Morgunblaðið - 19.09.2006, Qupperneq 19

MORGUNBLAÐIÐ ÞRIÐJUDAGUR 19. SEPTEMBER 2006 19
SUÐURNES
Eftir Helga Bjarnason
helgi@mbl.is
Keflavík | Jón Eysteinsson lætur af
embætti sýslumanns í Keflavík 1.
október en þann dag verður liðið ná-
kvæmlega þrjátíu og eitt ár frá því
hann var skipaður sýslumaður í
Gullbringusýslu og bæjarfógeti í
Keflavík og Grindavík. Síðar bættist
við embætti bæjarfógeta í Njarðvík
þannig að Jón bar óvenjulangan
starfstitil á fyrstu árum sínum í
embætti. Áður hafði hann verið
fulltrúi hjá embættinu og héraðs-
dómari þannig að hann hefur unnið
hjá sama embættinu í 36 ár, þar af í
35 ár samfleytt. „Þetta er orðið gott
og ég fer mjög sáttur úr þessu,“ seg-
ir Jón í samtali við Morgunblaðið.
Jón er fæddur og uppalinn í
Reykjavík. Að loknu lögfræðiprófi,
vorið 1965, bauðst honum starf full-
trúa hjá Alfreð Gíslasyni, bæjarfóg-
eta í Keflavík. Hann hætti þar eftir
ár þar sem honum skildist að ekki
væri fjárheimild fyrir starfinu. Fékk
hann þá fulltrúastarf hjá bæjarfóg-
etanum í Kópavogi. Í byrjun árs
1971 var starf fulltrúa í Keflavík
auglýst og fékk Jón það. Frá því
hann hætti í fyrra skiptið í Keflavík
hafði hann kvænst stúlku þaðan,
Magnúsínu Guðmundsdóttur, og
þau vildu flytja til Keflavíkur. Hann
var fyrst fulltrúi, síðar aðalfulltrúi
og héraðsdómari og eftir að Alfreð
lét af störfum var Jón skipaður í
embætti bæjarfógeta, 1. október
1975.
Fjölbreytt verkefni
„Það er skemmtilegast hvað starf-
ið er fjölbreytt. Maður veit aldrei
hvað gerist á morgun,“ segir Jón.
ættisins væri í lagi eins og fram-
koma við viðskiptavini. Að fólk geti
farið sæmilega sátt þótt hann við-
urkenni að sum mál séu þess eðlis að
menn fari ekki ánægðir út af sýslu-
skrifstofunni eða lögreglustöðinni. Í
þessu sambandi segir hann mikil-
vægast að hafa gott samstarfsfólk
og hann hafi verið afar heppinn með
það. Margir hafi unnið lengi hjá
embættinu.
Hann segir að erfiðast við starfið
sé að sjá ungt og efnilegt fólk fara í
hundana vegna eiturlyfjaneyslu sem
það komist ekki út úr. „Ég tel að Ís-
land ætti að geta varist þessu betur.
Við búum á eyju langt úti í hafi og
ættum að geta lokað okkur betur af
gagnvart fíkniefnainnflutningi,“
segir sýslumaður. Hann tekur fram
að ánægjulegt sé að sama skapi að
sjá fólk ná sér út úr ruglinu og verða
að nýtum þjóðfélagsþegnum. Slík
dæmi megi sem betur fer sjá dag-
lega á götum bæjarins.
Spænskunám í Fjölbraut
Jón óttast ekki aðgerðarleysið
þótt hann láti brátt af opinberum
störfum. Hann er til að mynda að
hefja spænskunám við Fjölbrauta-
skóla Suðurnesja og ætlar með því
að láta gamlan draum rætast. Hann
öðlaðist á sínum tíma réttindi sem
héraðsdómslögmaður og hyggst
endurnýja þau nú og jafnvel taka að
sér einhver verkefni á því sviði. Það
verði þó ekki strax.
Hann fer í sund á hverjum morgni
og er byrjaður í golfi. Hugsar sér
gott til glóðarinnar að standa sig
betur í því. Svo hefur hann alltaf
gengið töluvert, ekki síst um
Reykjanesskagann sem Jón segir að
sé afar skemmtilegt útivistarsvæði.
Hann hefur þó áhyggjur af um-
hverfismálunum. Segir að menn
ættu frekar að líta sér nær þegar
þeir hafi áhyggjur af eyðileggingu
náttúrunnar. Nefnir í því sambandi
utanvegaakstur og framkvæmdir
vegna borana á háhitasvæðinu í
Sogunum.
„Ég hef aldrei verið pólitískur,“
segir Jón þegar hann er spurður
hvort þetta hafi verið framboðs-
ræða. „Ég hef alltaf litið svo á að
sýslumenn ættu ekki að vera í póli-
tík. Ætli það sé ekki kominn tími til
að fara í hana núna,“ segir Jón glett-
inn á svip.
allt landið. Sérstök starfsstöð með
sjö starfsmenn annast það. Jón seg-
ir að ánægjulegt hafi verið að fá að
taka þátt í þessu verkefni og það
hafi orðið til þess að hann hafi hætt
ári seinna en hann hefði haft hug á.
Hin daglegu störf eru að mestum
hluta í höndum ýmissa yfirmanna
hjá embættinu, undir yfirstjórn og á
ábyrgð Jóns. Sjálfur hefur hann
annst skiptingu dánarbúa og nauð-
ungarsölur. „Mér finnst áhugaverð-
ast að vinna að stjórnun embættis-
ins og í það hefur mest af mínum
tíma farið,“ segir hann. Segist Jón
hafa lagt áherslu á að þjónusta emb-
Þegar hann tók við var gamla kerfið
við lýði. Sýslumenn rannsökuðu mál
og dæmdu. Jón segir að því hafi sem
betur verið verið breytt. Sýslumað-
ur var oddviti sýslunefndar og emb-
ættið hefur með höndum innheimtu
skatta og gjalda og umboð Trygg-
ingastofnunar ríkisins, svo nokkuð
sé nefnt, auk löggæslu og tollgæslu.
Hann segist hafa reynt að sinna vel
málefnum lögreglunnar, sérstaklega
eftir að hann losnaði við dómstörfin.
Lögð hafi verið áhersla á forvarn-
arstarfið með ágætum árangri.
Embættið fékk það verkefni fyrr
á árinu að framleiða vegabréf fyrir
Jón Eysteinsson sýslumaður segir erfitt að sjá ungt fólk fara í hundana
Veit aldrei hvað gerist
Morgunblaðið/Helgi Bjarnason
Hættir sáttur Jón Eysteinsson hefur verið bæjarfógeti og sýslumaður í
Keflavík í nákvæmlega 31 ár þegar hann lætur af störfum.
JÓN Eysteinsson kann margar
sögur og hefur gaman af því að
segja frá. Hér koma tvö dæmi
þar sem hann kemur sjálfur við
sögu:
Hér voru rollur inni í hverjum
garði þegar ég hóf störf og hús-
eigendur voru að sjálfsögðu
ósáttir við það. Það var erfitt
við þetta að eiga.
Á fundi í dómssalnum þar sem
rætt var um að girða svæðið af
sagði fjáreigandi úr Grindavík
að menn ættu að girða almenni-
lega í kringum húsin sín, þá
kæmist féð ekki inn í garðana.
„Í hvaða lögum stendur það,
Láki,“ spurði ég.
„Það ætti sýslumaður að vita
manna best,“ svaraði fjáreig-
andinn að bragði.
Á opnu svæði við sýslu-
skrifstofuna í Keflavík stendur
stytta af Ólafi Thors. Jón sýslu-
maður segir frá:
Strákur nokkur stóð lengi úti
við gluggann hér á skrifstofunni
og var að velta einhverju fyrir
sér. Snýr sér svo snöggt að mér
og segir: „Styttan er bara ekk-
ert lík þér.“
Sýslumaður
segir sögur
LANDIÐ
Eftir Sigurð Sigmundsson
Þjórsárdalur | Áfanga við endur-
byggingu hinnar fornu Skaftholts-
réttar í Þjórsárdal var fagnað í rétt-
unum um helgina. Jafnframt var
afhentur styrkur útibús Lands-
banka Íslands á Selfossi til verksins.
Réttin skemmdist mikið í Suður-
landsskjálftunum árið 2000, og var
raunar farin að láta verulega á sjá
fyrir þann tíma. Gert var við al-
menninginn þá um sumarið. Á síð-
asta ári stofnað félag áhugamanna,
Vinir Skaftholtsrétta, í þeim tilgangi
að endurbyggja réttina. „Mér rann
til rifja að sjá hana hálfkaraða,“
Kristján Guðmundsson, fyrrverandi
bæjarstjóri í Kópavogi, forystumað-
ur í Vinum Skaftholtsrétta. Segir
hann að hugmyndin hafi fengið ein-
stakar undirtektir og 250 manns
gengið í félagið.
Á þessu ári hefur verið unnið að
hleðslu og fengnir til þess fagmenn.
Veggir dilkanna eru hlaðir upp á
nýtt og síðan þarf að hlaða úthring-
inn með torfi, eins og var á gömlu
réttinni.
Kristján segir að verkið sé nú
hálfnað. Komnar séu um 9 milljónir í
endurbygginguna auk þess sem ótal-
inn fjöldi dagsverka hafi verið unn-
inn í sjálfboðavinnu. Þannig hafi
komið 50 til 70 manns til vinnu í þau
fjögur skipti sem leitað hafi verið
eftir sjálfboðaliðum. Kristján segir
stefnt að því að fagna verklokum í
Skaftholtsréttum að ári.
Heldur kindunum
Lilja Loftsdóttir á Brúnum, fjall-
drottning Gnúpverja, segir að miklu
skemmtilegra hafi verið að koma
með féð í Skaftholtsrétt að þessu
sinni, en í fyrra. Hún sé orðin miklu
fallegri og það sem meira er, hún
haldi kindum.
Morgunblaðið/Sigurður Sigmundsson
Stuðningur Nína G. Pálsdóttir, útibússtjóri Landsbankans, afhenti Lilju
Loftsdóttur fjalldrottningu styrk að viðstöddum Kristjáni Guðmundssyni.
Endurbyggingu rétt-
arinnar miðar vel
Eftir Björn Björnsson
Skagafjörður | Nemendur frá fjór-
um grunnskólum í Skagafirði söfn-
uðust saman undir verkstjórn þeirra
Helgu Gunnlaugsdóttur, garðyrkju-
fræðings á Sauðárkróki, og Steins
Kárasonar, frumkvöðuls um endur-
heimt Brimnessskóga í Skagafirði,
síðastliðinn föstudag og plöntuðu á
þrettánda hundrað birkiplöntum í
svæðið þar sem hinir fornu Brim-
nessskógar voru þegar land byggð-
ist.
Að sögn Steins er Brimnessskóga
getið í allra elstu heimildum Íslands-
sögunnar og því eftirsóknarvert að
endurheimta þetta svæði sem skóg-
lendi og færa í sinn upphaflega bún-
ing.
Nú þegar hefur, að sögn Steins,
verið plantað um fimmtán þúsund
plöntum á um sjö hektara svæði, en
björtustu vonir gengju í þá átt að um
tvö hundruð hektarar yrðu þaktir
skógi, þannig að svæðið stæði undir
nafni.
Þær plöntur sem nú voru gróður-
settar eru allar ættaðar úr Geir-
mundarstaðaskógi í Hrollleifsdal, en
til samanburðar hefur plöntum ætt-
uðum úr öðrum skagfirskum skóg-
arsvæðum verið valinn staður á öðr-
um svæðum og sagði Steinn að
samanburður ætti væntanlega að
sjást innan tíðar.
Þegar hugmyndin fæddist lagði
KB banki hugmyndinni lið með
hálfrar milljónar króna framlagi, og
var þá stofnað félagið Brimness-
skógar, en í stjórn félagsins eiga sæti
Vilhjálmur Egilsson, fyrrverandi al-
þingismaður, Jón Ásbergsson fram-
kvæmdastjóri og Sölvi Sveinsson
skólameistari, einnig hefur Yrkju-
sjóður svo og Skógræktarfélag
Skagfirðinga stutt verkefnið.
Steinn sagði að fordæmi væru fyr-
ir að Pokasjóður liðsinnti verkefnum
á borð við þetta og því mundi vænt-
anlega leitað til hans í framtíðinni, en
einnig væri öll önnur aðstoð vel þeg-
in.
Árlegar heimsóknir í skólana sem
eru þátttakendur, þar sem rætt er
við nemendur um þessi mál og verk-
ið kynnt, sagði Steinn vera mjög
ánægjulegar.
Nemendur vinna að end-
urheimt Brimnessskóga
Morgunblaðið/Björn Björnsson
Ánægð með dagsverkið Nemendur skólanna njóta þess að planta trjám við
Kolkuósa, með Steini Kárasyni, frumkvöðli Brimnessskógaverkefnisins.
Í HNOTSKURN
»Brimnessskógar voru svogróskumiklir að hryssan
Fluga týndist þar.
»Talið er að skógurinn hafiað mestu verið uppurinn
um 1760.
»Nú hafa um 15 þúsundplöntur verið gróðursettar
á um sjö hekturum lands.