Morgunblaðið - 15.05.2007, Blaðsíða 18
18 ÞRIÐJUDAGUR 15. MAÍ 2007 MORGUNBLAÐIÐ
AKUREYRI
Eftir Sigurð Mar Halldórsson
Öræfi | Mikil skriða féll í Mors-
árdal á dögunum og ljóst er að
gríðarlega mikið efni hefur fallið
úr hlíðum Miðfells í Öræfasveit.
Hálfdán Björnsson á Kvískerjum
fór og skoðaði skriðuna og segist
vart muna eftir svona stóru
skriðufalli. Skriðan þverar nánast
allan Morsárjökul, allt frá Skarðs-
tindum að Miðfelli og er hátt í 700
metra löng og um 300 metra
breið.
Menn sem voru að vinna í brúar-
vinnu við Hrafnagil heyrðu mikla
skruðninga og læti í endaðan apríl
og líklegt er að skriðan hafi fallið
þá. Ragnar Frank Kristjánsson
þjóðgarðsvörður í Skaftafelli segir
að erfitt sé að útskýra hvað þarna
hafi gerst. Þetta sé svokallað berg-
hlaup sem er mjög fátítt á Íslandi.
„Við fórum þarna inn eftir fyrir
síðustu helgi og skoðuðum þetta
og okkur finnst eins og þetta hafi
fallið úr hlíðunum vestanmegin við
jökulinn og hreinlega bara spýst
yfir hann. Ég hef óskað eftir því
að jarðfræðingar skoði þetta fyr-
irbæri mjög fljótt og þá er hægt
að segja nánar til um hvað hefur
gerst,“ segir Ragnar.
Ferðamönnum mun engin hætta
búin þarna, þar sem skriðan féll
fjarri öllum gönguleiðum.
Berghlaup yfir Morsárjökul
Ljósmynd/Ragnar Frank Kristjánsson
Morsárdalur Skriðan féll úr hlíðum Miðfells og yfir Morsárjökul.
Reykholt | Delta Kappa Gamma, fé-
lag kvenna í fræðslustörfum, hélt af-
mælisþing í Reykholti nú í maí. Við
það tækifæri voru Þuríður Krist-
jánsdóttir prófessor og Guðrún
Helgadóttir rithöfundur heiðraðar.
Delta Kappa Gamma, Society Int-
ernational, er alþjóðlegur fé-
lagsskapur sem hefur starfað frá
1929 og var stofnaður í Texas í Aust-
in en er 30 ára á Íslandi.
Þingið í Reykholti sóttu 85 konur
víðs vegar að af landinu og er það
fjölmennasta þing sem félagið hefur
haldið. Gerður var góður rómur að
dagskrá þingsins en þar var sjónum
beint að stöðu kvenna í fræðslu-
málum fyrr og nú. Aðalfyrirlesarar
voru Kristín Ástgeirsdóttir, Helgi
Skúli Kjartansson sagnfræðingar og
Anna Edvardsdóttir, fyrrverandi
skólastjóri í Bolungarvík.
Stofnuð ný deild
Stjórn landssambandsins bauð til
móttöku í Snorrastofu og voru þar
heiðraðar tvær konur. Þuríður
Kristjánsdóttir, prófessor og fyrsti
forseti landssambandsins, var heiðr-
uð fyrir framlag sitt til félagsins og
menntamála í landinu. Guðrún
Helgadóttir rithöfundur var heiðruð
fyrir framlag sitt til barna-
bókmennta en hún er og hefur verið
um langt árabil mest lesni barna-
bókahöfundur á Íslandi.
Á þessum tímamótum var ákveðið
að stofna nýja deild á Suðvest-
urlandi og var það gert á sjálfan af-
mælisdaginn, 28. mars sl., og eru fé-
lagskonur nú orðnar 280.
Í tilefni af afmælinu var gefið út
300 blaðsíðna rit sem ber heitið
„Þekking – þjálfun – þroski“ með
greinum um uppeldis- og mennta-
mál ásamt nokkrum ljóðum og öðru
efni. Allt efnið kemur frá fé-
lagskonum Delta Kappa Gamma.
Ritið er til sölu hjá félagskonum.
Tvær konur heiðraðar
Ljósmynd/Skessuhorn
Heiðrun Ingibjörg Einarsdóttir, fráfarandi forseti félagsskaparins, Þur-
íður Kristjánsdóttir prófessor, Guðrún Helgadóttir rithöfundur og Anna
Þóra Baldursdóttir, sem tekur við sem forseti í sumar.
SUÐURNES LANDIÐ
Innri-Njarðvík | Nemendur í Ak-
urskóla fengu á föstudag víkina
Kópu í Innri-Njarðvík afhenta til
fósturs. Fóstrinu fylgir að hugsa
vel um víkina með því að halda
henni hreinni og gera hana aðlað-
andi til náms og leiks.
Það var Árni Sigfússon bæj-
arstjóri sem afhenti nemendum vík-
ina og við henni tók afmælisbarn
dagsins í skólanum, Eyþór Atli Að-
alsteinsson sem varð 7 ára. Hann
fékk hásæti hjá bæjarstjóra og að-
stoð frá Jónínu Ágústsdóttur skóla-
stjóra við að lesa upp þakkarbréf.
Eyþór Atli fékk svo að sjálfsögðu
afmælissöng í tilefni dagsins en síð-
an tóku nemendur til við að hreinsa
víkina, íklædd bláum hönskum. Þau
voru ekki lengi að safna ruslinu í
hrauka og fylla ruslapokana.
Akurskóli er aðeins steinsnar frá
Kópu og er víkin og lífríki fjör-
unnar því kjörin til þess að afla
þekkingar í vísindagreinum. Tjörn-
in í Innri-Njarðvík hefur ekki síður
verið notuð til náms í skólanum,
bæði lífríkið í og við tjörnina.
Þá hefur umhverfis- og skipu-
lagssvið úthlutað skólanum svæði
til gróðursetningar, í hans nánasta
umhverfi.
Morgunblaðið/Svanhildur Eiríksdóttir
Víkin Kópa í fóstur
Reykjanesbær | Ákveðið hefur ver-
ið að bjóða strætisvagnaferðir um
helgar í Reykjanesbæ frá 15. ágúst
í sumar. Árni Sigfússon bæjarstjóri
greindi frá þessu á íbúafundi í Ak-
urskóla.
Ekki hefur verið innheimt gjald í
strætisvagna Reykjanesbæjar frá
árinu 2003. Á þessum tíma hefur
fjöldi farþega þrefaldast og það hef-
ur skilað sér í aukinni þjónustu við
íbúana, segir í fréttatilkynningu frá
Reykjanesbæ. Hefur þetta leitt til
minni umferðar einkabíla og aukins
umferðaröryggis og minna álags á
fjölskyldur.
Ákvörðun um strætó um helgar
er í samræmi við framtíðarsýn
Reykjanesbæjar til ársins 2010 og
kemur í kjölfar fyrri íbúafunda þar
sem mikið hefur verið spurt um
þessa þjónustu. Þetta mun nýtast
vel börnum og unglingum sem
sækja menningar-, íþrótta- og tóm-
stundastarf um helgar en leiðakerf-
ið tekur mið af því og fer strætó
fram hjá helstu íþróttamannvirkj-
um, tónlistarskóla og annarri tóm-
stundastarfsemi.
Ferðum strætó um svonefnda líf-
æð í gegnum Reykjanesbæ verður
fjölgað á sama tíma og skoðuð teng-
ing við Dalshverfi og Vallarsvæði.
Einnig er í athugun tenging við
leiðakerfi strætó á höfuðborgar-
svæðinu.
Strætó ekur um helgar
HÁSKÓLINN á Akureyri útskrifar
nemendur úr öllum fjórum deildum
skólans hinn 9. júní næstkomandi.
Þar á meðal er hópur grunnskóla-
kennara sem stunduðu nám sitt í
fjarnámi. Um er að ræða tvo hópa
nemenda sem byrjuðu í fjarnáminu
haustið 2003, annars vegar á Ár-
borgarsvæðinu og hins vegar úr
Reykjanesbæ.
Anna Sólveig Ingvadóttir er í hópi
hinna tilvonandi grunnskólakennara
sem stunduðu námið með þessum
hætti. Hún býr í Þorlákshöfn en hef-
ur keyrt tvisvar í viku á Selfoss til að
hlýða á fyrirlestra. Þótt hún sé ekki
enn útskrifuð hefur hún þegar
tryggt sér atvinnu og mun kenna við
Grunnskólann í Þorlákshöfn.
„Það er boðið upp á fjarfundi
tvisvar í viku,“ segir Anna Sólveig,
„og við mætum og fylgjumst með
fyrirlestri í gegnum fjarfundabúnað.
Þetta er ólíkt fjarnáminu í KHÍ en
þar er notast við svokölluð kennslu-
bréf og lotur. Í stað þess sitjum við
og hlustum á fyrirlesturinn eins og
um hefðbundinn tíma væri að ræða.
Við sjáum kennarann og hann sér
okkur en munurinn er sá að kenn-
arinn talar við okkur í gegnum bún-
aðinn.“
Fjarnámið er byggt upp sem fjög-
urra ára nám og lögð er áhersla á ís-
lensku, stærðfræði og náttúrufræði,
en einnig er mikið um áfanga í
kennslufræði, heimspeki og sögu.
Ekki er boðið upp á sérstök kjörsvið,
heldur stunda fjarnemarnir allir
sama nám og taka sömu áfanga.
„Ég mæli algjörlega með þessu
námi. Það er krefjandi og fyrirhafn-
arsamt. Kostirnir eru þeir að ég er
ekki einangruð og hitti bekkjar-
félaga. Mér finnst það líka kostur að
við það að hlusta á kennarann þá get
ég betur áttað mig á áhersluatriðum.
Einnig eru samskiptin persónulegri
innan skólans, miðað við aðra skóla,
þar sem hann er minni. Eini gallinn
er að mínu mati sá að fjarnemar hafa
lítið val og ef ég mætti breyta ein-
hverju myndi ég auka valið.“
Grunnskólakennarar
útskrifast úr fjarnámi
Nýjung Í ár útskrifast 22 grunnskólakennarar í fyrsta sinn úr fjarnámi við
HA. Myndin er af útskriftarnemum og er Anna Sólveig lengst til hægri.
NEMENDUR 10. bekkjar Dalvík-
urskóla tóku höndum saman ásamt
Sparisjóði Svarfdæla og héldu ár-
lega fjáröflun fimmtudaginn 10.
maí síðastliðinn. Unnið var að því
að tína rusl á sandinum austan Dal-
víkur. Fjáröflunin var haldin til að
styrkja ferðasjóð bekkjarins og
nefnist hún í almennu tali rusladag-
ur. Nemendur og kennarar skólans
hafa síðastliðin 20 ár haldið slíka
fjáröflun, með dyggum stuðningi
Sparisjóðs Svarfdæla sem hefur
unnið ötullega að margvíslegum
góðgerðamálum fyrir byggð-
arlagið.
Ljósmynd/Kristján Sigurðsson
Rusladagur á Dalvík