Morgunblaðið - 02.02.2007, Page 12

12 FÖSTUDAGUR 2. FEBRÚAR 2007 MORGUNBLAÐIÐ
FRÉTTIR
Eftir Andra Karl
andri@mbl.is
„VIÐ SETTUM sjálf af stað vinnu
í upphafi árs því það var augljóst
að eitthvað þurfti að gera í mál-
inu,“ segir Signý Sigurðardóttir,
forstöðumaður flutningasviðs Sam-
taka verslunar og þjónustu, um
reglugerð um hleðslu, frágang og
merkingu farms. Vinnuhópurinn
hefur þegar haldið tvo fundi og er
ætlunin að funda á næstunni með
lögreglu og kynna tillögur um
breytingar á reglugerðinni.
Signý segir öryggisstjóra flutn-
ingafyrirtækja hafa bent sér á að
reglugerðin væri beinlínis ekki
rétt og í raun handónýt. Undir það
tekur Sigurður Svavarsson,
rekstrarstjóri aksturssviðs hjá
Húsasmiðjunni.
„Þó að einhverjum reglugerðar-
stúf sé hent fram er t.a.m. ekkert
talað um úr hverju búnaðurinn á
að vera. Það getur ekkert fyr-
irtæki bara farið í það að kaupa
búnað fyrir margar milljónir þegar
ekki liggur fyrir hvort það sé rétt-
ur búnaður, þar sem slíkt hefur
ekki verið gefið út.“ Sigurður hef-
ur kannað búnað fyrir flutninga-
bifreiðar sem lögboðinn er sam-
kvæmt reglugerð og segir t.a.m.
styttur ekki notaðar annars staðar
en til að flytja lausa trjáboli og
slíkt, ekki rígbundin timburbúnt.
Hann segir hins vegar alveg ljóst
að flutningafyrirtæki séu farin að
binda farm betur. „Það er verið að
reyna að finna einhverja leið í
þessu og það verða allir að koma
að því.“
Myndin hér að ofan var tekin
fyrir skemmstu af flutningabifreið
Húsasmiðjunnar. Samkvæmt
reglugerðinni er frágangur farms-
ins ólöglegur en Sigurður bendir
hins vegar á að bindingarnar séu
vel traustar, t.a.m. séu bindingar á
aftari vagni með 24 tonna þol en
farmurinn sé tíu til tólf tonn.
Í góðum farvegi
Guðbrandur Sigurðsson, varð-
stjóri umferðardeildar lögreglunn-
ar á höfuðborgarsvæðinu, segir
mikið búið að vinna að þessum
málum að undanförnu og að frá-
gangur flutningafyrirtækja hafi
verið að þróast til betri vegar.
„Þetta mál er í býsna góðum far-
vegi og á meðan menn eru að tala
saman á þeim grunni að vilja bæta
öryggi og allir eru sammála um
það þá erum við sæmilega sáttir,“
segir Guðbrandur sem hefur verið
boðaður á fund um miðjan mánuð.
„Þeir vilja meina að þetta sé ill-
framkvæmanlegt miðað við þarfir
flutninga í dag. Við eigum eftir að
heyra þeirra sjónarmið og vænt-
anlega verða lagðar fram tillögur
og útskýringar á því hvernig þess-
um málum er háttað annars stað-
ar.“
Hann tekur hins vegar fram að
á meðan gildandi reglur séu við
lýði verði að framfylgja þeim.
Reglugerðin ónýt
Morgunblaðið/Júlíus
Ólögmætt? Flutningafyrirtæki telja að reglugerðinni beri að breyta.
Eftir Rúnar Pálmason
runarp@mbl.is
UMFERÐAREFTIRLIT lögreglu
verður aukið og fleiri hraðamynda-
vélum komið fyrir við þjóðvegi
landsins samkvæmt samstarfssamn-
ingi milli ríkislögreglustjóra, Um-
ferðarstofu og Vegagerðarinnar sem
undirritaður var í gær. Lögregla fær
með samningnum 218 milljónir
aukalega á næstu tveimur árum sem
m.a. verða notaðar til að fjölga starf-
andi lögreglumönnum og til að
kaupa upptökubúnað í 32 lögreglu-
bíla og -mótorhjól sem gerir lög-
reglumönnum kleift að vera einir að
störfum við umferðareftirlit.
Þetta er í þriðja sinn sem slíkur
samstarfssamningur um sérstakt og
aukið umferðareftirlit sem Umferð-
arstofa, f.h. samgönguráðuneytisins,
gerir við lögreglu. Í fyrra var 65
milljónum varið í þetta verkefni.
Grundvöllur samninganna er um-
ferðaröryggisáætlun sem gildir til
2008.
Hrein viðbót við eftirlitið
Sturla Böðvarsson samgönguráð-
herra lagði áherslu á það í gær að
þau verkefni sem samið hefði verið
um myndu á engan hátt draga úr
öðrum verkefnum eða hefðbundnu
eftirliti lögreglu heldur yrði þetta
„hrein viðbót við þær öryggisráð-
stafanir sem þegar eru gerðar af
hálfu lögreglunnar.“
Tæplega helmingur þeirra 218
milljóna sem um var samið renna til
tækjakaupa. Þar af verður um 40
milljónum varið til að kaupa átta lög-
reglumótorhjól sem verða búin rat-
sjárbúnaði með myndavél (á ensku:
Eyewitness). Öll bifhjólin fara til
notkunar á höfuðborgarsvæðinu og
verða fyrst og fremst notuð við um-
ferðareftirlit. Umferðarstofa mun
einnig fjármagna kaup á sex ratsjár-
tækjum með myndavélum á mótor-
hjól sem eru í notkun og 18 slík tæki
sem sett verða í lögreglubíla, sam-
tals fyrir um um 36 milljónir króna.
Einnig fjármagnar Umferðarstofa
kaup á 11 öndunarsýnamælum og
meðfylgjandi tölvubúnaði og Vega-
gerðin mun fjármagna kaup á 16
hraðamyndavélum auk búnaðar sem
verða þær afhentar ríkislögreglu-
stjóra. Þá mun Umferðarstofa á
samningstímanum greiða fyrir tvö
stöðugildi hjá ríkislögreglustjóra til
að annast verklega framkvæmd við
úrvinnslu sekta úr hraðamyndavél-
um, samtals að hámarki 28 milljónir.
Tæplega 100 milljónum verður
varið í sérstakt umferðareftirlit lög-
reglunnar á helstu þjóðvegum lands-
ins og á að leggja sérstaka áherslu á
eftirlit við þekkta slysastaði.
Síðustu tvö ár hefur „sérstöku um-
ferðareftirliti“ samkvæmt samning-
um sem þessum verið sinnt af lög-
reglumönnum í yfirvinnu.
Jón Bjartmarz, yfirlögregluþjónn
hjá ríkislögreglustjóra, sagði í gær
að nú yrði bætt við lögreglumönnum
til að sinna þessu eftirliti en þannig
mætti nýta fjármunina betur. Að-
spurður sagði hann rétt að undanfar-
ið hefði reynst erfitt að fá nægilega
marga lögreglumenn til starfa en að
það myndi breytast með útskrift
stórra árganga úr lögregluskólanum
á næstunni. Að einhverju leyti yrði
eftirlitinu þó sinnt með yfirvinnu til
að byrja með. Hann bjóst við að
mestallur búnaðurinn sem lögregla
fær með samningnum yrði kominn í
hús í maí.
218 milljónir til að
efla umferðareftirlit
Mikið keypt af
rafrænum búnaði
til hraðaeftirlits
Morgunblaðið/Júlíus
Rafrænt vitni Ratsjárbúnaði með myndavél verður komið fyrir í 32 farar-
tækjum lögreglu. Unnar Már Ástþórsson varðstjóri aðgætir búnaðinn.
TILKYNNT var í gær að Kjartan
Magnússon, borgarfulltrúi Sjálf-
stæðisflokksins, hefði verið skipaður
formaður umferðarráðs.
Forveri Kjartans í formannsstóln-
um er Óli H. Þórðarson sem lét af
störfum í fyrra en Óli hóf störf sem
framkvæmdastjóri ráðsins árið 1978
og tók við formennsku árið 2002.
Kjartan Magnússon er fæddur 5.
desember 1967. Hann lauk stúdents-
prófi frá Menntaskólanum í Reykja-
vík árið 1988 og stundaði nám í sagn-
fræði við Háskóla Íslands
1990–1993. Á árunum 1991–1999 var
hann blaðamaður á Morgunblaðinu,
að hluta til með
námi, og frá þeim
tíma borgar-
fulltrúi auk þess
sem hann sinnti
blaðamennsku og
ráðgjafarstörf-
um. Meðal póli-
tískra starfa
Kjartans má
nefna að hann sat
í samstarfsnefnd
um löggæslumálefni í Reykjavík
1998–2002 og hann var formaður
nefndar um umferðaröryggismál í
Reykjavík 2002–2007.
Nýr formaður
umferðarráðs
Kjartan
Magnússon
ÞORGERÐUR Katrín Gunnarsdótt-
ir menntamálaráðherra segir að
helsta ástæðan fyrir því að hún fór
ekki eftir tilnefningu Blaðamanna-
félags Íslands (BÍ) í sérfræðinga-
nefnd norræna blaðamannamið-
stöðvarinnnar NJC í Árósum sé það
umbreytingarskeið sem skólinn
gangi nú í gegnum. Hætta hefði ver-
ið á hagsmunaárekstrum með því að
tilefna starfsmann háskóla.
BÍ tilnefndi þau Birgi Guðmunds-
son, lektor við Háskólann á Akur-
eyri, sem aðalmann og Svanborgu
Sigmarsdóttur sem varamann í sér-
fræðinganefndina. Ráðherra skipaði
hins vegar Ólaf Þ. Stephensen, að-
stoðarritstjóra Morgunblaðsins, sem
aðalmann og Elfu Ýr Gylfadóttur,
deildarstjóra fjölmiðladeildar
menntamálaráðuneytisins, sem
varamann.
Arna Schram, formaður BÍ, undr-
ast að aðrir en þeir sem félagið til-
nefndi hafi verið skipaðir og bendir á
að í 50 ára sögu miðstöðvarinnar sé
þetta í fyrsta skipti sem tilnefning
stjórnar BÍ sé hunsuð. Hefur hún
óskað eftir svörum frá menntamála-
ráðherra um hvort ekki sé óskað eft-
ir frekara samstarfi BÍ varðandi
miðstöðina. Formaður þings nor-
rænu blaðamannasamtakanna, Mog-
ens Blicher Bjerragård, hefur einnig
sent menntamálaráðherra bréf þar
sem hann bendir m.a. á að tilnefning
ráðherrans sé þvert á allar hefðir á
hinum Norðurlöndunum en þar sem
ráðherrar hlusti á tilnefningar fag-
samtaka.
Þorgerður Katrín sagði í samtali
við Morgunblaðið að þar sem hug-
myndir um breytingar á miðstöðinni
fælu m.a. í sér að nám í blaða-
mennsku yrði fært til háskóladeilda í
hverju landi hefði henni ekki þótt
rétt að skipa háskólamann, þ.e. Birgi
Guðmundsson, enda skapaði það
hættu á hagsmunaárekstrum. Um
varamanninn sagði hún að í breyt-
ingaferli væri nauðsynlegt að ráðu-
neytið fengi milliliðalausar upplýs-
ingar. Aðspurð sagði hún að BÍ hefði
ekki verið greint frá þessum sjón-
armiðum um tilnefningar fyrirfram.
Spurð um skipan Ólafs sagði hún
mikilvægt að fá mann sem hefði
reynslu af norrænu samstarfi, starf-
aði á fjölmiðli en hefði jafnframt
tengingu við útgefendur.
Taldi hættu á
hagsmunaárekstri
STURLA Böðvarsson samgöngu-
ráðherra mun ekki að hafa afskipti
af samningi Vegagerðarinnar við
Eimskip um rekstur Herjólfs og
segir að hið sama gildi um þann
samning og aðra verksamninga
Vegagerðar. „Þessi hækkun byggist
á þessum samningi og samninga
verður að standa við,“ sagði Sturla.
Um 500 manns tóku þátt í mót-
mælum í Vestmannaeyjum í fyrra-
dag vegna 12% gjaldskrárhækkunar
í farþegaferjunni Herjólfi sem Eim-
skip rekur. Elliði Vignisson bæj-
arstjóri tók undir með mótmæl-
endum og sagði að gjaldskrána
þyrfti að endurskoða frá grunni og
að Eyjamenn sættu sig ekki við
gjaldtöku á þjóðveginum milli lands
og Eyja, umfram gjaldtöku af um-
ferð um aðra þjóðvegi. Meðal þess
sem var krafist var að ekkert gjald
yrði innheimt fyrir farþega í bílum
með Herjólfi, enda væri slíkt gjald
hvergi innheimt annars staðar í
vegakerfinu.
Ýmislegt þegar gert
Í samtali við Morgunblaðið í gær
sagði Sturla að ráðuneytið gæti ekki
og myndi ekki hafa afskipti af samn-
ingnum um rekstur Herjólfs og
benti á að Vegagerðin gerði verk-
samninga við fjölda aðila, þ.á m.
þjónustusamn-
inga vegna ferju-
siglinga sem allir
samningar væru
gerðir með til-
teknum for-
sendum um þró-
un verðlags.
Sturla minnti á
að nýbúið væri að
taka ákvörðun
um verulega
styrki til flugs til Vestmannaeyja og
að flugið yrði boðið út. „Að mati
þeirra sem reka Herjólf telja þeir að
það snerti þennan samning að því
leyti að með því að ríkið styrki flugið
til Eyja, þá versni afkoma í sigl-
ingum Herjólfs. Um það vil ég í
sjálfu sér ekkert segja en þetta sýnir
hvað er erfitt að uppfylla allar óskir í
þessu samhengi. Ég tel að ég sem
samgönguráðherra hafi gert allt það
sem ég hef getað til að bæta sam-
göngurnar við Eyjar; fjölga ferðum
Herjólfs, styrkja flugið og byggja
upp aðstöðuna á Bakkaflugvelli.
Þannig að það er nú ýmislegt sem
hefur verið gert,“ sagði hann.
Spurður um álit á tillögum Eyja-
manna til breytinga á gjaldskránni
sagði Sturla m.a. að þessi rök hefðu
áður komið fram og benti á að greitt
væri fyrir hvern farþega í flugi.
Samningnum um
Herjólf ekki breytt
Ekki hægt að taka upp þennan
samning frekar en aðra verksamninga
Sturla
Böðvarsson