Morgunblaðið - 12.01.2006, Qupperneq 38

38 FIMMTUDAGUR 12. JANÚAR 2006 MORGUNBLAÐIÐ
UMRÆÐAN
BRÉF TIL BLAÐSINS
Morgunblaðið, Kringlunni 1, 103 Reykjavík  Bréf til blaðsins | mbl.is
ÉG EINS og aðrir Hvergerðingar
tendraði á ljósi flugelda nú um
umliðin áramót einungis í tvenn-
um tilgangi. Til að sýna samhug
og samlyndi með hjálparsveit okk-
ar í Hveragerði og í öðru lagi til
að sýna kærleiksríkt þakklæti fyr-
ir framgang hennar í hjálparstarfi
á Suðurlandi.
Það ætti öllum að vera kunnugt
um, hvað gerðist í Hveragerði á
gamlársdag. Það skiptir engu máli
hvernig það gerðist. Það gerðist!
Ógurlegur hvellur kvað við.
Rosabomba sprakk og eldtung-
urnar stigu til himins og ský
reyks myndaði bólstur eins og í
eldgosi.
Þá vissi ég hvað hafði gerst. Ég
hafði verið þarna hálftíma áður í
glaðværum hópi hjálparsveit-
armanna. En á þessari stundu, þá
er hús þeirra fuðraði upp, sá ég
fyrir mér fjöldaslys. Margir hefðu
þarna farið.
En markmið hjálparsveita er að
enginn fari. Sem og okkar. Enginn
skal fara. Við gerum allt til þess
að svo verði. Hjálparsveitin leggur
sig í líma og hættu til þess að svo
verði. Að enginn fari. Að allir
verði óhultir að lokum.
Hjálparsveitin í Hveragerði á
mjög miklar þakkir skildar. Þakk-
ir fyrir frábærar flugeldasýningar
á blómstrandi dögum og áramót-
um. En fyrst og fremst eiga hjálp-
arsveitarmenn í Hveragerði þakk-
ir skildar fyrir að hafa fórnað sér,
frítíma og vinnutíma í starfi sínu.
Þeir hafa verið óeigingjarnir og
lagt sitt af mörkum. Hjálpað
mörgum. Það eru nokkur þúsund
Íslendinga, sem eiga margt sitt
undir Hjálparsveit skáta í Hvera-
gerði í erfiðleikum á Hellisheiði
eða í Þrengslunum og víðar.
Hjálparsveitin í Hveragerði er
eins og aðrar hjálparsveitir. Hóp-
ur einstakra einstaklinga, hópur
fórnfúsra félaga, hópur manna og
kvenna, sem eru tilbúin að fórna
sér og frítíma sínum frá fjölskyldu
sinni, vinnu og öðrum skyldustörf-
um til að aðstoða aðra sem eru
hjálpar þurfi.
Þeir fara af stað með engum
fyrirvara, fórnfúsir og frábærir. Í
leit og aðra aðstoð.
Því miður minnumst við þeirra
of sjaldan. Allt of sjaldan. Kannski
einungis í kringum jólatréssölu og
flugeldasölu. Á þessum tveimur
augnablikum ársins minnumst við
hjálparsveitarinnar mest og best
og styrkjum hana af mætti.
En svo geta vindar blásið í
mannlegu lífi að óvænt þyki.
Norðankulið getur óvænt blásið
sterkt að norðan. Neisti getur
óvænt orðið blástur að báli. Eldi
þar sem allt getur og hefur fuðrað
upp. Flugeldur er fallegur þá er
hann springur út í fegurð sinni á
himni. Flugeldur er eigi fallegur
þá er hann fuðrar upp inni í húsi á
sölumarkaði fjáröflunar Hjálp-
arsveitar skáta.
Á gamlársdag í Hveragerði fóru
ekki einungis tæki og tól í brun-
anum. Heldur og minningar og
margar óeigingjarnar vinnustund-
ir hjálparsveitarmeðlima í að
byggja upp góða hjálparstöð.
Trausta hjálparstöð, sem væri fær
um að veita öllum þeim aðstoð
sem í nauðir ræki, þá og þegar,
hér og nú.
Það sem gerðist á gamlársdag í
Hveragerði heftir nú hjálparsveit
okkar. Hún stendur nú hjálp-
arvana í þeim sporum að geta ekki
hjálpað öðrum. Húsnæðislaus,
tækjalaus, allslaus, að und-
anskildum tveimur bílum. Allt
horfið, brunnið. Aðeins ein-
staklingar standa eftir sem mynda
hjálparsveitina. En það er góður
höfuðstóll. Góður grunnur til að
byggja á. Einstaklingar með ómet-
anlega reynslu og þekkingu og
vilja til að hjálpa.
Við viljum gera allt til þess að
Hjáparsveit skáta í Hveragerði
verði ein sú öflugasta á sínu sviði
á Suðurlandi, eins og verið hefur,
og geti haldið áfram að rækja
skyldur sínar, okkur Sunnlend-
ingum, sem og öllum öðrum, til
hjálpar.
Leggir þú þitt framlag fram,
þitt lóð á vogarskálarnar, byggir
þú upp öfluga björgunarsveit á
Suðurlandi, sem kannski gæti
bjargað þér í heiðinni hárri, í
veðravíti veturnátta, myrkrinu
margvísa og snjóbyl skammdeg-
isins.
Ég bið landsmenn alla um styrk
og stoð til hjálpar Hjálparsveit
skáta í Hveragerði til að sýna
henni samhug og samlyndi og
sýna kærleiksríkt þakklæti fyrir
framgang hennar í hjálparstarfi á
Suðurlandi.
Stofnaður hefur verið styrkt-
arreikningur Hjálparsveitar skáta
í Hveragerði til að byggja upp öfl-
uga starfsemi hennar.
Þínar krónur gætu gert gæfu-
muninn og gætt Hjálparsveit
skáta í Hveragerði lífi til gæfu-
ríkra verkefna á sviði björgunar á
Suðurlandi.
Ef hver landsmaður gæfi
ákveðna upphæð, af gæsku sinni
og gjafmildi, myndaðist verulegur
sjóður. Það munar um minna.
Okkur er engin ofrausn í því, en
það getur breytt gangi mála.
Byggt upp það sem brann. Bætt
bitra loga gamlársdagsins.
Hver króna, sem í sjóðinn safn-
ast, umfram þörf Hjálparsveitar
skáta í Hveragerði, til endur-
uppbyggingar mun renna til
Landsbjargar til bjargræðis á
landsvísu. KB-banki í Hveragerði
mun sjá um reikningshald sjóðsins
og uppgjör hans að átaki loknu.
Bregstu skjótt við og bættu
stöðu björgunaraðgerða á Suður-
landi.
Reikningsnúmer styrktarsjóðs
Hjálparsveitar skáta í Hveragerði
er 314-13-146782. Kennitala söfn-
unarinnar er 580876-0139.
Gleðilegt nýtt ár.
SIGURÐUR BLÖNDAL,
Heiðarbrún 64, 810 Hveragerði.
sblond@ismennt.is
Þökk sé hjálparsveitinni,
hjálpum hjálparsveitinni
Frá Sigurði Blöndal kennara
Í FRÉTTUM undanfarna daga hef-
ur verið greint frá fjölgandi tilfellum
hringormasmits í fólki hér á landi.
Bæði RÚV og Morgunblaðið sögðu
frá því að slík smit verði flest í lönd-
um þar sem hefð er fyrir því að
borða hráan eða hálfhráan fisk eins
og í Japan og að þar í landi greind-
ust um eitt þúsund tilfelli á ári
hverju.
Ég er reyndar ekki sérfræðingur
um málefnið en er fæddur og uppal-
inn í Japan. Sem áhugamaður um
japanska eldamennsku hef ég samt
um það nokkra vitneskju og vil gera
athugasemdir við fréttaflutninginn,
þar sem hann má (mis)skilja sem svo
að hættulegt geti verið að neyta
fisks sem er hrár eða hrárra fisk-
rétta eins og sushi en svo er auðvitað
alls ekki.
Í Japan borðar fólk mikið af
hráum fiski og fiskrétti og það veit,
bæði af vísindalegri þekkingu og
reynslu, hvaða fisktegundir óhætt er
að borða og hverjar ekki.
Gæðaeftirlit með fersku hráefni er
mjög mikið og strangt á öllum fram-
leiðslustigum og í verslunum í Jap-
an.
Þúsund tilfelli hljómar eins og
heill her en sé tekið tillit til íbúa-
fjölda Japans, sem er um 120 millj-
ónir, þá verður talan ekki eins ógn-
vænleg.
Það er ekki langt síðan Íslend-
ingar lærðu að meta fisk fram-
reiddan hráan með öllum brögðum
og göldrum asískrar matargerð-
arlistar. Eitt af því sem er mjög mik-
ilvægt er rétt meðhöndlun hráefn-
isins og geymsla. Hlustum því á
viðvaranir sérfræðinganna, lærum
rétt vinnubrögð og njótum ævin-
týralegs matar!
TOSHIKI TOMA,
áhugamaður um eldamennsku,
Holtsgötu 24, Reykjavík.
Hringormur og matarlyst
Frá Toshiki Toma
Á ÞINGI Neyt-
endasamtakanna,
sem haldið var dag-
ana 24. og 25. sept-
ember 2004, lagði ég
fram eftirfarandi til-
lögu að áskorun á rík-
isstjórnina og var hún
einróma samþykkt:
„Gerð verði vönduð
áætlun um fækkun al-
varlega slasaðra og
dáinna í umferð-
arslysum á Íslandi.
Þessi áætlun inni-
haldi fjárhags- og
framkvæmdaáætlun
og verði sambærileg
við þær bestu á þessu
sviði á Norðurlönd-
unum og í V-Evrópu.
Unnið verði eftir
áætluninni á árunum
2005–2008 og miðist
hún við það að dánir í
umferðinni verði 30%
færri árið 2008 heldur
en meðaltal áranna
2001 –2003. Hið sama
verði einnig látið gilda um fækkun
alvarlega slasaðra í umferð-
arslysum á Íslandi.
Tillögunni fylgdi eftirfarandi
greinargerð: „Á vegum dóms-
málaráðuneytisins var í gildi áætl-
un um 20% fækkun alvarlega slas-
aðra og dáinna í umferðinni fyrir
aldamót. Það takmark náðist ekki
að fullu vegna þess að sú áætlun
innihélt enga fjárhags- og fram-
kvæmdaáætlun. Með nágranna-
löndin og Reykjavíkurborg sem
fyrirmynd ætti ríkisvaldið að gera
svona áætlun og vinna eftir henni,
enda yrði það mjög þjóðhagslega
arðbært, fyrir utan að hún myndi
fækka verulega þeim mannlegu
harmleikjum sem umferðarslysin
valda.
Nú kynni einhver að spyrja:
„Hefur borgin staðið sig eitthvað
betur í þessu efni? Svarið er já og
það er auðvelt að sýna fram á það,
samanber eftirfarandi
útreikning, þar sem
gengið er út frá því að
þjóðhagslegur kostn-
aður vegna eins dáins
sé 60 milljónir króna,
þjóðhagslegur kostn-
aður vegna eins alvar-
lega slasaðs sé 30
milljónir króna og
þjóðhagslegur kostn-
aður vegna eins minni
háttar slasaðs sé 6
milljónir króna.
Heildarmeðalkostn-
aður á ári (K) fyrir
þjóðarbúið vegna um-
ferðarslysa í Reykja-
vík annars vegar og ut-
an höfuðborgarinnar
hins vegar á fjögurra
ára tímabili, þ.e. 1996–
1999 og 2001–2004 er
eftirfarandi: Fyrir
fyrri fjögur árin að
meðaltali á ári:
K(Reykjavík)= 6350
milljónir og K (utan
Reykjavík) = 9560
milljónir króna. Fyrir seinni fjögur
árin að meðaltali á ári: K (Reykja-
vík) 3690 milljónir króna og K
(utan Reykjavíkur) = 9000 millj-
ónir króna. Minnkun umferðar-
slysakostnaðar á ofangreindu
tímabili er í Reykjavík (6350 mínus
3690) = 2660 milljónir króna eða
41,9% , en einungis (9560 mínus
9000) = 560 milljónir króna eða
5,9% utan Reykjavíkur, í hér um
bil áratug og sett árlega fjárveiting
í þau, upp á hér um bil 200 millj-
ónir króna á meðan ríkið hefur
ekki unnið eins skipulega að þeim
og veitt í þau mun minna fé.
Fækkun umferð-
arslysa er lang-
mest í Reykjavík
Gunnar H. Gunnarsson fjallar
um fækkun umferðarslysa
Gunnar H. Gunnarsson
’Ástæðan fyrirþessum gífur-
lega mun er al-
veg ljós, unnið
hefur verið
skipulega að
þessum málum í
Reykjavík …‘
Höfundur er deildarverkfræðingur
á framkvæmdasviði Reykjavíkur-
borgar og vinnur þar að umferðar-
öryggismálum.
LÆKNIRINN Gunnar Ingi
Gunnarsson sendir mér tóninn í
Morgunblaðinu fyrir
að taka upp þykkjuna
fyrir ritstjóra Morg-
unblaðsins. Að leggj-
ast í vörn fyrir rit-
stjórann. Læknirinn
er frjáls að því, en
grein hans er sam-
ansafn merking-
arlausra upphrópana.
Hann snýr út úr orð-
um mínum og talar
niður til Jóns Geralds
Sullenbergers; kallar
hann „hinn auralausa
lítilmagna“. Hroki fer
lækni ekki vel. Í grein
hans er flest á haus og
rest á röngunni.
Annars er furðulegt
í þessu Baugsmáli það
fár sem geisar. Menn stíga á stokk,
hrópa ofsóknir, pólitískt samsæri,
verða rauðir í framan og setja undir
sig haus svo hringlar í vitleysunni.
Það er ekki verið að skoða málið
hlutlægt. Hvar eru upptök Baugs-
málsins? Um það hefur kjarni deilna
undanfarin þrjú ár staðið. Baugs-
feðgar hrópa pólitískt samsæri, en
hafa ekki getað fundið orðum sínum
stað.
Kjarni málsins er að
Baugsmál eiga upptök
sín í Baugi. Þau eiga
upptök sín í Ameríku.
Þar fór allt í háaloft. Það
þurfti ekkert plott, minn
kæri Gunnar. Manstu
hótun Jóns Geralds; I’m
going to bring Jon As-
geir down. Jón Gerald
vissi of mikið. Það var
Baugsmaðurinn sem
kærði til lögreglu.
Hægri hönd feðganna í
Bandaríkjunum hótaði
að knésetja Jón Ásgeir.
Af hverju? Það er
áhugaverð spurning.
Dapurlegt að læknir
með akademíska þjálf-
un í að greina kjarna frá hismi skuli
vera jafnblindur og raun ber vitni
svo hringlar í vitleysunni.
Það hringlar
í vitleysunni
Hallur Hallsson fjallar
um Baugsmálið
Hallur Hallsson
’… Baugsmáleiga upptök sín í
Baugi.‘
Höfundur er blaðamaður.
Fáðu fréttirnar
sendar í símann þinn
AÐ MÍNU mati verður að leggja
forsetaembættið niður og forsætis-
ráðherra, forseti Alþingis og forseti
hæstaréttar taki að sér skyldur
þess. Forsetaembættið eins og það
er nú gæti keypt hver sem er. Pen-
ingarnir flæða um þjóðfélagið sem
ár í vorleysingum. Við höfum staðið
af okkur náttúruhamfarir, drepsótt-
ir, erlent yfirvald og bandaríska
herinn. Þjóðfélag okkar er nú
frjórra en nokkru sinni fyrr. Menn
yrkja ljóð, semja lög, syngja í kór-
um, iðka hljóðfæraleik, nánast allir
vinna við skapandi verk. Athafna-
skáldin skara fram úr, svo sem
Össur, fiskverkandinn á Bakkafirði
og Þorsteinn Már. Það getur ekk-
ert drepið neistann sem býr með
þessari þjóð.
Nú erum við svo lánsöm að fá
aðal í landið til að kenna okkur
kurteisi. Íslendingar skulu hafa
þjóðhöfðingja. Vilhjálmur kardinal-
is, erindreki páfa, kom til Niðaróss
árið 1247 til að vígja Heinrek Kárs-
son til Hólabiskupsstóls. Vilhjálmur
sagði við það tækifæri ósannlegt að
Ísland þjónaði eigi undir einn kon-
ung sem öll lönd í veröldu.
Verði framhald á árshátíð-
arhljómleikum Symfóníuhljómsveit-
arinnar vinsamlegast verði þeir
haldnir í öðru landi en Íslandi. Vér
Íslendingar erum kjarninn. Hismið
burt.
STEINUNN
THEODÓRSDÓTTIR,
Hagamel 16, Reykjavík.
Symfónían og forsetaembættið
Frá Steinunn Theodórsdóttir