Morgunblaðið - 23.02.2006, Síða 4

4 FIMMTUDAGUR 23. FEBRÚAR 2006 MORGUNBLAÐIÐ
FRÉTTIR
HUGSAÐU ÞIG UM
26. FEBRÚAR
NÁMSKYNNING Í HÁSKÓLA ÍSLANDS
www.hi.is
efni greiddu nú tvöfalt meira en á
fólk á hinum Norðurlöndunum fyrir
sjónvarpsefni og þrefalt hærra verð
en í Bretlandi.
Svipað verð greitt hér
og í Danmörku
Það tilboðsstríð sem ríkti í kaup-
um á erlendu sjónvarpsefni hér á
landi þýddi að sjónvarpsefni hefði á
skömmum tíma fimmfaldast í verði.
Íslendingar greiddu nú svipað verð
fyrir bandarískt sjónvarpsefni á
klukkustund og Danir sem væru
fimm milljóna manna þjóð. Þessi
TILLAGA fjölmiðlanefndar frá í
fyrra um reglur um flutning á sjón-
varpsefni mun hafa hvað mest áhrif
á núverandi stöðu á fjölmiðlamark-
aði hér á landi, verði hún að veru-
leika, að því er fram kom í máli
Þorgerðar Katrínar Gunnarsdóttur,
menntamálaráðherra, á málþingi
um fjölmiðla sem menntamálaráðu-
neytið og Rannsóknarsetur um fjöl-
miðlun og boðskipti við Háskóla Ís-
lands stóðu að í gær. Til
málþingsins var boðað í tilefni af
því að verið er að vinna lagafrum-
varp upp úr tillögum nefndar
menntamálaráðherra um íslenska
fjölmiðla.
Þorgerður Katrín sagði slíkar
flutningsreglur þýða að tengsl yrðu
rofin milli fjarskiptafyrirtækja og
fjölmiðla. „Með því að aðskilja efni
og dreifingu verður það hagur fjöl-
miðlafyrirtækja að sýna efni sitt
sem víðast og hagur fjarskiptafyr-
irtækjanna að fá sem mest efni inn
á dreifikerfi sín. Þannig lækkar að-
gangsþröskuldurinn fyrir nýja fjöl-
miðla og fjarskiptafyrirtæki að
komast inn á markaðinn og gerir
áhorfendum mögulegt að horfa á
framboð af ólíku sjónvarpsefni frá
fleiri en einu fyrirtæki,“ sagði Þor-
gerður Katrín. Að mörgu væri að
huga í lagasetningu en markmiðið
væri skýr rammi sem stuðlaði að
fjölbreytni og fjölræði á markaði.
Ráðherra benti í ávarpi sínu á að
íslenskir áskrifendur að sjónvarps-
þróun væri áhyggjuefni enda kæmi
hún illa við jafnt við fyrirtæki sem
neytendur.
Meðal þeirra sem fluttu erindi á
málþinginu var Elfa Ýr Gylfadóttir,
fjölmiðlafræðingur, en hún ræddi
um íslenska fjölmiðla og tillögur
nefndar menntamálaráðherra frá
því í apríl 2005. Í máli sínu rakti
Elfa Ýr helstu markmið fyrirhug-
aðrar fjölmiðlalöggjafar hér á landi.
Þau væru meðal annars að auka
samkeppni á markaðnum, tryggja
gagnsæi eignarhalds, lágmarka
áhrif eigenda á efnistök og dagskrá
og styrkja stöðu almannaþjónustu-
útvarps. „Þá þarf að lækka að-
gangsþröskuld inn á markaðinn og
það er gríðarlega mikilvægt að það
sé gert,“ sagði Elfa Ýr. Ennfremur
væri mikilvægt að sambærileg
þjónusta fengist hvort sem menn
byggju í þéttbýli eða dreifbýli.
Erfitt að koma í veg
fyrir samþjöppun
Að loknum erindum fóru fram
pallborðsumræður sem Þorbjörn
Broddason, prófessor í félagsfræði,
stýrði. Í pallborði sátu þeir Páll
Magnússon, útvarpsstjóri, Magnús
Ragnarsson, sjónvarpsstjóri Skjás
eins, Karl Blöndal, aðstoðarritstjóri
Morgunblaðsins, og Páll Baldvin
Baldvinsson, ritstjóri DV. Karl
Blöndal sagði mikilvægt að huga að
því hvernig ætti að bregðast við
þeirri gríðarlegu samþjöppun sem
ætti sér stað á fjölmiðlamarkaði.
Það hlyti að vera hagsmunamál
allra Íslendinga að viðskiptablokkir
mynduðust ekki. „Að ekki sé talað
um blokk sem hefur gríðarleg ítök
á fjölmiðlamarkaði og sömuleiðis í
verslun í landinu,“ sagði Karl.
Kvaðst hann ekki viss um að þær
tillögur sem fram kæmu í skýrslu
fjölmiðlanefndarinnar tækju á
þessu af alvöru.
Páll Baldvin kvaðst telja erfitt að
koma í veg fyrir þá samþjöppun
sem hér væri orðin á fjölmiðla-
markaði. „Það er hægt að setja í
lög að aðskildar séu veitur og efnis-
fyrirtæki, en öll tilhneiging í fjár-
málalífi Evrópu er í þá átt að menn
binda sig í net,“ sagði hann. Fjöl-
miðlar stæðu undir nafni í krafti
stærðar sinnar.
Magnús Ragnarsson kvaðst telja
að á litlum markaði yrði ávallt
stærðarhagkvæmni í því að flétta
saman. Stjórnvöld yrðu þó að líta til
þess hversu skakkur fjölmiðlamark-
aðurinn væri orðinn í dag. Páll
Magnússon sagðist telja nauðsyn-
legt að setja lög um eignarhald á
fjölmiðlum. „Ég sé enga aðra og
skárri leið heldur en verið er að
vinna að núna með skýrslu fjöl-
miðlanefndar,“ sagði Páll.
Menntamálaráðherra á málþingi í tilefni af vinnslu lagafrumvarps um fjölmiðla
Fjölbreytni og fjölræði ríki á markaði
Eftir Elvu Björk Sverrisdóttur
elva@mbl.is
Morgunblaðið/Ómar
Páll Magnússon, Magnús Ragnarsson, Karl Blöndal og Páll Baldvinsson tóku þátt í pallborðsumræðum.
GUÐNI Ágústsson landbúnaðarráðherra segir ljóst að
danskur mjólkuriðnaður hafi orðið fyrir miklu áfalli
vegna andúðar sem danskar vörur mæti nú í arabalönd-
um. Guðni heimsótti á dögunum danska matvæla-
ráðherrann, Hans Chr. Schmidt, og skoðaði mjólkurfyr-
irtækið Arla sem hefur verið umsvifamikið í sölu
mjólkurvara í arabalöndum.
„Arla varð fyrir miklu áfalli vegna mótmæla sem urðu
í kjölfar teikningamálsins. Danska þjóðin er mjög slegin
yfir þessu ástandi. Forsvarsmenn mjólkurbúsins sögðust
hafa sárar áhyggjur af þessari stöðu. Þeir gera sér eftir
sem áður vonir um að ástandið batni. Danir leggja mikið
á sig að leysa þessi mál með diplómatískum hætti,“ sagði
Guðni.
Ráðherrarnir ræddu á fundi sínum landbúnaðarmál,
dýraheilbrigðismál, þróun landbúnaðarstefnu Evrópu-
sambandsins, þróun mála innan Alþjóðaviðskiptastofn-
unarinnar, svo og matvælamál almennt út frá sjónarhóli
neytenda.
Í Danmörku heyra bæði landbúnaðarmál og sjávar-
útvegsmál undir danska matvælaráðuneytið. Guðni
sagði að Hans Chr. Schmidt hefði sagt að það hefði gefist
vel í Danmörku að vera með landbúnaðarmál og mat-
vælaeftirlit á einni hendi, en hins vegar hefði hann ekki
verið eins sannfærður um að landbúnaðarmál og sjáv-
arútvegsmál ættu endilega heima í sama ráðuneyti.
Danski matvælaráðherrann sýndi og kynnti Guðna
bæði stærsta og minnsta mjólkurbú Danmerkur. Minnsta
búið er ferðaþjónustubærinn Elmegaarden við Sommer-
sted á Suður-Jótlandi. Elmegaarden er gott dæmi um þá
nýsköpun sem hefur átt sér stað hin síðari ár í dönskum
landbúnaði en þar er rekið fjölskyldubú sem framleiðir
m.a. hágæðaosta úr lífrænni mjólk, nautakjöt og lamba-
kjöt í hæsta gæðaflokki. Auk þess býður fjölskyldan upp
á veisluþjónustu og bændagistingu.
Guðni sagði að Danir legðu mikla áherslu á nýsköpun í
dönskum landbúnaði. Þeir vildu halda utan um fjöl-
skyldubúin og m.a. tengja þau ferðaþjónustunni. Eftir
sem áður væri danskur landbúnaður stóriðja og danskar
landbúnaðarvörur virtar úti um allan heim.
Guðni Ágústsson heimsótti m.a. Elmegaarden. Með
honum er danski matvælaráðherrann, Hans Chr.
Schmidt, og ostameistarinn Ryon Petersen.
Danska þjóðin slegin
VIÐSKIPTABLAÐIÐ og Viðskipta-
blað Morgunblaðsins hafa forskot á
önnur íslensk blöð sem fjalla um við-
skipti, samkvæmt könnun Félagsvís-
indastofnunar fyrir Viðskiptablaðið.
Reglulegir lesendur Viðskiptablaðs-
ins reyndust vera 47% svarenda og
45% lásu Viðskiptablað Morgunblaðs-
ins reglulega en 25% lásu Markað
Fréttablaðsins reglulega.
Þegar spurt var um lestur síðustu
sjö daga kvaðst 81% hafa flett eða les-
ið Viðskiptablað Morgunblaðsins,
59% Viðskiptablaðið og 52% Markað-
inn. Einnig var spurt um flettingu eða
lestur síðustu fjórar vikur og þá
nefndu 92% Viðskiptablað Morgun-
blaðsins, 80% Viðskiptablaðið og 72%
Markaðinn. Reglulegir lesendur við-
skiptablaða voru spurðir hvert fyrr-
greindra þriggja blaða þeim líkaði
best. Þá nefndu 49% Viðskiptablað
Morgunblaðsins, 45% Viðskiptablaðið
og 7% Markað Fréttablaðsins.
Þegar spurt var um traust til
fréttaflutnings blaðanna fékk Við-
skiptablað Morgunblaðsins meðalein-
kunnina 3,9, Viðskiptablaðið fékk 3,8
og Markaðurinn 3,2.
Könnunin var gerð frá 20.11.2005–
12.1.2006, en hlé gert á gagnaöflun
um jól og áramót. Í úrtakinu voru 600
fyrirtæki valin af handahófi. Einn yf-
irstjórnandi í hverju fyrirtæki var
beðinn að svara og fengust alls 460
svör.
Viðskiptablaði Morg-
unblaðsins best treyst


    

  
 




   

 



  
   


 

  








  


 

   


  


 

   
!

" #$#


 
#%#%
& 
' %
& 

MEIRIHLUTI Íslendinga, eða um
42,3% aðspurðra, er andvígur því að
sækja um aðild að Evrópusamband-
inu, en 34,3% eru hlynnt henni. Þetta
kemur fram í nýrri skoðanakönnun
Fréttablaðsins sem birtist í blaðinu í
gær.
Könnunin var gerð 18. febrúar sl.,
en Halldór Ásgrímsson lýsti 8. febr-
úar sl. yfir þeirri skoðun sinni að Ís-
land yrði komið inn í ESB fyrir árið
2015. Ef aðeins er tekið tillit til
þeirra sem tóku afstöðu í könnuninni
eru 55% á móti aðildarumsókn en
45% hlynnt henni.
Meirihluti
Íslendinga
andvígur
aðild að ESB