Morgunblaðið - 25.02.2006, Blaðsíða 61

MORGUNBLAÐIÐ LAUGARDAGUR 25. FEBRÚAR 2006 61
TÓNLIST
Geisladiskur
Mr. Schmuck’s Farm -
x Good Sound x

Öll lög eru eftir Hildi Guðnadóttur og Dirk
Dresselhaus. Upptökur fóru fram í Berlín
á árinu 2004. John Sellekaers mast-
eraði. Oral gefur út. 3 lög, 70:33.
ÉG hafði orð á því við tengdamóður
mína fyrir skemmstu að hún myndi
að öllum líkindum ekki endast eina
einustu mínútu við áhlustun plöt-
unnar sem hér er til umfjöllunar,
Good Sound. Það má vera að ég van-
meti þolinmæði tengdó en ég er í það
minnsta ekki að ýkja þegar ég segi
að þessi plata er ekki allra.
Á Good Sound er að finna þrjú
verk sem byggja öll á snarstefjun á
selló og þungum rafhljóðum, stund-
um nefnd „drone“ eða einfaldlega
drunur. Sellóleikarinn er Hildur
Guðnadóttir sem er Íslendingum að
góðu kunn úr ýmsum hljómsveitum
s.s. Rúnk og Stórsveit Nix Nolte.
Rafhliðina annast Dirk Dresselhaus,
en hann hefur getið sér gott orð und-
ir nafninu Schneider TM – áhuga-
sömum er bent á að nálgast hina frá-
bæru Zoomer. Dirk teygir hér
sellótónana og beygir, bætir inn alls-
kyns torkennilegum hljóðum svo úr
verður mikil framúrstefna.
Drunginn er í aðalhlutverki og á
dimmu vetrarkvöldi þarf maður að
hafa sig allan við til að naga ekki
neglurnar niður í kviku. Drunur
Dresselhaus ættu vel heima í til-
raunakenndri hryllingsmynd og
ógnvænlegur sellóleikur Hildar ekki
síður í fantasíuheimi þýska express-
jónismans. En hlustandinn þarf
einnig að hafa sig allan við svo hann
missi ekki einbeitingu, stysta verkið
er rúmar 15 mínútur og hið lengsta
tæpar 33 mínútur.
Fyrsta verkið „Not All Crows Are
Black“ er gott. Hildur fer mikinn á
sellóinu og iðnaðarlegar drunurnar í
bakgrunni mynda skemmtilega and-
stæðu við lifandi strengjaleikinn.
Verkið á einnig skilið hrós fyrir
byggingu, hér er ekki einvörðungu
byggt lóðrétt – ofan á – í 23 mínútur,
heldur má tala um (ó)eiginlega kafla
sem hjálpa hlustandanum að stað-
setja sig í þessu mikla og stóra hljóð-
rými.
Annað verkið „Don’t Give Up,
What Is Death?“ er síðra. Hér er of
miklu púðri eytt í of lítið. Verkið fer
vel af stað en er orðið ansi lang-
dregið um og eftir tíu mínútna
markið. Þá eru hins vegar tveir
þriðju leiðarinnar eftir. Umgjörð
seinni hlutans er öll mun smærri og
fyrir vikið er auðvelt að missa áhug-
ann. Á síðustu mínútunum er gerð
tilraun til að rífa spennuna upp á ný,
en þá er maður löngu sofnaður.
Það birtir til með þriðja og síðasta
verkinu „My Favourite Caucus Air-
chamber“. Það er vafalaust aggresíf-
ast, sellóið er hér þanið til hins ýtr-
asta, tónninn keyrður gegnum
allskyns hljómskæla svo úr verður
verk sem gæti þess vegna hafa átt
heima á skrítnari plötum Velvet Un-
derground eða Sonic Youth. Notkun
bergmáls er smám saman aukin eftir
því sem líður á verkið sem þýðir að
hljómveggurinn þéttist í sífellu.
Hildur spilar smám saman fastar og
Dirk afskræmir hljóminn enn frekar
svo úr verður magnað ris á tólftu
mínútu.
Good Sound er ansi sérstök plata
fyrir þá sem þekkja Dirk og Hildi af
fyrri verkum þeirra. Þrátt fyrir það
er hún áhugavert innlegg í íslenska
tilraunatónlist og ágætur minnis-
varði um þá miklu grósku sem á sér
stað í Berlín þessa dagana, ekki síst í
nafni íslenskra listamanna. Mr.
Schmuck’s Farm er eflaust mjög
gaman að sjá á sviði; ég ímynda mér
að þá komist maður í nánari snert-
ingu við þá spunakenndu töfra sem
hér er reynt að gera skil á plasti.
Atli Bollason
Varúð!
Ekki fyrir
tengda-
mæður!
MYNDIN The Constant Gardener
er nýjasta kvikmynd leikstjórans
Fernando Meirelles, sem tilnefndur
var til Óskarsverðlauna árið 2004
fyrir leikstjórn kvikmyndarinnar
City of God. Myndin er byggð á met-
sölubók rithöfundarins John Le
Carré, og með aðalhlutverk fara þau
Ralph Fiennes og Rachel Weisz, en
Weisz er tilnefnd til Óskarsverð-
launa fyrir hlutverk sitt í myndinni.
Alls er myndin tilnefnd til fjögurra
Óskarsverðlauna.
The Constant Gardener fjallar um
diplómatann Justin Quayle sem fer
til Afríku til að rannsaka morðið á
eiginkonu sinni. Þegar á rannsókn-
ina líður kemst hann hins vegar á
snoðir um hræðilegt samsæri sem
orðið getur milljónum manna að
bana.
Rachel Weisz og Ralph Fienn-
es leika aðalhlutverkin í The
Constant Gardener.
Frumsýning | The Constant Gardener
Morð í Afríku
ERLENDIR DÓMAR:
Metacritic.com 82/100
Roger Ebert 100/100
Empire 80/100
Variety 80/100
Hollywood Reporter 80/100
The New York Times 80/100
(allt skv. Metacritic)
F
A
B
R
IK
A
N
2
0
0
6
OPIÐ FYRIR UMSÓKNIR
Háskólinn í Reykjavík býður metnaðarfullt og
spennandi nám með áherslu á hagnýt verkefni og
sterk tengsl við atvinnulífið. Stefna Háskólans í
Reykjavík gagnvart nemendum og starfsfólki er
einföld: Að allir hlakki til að koma í skólann
á hverjum degi til þess að leggja sig fram.
Hringdu og fáðu sent upplýsingaefni eða
bókaðu tíma hjá námsráðgjafa í síma 599 6200.
Kíktu á www.ru.is
VIÐSKIPTAFRÆÐI
TÖLVUNARFRÆÐI
TÆKNIFRÆÐI
VERKFRÆÐI
IÐNFRÆÐI
LÖGFRÆÐI
KENNSLUFRÆÐI
LÝÐHEILSUFRÆÐI
FRUMGREINASVIÐ
HÁSKÓLINN Í REYKJAVÍK 2006-2007
Kynntu þér ná
msframboðið
á Stóra háskó
ladeginum,
í dag kl. 11–17
í Borgarleikhú
sinu.
OFANLEITI 2, 103 REYKJAVÍK • HÖFÐABAKKA 9, 110 REYKJAVÍK
SÍMI: 599 6200 • www.ru.is