Morgunblaðið - 25.02.2006, Side 25

MORGUNBLAÐIÐ LAUGARDAGUR 25. FEBRÚAR 2006 25
MINNSTAÐUR
AKUREYRI
„ÁSTANDIÐ er hrikalegt,“ segir
Guðmundur Hjálmarsson, fram-
kvæmdastjóri verktakafyrirtækisins
G. Hjálmarsson, en nú nýlega var
öxulþungi á Eyjafjarðarbraut eystri
lækkaður niður í 7 tonn. Verktaka-
fyrirtæki í bænum hafa sótt í mal-
arnámur í Eyjafjarðarsveit, við
Þverá og Hól en að auki á Guðmund-
ur námu við Skálpagerði. Fara þarf
eftir Eyjafjarðarbraut eystri eftir
efninu, en nú komast bílarnir hvergi,
þeir eru of þungir fulllestaðir.
Guðmundur segir að hann hafi nú
á dögunum fengið stórt verkefni fyr-
ir Búseta í Naustahverfi, verk upp á
um 35 milljónir króna og það sé nú í
uppnámi vegna þessa. „Ég lendi í
verulegum vandræðum með þetta
verkefni ef ég kemst ekki með bíl-
ana í námurnar, þeir hjá Vegagerð-
inni lokuðu veginum svo að segja á
okkur daginn eftir að ég fékk þetta
verkefni,“ segir hann og að engar
upplýsingar hafi fengist frá Vega-
gerðinni um hvort öxulþungi á veg-
inum yrði hækkaður aftur og þá
hvenær. „Þetta getur allt eins orðið
svona fram á vor,“ segir hann.
Verkefnið fyrir Búseta á að vinna
á rúmum mánuði. „Eins og staðan er
nú veit ég bara ekki hvað ég á að
gera, það hvarflaði aldrei að mér
þegar ég bauð í verkið að ég kæmist
ekki í malarnámurnar suður í sveit,“
segir Guðmundur. „Ég stólaði auð-
vitað algerlega á að komast í mína
eigin námu,“ bætir hann við.
Nafni hans Gunnarsson fram-
kvæmdastjóri hjá GV-gröfum tekur
í sama streng, fyrirtæki hans er með
mjög stórt verkefni í gatnagerð í
Naustahverfi sem skila á 1. júlí
næstkomandi. „Það er erfitt að reka
fyrirtækið þegar ástandið er með
þessum hætti,“ segir hann. „Mér
sýnist að ef fram heldur sem horfir
stefnir þessi lokun á umferð mal-
arflutningabílanna í það að við get-
um ekki staðið við okkar samninga.
Þeir eru við það að komast í upp-
nám.“
Nú síðustu daga hefur efni verið
sótt að Björgum í Hörgárdal, mun
lengri leið að fara, kostnaður verður
fyrir vikið meiri, aka þarf í gegnum
allan bæinn og það skapar aukna
hættu í umferðinni, en fyrirtækin
eru með 7–8 bíla í þessum verkefn-
um hvort. „Ef við þurfum í Hörg-
árdalinn eftir efni þá er alveg ljóst
að við munum tapa á þessu verkefni,
það er morgunljóst, en okkur eru
eiginlega allar bjargir bannaðar,“
segir Guðmundur Gunnarsson.
Þeir nafnar telja báðir að unnt sé
að laga umræddan veg til bráða-
birgða svo hægt verði að hleypa á
hann umferð stórra bíla, en eru síð-
ur en svo vissir um að vilji sé til þess
hjá yfirvöldum vegamála. Vegurinn
hafi verið lélegur fyrir og menn því
átt að sjá í hvað stefndi. „Það er
bara eins og þetta sé svo seinvirkt
kerfi.“
Verktakar í vandræðum eftir að
öxulþungi var lækkaður
Ástandið er
hrikalegt
Verktakar í vanda Eftir að öxulþungi á Eyjafjarðarbraut eystri var tak-
markaður við 7 tonn komast verktakar í jarðvinnu ekki í námur í sveitinni,
bílarnir eru of þungir fyrir veginn. Nokkrir starfsmenn vöktu athygli veg-
faranda á ástandinu, trilluðu með tómar hjólbörur eftir veginum.
EFtir Margréti Þóru Þórsdóttur
maggath@mbl.is
Afkoma Slippsins
samkvæmt áætlun
AÐALFUNDUR Slippsins Ak-
ureyri ehf. var haldinn um sl. helgi.
Þetta er fyrsti aðalfundur félagsins
en það hóf rekstur 11. október. Af-
koma félagsins var skv. áætlun en
reksturinn skilaði rúmlega 8,5 millj-
óna króna hagnaði eftir skatt. Að
sögn Antons Benjamínssonar, fram-
kvæmdastjóra Slippsins, var verk-
efnastaðan afar góð þessa tæpu 3
mánuði og verkefnin gengu vel.
Efnahag félagsins segir hann
traustan og eigið fé tæp 50%.
Stjórn félagsins var endurkjörin en
formaður hennar en Steinþór Ólafs-
son.
Frá áramótum hefur verkefna-
staðan verið í rýrari kantinum hvað
varðar skipaþjónustu en talsvert
hefur verið um landverkefni. Hins
vegar er útlitið gott næstu mánuði
og mörg krefjandi verkefni fram-
undan, segir Anton Benjamínsson.
Skipulag | Á fundi bæjarráðs í gær
voru lögð fram drög að auglýsingu
um uppbyggingarmöguleika á mið-
bæjarsvæðinu, en fyrirhugað er að
auglýsa eftir áhugasömum fjár-
festum og byggingaaðilum. Meiri
hluti bæjarráðs samþykkti auglýs-
inguna með þeim breytingum sem
gerðar voru á fundinum og heimilaði
birtingu hennar. Tveir bæjar-
fulltrúar, þau Valgerður H. Bjarna-
dóttir og Oddur Helgi Halldórsson,
bókuðu á fundinum að þau væru á
móti afgreiðslunni og lögðu fram
bókun þar sem segir: „Rétt er að
endurskoðað aðalskipulag liggi fyrir
áður en formlegt samkeppnisferli
fer af stað um uppbyggingu á mið-
bæjarsvæðinu.“
Velferð | Vinstri græn á Akureyri
halda fund í dag, laugardaginn 25.
febrúar, um undirbúning sveit-
arstjórnarkosninga undir yfirskrift-
inni Velferð, atvinna og umhverfi.
Hann verður í húsnæði félagsins í
Hafnarstræti 98 klukkan 14.
Alþingismennirnir Þuríður Back-
man og Hlynur Hallsson mæta á
fundinn.
Sýningarlok | Fyrstu sýningu árs-
ins í Listasafninu á Akureyri,
Hraunblómum, lýkur laugardaginn
25. febrúar. Sýningin er unnin í sam-
starfi við Listasafn Sigurjóns Ólafs-
sonar og hefur að geyma verk eftir
Danina Else Alfelt og Carl-Henning
Pedersen og félaga þeirra Svavar
Guðnason og Sigurjón Ólafsson.
  
  
  
Eyjafjarðarsveit | Freyvangsleikhús-
ið hefur í vetur ráðist í mikið stórvirki
og frumsýnir í dag, laugardag, hið
góðkunna barnaleikrit Kardimommu-
bæinn eftir norska leikritaskáldið
Thorbjörn Egner í þýðingu Huldu
Valtýsdóttur og Kristjáns frá Djúpa-
læk. Leikstjóri er Sunna Borg og tón-
listarstjóri Ingólfur Jóhannsson.
Leikmynd er eftir Hallmund Krist-
insson og ljósahönnuður er Þorsteinn
Sigurbergsson. Milli tuttugu og þrjá-
tíu leikarar bæði börn og fullorðnir
koma fram í sýningunni.
Með hlutverk ræningjanna fara
Jónsteinn Aðalsteinsson, Ingólfur
Þórsson og Stefán Guðlaugsson.
Soffía frænka er leikin af Hjördísi
Pálmadóttur. Þess má geta að þetta
er í þriðja sinn sem Jónsteinn leikur í
Kardemommubænum. Tvö fyrri
skiptin var með Leikfélagi Akureyrar
og hann hækkar stöðugt í tign; lék
fyrst pylsugerðarmanninn, þá bakar-
ann og leikur nú ræningjann Kasper!
Leiklistarhefð í Eyjafjarðarsveit
spannar að minnsta kosti hundrað ár
aftur í tímann. Þegar fréttaritari leit
við á einni af lokaæfingu á verkinu var
formaður leikfélagsins Halldór Sigur-
geirsson frá Öngulsstöðum að hengja
upp gamla mynd á gangi leikhússins,
af leikhópi sem sýndi leikritið „Yfir-
dómarann“, í Saurbæ árið 1904. Til
gamans má geta þess að bæði langafi
og langamma núverandi formanns
voru í leikhópnum.
Frumsýningin hefst kl. 16 í dag og
önnur verður á morgun á sama tíma.
Uppselt er á báðar.
Eyfirðingar sýna Kardimommubæinn
Morgunblaðið/Benamín Baldursson
Kasper og Jesper og Jónatan Jónsteinn Aðalsteinsson, Ingólfur Þórsson
og Stefán Guðlaugsson leika ræningjana í Freyvangsleikhúsinu.
Jónsteinn hækkar
stöðugt í tign!
NEI, Bjarni minn, það er ekki 17.
júní, sagði einn starfsmanna leik-
skólans Álfasteins í Hörgárbyggð.
Börnin höfðu brugðið sér bæj-
arleið, röltu um miðbæinn á Ak-
ureyri fagran morgun í vikunni og
þá dundi tónlist úr hljóðkerfi frá
Ráðhústorgi og eftir göngugötunni
í Hafnarstræti stormuðu mennta-
skólanemar á mótmælafund. Sá
stutti tengdi tónlist og skrúðgöngu
við þjóðhátíðardag Íslendinga,
enda er honum eflaust ekki kunn-
ugt um áform um að stytta nám til
stúdentsprófs og að MA-ingum
væri heitt í hamsi vegna þess.
Ekki
17. júní!
Morgunblaðið/Skapti Hallgrímsson
Fjárdráttur | Héraðsdómur Norð-
urlands eystra hefur dæmt konu í 5
mánaða skilorðsbundið fangelsi
fyrir fjárdrátt en konan viður-
kenndi að hafa misnotað aðstöðu
sína sem starfsmaður í útibúi Ís-
landsbanka og dregið sér samtals
tæpar 4,3 milljónir króna með því
að flytja fé af reikningum tveggja
viðskiptamanna bankans.
Fram kemur í dómnum, að konan
hafi játað brotin skýlaust. Hún hef-
ur átt við veikindi að stríða eftir að
rannsókn málsins hófst, sem sam-
kvæmt læknisvottorði eru afleiðing
brotanna. Þá hefur konan bætt allt
það tjón sem hlaust af brotum
hennar. Þykir dómnum að hafa
megi hliðsjón af því við ákvörðun
refsingar.
  
Ný
tt!
+ Staðgreiðsluverð
+ Lægri vextir
+ Lægri kostnaður
+ Til allt að 36 mánaða
+ Framlengdur ábyrgðartími
+ Flutningstrygging
+ Vildarpunktar
VISALán er ný og hagstæð leið til greiðslu-
dreifingar við kaup á vörum eða þjónustu.
– HAGSTÆÐAR AFBORGANIR
Spurðu um ENNE
M
M
/
S
ÍA
Nánari upplýsingar á www.visa.is/visalan eða í síma 525 2000