Morgunblaðið - 21.11.2006, Qupperneq 34

34 ÞRIÐJUDAGUR 21. NÓVEMBER 2006 MORGUNBLAÐIÐ
MINNINGAR
✝ Sigurður MárGestsson fædd-
ist á Akureyri hinn
10. júní 1944. Hann
varð bráðkvaddur á
heimili sínu hinn
12. nóvember síð-
astliðinn. Foreldrar
hans voru Gestur
Magnússon, f. 12.
apríl 1918, d. 3.
febrúar 2000, og
Rut Ingimarsdóttir,
f. 20. júlí 1928.
Bróðir Sigurðar
Más er Viktor Már
Gestsson, f. 8. janúar 1948, maki
Edda Hjörleifsdóttir, f. 22. apríl
1950, og eiga þau fjögur börn.
Hinn 15. júní 1966 kvæntist
Sigurður Már Önnu Karelsdóttur,
f. 14. desember 1943, dóttur
ber 1995, Andrea María, f. 11.
janúar 2001, og Björgvin Dagur,
f. 16. ágúst 1997.
Sigurður Már ólst upp á Akur-
eyri en fluttist 18 ára gamall í
Borgarnes og hóf þar búskap
með Önnu. Sigurður Már lærði
húsasmíði og starfaði við fagið
allt til ársins 1995. Sama ár flutt-
ust þau hjónin til Reykjavíkur og
hóf Sigurður Már störf hjá Sec-
uritas og vann þar til hinsta dags.
Sigurður Már hafði alla tíð mik-
inn áhuga á íþróttum og stundaði
fimleika á unglingsárum. Árið
1973 stofnaði hann ásamt nokkr-
um félögum Golfklúbb Borgar-
ness og átti golfið hug hans alla
tíð. Hann var virkur í félagsstarfi
golfklúbbsins og sat m.a. í stjórn
klúbbsins um árabil. Sigurður
Már var um ára bil besti kylfing-
ur klúbbsins og varð Íslands-
meistari 1975 og klúbbmeistari
13 sinnum á sextán ára tímabili,
síðast árið 1987.
Sigurðar Már verður jarðsung-
inn frá Fossvogskirkju í dag og
hefst athöfnin klukkan 13.
hjónanna Karels
Einarssonar og Guð-
nýjar Halldórs-
dóttur. Börn Sigurð-
ar Más og Önnu eru:
1) Gestur Már Sig-
urðsson, f. 1. janúar
1963, maki Harpa
Þorleifsdóttir, f. 19.
maí 1966, börn
þeirra Alexander
Gunnarsson, f. 24.
nóvember 1990, og
Sigurður Már Gests-
son, f. 6. september
2001. 2) Guðný Sig-
urðardóttir, f. 5. júní 1968, barn
Lýdía Rún Sófusdóttir, f. 4. ágúst
1993. 3) Maríanna Sigurðardóttir,
f. 22. desember 1975, maki Tómas
Bentsson, f. 16. ágúst 1971, börn
þeirra Stefán Már, f. 21. desem-
Hversu ósanngjarnt getur lífið
verið? Á einu augnabliki hrynur
veröldin og þú, elsku pabbi minn,
ert tekinn frá okkur. Eftir sitjum
við og spyrjum: Af hverju þú? Það
er ólýsanlegur sársauki sem nístir
hjarta mitt núna þegar ég skrifa
þessi fátæklegu orð.
Ég er mjög þakklát fyrir þau
skipti sem ég tók utan um þig og
sagði þér hversu mikið mér þætti
vænt um þig. Þú varst svo yndisleg-
ur pabbi og afi, ég gat alltaf leitað til
þín og mömmu ef eitthvað bjátaði á
og alltaf voruð þið tilbúin að hjálpa
mér og aðstoða mig á allan hátt.
Það eru margar minningar sem
leita á huga minn núna, sérstaklega
samverustundirnar okkar á golfvell-
inum í Borgarnesi. Þetta voru dýr-
mætar stundir og allar minningarn-
ar um þig, elsku pabbi minn, ylja
mér um hjartarætur á þessum erf-
iðu tímum. Barnabörn þín sakna þín
sárt því þú varst svo góður og ynd-
islegur afi og hafðir alltaf tíma til að
vera með þeim og þú naust þess svo
innilega að geta stjanað í kringum
þau og dekrað við þau. Ég, Guðný
og Gestur pössum upp á ömmu og
mömmu fyrir þig núna.
Elsku pabbi minn, ég sakna þín
svo sárt.
Þín
Maríanna.
Afi, elsku afi,
munum við augun þín,
í þeim lásum við alla
elskuna til okkar.
Afi, elsku afi,
munum við þína hönd,
bar hún okkur og benti
björt á dýrðarlönd.
Afi, elsku afi,
munum við brosið þitt;
gengu hlýir geislar
gegnum hjarta okkar.
Afi, elsku afi,
okkur í huga skín
bjarmi þinna bæna,
blessuð versin þín.
Afi, elsku afi,
munum við lengst og best
hjartað blíða, heita --
hjarta, er söknum við mest.
Elsku afi, þín er sárt saknað.
Kveðja.
Barnabörn.
Látinn er á heimili sínu í Reykja-
vík, Sigurður Már Gestsson. Sigurð-
ur fæddist og ólst upp á Akureyri.
Að sögn Sigurðar sagðist hann hafa
tengst Svarfaðardal afar sterkum
böndum. Þar mun hann hafa verið í
sveit ungur að aldri. Hann minnist
þess með gleði að hafa hjólað úr
Svarfaðardal til venslafólks á Dal-
vík.
Sigurður hóf nám í húsgagna-
smíði á Akureyri. Eftir að hafa
kynnst Önnu Karelsdóttur flytur
Sigurður til Borgarness og lýkur
þar sveinsprófi í húsasmíði.
Þau Anna og Sigurður gengu í
hjónaband og hófu búskap þar.
Þeim hjónum varð þriggja barna
auðið. Öll hafa þau börnin komið sér
vel áfram í lífinu, þó svo að eins og
hjá öðru fólki hafi skipst á skin og
skúrir.
Sigurður og Anna fluttu frá Borg-
arnesi til höfuðborgarsvæðisins, í
kjölfar þess að Sigurður hafði lent í
alvarlegu slysi. Eftir að Sigurður
hafði náð sér eftir slysið hóf hann
störf hjá Securitas, fyrst í Búnaðar-
bankanum við Hlemm, síðar í Þjóð-
menningarhúsinu við Hverfisgötu.
Sigurður var heiðarlegur og rækti
störf sín vel af hendi. Hann var
ágætur smiður og kom oft auga á
einfaldar og góðar lausnir.
Síðustu árin fór heilsu Sigurðar
hrakandi. Fljótlega eftir að hann
hóf störf hjá Securitas tókst góð
vinátta milli okkar öryggisvarðanna
Ásgeirs, Hafliða og mín og Sigurð-
ar.
Ég sendi Önnu, börnum hennar
og barnabörnum sem og aldraðri
móður Sigurðar mínar innilegustu
samúðarkveðjur. Megi góður Guð
styrkja ykkur í ykkar miklu sorg.
Júlíus.
Góður vinnufélagi er fallinn frá,
og hans er sárt saknað.
Á stórum vinnustað verður það
oft þannig að fólk grúppar sig sam-
an. Þannig var það hjá okkur líka-
.Við vorum þrír sem héldum ágætu
sambandi, með því að hringjast á
tvisvar í hverri vinnuviku. Það var
mjög mikil regla á þessu hjá okkur.
Ég hringdi annað símtalið og hann
hitt, vissa daga, svo starfið liði ekki
fyrir.
En nú er skarð fyrir skildi. Við
höfðum líklega lengstan starfsaldur
í staðbundinni gæslu hjá Securitas,
og því bar starfið oft á góma. En
Siggi Már var líka vinur í raun, og í
fríum hjálpsamur, ef svo bar við.
Hann var smiður að mennt og vann
slík verk af stakri prýði og með fús-
leik.Við félagarnir tókum okkur
saman og fórum á þorrablót í nokk-
ur skipti, þegar þau bar upp á frí-
viku, ásamt konum okkar. Það voru
indælar stundir, enda þau hjón sér-
lega prúð og viðkunnanleg.
Ég þakka góðum vini samfylgd-
ina og bið Önnu og fjölskyldunni
allri blessunar Guðs. Og minni þau á
að þó þau gangi nú þennan dimma
dal, þá þurfa þau ekkert að óttast,
því Drottinn Guð er hjá þeim og
hughreystir þau.
Samúðarkveðja.
Ásgeir Þorvaldsson.
Kveðja frá
Golfklúbbi Borgarness
Fyrir hönd okkar félaga í Golf-
klúbbi Borgarness langar mig í ör-
fáum orðum að minnast Sigurðar
Más Gestssonar.
Sigurður var einn að stofnendum
Golfklúbbs Borgarness og var virk-
ur félagi í klúbbnum um 25 ára
skeið, eða allt þar til hann fluttist til
Reykjavíkur. Sigurður var einn
„frumherjanna“ sem stóðu að stofn-
un klúbbsins, frumherjanna sem
ruddu veginn, byggðu upp fyrsta
völlinn, innréttuðu skálann og slógu
völlinn fyrir mót eins og gera þurfti
á árdögum klúbbsins.
Sigurður gegndi mörgum trúnað-
arstöfum fyrir klúbbinn, var fyrsti
ritari klúbbsins og sat í stjórn og
nefndum á vegum klúbbsins um
margra ára skeið. Sigurður var af-
burða kylfingur, hann vann til fleiri
meistaratitla en nokkur annar í
sögu klúbbsins. Alls varð hann
klúbbmeistari 13 sinnum á 16 árum
og vann til fjölda annarra verðlauna
á öðrum mótum, bæði stórum og
smáum.
Siggi Már, eins og við félagarnir
kölluðum hann, var sannur „bolta-
maður“. Hann hafði mikla tilfinn-
ingu fyrir hinum litla hvíta bolta og
var meistari í að skipuleggja leik
sinn. Hann var sönn fyrirmynd
þeirra kylfinga sem voru að stíga
sín fyrstu spor í þessari skemmti-
legu íþrótt. Siggi Már var góður fé-
lagi og vinur, var hrókur alls fagn-
aðar í starfi klúbbsins meðan hans
naut við. Því háttaði svo til að Siggi
slasaðist illa við störf sín árið 1994
og átti eftir það erfitt með að leika
golf af þeim „standard“ sem hann
gerði kröfur til. Það var eitthvað
sem Siggi sætti sig ekki við og hætti
hann golfiðkun eftir það að mestu.
Við félagar í Golfklúbbi Borgar-
ness sem áttum svo mörg ár með
Sigga kveðjum hann með söknuði
um leið og við vottum ykkur, Anna,
Gestur, Guðný og Marianna og ykk-
ar fjölskyldum, dýpstu samúð.
Ingvi Árnason.
Sigurður Már
Gestsson
Minningarkort
535 1825
www.hjarta.is 5351800
✝
Kær vinur,
REINHARD A. OLSEN,
Klapparstíg 5a,
Reykjavík,
er látinn.
Útförin hefur farið fram í kyrrþey að ósk hins látna.
Almarr Gunnarsson.
✝
Elskuleg eiginkona, móðir, systir, tengdadóttir og
mágkona,
SIGURBORG SIGURÐARDÓTTIR,
Lautasmára 39,
Kópavogi,
lést á líknardeild Landspítalans í Kópavogi fimmtu-
daginn 16. nóvember.
Útförin fer fram frá Hafnarfjarðarkirkju miðviku-
daginn 22. nóvember kl. 13.00.
Blóm og kransar afþakkaðir en þeim sem vilja minnast hennar er
bent á Krabbameinsfélag Íslands.
Sigurður Sigurðsson
og fjölskylda.
✝
Ástkær eiginmaður minn, faðir, tengdafaðir, afi og
langafi,
GUÐLAUGUR BJÖRGVINSSON,
sem lést á Sjúkrahúsinu á Egilsstöðum fimmtudag-
inn 16. nóvember, verður jarðsunginn frá Bakka-
gerðiskirkju föstudaginn 24. nóvember kl. 14.00.
Laufey Jónsdóttir,
Baldur Guðlaugsson, Sesselja Einarsdóttir,
Halldóra Guðlaugsdóttir,
barnabörn, langafabörn og
aðrir vandamenn.
✝
Elskuleg móðir okkar, tengdamóðir, amma og lang-
amma,
MÁLFRÍÐUR ÞORVALDSDÓTTIR,
dvalarheimilinu Höfða,
Akranesi,
lést sunnudaginn 19. nóvember.
Útförin fer fram frá Akraneskirkju föstudaginn
24. nóvember kl. 14.00.
Tómas Runólfsson, Kristrún Guðmundsdóttir,
Jón Rafns Runólfsson, Inga Harðardóttir
og ömmubörn.
✝
Eiginmaður minn, sonur okkar og bróðir,
PÉTUR MAGNÚS GUÐMUNDSSON
leiðsögumaður,
Grófinni 1,
Reykjavík,
verður jarðsunginn frá Háteigskirkju föstudaginn
24. nóvember kl. 15.00.
Sveinn Haraldsson,
Guðmundur Pétursson, Ásdís Steingrímsdóttir,
Bergljót Guðmundsdóttir
Steingrímur Eyfjörð Guðmundsson.
✝
Ástkær faðir okkar, afi og langafi,
HJALTI SIGURBJÖRNSSON
fyrrum bóndi,
Kiðafelli, Kjós,
sem lést á elliheimilinu Grund sunnudaginn
12. nóvember, verður jarðsunginn frá Dómkirkjunni
miðvikudaginn 22. nóvember kl. 15.00.
Þorkell Gunnar Hjaltason, Dagbjört Helgadóttir,
Sigurbjörn Hjaltason, Bergþóra Andrésdóttir,
Kristín Hjaltadóttir, Gunnar Ovell,
Björn Hjaltason, Katrín Cyrusdóttir,
Einar Þorvarðarson, Hallfríður Bjarnadóttir,
Sigríður Þorvarðardóttir, Paul Newton,
Margrét Þorvarðardóttir,
Guðbjörg Anna Þorvarðardóttir, Juliette Marion,
Þorsteinn Þorvarðarson,
barnabörn og barnabarnabörn.
Morgunblaðið birtir minningargreinar alla útgáfudagana.
Undirskrift | | Minningargreinahöfundar eru beðnir að hafa skírnarnöfn sín
en ekki stuttnefni undir greinunum.
Myndir | Ef mynd hefur birst í tilkynningu er hún sjálfkrafa notuð með
minningargrein nema beðið sé um annað. Ef nota á nýja mynd er ráðlegt að
senda hana á myndamóttöku: pix@mbl.is og láta umsjónarmenn minningar-
greina vita.
Minningargreinar