Morgunblaðið - 13.12.2006, Blaðsíða 11
MORGUNBLAÐIÐ MIÐVIKUDAGUR 13. DESEMBER 2006 11
Eftir Egil Ólafsson
egol@mbl.is
„ÞAÐ sem er mikilvægast varðandi
Íslendinga af erlendum uppruna,
sem hingað koma flestir til að vinna,
er að það ríki algert jafnrétti milli
Íslendinga og útlendinga á íslensk-
um vinnumarkaði,“ sagði Ingibjörg
Sólrún Gísladóttir, formaður Sam-
fylkingarinnar, sem í gær átti fund
með aðilum vinnumarkaðarins, tals-
mönnum innflytjenda og fleiri að-
ilum sem látið hafa til sín taka í um-
ræðum um málefni innflytjenda.
„Það þarf að styrkja allan regl-
uramma um þessi mál, gagnvart er-
lendum fyrirtækjum sem koma með
starfsmenn hingað til lands og
gagnvart íslenskum fyrirtækjum
sem eru að misnota útlendinga,
bæði með því að greiða lægri laun
en Íslendingum og með því að
tryggja þeim ekki sömu réttarstöðu
á vinnumarkaði. Þetta verðum við
að ná utan um, annars er hætt við að
hér nái að þrífast félagsleg undirboð
og það getur vegið almennt að lífs-
kjörum í landinu ef slíkt fær að við-
gangast,“ sagði Ingibjörg Sólrún.
Hún sagði það skipta líka máli að
útlendingar, sem væru að greiða
skatta hér á landi fengju þjónustu
við sitt hæfi. Þarfir þeirra væru
kannski aðrar en okkar hinna en það
þyrfti að mæta þeim. „Það þarf að
skapa þeim tækifæri til að búa hér
og taka þátt í samfélaginu til jafns
við aðra. Ef við sköpum þeim þannig
tækifæri þá getum við líka gert til
þeirra kröfur og það þurfum við að
gera.“
Skortir námsaðstoð
í framhaldsskólum
Ingibjörg Sólrún sagði nauðsyn-
legt að skapa útlendingum fleiri
tækifæri til að læra íslensku á
vinnustöðum án þess að þeir þyrftu
að greiða fyrir kennsluna. Það þyrfti
einnig að miða íslenskukennsluna
við þarfir mismunandi hópa.
Ingibjörg Sólrún sagði einnig
brýnt að taka betur á í sambandi við
réttarstöðu ungmenna af erlendum
uppruna í skólakerfinu. „Það er al-
veg ljóst að þessir nemendur kom-
ast ekki í gegnum framhaldsskóla
miðað við þær aðstæður sem þeim
eru búnar núna.“
Hún sagði að það þyrfti að vinna
enn betur að þessum málum í
grunnskólanum en ekki síður í
framhaldsskólunum. Það skorti
skipulagða námsaðstoð í framhalds-
skólum og einnig meiri sveigjan-
leika.
Ingibjörg Sólrún sagði að á fund-
inum hefði komið fram að nauðsyn-
legt væri að setja upp móttökumið-
stöð fyrir útlendinga þar sem þeir
gætu fengið á einum stað öll leyfi
sem þeir þurfa og upplýsingar um
réttindi sín, t.d. kennitölu, atvinnu-
leyfi, sjúkratryggingu o.s.frv. Í dag
væri verið að vísa útlendingum frá
einum stað á annan.
Ingibjörg Sólrún sagði að fund-
urinn hefði verið gagnlegur. Til-
gangur hans hefði verið að ná saman
sjónarmiðum sem flestra þeirra er
málið varða, hlusta á varnaðarorð
og skilgreiningar á vandanum.
Grundvallaratriði að jafnræði
ríki á vinnumarkaðinum
Morgunblaðið/Ásdís
Samræða Ingibjörg Sólrún Gísladóttir boðaði fulltrúa vinnumarkaðarins og ýmsa aðra sem starfað hafa að mál-
efnum útlendinga á sinn fund í gær. Tilgangurinn var m.a. að hlusta á varnaðarorð og skilgreina vandann.
Formaður Sam-
fylkingar átti fund
í gær um málefni
útlendinga
SAMKOMULAG hefur náðst milli
Reykjavíkurborgar og Kópavogs-
bæjar vegna ágreinings um gerð
vatnsveitu og lögsögumörk við
Vatnsendakrika. Þar með er lokið
margra ára deilu sveitarfélaganna,
en í upphafi þessa árs höfðaði Kópa-
vogsbær mál á hendur Reykjavík-
urborg vegna lagningar stofnlagnar
vatnsveitu Kópavogs um land
Reykjavíkur í Heiðmörk. Málinu
lauk með sátt í október sl. þar sem
samkomulag hafði náðst með aðilum.
Í samkomulaginu felst heimild til
gerð vatnsveitu annars vegar og hins
vegar samkomulag um lögsögumörk
sveitarfélaganna við Vatnsendak-
rika í Heiðmörk. Nánar tiltekið
heimilar Reykjavíkurborg lagningu
stofnlagna án endurgjalds í gegnum
land sitt í Heiðmörk og jafnframt
vatnsöflun vatnsveitu Kópavogsbæj-
ar við Vatnsendakrika í Heiðmörk
og tryggir umferðarrétt að svæðinu
auk nauðsynlegra breytinga á skipu-
lagi.
Reykjavík fær 22,5 hektara
sunnan Heiðmerkurgirðingar
Kópavogsbær samþykkir að lög-
sögumörk og landamerki við Vatns-
endakrika skulu breytast með þeim
hætti að 22,5 hektarar sunnan upp-
haflegrar Heiðmerkurgirðingar
verði framvegis í lögsögu Reykjavík-
urborgar, en sveitarfélögin munu
sameiginlega óska eftir staðfestingu
félagsmálaráðuneytisins á nýjum
lögsögumörkum. Með þessari breyt-
ingu falla borholur Orkuveitu
Reykjavíkur sem boraðar voru um
1990 innan lögsögu Reykjavíkur, en
þær holur sem Vatnsveita Kópavogs
hefur þegar borað falla innan lög-
sögu Kópavogs.
Samkomulagið var undirritað af
Vilhjálmi Þ. Vilhjálmssyni, borgar-
stjóra Reykjavíkur, og Gunnari Inga
Birgissyni, bæjarstjóra Kópavogs,
15. september sl. með fyrirvara um
samþykki viðkomandi sveitarstjórn-
ar. Samkomulagið var tekið fyrir í
bæjarráði Kópavogs sl. fimmtudag
og vísað til næsta fundar bæjar-
stjórnar. Málið verður tekið fyrir á
næsta fundi borgarráðs Reykjavíkur
á morgun, fimmtudag.
Sátt hefur náðst um
gerð vatnsveitu
)!
!
!"#
$%
&
!"
#
*
'
)()'!"')*(+',
Reykjavík og Kópavogur hafa náð samkomulagi vegna
ágreinings um lögsögumörk við Vatnsendakrika
HAFIÐ er þriggja ára átaksverk-
efni í fræðslumálum fyrir frum-
kvöðla í Úganda. Er þetta fyrsta
verkefni Þróunarsamvinnustofn-
unar Íslands sem lýtur að stuðningi
við einkageirann. Að sögn Ágústu
Gísladóttur umdæmisstjóra ÞSSÍ í
Úganda er helsta markmið verk-
efnisins að bæta aðgengi frum-
kvöðla að gæðaþjálfun, einkum
þeirra sem áforma að reka smá eða
meðalstjór fyrirtæki.
Haft er eftir Ágústu í frétt frá
ÞSSÍ að þjálfunin feli m.a. í sér að
frumkvöðlarnir tileinki sér viðeig-
andi viðskiptafærni sem geri þeim
kleift að nýta sér fyrirliggjandi
upplýsingar og þjónustu, bæði fjár-
hagslegar og tæknilegar.
Síðastliðið sumar fór kjarnahóp-
ur kennara á leiðbeinendanámskeið
hjá Háskólanum í Reykjavík og
þessi hópur hefur nú staðfært og
lagað íslenska námsefnið að
úgandskum veruleika, er haft eftir
Ágústu.
ÞSSÍ greiðir 30 milljónir
Þróunarsamvinnustofnun skrif-
aði undir samning í síðasta mánuði
við fjármálaráðuneyti Úganda sem
er ráðuneyti fjárfestinga en helstu
samstarfsaðilar eru Fjárfestinga-
stofa Úganda og Háskólinn í
Reykjavík. Einnig koma að verk-
efninu Makarere viðskiptaháskól-
inn, Fræðslusetur iðnaðarins og
Samtök úgandskra frumkvöðla-
kvenna.
Heildarkostnaður við verkefnið
er metinn á 40 milljónir íslenskra
króna, þar af er hlutur Þróun-
arsamvinnustofnunar um 30 millj-
ónir króna.
Gleði Fyrstu útskriftarnemarnir voru glaðir í bragði sl. föstudag.
Fræðsla fyrir frum-
kvöðla í Úganda
DAGBLÖÐ eru fyrirferðamest alls
sorps í heimilistunnum á höfuðborg-
arsvæðinu eða 27% innihalds, mat-
arleifar eru 23% og plastumbúðir
13%. Þetta kom í ljós í árlegri nóv-
emberkönnun SORPU á samsetn-
ingu heimilissorps. 62% prentaðra
dagblaða lenda í almennu sorpi en
37% er skilað á grenndar- og endur-
vinnslustöðvar. Könnunin fer þannig
fram að teknar eru stikkprufur úr
sorphirðubílunum við losun. Árið
2004 voru dagblöð 16% af húsasorpi
en stökk í 22% árið 2005 og nú 27%.
Meira magn en áður af dagblöðum
berst einnig til endurvinnslu. Ástæð-
an er einfaldlega aukin prentun síð-
astliðin ár. Líklega lenda 62% prent-
aðra dagblaða í almennu sorpi en
37% er skilað á grenndar- og endur-
vinnslustöðvar til endurvinnslu, seg-
ir í frétt frá umhverfissviði Reykja-
víkur. Til samanburðar má nefna að
Danir ná að jafnaði um 50% af dag-
blöðum í endurvinnslu. Grenndar-
stöðvar eru á 54 stöðum í Reykjavík.
Mest safnast af blöðum í desember
og í kringum kosningar.
Dagblöð
fyrirferðar-
mesta sorpið
LÖGREGLAN í Reykjavík stöðvaði
á mánudag ferðir fimm ökumanna
sem höfðu þegar verið sviptir öku-
leyfi. Einn þeirra var kona á fertugs-
aldri en hún gaf upp ranga kennitölu
og reyndi þannig vísvitandi að
blekkja lögregluna. Þrír ökumenn
voru með útrunnið ökuskírteini og
segir lögreglan að nokkuð beri á
slíku.
Margir eru ekki með ökuskírteinið
meðferðis en við því liggur sekt.
Réttindalaus-
ir í umferð
♦♦♦