Morgunblaðið - 27.09.2006, Qupperneq 33

MORGUNBLAÐIÐ MIÐVIKUDAGUR 27. SEPTEMBER 2006 33
✝ Sigurfljóð JónaHilmarsdóttir
fæddist í Reykjavík
4. maí 1964. Hún
lést 17. september
síðastliðinn. For-
eldrar hennar eru
Ingveldur Jenný
Jónsdóttir, f. 5.
ágúst 1941, og
Hilmar Jakobsson,
f. 18. mars 1940.
Systir Sigurfljóðar
er Sæunn Kristín
Hilmarsdóttir, f. 3.
janúar 1970, búsett
ásamt fjölskyldu sinni á Akranesi.
Sigurfljóð Jóna giftist 31. des-
ember 1987 Halldóri Auðarsyni, f.
3. apríl 1959. Þau skildu. Börn
þeirra eru: 1) Salóme Ás Halldórs-
dóttir, f. 18. nóvember 1985. 2)
Rebekka Ás Hall-
dórsdóttir, f. 13.
október 1988. 3)
Guðmundur Hall-
dórsson, f. 19 júlí
1990.
Sigurfljóð Jóna
ólst upp í Breiðholt-
inu. Hún lærði í
Waldorfs skólanum
Emison College í
Englandi þar sem
hún lauk meistara-
námi í skúlptúr og
kennslufræðum fyr-
ir börn árið 1998.
Sigurfljóð Jóna starfaði við leik-
skóla- og grunnskólakennslu þar
til hún lést.
Útför Sigurfljóðar fór fram í
kyrrþey frá Fossvogskapellu hinn
25. september.
Mín eina systir er dáin og ég sit við
eldhúsborðið sem hún gaf mér og
hripa niður kveðjuorð og rifja upp
minningar sem við áttum saman. Við
áttum margar góðar stundir saman,
mikið hlegið og alltaf eitthvert stúss
á okkur. Við áttum þó líka daprar
stundir sem voru mjög erfiðar. Jóna
mín var mikið fyrir að breyta til og
stoppaði stutt á milli staða á meðan
að ég var kyrr. Fjarlægðin var þó
ávallt erfið. Við áttum gott símtal
tveimur dögum fyrir andlát hennar,
þá var mikið hlegið og grátið, talað
mikið um börnin okkar að ógleymd-
um öllum hundunum. Mér líður vel í
hjarta mínu að hafa átt svona gott
samtal við hana áður en hún dó.
Við áttum okkar uppáhaldslag sem
er Söknuður eftir Tómas Guðmunds-
son og með því geymi ég minning-
arnar um systur mína í hjarta mínu.
Nú haustar að á heiðum
og húmar í skóg.
Hver söngfugl í dalnum
til Sóllanda fló.
En ein sit ég eftir
um andvökunótt
og harma það að sumarið
er horfið svona fljótt.
Elsku mamma, pabbi, Friðrik, Sal-
óme, Rebekka og Guðmundur, megi
friður og ljós fylgja ykkur á þessum
erfiðu stundum.
Sæunn.
Elsku fænka okkar er farin, nú er
hún orðin engillinn okkar og ætlar að
passa okkur. Guð geymi þig, elsku
Jóna frænka.
Nikulás og Máni Snær.
,,Guð geymir sálir látinna, við sem
eftir lifum geymum minningarnar“.
Elskuleg systurdóttir mín er látin
aðeins 42 ára að aldri. Hún Sigurfljóð
Jóna mín með fallega rauða hárið.
Þegar hún fæddist fannst mér hún
vera algjört kraftaverk. Ég var ung-
lingur og fannst mjög skrýtið að
stóra systir mín væri orðin mamma.
Ég kom oft í heimsókn til að leika við
litlu frænku mína og fannst æðislegt
að ganga um Reykjavík með hana í
vagninum.
Jóna hafði svo fallegt bros og góða
nærveru, hún var mikið náttúrubarn
og hafði gaman af því að vinna með
börnum. Enda var hún kennara-
menntuð. Hún gifti sig ung og eign-
aðist þrjú yndisleg börn. Jóna og
Halldór slitu samvistum þegar börn-
in voru lítil en voru samhent við upp-
eldið og leituðust við að ala þau vel
upp.
Ég flutti út á land fyrir 27 árum og
því hittumst við allt of sjaldan, en
þegar við hittumst var hún alltaf glöð
og brosandi þrátt fyrir að ég vissi að
líf hennar væri ekki alltaf auðvelt.
Síðast hittum við Jónu fyrir ári síð-
an í brúðkaupi Ingunnar dóttur
minnar og Toms mannsins hennar.
Þar kom Jóna með stæl á gömlum,
grænum jeppa með írska fánann á
húddinu og söng og dansaði í brúð-
kaupsveislunni með okkur. Þetta eru
góðar minningar og þannig ætla ég
að muna hana Jónu frænku mína.
Mig langar með fallegu ljóði Páls
Óskars Hjálmtýssonar og Brynhild-
ar Björnsdóttur að senda elsku syst-
ur minni, Sæju og hennar fjölskyldu,
Salome, Rebekku og Guðmundi, mín-
ar innilegustu samúðarkveðjur og
bið ég Guð að vera með þeim öllum
og veita þeim styrk og þor á erfiðum
stundum.
Þegar næðir í mínu hjarta og í huga mér engin
ró
og ég þrái að sjá hið bjarta sem áður í mér bjó.
þá er lausnin alltaf nálæg, ef um hana’ í
auðmýkt bið
og með bæninni kemur ljósið og í ljósinu finni
ég frið.
Ó, svo dapur er dagur vaknar, dægurþrasið
svo fjarri er.
Mundu þegar þú sárast saknar og sólin skín
hvergi nærri þér
og í bæn er falinn máttur er þinn magnar
þúsundfalt
því með bæninni kemur ljósið og í ljósinu
lagast allt.
Árndís Alda Jónsdóttir.
Elsku Jóna frænka er látin. Við
minnumst dillandi hláturs hennar og
bjarta brossins með söknuði. Við
hittumst ekki oft en þegar við hitt-
umst var alltaf mjög gaman og oftar
en ekki barst talið fyrr eða síðar að
Selárdal, dalnum þar sem afi og
amma bjuggu áður og henni var svo
kær.
Jóna var hæfileikarík og listræn.
Hún dvaldi ásamt börnunum sínum í
Englandi í nokkur ár og var í list-
námi. Þar lauk hún einnig kennara-
námi í Waldorf fræðum. Eftir námið
fluttist hún heim til Íslands og vann
bæði sem gunnskóla- og leikskóla-
kennari.
Lífið var Jónu ekki alltaf auðvelt.
Stundum var eins og ólánið elti hana,
hæfileikum hennar sóað. Nú er hún
búin að kveðja þennan heim og við
erum sannfærð um að nú er hún í
góðu yfirlæti hjá ömmu og afa.
Elsku Jenna, Salome, Rebekka,
Guðmundur og Sæja, við sendum
ykkur okkar innilegustu samúðar-
kveðjur. Megi Guð vera með ykkur á
þessum erfiðu tímum.
Ingunn Helga, Ragnhildur og
Jón Árni.
Jóna mín. Þá dagur er að kvöldi
kominn og misjafnlega deilist fjöldi
daga á milli manna og enginn veit
hvar eða hvernig við erum kölluð
héðan eins og við höfum margsinnis
talað um, það er ekkert sem heitir til-
viljun.
Kynni okkar voru ekki löng, rétt
rúmlega ár síðan frændi bauð mér í
heimsókn til þín og er við komum
tókstu strax á móti mér eins og við
hefðum þekkst frá blautu barnsbeini
og þá varð strax til vinátta sem átti
aðeins eftir að styrkjast dag frá degi
allt til enda, og var ég ávallt velkom-
inn til ykkar frænda er þið hófuð
sambúð.
Þegar ég kom að vestan í vor leit-
andi að starfi og íbúð buðuð þið mér
strax að dvelja hjá ykkur þann tíma
sem ég þyrfti og gáfuð þið mér þau
forréttindi að verða tekinn inn í litlu
fjölskylduna ykkar og deila með ykk-
ur daglegu lífi í blíðu og stríðu jafnt
sem gleði og sorg.
Oft var fjörlegt í kringum okkur
eftir vinnu á kvöldin því við vorum
aðeins sammála um einn hlut, þ.e. að
vera „ekki sammála“ sem oft leiddi til
endalausra rökræðna tímunum sam-
an, við vorum bæði jafn þrjósk og
hvorugt okkar var tilbúið að gefa eft-
ir hvort sem um var að ræða hug-
myndir eða skoðanir en ávallt skild-
um við sem mestu mátar, því við
gátum virt skoðanir og lífsýn hvort
annars þó að við værum ósammála.
Þegar þið tókuð þá ákvörðun að
flytjast búferlum norður á Dalvík
virtist ekkert vera sem gæti skyggt á
komandi framtíð og ný tækifæri biðu
ykkar í sveitinni. Þegar ég kom á
sendibílnum norður með dótið ykkar
þá tókst þú á móti mér skælbrosandi
og leiddir mig um nýja húsið ykkar
og sýndir mér hvernig þú vildir hafa
veggina málaða, stúdíóið þitt og
hvernig allt ætti að vera og á meðan
lýstu augu þín af gleði og eftirvænt-
ingu og þú minntir mig á litla stúlku
sem bíður spennt, glöð og eftirvænt-
ingarfull eftir því að fá að opna jóla-
pakkana á aðfangadagskveldi. Gleðin
og eftirvæntingin smitaði mig og ég
gladdist innilega fyrir þína hönd og
Frikka. Þetta var í síðasta skipti sem
við sáumst, elsku vinkona mín. Ég
saknaði ykkar fyrir norðan en nú er
söknuðurinn enn sárari og meiri. Ég
var nýlagstur til svefns þennan ör-
lagaríka dag er frændi minn hringir í
mig og segir mér tíðindin að Jóna
okkar sé farin frá okkur. Ég trúði því
ekki, og neitaði að trúa því að glaða
stúlkan sem deildi framtíðarsýn sinni
með mér fyrir skömmu væri nú öll.
Við vinirnir komum saman í Sand-
gerði og kvöddum þig á þann máta
sem við vissum að þú hafðir viljað og
var einhugur, samkennd, ást og tregi
yfir miklum missi góðs og trausta
vinar.
Þú átt sérstakan stað í hjörtum
okkar og við munum minnast þín
hvert á sinn hátt og minning vinkonu
okkar mun lifa með okkur um ár og
daga.
Ég er ekki að kveðja þig, Jóna mín,
með þessum orðum, það er langt í
frá, heldur segi ég „þar til við
sjáumst á ný“.
Ég vil votta ættingjum og börnum
Jónu minnar og unnusta hennar
Friðrik mína dýpstu samhryggð með
ósk um að komandi framtíð verði
okkur öllum farsæl og styrkjandi í
sorgarheiluninni sem nú tekur við.
Guð veri með ykkur.
Dagur G. Ingvason.
Sigurfljóð Jóna
Hilmarsdóttir
Ástkær móðir mín, tengdamóðir, amma, lang-
amma, systir og mágkona,
RAKEL BJÖRG RAGNARSDÓTTIR,
Depluhólum 8,
Reykjavík,
verður jarðsungin frá Dómkirkjunni í Reykjavík
fimmtudaginn 28. september kl. 15.00.
Ragnar Valur Björgvinsson, Fríður Sólveig Hannesdóttir,
Rakel Björg Ragnarsdóttir, Birgir Þór Svavarsson,
Ásdís Birta Birgisdóttir,
Jón Ragnarsson, Hrafnhildur Valdimarsdóttir,
Þór Ragnarsson, Vilhelmína Hauksdóttir,
Ruth Ragnarsdóttir.
Ástkær móðir okkar, tengdamóðir, systir, amma
og langamma,
RANNVEIG EIÐSDÓTTIR,
Borgarhóli,
Svalbarðseyri,
verður jarðsungin frá Svalbarðskirkju laugardaginn
30. september kl. 11.00.
Blóm og kransar vinsamlegast afþakkaðir en þeim
sem vilja minnast hennar er bent á að láta Heimahlynningu á Akureyri
njóta þess.
Karl Á. Gunnlaugsson, Oktavía Jóhannesdóttir,
Birna Gunnlaugsdóttir, Stefán Einarsson,
Hreinn Gunnlaugsson, Elsa Valdimarsdóttir,
Eiður Gunnlaugsson, Sigríður Sigtryggsdóttir,
Hildur Eiðsdóttir,
Eiður Eiðsson,
barnabörn og barnabarnabörn.
Móðir okkar, stjúpmóðir, tengdamóðir, amma,
langamma, langalangamma og systir,
HLÍN MAGNÚSDÓTTIR,
verður jarðsungin frá Fossvogskirkju föstudaginn
29. september kl. 13.00.
Margrét Hlín Sveinsdóttir, Hlín Leifsdóttir,
Alexander Hugi Leifsson, Carla A. Martorello,
Bergljót Svanhildur Sveinsdóttir, Kjartan Sigurjónsson,
Guðrún Arnhildur Sveinsdóttir, Valdimar Þorsteinsson,
Sigríður Hulda Sveinsdóttir, Tore Skjenstad,
Hrafnhildur Sveinsdóttir, Sigurður Magnússon,
fjölskyldur og systkini hinnar látnu.
Kæru ættingjar, vinir og samstarfsfólk. Samúð
ykkar, bænir og þátttaka í sorg vegna fráfalls
elskulegs eiginmanns míns, föður okkar, sonar,
tengdaföður, bróður og afa,
SIGURJÓNS G. ÞORKELSSONAR,
Jórsölum 14,
Kópavogi,
hefur verið okkar styrkur.
Guð blessi ykkur öll.
Þóra Björg Ólafsdóttir,
Anna Kristín Sigurjónsdóttir, Örn Svavarsson,
Guðrún Björk Sigurjónsdóttir, Ólafur Guðlaugsson,
Linda Guðríður Sigurjónsdóttir, Ingvar Guðjónsson,
Sigurjón Þorkell Sigurjónsson, Lína Björk Ívarsdóttir,
Hilmar Þór Sigurjónsson,
Kristín Jóna Guðmundsdóttir,
Hilmar Þorkelsson
og barnabörn.
Þökkum hlýhug og vináttu vegna andláts og
útfarar
MAGNÚSAR RAGNARS SIGURÐSSONAR,
Njálsgötu 69,
Reykjavík.
Fríða Fanney Stefánsdóttir,
Guðrún Magnúsdóttir,
Stefán Magnússon,
tengdabörn, barnabörn og barnabarnabörn.