Morgunblaðið - 21.11.2006, Blaðsíða 14

14 ÞRIÐJUDAGUR 21. NÓVEMBER 2006 MORGUNBLAÐIÐ
ERLENT
Eftir Davíð Loga Sigurðsson
david@mbl.is
ÁTJÁN ára gamall þýskur piltur
réðist í gærmorgun til inngöngu í
gamla barnaskólann sinn í Emsdett-
en í vesturhluta Þýskalands vopnað-
ur byssum og með sprengiefni bund-
ið um sig miðjan. Maðurinn særði
ellefu – kennara, umsjónarmann í
skólanum og nemendur – áður en
hann fannst sjálfur látinn.
Talsmenn lögreglunnar sögðu lík
unglingsins hafa fundist í einni kenn-
arastofu skólans og við hlið hans
voru tvær haglabyssur, en hlaup
þeirra höfðu verið söguð af. Pilturinn
hét Sebastian Bosse og var hann
fyrrverandi nemandi í Geschwister
Schell-menntaskólanum í Emsdet-
ten, en bærinn er nálægt hollensku
landamærunum. Ekki var ljóst
hvernig dauða hans bar að, en líklegt
þótti að hann hefði skotið sig.
Fimm þeirra sem Bosse særði
lágu þungt haldin á sjúkrahúsi í gær,
en voru þó ekki í lífshættu.
Bosse hafði boðað árás sína á skól-
ann á heimasíðu sinni, að því er lög-
reglan greindi frá í gær. „Hann var
einfari og afar óhamingjusamur. Yf-
irlýsingar sem hann gaf á vefsíðu
sinni mátti túlka þannig að hann ætl-
aði að fremja sjálfsmorð þannig að
eftir yrði tekið,“ sagði Wolfgang
Schweer ríkissaksóknari.
Tveimur vefsíðum Bosses var lok-
að eftir atburðina í gær en á þeim var
m.a. að finna myndir af piltinum þar
sem hann mundaði skotvopn. Þá er
Bosse sagður hafa skrifað á Netið:
„Það eina sem ég lærði í skóla er að
ég er aumingi. Ég hata fólk. Þau
verða að deyja.“
Mikið öngþveiti skapaðist
Bosse réðst til atlögu í skólann um
klukkan hálftíu í gærmorgun. Hann
var þá með gasgrímu fyrir andlitinu
og skaut af byssu sinni af handahófi,
þannig að mikið öngþveiti skapaðist
á skólalóðinni. Særðust kennari við
skólann og umsjónarmaður er þau
reyndu að stöðva hann. Vel gekk þó
og hratt að rýma skólalóðina.
Bosse kom sér í framhaldi fyrir í
skólastofu á annarri hæð en þar
skaut hann nokkrum reyksprengj-
um, þannig að svo leit út sem kvikn-
að væri í skólanum. Sérsveit þýsku
lögreglunnar kom skjótt á vettvang
og umkringdi skólann en liðsmenn
hennar munu aldrei hafa skotið af
vopnum sínum.
Gekk berserksgang í
gamla skólanum sínum
Reuters
Við öllu búnir Sérsveitarmenn
voru komnir skjótt á vettvang.
Í HNOTSKURN
» Þýskir fjölmiðlar höfðueftir nemendum við
Scholl-skólann í Emsdetten að
þeim hefði þótt Sebastian
Bosse „ógnvænlegur“.
» Atburðirnir í gær hafavakið upp minningar um
verstu árás þessarar tegundar
í Þýskalandi, sem átti sér stað
í apríl 2002 en þá drap fyrr-
verandi nemandi í skóla í
Erfurt sextán áður en hann
tók eigið líf.
Átján ára þýskur unglingur fannst látinn, eftir að hann hafði sært ellefu
GEORGE W. Bush Bandaríkjaforseti kom í stutta heim-
sókn í gær til Bogor í Indónesíu, en hann er á ferðalagi
um Asíu. Um 2.000 manns tóku þátt í mótmælum gegn
Bush við þetta tilefni en á fréttamannafundi með Susilo
Bambang Yudhoyono, forseta Indónesíu, lét Bush sér
fátt um finnast, sagði mótmælin fyrst og fremst til
marks um að lýðræðið í Indónesíu, og réttur manna til
að lýsa skoðunum sínum, stæði traustum fótum.
Reuters
Mótmæltu heimsókn Bush
Eftir Baldur Arnarson
baldura@mbl.is
ÞEGAR Pólverjar gengu í Evr-
ópusambandið (ESB) í maímánuði
2004 óraði líklega engan fyrir því
að nú tveimur og hálfu ári síðar
myndi sú staða koma upp, að ekki
væri hægt að ráðstafa styrkjum úr
sjóðum sambandsins vegna skorts
á vinnuafli. Þetta er engu að síður
staðreynd vegna mikils brottflutn-
ings Pólverja til annarra ríkja.
Dagblaðið International Herald
Tribune skýrði frá þessu fyrir
skömmu, en þar kemur fram að
ekki sé hægt að nota fé úr sjóðum
ESB til að hefja vegafram-
kvæmdir í Varsjá vegna skorts á
starfskröftum. Er þar jafnframt
vikið að þeirri staðreynd, að
800.000 Pólverjar hafi flust frá
heimalandi sínu síðan að það gekk
í ESB, straumur sem er talinn
einn sá mesti í álfunni frá því að
Írar flykktust vestur um haf í leit
að betra lífi um miðja 20. öld.
Þá kemur fram í umfjöllun
blaðsins Irish Times í tilefni heim-
sóknar Janusz Sniadek, leiðtoga
helsta verkalýðsfélags Póllands, til
Írlands í gær, að 174.000 Pólverjar
væru nú við störf í landinu. Hugð-
ist Sniadek ræða leiðir til að
tryggja réttindi þessa fólks.
Þiggja atvinnuleysisbætur
Atvinnuleysi í Póllandi er nú um
15 prósent og segja viðmælendur
IHT, að seinkun framkvæmda geti
haft alvarlegar afleiðingar með því
að draga úr fjárfestingu. Þrátt fyr-
ir að atvinnuleysið mælist svo mik-
ið segir blaðið, að vinnuveitendur
geti ekki fundið fólk til starfa í
byggingariðnaðinum og heilbrigð-
isgeiranum sama hversu mikið
þeir auglýsi. Er sérstakt dæmi
tekið af múrurum, sem grunur
leikur á að skrái sig atvinnulausa
til að þiggja bætur, á sama tíma og
þeir starfi erlendis á hærri launum
en þeir ættu kost á heima við.
Þegar Pólland og sjö önnur
fyrrum Austantjaldsríki, auk
Möltu og Kýpur, gengu í ESB
2004 voru ESB-ríkin Bretland,
Svíþjóð og Írland þau einu til að
setja engar takmarkanir á straum
verkafólks frá þessum ríkjum. Síð-
an hafa margir farið til Bretlands-
eyja og áætlar skoska blaðið The
Scotsman, að minnst 20.000 Pól-
verjar séu nú við störf í landinu
auk hugsanlega 100.000 óskráðs
verkafólks til viðbótar.
Segir í blaðinu, að Lech Kac-
zynski Póllandsforseti vonist til að
bráðum muni straumurinn liggja í
hina áttina. Bendir hann á, að at-
vinnuleysi hefði dregist saman úr
17,6% í 14,9% á síðasta ári, en
hann hefur einnig vísað til þess, að
straumur launafólks til annarra
ríkja hafi átt þátt í almennri launa-
hækkun á pólskum vinnumarkaði.
Að auki sendi margir hluta launa
sinna heim og örvi þannig pólska
hagkerfið.
Mikill brottflutningur sérhæfðs verkafólks leiðir til manneklu í heimalandinu
Skortur á vinnuafli í Póllandi
Reuters
Launaskrið Lech Kaczynski for-
seti segir laun hafa hækkað.
Peking. AFP. | Næstum því hver ein-
asti sakborningur í Kína sem hefur
verið dæmdur saklaus fyrir glæp
sem hann framdi ekki var pyntaður
áður en „játning“ lá fyrir, að því er
hátt settur aðili í kínverska dóms-
kerfinu lét hafa eftir sér í gær.
Samkvæmt opinberum upplýsing-
um hafa a.m.k. 30 aðilar verið dæmd-
ir fyrir glæpi sem þeir frömdu ekki
og er talið líklegt að talan sé mun
hærri, að því er Xinhua-fréttastofan
hafði eftir Wang Zhenchuan, aðstoð-
arsaksóknara stjórnarinnar.
Að sögn Xinhua var farið af stað
með herferð í mars sem ætlað er að
binda enda á beitingu pyntinga, sem
m.a. felst í því að sumar yfirheyrslur
verða teknar upp. Áður hafði stjórn-
in vísað á bug ásökunum Manfreds
Nowaks, sérfræðings Sameinuðu
þjóðanna í pyntingum, um að þær
væru algengar í dómskerfinu.
Pyntingar
algengar
í Kína
Eiga þátt í mörgum
röngum dómum
Berlín, Karlsruhe. AP, AFP. | Þýska lög-
reglan hefur yfirheyrt sex aðila sem
eru grunaðir um að hafa ætlað að
sprengja farþegaflugvél í loft upp.
Hugðust sexmenningarnir, auk fleiri
aðila sem liggja einnig undir grun en
hafa ekki verið yfirheyrðir, koma
fyrir sprengiefni í farangursrými
vélarinnar, að því er sagði í tilkynn-
ingu frá ríkissaksóknara í gær.
„Í sumar höfðu nokkrir einstak-
lingar sem liggja undir grun sam-
band við aðila sem hafði aðgang að
öryggissvæði flugvallarins,“ sagði
ennfremur í yfirlýsingunni. Kom þar
einnig fram, að sami aðili hafi fallist
á að smygla sprengiefni sem yrði fal-
ið í tösku um borð gegn þóknun.
Þýsk dagblöð segja að skotmarkið
hafi verið flugvél ísraelska flug-
félagsins El Al og Frankfurt-flug-
völlur en í yfirlýsingu ríkissaksókn-
ara var fullyrt að áætlunin hefði farið
út um þúfur eftir að hinum grunuðu
mistókst að ná samkomulagi við
starfsmanninn um greiðslu.
Lögreglan handtók sexmenn-
ingana síðasta föstudag og var fimm
þeirra sleppt að loknum yfir-
heyrslum daginn eftir. Þeim sjötta
var hins vegar haldið lengur í varð-
haldi. Aðeins eru nokkrir mánuðir
síðan tvær sprengjur um borð í
þýskri lest sprungu ekki vegna galla.
Hugðust
sprengja
farþegavél
Þýska lögreglan
yfirheyrir sex aðila
Kempten. AFP. | Þýskur hjúkrunar-
fræðingur var í gær dæmdur í lífstíð-
arfangelsi eftir að hafa játað að hafa
gefið 28 sjúklingum, sem flestir voru
á gamalsaldri, banvænar sprautur.
Hjúkrunarfræðingurinn, sem heitir
Stephan Letter og er 28 ára, hefur
verið kallaður „engill dauðans“ í
þýskum dagblöðum, en hann var
fundinn sekur um 12 morð, 15 mann-
dráp og fimm tilraunir til mann-
dráps. Morðin voru framin á tíma-
bilinu frá ársbyrjun 2003 og fram að
miðju sumri 2004 á sjúkrastofu í
Sonthofen, skammt frá bænum
Kempten í Suður-Þýskalandi.
Lát fólksins vakti í fyrstu ekki
grunsemdir en eftir að Letter var
handtekinn fyrir þjófnað á lyfjum
játaði hann þau á sig. Í kjölfarið voru
42 lík grafin upp og þau krufin, oft
við mikil mótmæli aðstandenda.
„Engill dauð-
ans“ í fangelsi
♦♦♦
London. AFP. | Kobbi
kviðrista, eða Jack the
Ripper eins og hann hef-
ur verið nefndur á ensku,
var „óhugnanlega venju-
legur“ í útliti, smávaxinn
en þéttur á velli, um eða
yfir þrítugt að aldri.
Kobbi kviðristir drap
fimm vændiskonur í
London á níunda áratug
nítjándu aldar en lögreglan hafði aldrei
hendur í hári hans. Nú hefur yfirmaður
greiningardeildar ofbeldisglæpadeildar
bresku lögreglunnar, Laura Richards,
kynnt niðurstöður rannsóknar sinnar en
þær leiða í ljós mann sem var „fullkomlega
heill á geði, óhugnanlega venjulegur og þó
fær um ótrúlega grimmd“. Fullyrðir John
Grieve, fyrrverandi yfirmaður Lundúna-
lögreglunnar, að niðurstaða rannsóknar
Richards, sem komið hefur að greiningu í
ýmsum umtöluðustu morðmálum seinni
tíma í Bretlandi, hefði leitt til þess að lög-
reglunni tækist að handsama Kobba.
„Óhugnanlega
venjulegur“
Kobbi kviðrista?