir við
Eftir Kristján Jónsson
kjon@mbl.is
Chicago. AFP. | Mús í borginni Fort
Sumner í Nýju-Mexíkó í Bandaríkj-
unum hefndi sín grimmilega á
manni sem rakst á hana og ætlaði
að drepa hana með því að fleygja
henni í hrúgu af brennandi laufi.
Hún brenndi timburhús mannsins
til ösku.
Eigandi hússins, hinn 81 árs
gamli Luciano Mares, segist hafa
veitt músina í húsi sínu um helgina
og fleygt henni á hrúguna sem
brann glatt í garðinum. „Músin var
byrjuð að loga en þá hljóp hún að
húsinu,“ sagði hann í samtali við
blaðið Clovis News Journal.
Juan Chavez, slökkviliðsstjóri á
staðnum, sagði músina hafa komist
að einum veggnum og eldurinn úr
henni greinilega læst sig í timbrið.
Liðsmenn tveggja slökkviliða börð-
ust í tvær stundir við eldinn en allt
kom fyrir ekki; húsið brann til ösku.
Mýslan sem
hefndi sín