Morgunblaðið - 02.02.2007, Qupperneq 24

matur
24 FÖSTUDAGUR 2. FEBRÚAR 2007 MORGUNBLAÐIÐ
Það má eiginlega segja aðáhuginn á matargerð hafikviknað þegar ég bjó einúti í New York fyrir tíu ár-
um, þar sem ég starfaði í tvö ár. Þá
fór ég að prófa mig áfram og síðan
þá hefur áhuginn vaxið jafnt og þétt,
þó svo ég líti ekki á mig sem neinn
meistarakokk,“ segir Björg Sæ-
mundsdóttir.
„Í húsinu þar sem ég bjó var röð
veitingastaða fyrir neðan og á kvöld-
in lagði hvítlaukslyktina inn um
gluggana hjá mér og varð oft inn-
blástur í matargerðina.“ Hún segir
það hafa verið frábært að kaupa í
matinn í New York og oftar en ekki
hafi leiðin legið í svokallaðar sæl-
kerabúðir þar sem hægt var að fá
allt sem hugurinn girntist. Reglu-
lega hóaði hún í þá Íslendinga sem
hún var í sambandi við þar ytra, sló
upp veislu og spreytti sig í matseld-
inni. „Þar lærði ég meðal annars að
meta ólívur, sushi, kaffi og annað
góðgæti sem hefur síðan verið
ómissandi hluti tilverunnar.“
Ferskt krydd nauðsynlegt
„Eitt það skemmtilegasta við mat-
argerðina er að prófa sig áfram og
gefa ímyndunaraflinu lausan taum-
inn. Þegar ég fæ uppskrift hjá öðr-
um eða er að leita að einhverju nýju,
þá skoða ég gjarnan nokkrar upp-
skriftir og sýð saman úr þeim mína
eigin. Tek út það sem mér finnst
ekki spennandi og bæti við því sem
mér þykir gott og ég held að passi
saman.“
– En í svona tilraunamennsku,
mistekst þér aldrei?
Hún hlær, „Jú, jú en mistökin eru
yfirleitt ekki af þeirri gerðinni að
maturinn verði óætur. Þá set ég á
bak á við eyrað þær breytingar sem
ég vil gera á réttinum.“
Hún segir gott krydd nauðsynlegt
og finnst frábært að nota fersk
krydd. „Sjálf er ég mjög hrifin af
basilíku og kóríander og passa upp á
að það sé til þegar von er á gestum.“
Hún er hrifin af pasta og léttum
réttum en segir að það sé ekkert eitt
ráðandi eða mest áberandi í sinni
eldamennsku, fjölbreytileikinn sé
skemmtilegur. Henni finnst þó
nauðsynlegt að halda í gamlar hefðir
og þar eru íslensk kjötsúpa, kjöt í
karrí, soðin ýsa og fiskibollur of-
arlega á blaði. „Það verður samt að
passa að elda þetta rétt, hvorki of-
sjóða né þurrsteikja.“
Pasta eða hveitiklístur?
„Annars er ég alin upp við þá
skoðun að pasta sé ekki matur held-
ur bara hveitiklístur. Pabbi vill helst
hafa kjöt í öll mál og var t.d. iðulega
lambalæri eða hryggur í hádeginu á
sunnudögum í minni barnæsku enda
hann sonur kjötiðnaðarmanns. Á
heimili foreldra minna sér pabbi oft-
ar en ekki um eldamennskuna og
gerir það býsna vel. Ég hef lært
margt af honum og eitt besta ráðið
sem hann hefur gefið mér er það að
ganga alltaf frá eftir sig jafnóðum í
eldhúsinu. Það er hundleiðinlegt að
elda í eldhúsi þar sem allt er út um
allt.“ Og í jafn litlu eldhúsi – sem er
með því minnsta sem blaðamaður
hefur séð – er þetta ráð örugglega
jafn mikilvægt því að kveikja á hell-
unum.
Það er kominn matur og ekki líður
á löngu þar til gestirnir fara að
dásama pastaréttinn sem Björg
útbjó, sérstaklega með pabba sinn í
huga. Rétturinn er sneisafullur af
sjávarréttum og öðru góðgæti sem
okkur sem snæðum hefði ekki dottið
í hug að setja saman. Eftirrétturinn
er bæði framandi og spennandi en
hann prófaði Björg fyrir nokkrum
árum þegar hún rakst á uppskriftina
í Gestgjafanum. Heit eplin, full af
kræsingum og vanilluís tróna nú á
toppnum yfir gómsætustu réttina,
svo mikið er víst. Það er því orðið
nokkuð ljóst að eldhús þarf hvorki
að vera risastórt né útbúið nýjustu
græjum til að hægt sé að töfra fram
ómótstæðilegan mat.
Sjávarréttapasta
fyrir 4
500 g tagliatelle
200 g humarbitar
200 g hörpudiskur
200 gr. rækjur
½ dós túnfiskur
2 msk capers
2 msk grænn pipar
2 msk furuhnetur
4-5 hvítlauksgeirar
smjörklípa
1 Höfðingi (eða annað brie)
1 peli rjómi
Ítalskt pastakrydd
(frá Pottagöldrum)
pipar og salt
parmesan ostur
steinselja
Byrjið á því að láta vatn renna af
sjávarfanginu, pressið hvítlaukinn
og setjið á pönnu með smjörklípu.
Léttsteikið humarbitana og hörpu-
diskinn. Sjóðið pastað, gott er að
setja smá olíu og salt út í vatnið. Á
meðan pastað sýður: skerið niður
ostinn og bræðið saman við rjómann
á vægum hita. Þegar pastað er soðið,
hellið þá vatninu af og setjið pastað á
pönnu. Hellið ostasósunni yfir,
kryddið með pipar, salti og pastak-
ryddi. Bætið furuhnetum, capers og
grænum pipar út á. Þá má sjáv-
arfangið fara saman við, rækjurnar
allra síðast því þær verða vondar ef
þær eru of lengi í hita. Stráið rifnum
parmesan-osti og fínt saxaðri stein-
selju yfir áður en borið er fram.
Salat
1 salatpoki – t.d. veislublanda
1 box kirsuberjatómatar
1 lárpera
1 mozzarella kúla
smá ólífuolía basilika smátt skorin
balsamik sýróp
Skolið salatið og skerið tómatana í
tvennt. Avókadó og mozzarella skor-
ið í teninga. Basilíkan söxuð smátt.
Öllu blandað saman, smá ólífuolía yf-
ir. Balsamik sýróp til skreytingar
rétt áður en borið er fram.
Eplasæla
Eftirréttur fyrir 4
3 rauð epli
40 g núggat
60 g marsípan
12 pekanhnetur (meira/minna e.
smekk)
1-2 msk. sykur
25 g smjör
30 g hjúpsúkkulaðihnappar (ljósir/
dökkir e. smekk)
Hitið ofninn í 180°C. Skerið hvert
epli í tvennt og hreinsið kjarnann úr
þeim með kúlujárni eða teskeið.
Skerið þunna sneið neðan af hverj-
um eplahelmingi svo að hann getið
staðið án þess að velta til og frá.
Smyrjið eldfast fat með dálitlu af
smjörinu, raðið eplahelmingunum í
mótið og dreifið afganginum af
smjörinu í smáklípum á milli þeirra.
Skerið núggat og marsípan í litla
bita. Setjið nokkra bita af hvoru í
hvert epli. Skerið pekan-hneturnar
niður (ca 2 í hvert epli). Stráið sykri
jafnt yfir allt. Setjið í ofninn og bakið
í um 20 mínútur eða þar til eplin eru
meyr en halda þó enn lögun og mar-
sípanið hefur tekið góðan lit. Takið
fatið út úr ofninum og setjið nokkra
súkkulaðihnappa á hvert epli og látið
standa þar til súkkulaðið er bráðið.
Berið eplin fram heit/volg með van-
illuís eða þeyttum rjóma.
Litríkt Salatið sem Björg bar fram með matnum var bragðgott og sneisafullt af hollustu. Vel heppnuð samsetning Sjávarréttapastað er bæði girnilegt og ólýsanlega bragðgott.
Eftirréttur Heit eplin koma skemmtilega á óvart og lifa í minningunni.
Ómótstæðilegur matur
í agnarsmáu eldhúsi
Þegar barið er að dyrum
í Hafnarfirðinum tekur
dásamleg hvítlaukslykt á
móti gestum. Hús-
freyjan, Björg Sæ-
mundsdóttir, er á kafi í
eldamennsku með
Magneu fjögurra mán-
aða dóttur sína á hand-
leggnum. Katrín Brynja
Hermannsdóttir kíkti á
mæðgurnar og fékk að
bragða á dýrindis mat
Morgunblaðið/Árni Sæberg
Mæðgur Björg með dóttur sína Magneu sem er fjögurra mánaða.