Morgunblaðið - 10.01.2006, Blaðsíða 29
Nú legg ég augun aftur,
ó, Guð, þinn náðarkraftur
mín veri vörn í nótt.
Æ, virst mig að þér taka,
mér yfir láttu vaka
þinn engil, svo ég sofi rótt.
(Þýð. S. Egilsson.)
Hulda, Rannveig og Sólrún.
Hulda frænka mín er kvödd í
dag. Hún var ömmusystir mín og
þar sem ég var alin upp á heimili
ömmu minnar og afa var Hulda
mér alla tíð náin. Hún var ekki
allra, var eins og íslenskt veðurfar
– hryssingsleg á stundum en fal-
leg, björt og umfram allt hlý. Aug-
un hennar voru heiðblá og allt til
síðasta dags barnslega skær.
Hulda var smávaxin, léttstíg og af-
ar snyrtileg. Hún var mikill ferða-
garpur á sínum yngri árum og það
veittist henni erfitt að láta af
þeirri iðju þegar fæturnir fóru að
gefa sig.
Ég á margar góðar minningar
frá bernskuárum mínum með
Huldu og Sverri og fyrir hennar
orð fékk ég mína fyrstu launuðu
vinnu í Reykjavíkur Apóteki, en
apótekið var hennar vinnustaður
lengst af. Þar eignaðist hún góða
vini og hélst sú vinátta til hinsta
dags.
Hulda var trygg sínu fólki og
einkasonur hennar, Sverrir Már,
Kolfinna kona hans, barnabörn og
barnabarnabörn voru henni allt.
Ég þakka Huldu gæsku og vel-
vild í minn garð alla tíð og ég veit
að fólkið hennar sem á undan er
gengið tekur vel á móti henni.
Blessuð sé minning hennar.
Þín
Emma frænka.
Í dag er borin til grafar Hulda
Sigmundsdóttir móðursystir mín.
Hulda mundi tímana tvenna. Hún
var Reykjavíkurmær, fædd 1911
og hafði séð höfuðstaðinn breytast
úr sæmilegum kaupstað í stórborg.
Hennar skáld var Tómas og henn-
ar tónskáld „hann Fúsi minn“, eins
og hún kallaði hann. Mikill sam-
gangur var á milli hennar og
mömmu alla tíð, á meðan báðar
lifðu. Á menntaskólaárum mínum
var heimili hennar, Sverris og Kol-
finnu einnig mitt heimili.
Ég leit inn til Huldu frænku
þann 20. desember sl. Skaust inn á
hjúkrunarheimilið síðla dags til að
vitja um hana í jólaösinni, rétt eins
og oft áður. Það hafa aldrei komið
jól hjá mér án þess að Hulda móð-
ursystir væri hluti af hefðunum.
Hún var lykilpersóna í jólavenjum
æsku minnar og skemmti okkur
systkinum stundum með skondn-
um sögum af skrýtnu fólki úr
gömlu Reykjavík. Allar götur síð-
an hefur það verið ljúf skylda að
líta inn til hennar af og til. Strjálar
eftir því sem árin líða. Aldrei næg-
ur tími. Alltaf að flýta sér. Má
ekki vera að því að stoppa neitt, en
hef samviskubit yfir því að staldra
ekki lengur við. Bara einn bolla.
Rétt að kíkja inn.
Hún sefur þegar ég kem inn í
rökkvað herbergið en rumskar
þegar sest er á rúmstokkinn. „Er
þetta Eiki?“, segir hún máttfarin.
Eftir það er það aðallega ég sem
tala og segi fréttir af fjölskyld-
unni. Fréttir að sunnan. Ég veit
ekki hvort hún heyrir allt sem sagt
er eða þekkir allar persónurnar í
frásögninni. Svo rofar til hjá
henni. Hún býður konfekt að
venju. Ég býð sérrítár og við fáum
okkur staup líkt og fyrr. Ég veit
að þetta er kveðjuskálin. Hún er
ferðalúin á langri jarðvist og kveð-
ur sátt. Í huga mér skilur hún eftir
sig margar góðar minningar og
svo ótalmargt sem hefði þurft að
þakka betur fyrir. En hún veit
hvernig mér er innanbrjósts. Ég
veit hún skilur. Vertu sæl, kæra
frænka, og takk fyrir allt.
Fjölskyldan í Björkinni sendir
samúðarkveðjur til Sverris, Kol-
finnu, dætra þeirra og fjölskyldna.
Blessuð sé minning Huldu Sig-
mundsdóttur.
Eiríkur Hermannsson.
MORGUNBLAÐIÐ ÞRIÐJUDAGUR 10. JANÚAR 2006 29
MINNINGAR
✝ Helgi IngvarValdimarsson
fæddist á Neðri-
Torfustöðum í Mið-
firði 24. júní 1931.
Hann lést á heimili
sínu 3. janúar síðast-
liðinn. Foreldrar
hans voru Valdimar
Daníelsson, f. 14.
desember 1901, d.
19. mars 1974 og
Jónína Helga Frið-
riksdóttir, f. 29. nóv-
ember 1907, d. 14.
nóvember 1977. Þau
slitu samvistum. Seinni maður
Jónínu var Guðmundur Þór
Magnússon, f. 27. júní 1918, d. 21.
febrúar 2000. Seinni kona Valdi-
mars var Guðbjörg Sigurlaug
Gunnlaugsdóttir, f. 18. maí 1919,
d. 27. desember 1993, börn þeirra
eru Gunnlaugur Pétur, Dóra
Magnheiður og Ásmundur Smári.
Hinn 22. nóvember 1959 kvænt-
ist Helgi Bryndísi Stefánsdóttur
frá Haugi í Miðfirði, f. 7. febrúar
1940. Börn þeirra eru: 1) Jónína
Helga, f. 13. mars 1959, gift
Kristni Gunnars-
syni, f. 19. júní 1961,
börn þeirra eru a)
Ingvar Helgi, f. 27.
apríl 1982, unnusta
Karen Hannesdótt-
ir, f. 26. desember
1985, og b) Sylvía
Björg, f. 18. febrúar
1990. 2) Þorsteinn
Baldur, f. 3. nóvem-
ber 1961, kvæntur
Ástu Sveinsdóttir, f.
8. október 1959,
börn þeirra eru a)
Davíð Örn, f. 7.
október 1982, d. 11. júlí 2004, b)
Jóhannes Gunnar, f. 15. janúar
1988, unnusta Bára Stefánsdóttir,
f. 3 mars 1988 og c) Katha Aþena
Guðný, f. 23. maí 2002. 3) Valdi-
mar Helgason, f. 29. mars 1965,
maki María Sif Númadóttir, f. 14.
maí 1964, börn þeirra eru tvíbur-
arnir Helgi Snær og Sólrún Dís, f.
8. desember 2002.
Útför Helga fer fram frá Garða-
kirkju í dag og hefst athöfnin
klukkan 13.
Far þú í friði,
friður Guðs þig blessi,
hafðu þökk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skalt.
(Vald. Briem.)
Elsku tengdapabbi, mig langar til
að minnast þín með nokkrum fátæk-
legum orðum.
Ég man þegar ég kom fyrst til
ykkar Dísu í Brekkubyggðina árið
1998, þá fannst mér strax eins og ég
hefði þekkt ykkur alla tíð.
Þótt þú værir alltaf sallarólegur,
þá fann ég að þarna var mikill húm-
oristi á ferð og þar hafði ég sko rétt
fyrir mér. Við gátum oft skotið hvort
á annað, blikkað í laumi og hlegið svo
að allri vitleysunni. Mikið á ég eftir
að sakna þess að tala við þig og rök-
ræða.
Þú varst svo ótrúlega fróður og
vel lesinn um allt sem viðkom Íslandi
og þegar við vorum saman í ferða-
lögum gastu oft gert góðlegt grín að
því hvað tengdadóttir þín vissi lítið
um nöfn og staðhætti.
Ég reyndi oft að máta þig en fórst
ekki vel úr hendi. Eftir að við Valdi-
mar eignuðumst tvíburana okkar
hana Sólrúnu Dís og hann nafna
þinn Helga Snæ voruð þið Dísa okk-
ar stoð og stytta. Þú varst alltaf
reiðubúinn að passa fyrir okkur og
þær voru ófáar stundirnar sem þið
nafnar gátuð kúldrast um, leikið
ykkur og lesið. Því miður fengu þau
systkinin bara að njóta þín í þrjú ár
en maður ætti að vera þakklátur fyr-
ir það og ég veit að þessar stundir
hafa án efa markað þeirra lífshlaup
og kennt þeim mikið.
Kæri vinur, takk fyrir allar góðu
stundirnar og hvað þú gafst mér
mikið þannig að ég skil betur í dag
hvað maður á að njóta þess sem
manni er veitt.
Ég lofa að passa hana Dísu þína
vel.
Hvíl í friði.
María Sif Númadóttir.
Af öllum mætti óska minna,
alvaldi faðir krýp ég þér.
Og bið þú nauðum látir linna
líknandi þeim sem villtur er.
Styð þann veika vermandi höndum
veit honum lausn úr ánauðarböndum.
(Ingþór Sigurbjörnsson.)
Okkur systurnar setti hljóðar þeg-
ar við fréttum af andláti Helga
frænda. Við vissum alveg í hvað
stefndi en við vorum ekki tilbúnar,
sjálfsagt er maður það aldrei. Þó að
það sé erfitt að sætta sig við tilgang
lífsins á svona stundum getum við
huggað okkur við það að Helga
frænda líður betur núna. Þegar við
systurnar vorum að alast upp talaði
mamma um Helga eins og fóstra
sinn jafnt sem bróður og þar af leið-
andi höfum við alltaf litið á hann sem
afa jafnt og móðurbróður.
Við systurnar eigum margar góð-
ar minningar frá Brekkubyggðinni
en þar höfum við ófáum stundunum
eytt um árin, hvort heldur sem við
litum aðeins inn í kaffi eða dvöldum í
lengri tíma. Við fáum seint fullþakk-
að alla aðstoðina og húsaskjólið á
meðan við stunduðum nám okkar í
Reykjavík, sú aðstoð var ómetanleg.
Þegar litið er til þessara heimsókna
okkar á „elliheimilið“, en það átti
Helgi til að kalla Brekkubyggðina,
er margt sem kemur upp í hugann;
t.d. þegar Helgi bauð Vallý tómat-
sósu með ólíklegasta mat og á ólík-
legustu tímum; þegar Helgi og Inga
Rut sátu og hlógu að Hálandahöfð-
ingjanum í Sjónvarpinu þó að Helgi
væri ekki mikið fyrir sjónvarpsgláp.
Þá eru okkur einnig minnisstæð öll
samtölin sem við áttum við Helga og
Dísu en alltaf var nægur tími til að
setjast niður og spjalla um daginn og
veginn.
Helgi frændi gat verið einstaklega
stríðinn en að sama skapi einstak-
lega hlýr, fjölskylda hans var ávallt í
fyrsta sæti og naut hann þess að eiga
góðar stundir með ættingjum og vin-
um. Þá var hann líka alltaf boðinn og
búinn að aðstoða þá sem þurftu þess
með, hvort heldur sem það var að
skutla einhverjum, gera skatt-
skýrslur eða þá bara að hlusta. Ekki
dró hún Dísa okkar úr þessum eig-
inleikum hans, samband þeirra ætt-
um við að taka okkur til fyrirmynd-
ar. Kæra fjölskylda og vinir nú er
það okkar að halda þessum eigin-
leikum hans Helga og minningu á
lofti.
Síðast þegar við heimsóttum
Helga og Dísu á „elliheimilið“ vorum
við á leiðinni til að kveðja föðurbróð-
ur okkar svo það er sárt til þess að
hugsa að næsta ferð okkar í Garða-
bæinn sé til þess að kveðja Helga
frænda. Við verðum bara að trúa því
að þeim sé ætlað stærra og meira
hlutverk annars staðar. Það er okk-
ar að halda minningum um þá á lofti.
Elsku Dísa og fjölskylda, við syst-
urnar og fjölskylda sendum ykkur
okkar innilegustu samúðarkveðjur
og biðjum þess að Guð veri með ykk-
ur.
Skrifuð á blað
verður hún væmin
bænin
sem ég bið þér.
En geymd
í hugskoti
slípast hún
eins og perla í skel
við hverja hugsun
sem hvarflar til þín.
(Hrafn Á. Harðarson.)
Elsku Helgi, innilegar þakkir fyr-
ir samfylgdina, við varðveitum minn-
ingarnar um þig í hjörtum okkar.
Þínar,
Inga Rut og Valbjörg Rós.
HELGI INGVAR
VALDIMARSSON
HASTINGS MASTERS mótinu
lauk sl. föstudag með sigri rússneska
stórmeistarans Valerij Neverov,
hann hlaut 8 vinninga af 10 mögu-
legum.
2.–4. Colin, alþjóðlegur meistari
(Frakklandi),
Ehrenburg, sm (Ísrael),
Gagunashvílí, sm (Gerorgíu), með
7½ v. hver.
5.–10. Belov, sm (Rússlandi),
Bobras, sm (Póllandi),
Hebden, gm (Englandi),
Kobese, am (Suður-Afríku),
Pavlovic, sm (Serbíu og Svartfjalla-
landi),
með 7 v. hver.
Íslensku keppendurnir slökuðu á
klónni í tveimur síðustu umferðunum,
og luku mótinu sem hér segir:
18. Guðmundur Kjartansson, 6 v.
19. Stefán Kristjánsson, am, 6 v.
31. Jón Viktor Gunnarsson, am, 5½
v.
46. Snorri G. Bergsson, 5 v.
71. Dagur Arngrímsson, 4 v.
Þátttakendur á mótinu voru 101.
Ef árangurinn er metinn, sam-
kvæmt stigum íslensku keppendanna
og andstæðinga þeirra, þá kemur í
ljós, að Snorri hækkar um 20 stig og
Guðmundur um 16. Stefán lækkar um
2 stig, Jón Viktor um 12 og Dagur um
20.
Við skulum nú sjá snarpa sóknar-
skák úr 8. umferð, þar sem Stefán
saumar að sterkum alþjóðlegum
meistara:
Hvítt: Stefán Kristjánsson
Svart: Jean-Pierre Le Roux
(Frakklandi)
Philidorsvörn
1. e4 e5 2. Rf3 d6 3. d4 exd4 4.
Rxd4 Rf6 5. Rc3 Be7 6. Bf4
0–0 7. Dd2 d5!?
Svartur velur tvíeggjaða leið. Ró-
legri sálir leika 7. ...Rc6 8. 0–0–0 Rxd4
9. Dxd4 Be6 10. f3 a6 o.s.frv.
8. Rdb5 c6!? 9. exd5 –
Stefán sneiðir hjá „teóríska“ fram-
haldinu, sem er mjög flókið og hefur
gefist svarti nokkuð vel. Dæmi: 9. Rc7
9. ...d4 10. Rxa8 (10.Re2, 10. 0-0-0) 10.
-- dxc3 11. Dxd8 Hxd8 12. bxc3 Rxe4
13. Bxb8 Bf6 14. Bd3 Bxc3+ 15.Ke2
Bf5 16. Bxa7 Hxa8 17. Be3 Bxa1 18.
Hxa1 og skákinni lauk með jafntefli
(L’Ami-Pavasovic, Maribor 2004).
9. ...cxb5 10. d6 Bxd6
Eðlilegra er að leika 10. ...He8 11.
dxe7 Dxe7+ 12. Be3 Bf5, með nokkuð
jöfnu tafli.
11. Dxd6 Da5 12. 0–0–0 Be6
Svartur hefði getað reynt 12. ...b4,
t.d. 13. Rd5 Rxd5 14. Hxd5 Dxa2 15.
Bd3!?Da1+ 16. Kd2 Dxh1 17. Hh5! g6
(17.– h6 18. Hxh6 gxh6 19. Bxh6) 18.
Bxg6 fxg6 (18. ...hxg6 19. Hh8+ Kxh8
20. Dxf8+ Kh7 21. Dxf7+ Kh8
22.Be5+ mát) 19.Dd5+ Hf7 20.Hxh7
Kxh7 21.Dxf7+ Kh8 22.Be5+ mát.
13.Bxb5 Bxa2
Svartur tekur peðið, því að eftir
13...a6 14.Ba4 Rc6 15.Bxc6 bxc6
16.Dc7 á hann peði minna, án þess að
fá nokkuð mótvægi fyrir það.
14.Be5! a6
Eftir 14...Be6 15.Bxf6 gxf6
16.Dg3+ Kh817.Df4 Rc6
(17...Kg7 18.Hd3 ásamt Hg3+)
18.Dxf6+ Kg8 19.Hd3, með hótuninni
Hg3+, á svartur gjörtapað tafl.
15.Bxf6 axb5
16. Bxg7! Kxg7 17. Hd3 Rd7 18.
Dxd7 Bc4?
Eftir 18. --Be6, en hvítur nær mikl-
um liðsyfirburðum, með 19. De7 h6
20. He1 Hfe8 21. Hg3+ Kh7 22. Df6
Da1+ 23. Rb1 Hg8 24. Hxe6 Hxg3 25.
Dxh6+ Kg8 26. hxg3 fxe6 27. Dxe6+.
19. Hg3+ Kh8 20. Dg4! og svartur
gafst upp, því að hann getur ekki var-
ist máthótunum hvíts: 20. ...Hg8 21.
Dd4+ f6 22. Dxf6+ Hg7 23. Dxg7+
mát.
Skákþing Reykjavíkur/Skeljungs-
mótið
Skákþing Reykjavíkur hófst sl.
sunnudag í Skákheimili TR, Faxafeni
12. Taflfélagsmenn nefna mótið að
þessu sinni Skeljungsmótið, í tilefni af
myndarlegum styrk frá fyrirtækinu
til mótshaldsins.
Verðlaunin á Skeljungsmótinu
verða alls 210.000.
Fyrir 1.–3. sætið: 100.000, kr.
50.000 kr. og 30.000 kr.
Fyrir besta árangur skákmanna,
undir 2.000 elóstigum: 15.000 kr.,
10.000 kr. og 5.000 kr.
Sigurvegarinn hlýtur auk þess
nafnbótina skákmeistari Reykjavíkur
2006 og farandbikar til varðveislu í
eitt ár.
Tefldar verða 9 umferðir, skv.
svissnesku kerfi, og eru tímamörk 1½
klst. til að ljúka skákinni, auk 30 sek.
á leik. Teflt verður á miðvikudögum
og föstudögum, byrjað kl. 19.00, og á
sunnudögum, byrjað kl. 14.00.
Þátttakendur eru 55 og er mótið
vel skipað. Í hópnum er einn stór-
meistari kvenna, Lenka Ptacnikova,
og fjórir alþjóðlegir meistarar, þ.á m.
tveir Hastingsfarar, Stefán og Jón
Viktor.
Nánar verður fjallað um mótið í
næstu þáttum.
Neverov sigraði
í Hastings
Bragi Kristjánsson
SKÁK
Hastings, Englandi
Hastings Masters
28. desember 2005–6. janúar 2006
DALA-RAFN ehf. í Vestmanna-
eyjum hefur hlotið forvarnarverðlaun
Tryggingamiðstöðvarinnar, Varð-
bergið. Verðlaunin eru veitt við-
skiptavini TM sem þykir skara fram
úr á sviði forvarna gegn óhöppum og
slysum. Í fréttatilkynningu frá TM
segir að ákvörðunin um að veita Dala-
Rafni verðlaunin í ár sé byggð á mati
sérfræðinga TM sem telji forvarnir
mjög góðar í fyrirtækinu.
Óskar Magnússon, forstjóri TM,
veitti verðlaunin og sagðist hann von-
ast til þess að þau yrðu öðrum fyr-
irtækjum hvatning.
Þá fengu tvö fyrirtæki sérstaka
viðurkenningu fyrir forvarnir en þau
eru Danól ehf. og Málmtækni hf.
Morgunblaðið/Sverrir
Forvarnarverðlaun Tryggingamiðstöðvarinnar, VARÐBERGIÐ, voru í
dag veitt í sjöunda skiptið og hlaut Dala-Rafn ehf. í Vestmannaeyjum þau
að þessu sinni. Jafnframt fengu tvö fyrirtæki sérstaka viðurkenningu fyrir
forvarnir en þau eru Danól ehf. og Málmtækni hf.
Dala-Rafn hlaut
forvarnarverðlaun TM