Morgunblaðið - 28.01.2007, Síða 62

62 SUNNUDAGUR 28. JANÚAR 2007 MORGUNBLAÐIÐ
menning
DAGANA 29. JANÚAR - 2. FEBRÚAR
Ekki veit ég hvað margir þekkjabresku rokksveitina Futureheads,en hún vakti nokkra athygli íheimalandi sínu fyrir tveimur árum
eða svo. Hún er því aðeins nefnd til sögunnar
hér að einn liðsmanna hennar var trommuleik-
arinn Peter Brewis sem tók þátt í hrinda sveit-
inni úr vör en sagði svo skilið við hana til að
stofna hljómsveit með David bróður sínum. Sú
fékk nafnið Field Music og er fyrir minn
smekk mun skemmtilegri en Futuruheads,
með fullri virðingu fyrir þeirri sveit.
Í Field Music eru semsé bræðurnir Peter og
David Brewis og Andrew Moore, en lagasmíð-
ar eru í höndum þeirra Brewis-bræðra. Allir
eru þeir félagar frá Sunderland, líkt og Fut-
ureheads, voru skólafélagar forðum og léku
saman í ýmsum hljómsveitum þó örlögin hafi
hagað því svo að lengstaf voru þeir hver í sinni
sveitinni þar til forsjónin leiddi þá saman að
nýju.
Innblásturinn úr fortíðinni
Innblásturinn segjast þeir hafa aðallega úr
fortíðinni frekar en því sem helst er á seyði í
dag, eða eins og David Brewis lýsti því í viðtali
eitt sinn þá eru þeir yfirleitt að vitna í plötu-
safn föður síns sem þeir rótuðu títt í á ung-
lingsárunum.
Fljótlega eftir að þeir ákváðu að vinna sam-
an, Brewis-bræður og Moore, byrjuðu þeir að
taka upp lög í heimahljóðveri og hélt svo fram
um hríð að þeir söfnuðu lögum og lagabútum
að gera úr plötu. Allir unnu þeir fullan vinnu-
dag samhliða, svo platan varð til á kvöldin og
um helgar á löngum tíma. Þessum lögum
smöluðu þeir síðan saman á breiðskífu sam-
nefnda sveitinni og gáfu út fyrir tveimur árum.
Þessi fyrsta plata þeirra félaga seldist
prýðilega og fékk alla jafna fína dóma þó sum-
ir hafi kvartað yfir því að tónlistin væri ekki
auðtekin þó hún væri áferðarfalleg. Víða var
hún síðan á listum yfir bestu plötur ársins
2005.
Önnum kafnir
Á þarsíðasta ári voru þeir félagar of önnum
kafnir til að ná að ljúka við nýja skífu, á kafi í
að enduhljóðblanda fyrir hina og þessa, helst
sveitunga sína í Maximo Park, aukinheldur
sem þeir léku víða á tónleikum. Til að halda
aðdáendum við efnið gáfu þeir út safnskífu
með ýmislegu uppsópi úr hljóðverinu.
Tími gafst loks til að taka upp nýja plötu í
byrjun síðasta árs og lauk verkinu síðasta vor.
Platan nýja fékk heitið Tones of Town og kom
út fyrir stuttu. Ekki er eins mikið lagt í útsetn-
ingar á nýju plötunni, frekar gengið beint til
verks en að skreyta og flúra, og fyrir vikið
njóta lögin sín betur.
Á vefsetri útgáfu sveitarinnar kemur fram
að inntak plötunnar nýju sé firring, firring
ungmenna sem lifað hafa eins og blómi í eggi,
en eru samt ósáttir við margt, ná ekki að sam-
sama sig umhverfi sínu, störfum, eða menn-
ingarumhverfi. Nokkuð sem þeir félagar hafa
áður velt fyrir sér, sjá til að mynda textann í
It’s Not The Only Way To Feel af fyrstu breið-
skífunni: Þú getur fengið allt sem þú biður um
/ þó það sé ekki það sem þú vilt.
Rótað í safninu
Efnilegir Sunderlandsveitin Field Music, Peter og David Brewis og Andrew Moore
TÓNLIST Á SUNNUDEGI
Árni Matthíasson
Breska rokksveitin Field
Music er með skemmtilegri
hljómsveitum eins og
sannast á nýrri plötu hennar,
Tones of Town.