Morgunblaðið - 23.04.2007, Page 36

36 MÁNUDAGUR 23. APRÍL 2007 MORGUNBLAÐIÐ
SKRÁÐU ÞIG Á SAMbio.is
Hagatorgi • Sími 530 1919 • www.haskolabio.is
BREACH kl. 5:50 - 8:10 - 10:30 B.i. 12 ára
TÍMAMÓT (ÍSLENSK KVIKMYND) kl. 6 - 8 - 10 LEYFÐ
THE GOOD SHEPERD kl. 5:30 - 8 - 10:40 B.i. 12 ára
BECAUSE I SAID SO kl. 5:50 - 8:10 - 10:30 LEYFÐ
MISS POTTER kl. 5:40 LEYFÐ
300 kl. 8 - 10:30 B.i. 16 ára
/ KEFLAVÍK
BECAUSE I SAID SO kl. 8 - 10:20 LEYFÐ
THE MESSENGERS kl. 8 - 10 B.i. 16 ára
MR. BEAN'S HOLIDAY kl. 6 LEYFÐ
MEET THE ROBINSONS m/ísl. tali kl. 6 LEYFÐ
/ AKUREYRI
SÝND Í HÁSKÓLABÍÓ
eeee
SUNDAY MIRROR
BECAUSE I SAID SO
BESTA MAMMA Í HEIMI
GETUR LÍKA VERIÐ ERFIÐASTA MAMMA Í HEIMI
Diane Keaton Mandy Moore
Saga öflugustu leyniþjónustu fyrr og síðar, CIA. Háspenna, lífshætta frá Pang Bræðrum.
STRANGLEGA BÖNNUÐ BÖRNUM
eee
Ó.H.T. RÁS2
eee
S.V. MBL
SHOOTER kl. 8 - 10:20 B.i. 16 ára
HOT FUZZ kl. 8 - 10:20 B.i. 16 ára
Úrvalslið leikara í magnaðri kvikmynd
undir tryggri leikstjórn Robert DeNiro
EDISONS LIFANDI LJÓSMYNDIR KYNNIR:
KVIKMYND EFTIR
GUÐMUND ERLINGSSON
HERBERT SVEINBJÖRNSSON
GUÐJÓN ÁRNASON
SIGURBJÖRN GUÐMUNDSSON
STEINÞÓR EDVARDSSON
Börn sjá meira en fullorðnir
gera sér grein fyrir!
ÞAÐ STYTTIST í að kvikmyndin
Stardust verði frumsýnd og búið er
að opna vefsetur tengt myndinni,
stardustmovie.com, á netinu. Það
er meðal annars hægt að sjá kynn-
ingarmyndband og í því bregður
fyrir íslensku landslagi.
Það er reyndar minna um mynd-
efni frá Íslandi í myndinni en til
stóð að sögn Helgu Margrétar
Reykdal, framkvæmdastjóra True
North sem hafði umsjón með tökum
hér á landi, enda fengu aðstand-
endur hennar ekki að flytja hesta
með sér til landsins. „Þeir voru hér
í örfáa daga og það komu nokkrir
leikarar til landsins vegna þess,“
segir Helga Margrét og bætir við
að aðstandendur myndarinnar hafi
verið hæstánægðir með myndefnið
sem þeir náðu hér, en frekari tökur
fóru svo fram á hálendi Skotlands
meðal annars, þar sem landslagi
svipar til landslags hér.
Myndin byggir á sögu eftir Neil
Gaiman en í sögunni heitir ungur
maður ástmey sinni að hann muni
sækja fyrir hana stjörnu sem hrap-
ar til jarðar skammt frá þar sem
þau sitja. Til þess verður hann þó
að stíga inn í álfaland og þar er
ekkert sem það sýnist.
Meðal leikara í myndinni eru
Claire Danes, Robert De Niro, Si-
enna Miller, Michelle Pfeiffer, Pet-
er O’Toole og Ricky Gervais, en Ian
McKellen er sögumaður. Myndin
verður frumsýnd ytra í ágúst, en
Samfilm hefur sýningarrétt á henni
hér á landi.
Íslenskt álfaland
Eftir Arnar Eggert Thoroddsen
arnart@mbl.is
„VAR ég búinn að segja þér að við
hittum Dr. Alban!?,“ segir Kjartan
F. Ólafsson, hljómborðsleikari Am-
pop, hlæjandi en sveitin var eini
fulltrúi Íslands á færeysku farand-
tónlistarhátíðinni AME (Atlantic
Music Event) sem fram fór nú um
síðustu helgi í höfuðstað Færeyja,
Þórshöfn, dagana 13. og 14. apríl.
„Við hittum hann á næt-
urklúbbnum Eclipse og hann var eit-
urhress, en hafði hins vegar ekki
mikinn tíma fyrir myndatöku. Hann
spilaði líka í Fuglafirði (sem hefur
orð á sér fyrir að vera mikið
„hnakkavígi“ í Færeyjum. Innsk.
AET).“
Dr. Alban er mikill tákngervingur
„næntís“ tónlistar og hefur svosem
séð betri tíma og Kjartan segist
velta því fyrir sér hvort þetta hafi átt
að vera eitthvert grín. „En hann
rúllaði þessu a.m.k. upp og stemn-
ingin var gríðarleg!“
Grænland líka
AME hátíðin er nú haldin á
tveggja ára fresti í Færeyjum og
hefur sniðið á henni verið að breyt-
ast í gegnum tíðina. Eitt sinn var
einungis um hljómsveitakeppni í
anda Músíktilrauna að ræða (hét þá
Prix Föroyar) en nú er um að ræða
vettvang fyrir nýjar norrænar sveit-
ir til að kynna sig og sína tónlist.
Auk þess er kynning á færeyskum
sveitum veigamikill þáttur og hefur
samkoman verið að eflast sem slík.
Í ár léku færeyskir listamenn eins
og SIC, 200, Gestir, Deja Vu og Ei-
vör en þátttakendur frá öðrum
Norðurlöndum voru t.d. grænlenski
listamaðurinn Angu, hinn sænski Jo-
nas Molinder, Óðinsvéasveitin Ave
og hin íslenska Ampop.
Kjartan segist nú ekki hafa orðið
fyrir gríðarlegu sjokki við það að
koma til eyjanna, þetta hafi verið
meira eins og að fara norður, en
norðlenskan hafi reyndar verið að-
eins skrítnari en venjulega.
„Kannski var mesta áfallið að sjá
Norðurlandahúsið þarna, það er al-
veg ótrúlega flott og afskaplega
hentugt fyrir tónleikahald. Allt í
kringum tónleikana; ljós, hljóð og
þjónusta við listamenn var þá tipp
topp – eiginlega það besta sem ég
hef kynnst. Þeir fara alla leið með
þetta.“
Kjartan segir að tónleikarnir hafi
náð hæstu hæðum er Eivör kom
fram, en söngkonan hefur nánast
verið tekin í guðatölu í eyjunum.
Meiri samgangur
Ólafur Páll Gunnarsson, Óli Palli,
var á hátíðinni fyrir hönd Rásar 2 en
Ásgeir Eyþórsson og Óli voru Fær-
eyingunum innan handar þegar
AME var haldið í Reykjavík á dög-
unum.
„Það voru þarna blaðamenn og
alls kyns mógúlar, bæði frá útgáfu-
fyrirtækjum og tónlistarhátíðum.
Það var skipulögð dagskrá og það
farið með okkur í smá rúnt um eyj-
arnar og heimsóttum við m.a. annars
Götu. Þar söng Kári Sverrisson fyrir
okkur í kirkjunni og fræddi okkur
um kvæðasöng eyjaskeggja.“
Óli segir þetta hafa verið ferlega
gaman, hann hafi t.d. verið að sjá
pönkrokksveitina 200 í fyrsta skipti
á tónleikum en á henni hefur hann
mikið dálæti.
„Færeyingarnir eru svona að
byrja að setja kraft í þessi kynning-
armál og þetta lítur afskaplega vel
út. G! hátíðin í Götu hefur t.d. verið
mikil lyftistöng fyrir tónlistarlífið
þarna. Þeir líta mikið til Íslands og
vilja sjá meiri samgang á milli
eyjanna í þessum málum, að hljóm-
sveitir héðan fari út að spila og öf-
ugt.“
Fróði Vestergaard, fram-
kvæmdastjóri AME, er vel sáttur
við það hvernig til tókst. AME hátíð-
in sé að styrkjast og vaxa og segist
hann vera farinn að finna fyrir
áþreifanlegum árangri.
„Það var t.d. gaman að Boys in a
Band, einni af okkar efnilegustu
sveitum, var boðið á tvær tónlist-
arhátíðir í kjölfarið þannig að þetta
virkar. Hugmyndin að baki AME
virðist vera að falla í góðan jarðveg
og við ætlum að halda þessu verk-
efni áfram ótrauð.“
„Meira svona eins
og að fara norður“
Færeyska tónlistarhátíðin AME fór
fram um síðustu helgi í Þórshöfn
Frambærilegt Angu er Damien Rice þeirra Grænlendinga og vinsæll mjög
þar í landi. Hann kom fram á AME-hátíðinni í Færeyjum.
myspace.com/atlanticmusicevent