Morgunblaðið - 21.11.2006, Blaðsíða 23

AUGLÝSINGASÍMI 569 1100
úr bæjarlífinu
MORGUNBLAÐIÐ ÞRIÐJUDAGUR 21. NÓVEMBER 2006 23
Tíðarfarið að undanförnu, norð-
austan stórviðri dögum saman,
hefur óneitanlega haft áhrif á at-
vinnulífið á stað sem byggir mest
alla tilveru sína á sjósókn og afla-
brögðum. Í fyrsta sinn um árabil
þurfti að senda fólk heim hjá fisk-
vinnslu Guðmundar Runólfssonar
þar sem ekkert hráefni var til
vinnslu. Stórviðrin hafa valdið því
að stærstu skip liggja í vari eða
bundin við bryggju þar til slotar.
Fiskiðjan hefur hins vegar getað
haldið sinni vinnslu stöðugri enda
unnið úr frosinni rækju sem verk-
smiðjuskip landa með ákveðnu
millibili. Hjá Soffaníasi Cecilssyni
hf. verður saltfiskvinnslan stopul
þegar svona viðrar. En það er
langt í frá að menn missi móðinn
enda vanir því að þurfa að takast
á við óblíð náttúruöflin.
  
Smábátum hefur fækkað mikið í
Grundarfirði sl. tvö ár og með
þeim hefur horfið töluverður kvóti
til annarra hafna á landinu. Þessi
fækkun smábáta hefur óneitanlega
sett svip sinn á bryggjulífið en á
móti kemur að þeir verða færri
eftir til að bölva ógæftum og afla-
leysi. Þeir sem seldu stóðu frammi
fyrir því að fjárfesta í stærri bát-
um til að geta elt fiskinn á þær
slóðir sem hann heldur sig hverju
sinni ellegar fá í hendur dálaglega
summu fyrir kvótann sinn og
hverju sinni halda menn að kvóta-
verð hafi náð hámarki og því besti
tíminn til að selja. Þeir örfáu sem
enn þrjóskast við að gera út sinn
smábát horfa þó á stöðugt hækk-
andi kvótaverð og láta sig dreyma
meðan ekki gefur á sjó.
  
Í Fjölbrautaskóla Snæfellinga sem
nú er á sínu þriðja starfsári full-
skipaður af nemendafjölda horfa
stjórnendur fram á spennandi
verkefni á næsta skólaári en þá
mun verða starfrækt undir stjórn
skólans framhaldsdeild á Patreks-
firði í Vesturbyggð. Slík skipan
mála þótti ákjósanleg sökum
kennslufyrirkomulagsins í hinum
nýja fjölbrautaskóla og samgöngu-
legra tengsla sem væru mun betri
en norður á Ísafjörð.
  
Mitt í ótíðinni varð síðan Orkan til
þess að brúnin léttist á mörgum
Grundfirðingnum þegar farið var
að bjóða upp á annan og ódýrari
valkost við eldsneytistöku en tíðk-
ast hefur á staðnum frá upphafi.
Gamla Essó reynir hins vegar að
sporna við og býður í fyrsta sinn í
sögunni upp á 20% lækkun á elds-
neytinu og leggur áherslu á að sá
afsláttur gildi einnig á vörum inn-
an dyra þar sem jafnframt megi
búast við óvæntum glaðningi milli
kl. 16 og 18 hvern dag, sem er
þeirra svar við því að hjá Orkunni
eru bara strípaðir sjálfsafgreiðslu-
tankar en athygli vekur að afslátt-
urinn hjá Essó mun aðeins gilda
fram til 1. desember.
GRUNDARFJÖRÐUR
Gunnar Kristjánsson fréttaritari
Veðrasamt Stórviðrin undanfarna daga hafa valdið því að stærstu skip
liggja í vari eða bundin við bryggju þar til slotar.



 
  
 !
 "!# $%%&&&' 




 
 



    
   


      

   
    


!!" #    "  




$   



 %

&  
'