Morgunblaðið - 16.02.2006, Blaðsíða 56

ÁSKRIFT-AFGREIÐSLA 569 1122 FIMMTUDAGUR 16. FEBRÚAR 2006 VERÐ Í LAUSASÖLU 220 KR. MEÐ VSK.
Opið 8-24 alladaga
í Lágmúla og Smáratorgi
ÁFANGA var náð í stækkun álvers
Norðuráls á Grundartanga í gær þegar
straumi var hleypt á fyrstu kerin af þeim
260 sem bætast við. Framleiðslugeta ál-
versins mun aukast úr 90 þúsund tonnum
á ári í 220 þúsund tonn þegar stækkunin
verður að fullu komin í gagnið.
Aðeins hluti keranna sem við bætast
eru tilbúin í dag, og verða ný ker ræst
fram í ágúst þegar framleiðslan á að kom-
ast á fullt skrið. Það þykir marka tíma-
mót að orkan sem notuð er við stækk-
unina kemur eingöngu frá jarðvarma-
virkjunum, en það eru Orkuveita
Reykjavíkur og Hitaveita Suðurnesja
sem sjá álverinu fyrir orku vegna stækk-
unarinnar.
„Þessi stækkun er hluti af langtíma-
áætlun fyrirtækisins [Century Alumin-
um], og við hlökkum til að eiga hér sam-
starf og viðskipti við Íslendinga um
ókomna tíð,“ sagði Logan W. Kruger, for-
stjóri Century Aluminum, við athöfnina í
gær. „Við lítum svo á að Ísland sé grund-
völlur í áætlunum okkar fyrir framtíð-
ina.“ Kruger segir Century Aluminum
einnig hafa uppi áform um að auka umsvif
sín með því að hefja framleiðslu á súráli.
Valgerður Sverrisdóttir iðnaðarráð-
herra sagði að við stækkunina hafi í
fyrsta sinn íslenskir verkfræðingar séð
nánast alfarið um hönnun og fram-
kvæmdaeftirlit með verkefni af þessu
tagi. „Það hefur orðið til verðmæt þekk-
ing sem nú hefur myndað grunn að út-
flutningi tækniþekkingar. Ef vel tekst til
við að markaðssetja þessa þekkingu er-
lendis gæti hér verið komið upphaf að
mikilvægum útflutningi á þekkingar-
starfsemi í framtíðinni,“ sagði Valgerður.
Orkan eingöngu frá
jarðvarmavirkjunum
Morgunblaðið/Ómar
Jack Gates, aðstoðarforstjóri Century Aluminum (t.v.), hleypti í gær
straumi á fyrstu kerin, með dyggri aðstoð frá Willy Kristensen, fram-
leiðslustjóra í kerskála og steypuskála.
Straumur á fyrstu kerin | 6
FIMMTÁN ára stúlka, sem ekið var á á Bæjarbraut í Garðabæ síðdegis í gær
liggur lífshættulega slösuð á gjörgæsludeild Landspítala – háskólasjúkra-
húss. Stúlkan gekkst undir aðgerðir í gær vegna meiðsla sem hún hlaut og
var í kjölfarið flutt á gjörgæsludeildina þar sem henni er haldið sofandi í önd-
unarvél. Stúlkan var fótgangandi á leið yfir götuna á gangbraut þegar ekið
var á hana um fimmleytið í gærdag. Tildrög slyssins voru enn óljós í gær-
kvöldi en lögreglan í Hafnarfirði fer með rannsókn málsins.
Morgunblaðið/Júlíus
Slasaðist lífshættulega
„VIÐ vorum þarna fjórar konur að
ganga frá eftir daginn og heyrðist
vart í okkur fyrr en dyr opnuðust.
Allt í einu stóðu þeir inni á gólfi,
þrír saman. Þeir ruku inn ganginn
hjá okkur. Við hljóðuðum upp og
þeir hrifsuðu tvær töskur til sín
þegjandi og hljóðalaust. Meira að
segja ekki hlaupandi. Við náðum í
skottið á einum þeirra, sem var með
töskurnar, felldum hann, náðum
töskunum og héldum honum þar til
annar kom og ógnaði okkur [með
eggvopni]. Þá slepptum við drengn-
um og lokuðum.“
Þannig lýsti ein þeirra kvenna
sem var stödd í húsnæði dagmæðra
í Kópavogi í fyrrakvöld atburða-
rásinni er þrír piltar, 14 og 15 ára,
réðust óboðnir inn og gerðu tilraun
til að ræna konurnar sem þar voru.
Þær snerust hins vegar til varnar
og náðu einum piltanna er hann var
á leið út úr húsinu. Hann dró eina
konuna með sér út á stétt og sá með
vopnið, sem lögregla segir að hafi
verið skæri, hótaði þá konunum, ot-
aði að þeim vopninu og sagði þeim
að sleppa félaga sínum sem þær og
gerðu. Piltarnir komust undan en
náðust skömmu síðar.
Konurnar könnuðust ekkert við
piltana. Þeim var verulega brugðið
og viðmælandi Morgunblaðsins
vildi ekki láta nafns síns getið. Hún
telur líklegt að piltarnir hafi fylgst
með þeim inn um gluggann og séð
töskur sem þeir síðan ákváðu að
ræna. „Hún er alveg rosaleg,“ segir
konan aðspurð hvernig tilfinning
það sé að lenda í svona átökum.
Reyndu að ræna
konu í Smáranum
Þessi ránstilraun piltanna á
Digranesveginum var ekki þeirra
fyrsta umrætt kvöld. Nokkru áður
höfðu þeir reynt að hrifsa veski af
konu sem var að taka út fé í hrað-
banka í Smáranum í Kópavogi. Að
sögn lögreglunnar í Kópavogi sner-
ist sú kona einnig til varnar og
hlupu piltarnir á brott tómhentir.
Lögregla bar kennsl á piltana
eftir að hafa skoðað myndbands-
upptöku sem tekin hafði verið upp
við Smárann. Piltarnir fundust
skömmu síðar og voru færðir til
skýrslutöku. Samkvæmt upplýs-
ingum lögreglunnar er ekki talið að
drengirnir hafi verið undir áhrifum
vímuefna. Þeir hafa komið við sögu
lögreglu áður í minni háttar mál-
um.
Rætt var við foreldra drengjanna
og verður mál þeirra sent til barna-
verndarnefndar.
Tvær misheppnaðar ránstilraunir
unglingspilta í Kópavogi
Höfðu í hótunum
og otuðu egg-
vopni að konum
Eftir Sunnu Ósk Logadóttur
sunna@mbl.is
LÖGREGLAN hefur óskað eftir
samstarfi við netfyrirtæki hér á
landi í því skyni að setja upp netsíur,
sem koma í veg fyrir að viðskiptavin-
ir geti skoðað vefsíður sem innihalda
barnaklám. Þetta kom fram í máli
dómsmálaráðherra, Björns Bjarna-
sonar, á Alþingi í gær. Hann sagði að
verið væri að skoða nánar alla þætti
þessa máls, m.a. þá sem snúa að
vernd persónuupplýsinga og öðrum
lagalegum þáttum. „Vonast er til að
þetta samstarf verði að veruleika á
næstu vikum og mánuðum.“
Sandra Franks, varaþingmaður
Samfylkingarinnar, var málshefj-
andi umræðu um þetta mál á Al-
þingi. Hún sagði að daglega heyrð-
ust fregnir af barnaklámi á netinu og
að fáum blandaðist hugur um að
möguleikar nýrrar tækni hefðu stór-
aukið umsvif glæpamanna sem mis-
notuðu saklaus börn. „Á nýlegri ráð-
stefnu Barnaheilla kom fram að
tæknilega er nú hægt að taka upp
sérstakar netsíur sem myndu hindra
aðgang Íslendinga að vefsvæðum
sem innihalda barnaklám. Norð-
menn hafa tekið upp netsíur í þeim
tilgangi. Mér finnst það mjög athygl-
isvert og er þeirrar skoðunar að ís-
lensk stjórnvöld eigi að gera slíkt hið
sama,“ sagði hún. | 10
Samstarf
um netsíur
til að koma
í veg fyrir
barnaklám?
RÚMLEGA 300 fleiri umsóknir bár-
ust fyrir leyfi til veiða á hreindýrum í
ár samanborið við í fyrra. Að sögn Jó-
hanns G. Gunnarsson-
ar, starfsmanns veiði-
stjórnunarsviðs
Umhverfisstofnunar á
Egilsstöðum, höfðu í
gær borist á bilinu
1.980–1.990 umsóknir
um veiðileyfi, en um-
sóknarfrestur rann út á
miðnætti 14. febrúar sl.
og því gætu einhverjar
umsóknir enn verið ókomnar í pósti
séu þær með réttan dagstimpil. Í
fyrra voru umsóknir alls 1.670 og
hljóðaði kvótinn þá upp á 800 dýr en
kvótinn í ár er 909 dýr, auk hrein-
dýrakálfa, sem fylgja felldum kúm en
þá skal fella sé þess kostur. Alls segir
Jóhann hreindýrastofninn vera um
3.500 dýr um þessar mundir.
Að sögn Jóhanns verður farið í
gegnum umsóknirnar á næstu dögum
til að kanna hvort veiðimenn hafi til-
skilin réttindi á vopn sem skjóta má
hreindýr með og síðan verði dregið úr
umsóknum nk. sunnudagskvöld kl. 20.
Fer útdrátturinn fram í húsnæði
Fræðaseturs Austurlands á Egils-
stöðum, en fjarfundarbúnaður verður
notaður til þess að hægt verði að
horfa á úrtdráttinn í beinni útsend-
ingu í húsnæði Umhverfisstofnunar á
Suðurlandsbraut í Reykjavík þar sem
áhugasamir geta fylgst með. Um-
sækjendur fá síðan upplýsingar um
niðurstöðu umsókna
eftir helgi.
Að sögn Jóhanns hef-
ur verið stigvaxandi
fjölgun á leyfum til
veiða á hreindýrum síð-
ustu ár og ljóst að færri
fá leyfi en vilja. Spurður
hvort hann kunni ein-
hverja skýringu á vin-
sældum hreindýraveiða
segir Jóhann veiðarnar bæði spyrjast
vel út auk þess sem svo virðist vera að
prófi fólk einu sinni að veiða hreindýr
langi það til þess aftur. Spurður hvort
rjúpnaveiðibannið á sínum tíma hafi
orðið til þess að fjölga hreindýraveiði-
mönnum svarar Jóhann: „Við héldum
að það gæti verið ein af ástæðunum,
en nú þegar aftur er heimilt að veiða
rjúpur sjáum við alls ekki minni eft-
irspurn eftir leyfum til að veiða hrein-
dýr,“ og bendir á að mikill fjöldi um-
sækjenda sé veiðimenn sem séu að
koma nýir inn.
Veiðitímabilið í ár stendur frá 15.
júlí til 15. ágúst. Heimilt er að skjóta
tarfa allan þann tíma, en kýr má ekki
byrja að veiða fyrr en 1. ágúst.
300 fleiri umsóknir
um hreindýraveiði-
leyfi í ár en í fyrra
Eftir Silju Björk Huldudóttur
silja@mbl.is
Morgunblaðið/Kristinn