Morgunblaðið - 10.01.2006, Blaðsíða 17

MORGUNBLAÐIÐ ÞRIÐJUDAGUR 10. JANÚAR 2006 17
MINNSTAÐUR
Gleðilegt
fyrirtækjaár
Erum eins og venjulega eftir áramót að gera upp og endurnýja
fyrirtækjaskrána okkar og kalla eftir nýjum fyrirtækjum. Eins og
flestir vita erum við langelsta fyrirtækjasala landsins. Höfum
kaupendur að eftirtöldum fyrirtækjum:
1. Veislueldhús.
2. Með rafmagnsvörur.
3. Heildverslun sem selur í lyfjabúðir.
4. Litla heimilislega verslun.
5. Heildverslun eða golfbúð.
6. Góða sportvöruverslun.
7. Bílasprautunarverkstæði.
8. Framleiðslufyrirtæki f. 10-15 manns.
9. Lélegt fyrirtæki í góðu húsnæði.
10. Góðar fiskbúðir eða hentugt húsnæði.
Hafið samband við okkur. Við gætum haft kaupanda á skrá
hjá okkur. Allar upplýsingar í fullum trúnaði eins og alltaf hef-
ur verið.
Upplýsingar veittar á skrifstofunni. Ekki í síma eða á netinu.
Skráin á netinu: www.fyrirtaeki.is
Lögg. fasteignasali: Bergur Guðnason hdl.
Elsta fyrirtækjasalan á landinu.
AKUREYRI
SUÐURNES
Reykjanesbær | Settur hefur verið
upp frisbígolfvöllur í Reykjaneshöll-
inni og er hann líklega eini folfvöll-
urinn innan dyra hér á landi. Hann
er opinn á morgnana en þá er oft
margt um manninn í Reykjaneshöll-
inni, meðal annars eldri borgarar í
göngu.
Frisbígolf eða folf er vanalega
leikið eftir svipuðum reglum og golf
nema hvað notaðir eru frisbídiskar
og þeim er kastað í körfur eða mörk.
„Við sáum þessi tæki í bæklingi sem
við vorum að skoða og langaði að
prófa eitthvað nýtt,“ segir Guðmund-
ur Sighvatsson, forstöðumaður
Reykjaneshallarinnar. Er þetta níu
holu folfvöllur en Guðmundur tekur
fram að hann sé ekki eins fullkominn
og völlurinn í Grafarvogi. Í Reykja-
neshöllinni eru skotmörk með neti en
í Grafarholti eru sérsmíðaðar körfur.
Er því væntanlega auðveldara að
hitta í mörkin í Reykjaneshöllinni.
Ekki veit Guðmundur af forfölln-
um frisbígolfurum á Suðurnesjum
enda segir hann að aðstaðan sé ný-
komin upp. Starfsmenn hallarinnar
hafa verið að leika sér í folfinu til að
prófa völlinn. Guðmundur vonast svo
til þess að eldri borgarar nýti sér að-
stöðuna en margir þeirra ganga í
Reykjaneshöllinni á morgnana en
hann tekur fram að aðstaðan sé opin
öllum fram til klukkan tvö á daginn.
Völlurinn í heild er þó aðeins upp-
settur á þriðjudögum og fimmtudög-
um. Menn þurfa ekki einu sinni að
hafa með sér frisbídiska því Reykja-
neshöllin á nokkra slíka.
Frisbígolfvöllur hefur verið settur upp í Reykjaneshöllinni
Vonast til að eldri
borgarar prófi
Ljósmynd/Dagný Gísladóttir
Folf Jónas Fransson starfsmaður Reykjaneshallar sýnir frisbígolf.
Fræðslufundur um svefn |
Krabbameinsfélag Suðurnesja og
stuðningshópurinn Sunnan 5 halda
opinn fræðslufund miðvikudaginn
11. janúar 2006 kl. 20 á Smiðjuvöll-
um 8 (í húsi Rauða krossins) í
Reykjanesbæ. Hjördís B. Tryggva-
dóttir, sálfræðingur á svefnrann-
sóknastofu LSH, mun halda fyr-
irlestur um svefn og svefnerfiðleika.
Markmið stuðningshópsins Sunn-
an 5 er að einstaklingar sem greinst
hafa með krabbamein hitti aðra sem
gengið hafa í gegnum svipaða
reynslu til að fá fræðslu og styrk
hver frá öðrum. Allir sem hafa
áhuga eða vilja leggja málinu lið eru
velkomnir.
  
Reykjanesbær | Fjöldi ungra sundgesta nær þrefaldaðist fyrstu viku ársins,
eftir að ákveðið var að bjóða öllum grunnskólanemendum í Reykjanesbæ
frítt í sund. Alls nýttu 197 grunnskólabörn í Reykjanesbæ sundlaugarnar í
bænum gjaldfrjálst fyrstu vikuna í janúar. Á sama tíma fyrir ári var gjald-
taka í sund og komu þá 73 grunnskólabörn, að því er fram kemur á vef
Reykjanesbæjar. Á síðasta ári sóttu 155.914 gestir sundstaði Reykjanes-
bæjar. Er það 3,34% aukning frá árinu á undan. Mest munar um stórfellda
aukningu að Sundlaug Njarðvíkur.
Gestafjöldi annarra íþróttamannvirkja dregst saman um 1,58% milli ára
en samtals voru gestir árið 2005 304.119. Fækkunina má að stórum hluta
rekja til þess að Reykjanesbær leigir tíma í nýrri Íþróttaakademíu til afnota
fyrir íþróttafélög og eru upplýsingar um þá iðkendur ekki teknar saman,
að því er fram kemur á vef bæjarins. Samtals var gestafjöldi í öll íþrótta-
mannvirki 460.033 sem er nánast sami fjöldi og árið áður.
Þrefalt fleiri börn í sund
milljónir króna og var hluturinn
seldur á tvöföldu nafnverði.
HS hf. bauð hluthöfum að kaupa
hlutaféð á sömu kjörum og eru bæj-
arstjórnirnar á veitusvæðinu, sem
eiga meirihluta hlutafjár, að taka af-
stöðu til þess þessa dagana. Flest
sveitarfélögin á Suðurnesjum vilja
nýta forkaupsrétt sinn og kaupa við-
bótarhlutafé ef aðrir nýta ekki sinn
rétt til fulls. Sveitarfélagið Árborg
hefur tekið sömu afstöðu.
Auka hlut sinn í HS | Sveitarfé-
lagið Álftanes hefur selt Hitaveitu
Suðurnesja hf. eignarhlut sinn í HS.
Nafnverð hlutabréfanna er um 13,5
MARKMIÐIN fyrir árið 2006 hafa
ekki enn verið sett, en líklegt má
telja að innan tíðar setjist þeir niður
á feðgafundi, Halldór Jónsson og
Guðlaugur Már sonur hans, aksturs-
íþróttamaður og nýkrýndur Íþrótta-
maður Akureyrar og ræði um árið
framundan. Þau markmið sem sett
voru fyrir nýliðið ár, að aka kvart-
míluna á Subaru Impreza götubíl
undir 10 sekúndum, náðust í keppni
á Bretlandi í fyrrasumar.
Guðlaugur á að baki glæstan feril
í akstursíþróttum, var m.a. Íslands-
meistari í sínum flokki þau ár sem
hann keppti hér heima, þ.e. frá 2002
til 2004 og á Íslandsmet í götu-
spyrnu og kvartmílu.
Vissi að strákurinn gat keyrt
Hann fer aftur til ársins 1994 þeg-
ar hann er beðinn um að rifja upphaf
ferilsins upp. Að morgni þjóðhátíð-
ardagsins, 17. júní hringdi í hann
sjómaður, staddur á hafi úti og bað
hann að aka bifreið sinni í árlegri
götuspyrnu á Akureyri, „hann vissi
að strákurinn gat keyrt,“ segir Hall-
dór, en Guðlaugur sló til þó ekki
væri neitt svigrúm til æfinga. Keppti
sem sagt í spyrnunni og gerði sér lít-
ið fyrir og sigraði. „Ég hafði keppt á
vélsleða um skeið, keypti mér sleða
um leið og ég fékk réttindi til að aka
slíku farartæki, keppti mikið og
gekk vel,“ segir Guðlaugur, en eftir
götuspyrnuna ’94 var rólegt næstu
árin eins og hann orðaði það.
Það var svo árið 1999 sem faðir
hans keypti Subaru bifreið, „og við
vorum svona að hrækja í hann,
þreifa okkur áfram og skoða þetta
allt saman,“ segir hann en sumarið
2001 hóf Guðlaugur fyrst að nota
hann í keppni. Það gekk með ágæt-
um, hann varð strax sigursæll.
Halldór hefur lengi verið það sem
kallað er bíladellukall, vann fyrsta
rallið sem efnt var til hér á landi,
þjóðhátíðarárið 1974 og keppti allt
til ársins 1979 og var jafnan í ein-
hverjum af efstu sætunum. „Þetta
hefur kannski smitað drenginn eitt-
hvað,“ segir hann.
Að vera snöggur
að skipta um gír
Guðlaugur hélt ótrauður áfram,
náði því að verða Íslandsmeistari ár
eftir ár og setja hraðamet. Hann
náði því að bæta sig um eina sek-
úndu árlega, fór kvartmíluna árið
2002 á 12.846 og náði svo þeim ár-
angri í fyrrasumar að aka undir 10
sekúndum, á 9.841. Þar með varð
hann fyrstur í heiminum til að aka
beinskiptum götubíl, Subaru Im-
preza STi, kvartmíluna undir 10 sek-
úndum. Slíkt er mun vandasamara
en þegar ekið er á sjálfskiptum bíl
og þá gildir að vera snöggur að
skipta um gír!
„Nei, ég hef ekki haft mikil tök á
að æfa mig,“ segir Guðlaugur, enda
er bifreiðin oft úti í Bretlandi, var
þar til að mynda allt síðastliðið ár.
Hann tók þátt í nokkrum keppnum
þar í landi síðastliðið sumar og vakti
verðskuldaða athygli. Hann tvíbætti
met sitt á Elvington brautinni um
mitt sumar og gerði sér lítið fyrir,
bætti enn um betur í götubílakeppni
sem honum var boðið að taka þátt í á
Santa Pod brautinni næstu helgi á
eftir og bætti met sitt þá einnig tví-
vegis.
Þeir feðgar stefna að því að taka
þátt í á bilinu 4–7 keppnum í ár, en
segjast enn ekki hafa ákveðið ná-
kvæmlega hvar og hvenær. „Við
vonumst til að gera verið með af full-
um krafti þetta árið og setjum okkur
auðvitað raunhæf markmið þegar
þar að kemur,“ segir Halldór. Þegar
er þó ákveðið að farið verður í
keppnina „Ten of the best“ sem
verður í lok júlí í Bretlandi.
Sportið er dýrt og því eru þeir nú
að leita samstarfs við þá sem kunna
að vilja styðja við bak þeirra. Í því
skyni ætlar Halldór að flytja bílinn,
sem nú er í Bretlandi heim til Ís-
lands og freista þess að kynna hann
fyrir hugsanlegum samstarfsaðilum.
„Það er allt gerlegt ef við fáum góð-
an stuðning,“ segir hann. Guðlaugur
bætir við að enginn taki þátt í þess-
ari íþrótt án þess að kosta nokkru
til, en hann kveðst áhugasamur
mjög og eigi töluvert inni, „ákveðinn
grunn sem ekki nýttist sem skyldi í
haust.“
Hann segist afar ánægður og
þakklátur fyrir kjörið, að hafa verið
valinn Íþróttamaður Akureyrar fyr-
ir árið 2005, enda sé það ekki oft sem
akstursíþróttamenn nái slíkum ár-
angri.
Bíladellukarlar Guðlaugur Halldórsson, íþróttamaður ársins
á Akureyri, og Halldór Jónsson, faðir hans.
Aðstoðarmenn Þeir feðgar hafa yfir vösku liði aðstoð-
armanna að ráða, enda eins gott, að mörgu þarf að hyggja.
Gert klárt Guðlaugur klár inni í bílnum en faðir hans og fleiri
áhugamenn athuga hvort allt sé í lagi áður en lagt er í hann.
Hef sennilega smitað strákinn eitthvað
Þríeykið Guðlaugur og Halldór með Matt Clark á milli sín, en hann hefur
hvað mest unnið að breytingum á vél bifreiðarinnar. Matt er afar eft-
irsóttur í þessum bransa en hann rekur ásamt bróður sínum fyrirtækið
Roger Clark Motorsport á Bretlandi.