Morgunblaðið - 25.02.2006, Síða 29

MORGUNBLAÐIÐ LAUGARDAGUR 25. FEBRÚAR 2006 29
DAGLEGT LÍF Í FEBRÚAR
Hér er búið að vera mikið fjörí dag, enda er þessi sýninghápunkturinn á þemadög-
unum okkar og foreldrarnir fá að
koma og sjá afraksturinn,“ segir
Júlíana Hauksdóttir, deildarstjóri
og kennari í Hamraskóla, þar sem
hún gengur með blaðamanni um
ganga skólans þar sem taktföst tón-
list frá Afríku ómar og veggirnir
eru fagurlega skreyttir grímum,
myndum og ýmsu fleiru sem nem-
endur hafa búið til á þemadögum
skólans þar sem viðfangsefnið var
Afríka.
„Við erum alltaf með þrjá þema-
daga á hverju skólaári þar sem eitt-
hvað ákveðið er tekið fyrir og til-
gangurinn er fyrst og fremst sá að
brjóta upp skólastarfið, hvíla sig á
kennslu, hafa gaman og velja
skemmtileg verkefni. Afríka býður
upp á fullt af skemmtilegum hlutum
til að föndra og búa til, eins og
grímur, trommur og skartgripi.“
Afrískur dans og trommuleikur
Nemendur í fyrsta til fjórða bekk
bjuggu til dæmis til mörg og ólík
„kabúlana“ úr lérefti eins og fólk í
Afríku klæðist og vefur um sig líkt
og pilsi, og þau teiknuðu myndir á
léreftið. Krakkarnir í Hamraskóla
fengu líka á þemadögunum að fræð-
ast um afríska fótboltamenn og
bökuðu afrískar sesamkökur, svo
fátt eitt sé nefnt. Svo vel vill til að
starfsmaður ÍTR, sem er með
krökkunum í frístundum í skól-
anum, er frá Afríku og hann kom
með afríska tónlist og myndband til
að kynna fyrir þeim. Einnig benti
hann á afríska dansara og trommu-
leikara sem fengnir voru til að
koma í heimsókn í skólann og dansa
og spila á trommur fyrir nemendur.
Þegar vetrarfríinu lýkur verður
þemadögunum í Hamraskóla fylgt
eftir með fræðslu um Afríku og þá
læra krakkarnir fjölmargt sem
tengist þeirri heimsálfu.
 SKÓLI | Krakkarnir í Hamraskóla kynntu sér hina ævintýralegu heimsálfu Afríku
Litrík og heillandi
heimsálfa
Eftir Kristínu Heiðu Kristinsdóttur
khk@mbl.is
Morgunblaðið/Ásdís
Krakkarnir í Hamraskóla gerðu stóra veggmynd með dýrunum í Afríku.
Katrín Hannesdóttir og Stefanía Rós
Karlsdóttir voru stoltar af tromm-
unni sem þær bjuggu til saman en
þeim fannst grímugerðin samt
skemmtilegust. Þær sögðust
kannski ætla að heimsækja Afríku
einn góðan veðurdag.
Þessi stúlka dáðist að afrísku skart-
gripunum sem voru fjölbreytilegir.
HÓFDRYKKJUFÓLK, sem af og
til drekkur of mikið, endar oftar á
skurðdeildum sjúkrahúsa en þeir
sem drekka mikið að staðaldri.
Svissnesk rannsókn hefur leitt þetta
í ljós, en frá henni er m.a. greint í
Göteborgs Posten.
Niðurstöðurnar eiga bæði við
karla og konur en 8.700 sjúklingar
háskólasjúkrahússins í Lausanne
voru rannsakaðir á átján mánaða
tímabili. Sjúklingarnir komu fyrst á
bráðamóttöku, en síðar á tímabilinu
lentu þeir í skurðaðgerð vegna
drykkjuvenja.
Áfengisneysla sjúklinganna var
skoðuð; hve oft þeir drukku mikið
magn áfengis og hversu mikið alkó-
hól þeir höfðu innbyrt áður en þeir
lentu á sjúkrahúsinu. Í mestri hættu
voru þeir, sem höfðu drukkið mest
alkóhól sólarhringinn áður en þeir
lentu á sjúkrahúsi, en voru að öðru
leyti hófdrykkjumenn.
Forsvarsmenn rannsóknarinnar
telja hana staðfesta að grípa þurfi til
aðgerða til að koma í veg fyrir að
fólk verði ofurölvi þegar það fer út á
lífið. Þessar aðgerðir eru m.a. að:
 Fjölga áfengismælingum hjá
ökumönnum.
 Hætta að selja mjög ölvuðu
fólki drykki á barnum.
 Sleppa því að bjóða upp á
„happy hour“, þ.e. ákveðið
tímabil þar sem drykkir eru
ódýrari en venjulega.
 Banna drykkjukeppnir á bör-
um.
Hófdrykkju-
fólk líklegra
til að lenda á
spítala
 HEILSA