Morgunblaðið - 15.05.2007, Blaðsíða 20
tómstundir
20 ÞRIÐJUDAGUR 15. MAÍ 2007 MORGUNBLAÐIÐ
Bæjarstjórn Árborgar ýtti úr vör hreins-
unarátaki á dögunum og hvatti bæjarbúa til
þess að hreinsa til í sínum ranni. Átakið hófst á
degi umhverfisins og afhenti bæjarstjórinn um-
hverfisverðlaun til Olís á Selfossi og Sigríðar
Jónsdóttur sem hefur um langt skeið farið allra
sinna ferða á reiðhjóli. Þessi hvatning bæjaryf-
irvalda er árviss og um margt nauðsynleg. Það
er nefnilega ótrúlega algengt að óþarfa rusl og
drasl sé látið eiga sig og verður einhvern veginn
hluti af umhverfinu. Eigendur fyrirtækja þurfa
að líta skörpum augum á lóðir sínar og spyrja
hvort þar megi ekki eitthvað betur fara. Íbúð-
arhúsaeigendur þurfa líka að líta grannt í
kringum sig. Markmiðið er að bærinn líti vel út
í sumar. Gestir bæjarins þurfa að fá þá tilfinn-
ingu að bærinn sé snyrtilegur. Selfoss hefur
haft það orðspor að vera snyrtilegur bær og
vonandi heldur hann því.
Dæmi eru um það að unglingar í bæjarvinnu
hafa fengið það hlutverk að líta eftir umgengni
og gefa eigendum lóða athugasemdir um það
sem betur má fara. Umhverfisdeild Árborgar
gæti komið upp slíkum hópi sem færi bæinn um
á reiðhjólum í slíkum eftirlitsferðum með
myndavél og athugasemdablokk meðferðis.
Þetta hefur virkað vel þar sem þetta hefur ver-
ið reynt.
Það verður líka gaman að fylgjast með því
hvort bæjarbúar taka Sigríði Jónsdóttur sér til
fyrirmyndar og auki hjólanotkun sína og þar
með umhverfisvæna umgengni um náttúruna.
Það er nefnilega dálítil fyrirhöfn að vera um-
hverfisvænn en um margt auðvelt því sá metn-
aður hefur verið hjá einkaaðilum og bæjarfélag-
inu að leggja göngu- og hjólastíga um leið og
götur eru lagðar í nýjum hverfum. Það er mikill
munur frá því sem áður var og hvetjandi fyrir
íbúa að nýta sér það, sem margir gera. Það er
annars mjög auðvelt að hjóla á Selfossi enda
engar brekkur. Nú er því tækifæri að hefja hjól-
ið til aukinnar virðingar.
Annar þáttur er til mikillar fyrirmyndar í nýj-
um hverfum, en það er að áður en framkvæmdir
hefjast í nýjum götum er búið að malbika þær.
Þetta gerir alla aðkomu mun auðveldari, um-
hverfið verður snyrtilegra og íbúar lausir við
ryk af götunni þegar þeir flytja inn.
Ný byggingahverfi bætast stöðugt við í kring-
um Selfoss og reyndar í kringum Hveragerði
líka. Þessir tveir þéttbýlisstaðir eru heitastir
hjá þeim sem vilja setjast að utan höfuðborg-
arinnar. Nýlega var tekin skóflustunga að nýj-
um leikskóla á Selfossi en það er ótvírætt merki
þess að vöxtur sé í samfélaginu, nýi leikskólinn
verður tekinn í notkun í ágúst 2008. Þá verður
ný grunnskólabygging tekin í notkun á Selfossi
í haust. Vöxturinn heldur áfram og spakir menn
spá því að hann aukist enn frekar því það hefur
verið ákveðið að tvöfalda og lýsa Suðurlands-
veginn en sú aðgerð er mikill hvati á alla upp-
byggingu austan Hellisheiðar.
Ungmennafélag Selfoss er íþróttafélag Sel-
fyssinga og hefur svo verið frá stofnun þess
1936. Félagið hélt aðalfund nýlega og þar kom
fram í myndarlegri skýrslu að heildarvelta fé-
lagsins er ríflega 100 milljónir króna og fjár-
hagur er góður. Þessi velta gefur til kynna
mikla starfsemi og þegar betur er að gáð eru á
bak við hana gífurleg samfélagsverðmæti sem
felast í því mikla sjálfboðna starfi sem for-
eldrar og áhugafólk sinnir með stjórnarsetu og
allri umsýslu í kringum íþróttastarfið. Á fund-
inum fékk fimleikadeild félagsins viðurkenn-
ingu frá ÍSÍ sem fyrirmyndardeild eftir að hafa
náð markmiðum sem þarf til að fá það sæmd-
arheiti.
Ungmennafélagið og Héraðssambandið Skarp-
héðinn undirbúa nú í samstarfi við sveitarfélag-
ið Árborg að halda Landsmót UMFÍ á Selfossi
árið 2012 og er undirbúningur þegar hafinn.
Það er mikið verk framundan við slíkan und-
irbúning en byggja þarf nýjan íþróttaleikvang
með hlaupabrautum og knattspyrnuvelli. Víst
má telja að landsmótið verður íþróttunum á
Selfossi mikil lyftistöng og brýnt að heimafyrir
verði staðið myndarlega að málum, bæði varð-
andi uppbyggingu mannvirkja og að styðja við
bakið á því verðmæta starfi sem unnið er af
áhugafólki í kringum íþróttastarfið. Uppeld-
islegt gildi íþrótta er ótvírætt.
Morgunblaðið/Sigurður Jónsson
Sigríður Jónsdóttir með umhverfisverðlaun-
in og Ragnheiður Hergeirsdóttir bæjarstjóri.
SELFOSS
Sigurður Jónsson fréttaritari
Ég var nú eiginlega bara aðhorfa út um stofuglugg-ann heima hjá mér þarsem ég sá kajakræðara
vera að æfa sig við Geldinganesið og
ákvað einfaldlega að prófa," segir
Karl Geir Arason, forfallinn kaj-
akáhugamaður og nýr formaður
Kajakklúbbsins í Reykjavík. Þetta
var árið 2000 og Karl Geir, sem
starfar sem tölfunarfræðingur hjá
Teris, því rétt skriðinn yfir fertugt
þegar kajakáhuginn gerði svona
rækilega vart við sig hjá honum og
eiginkonunni Gerði Björnsdóttur,
kennara í Engjaskóla. Unglingarnir
þeirra hafa þó enn ekki sýnt áhuga á
því að vera með „gamla settinu" í
sportinu, að sögn.
„Það má segja að kajak-sportið sé
orðið að hálfgerðum lífsstíl enda
varla pláss fyrir önnur áhugamál
þegar fjölskyldunni og vinnunni
sleppir. „Það er ekkert pláss fyrir
annað ef maður ætlar að sinna þessu
vel. Það er kannski líkt á farið með
maraþonhlaupurum.
Maður skyldi ætla að þeir hefðu
lítinn tíma í laxveiði með öllum
hlaupunum."
Getustjörnur sóttar til Wales
Karl Geir er nýkominn úr viku-
löngu ferðalagi til Wales ásamt sex
öðrum íslenskum kajakfélögum, en
þar sigldu þeir alla dagana til að ná
sér í stjörnur, sem BCU eða British
Canoe Union útdeilir til þeirra, sem
undirgangast og ná sérstökum kaj-
akprófum. „Þetta er mín fjórða ferð
til Wales og ég er nú þegar komin
með fimmtu stjörnu, sem er mæli-
kvarði á að ég sé hæfur til að fara
með hóp ræðara í erfiðar aðstæður.
Þó ég sé nú búinn að krækja mér í
fimmtu mælanlegu stjörnuna sem til
er hjá Bretum er þetta bara byrj-
unin því það er alltaf hægt að gera
betur með meiri og fleiri æfingum,"
segir Karl Geir, sem er að stunda
sjókajaksiglingar í sjó eingöngu á
meðan sumir „kollega" hans eru að
stunda straumvatnskajaksiglingar,
sem líkja má við flúðasiglingar.
Í Kayakklúbbnum eru um þrjú
hundruð félagsmenn, en ef skotið er
út í loftið, telur Karl Geir að um
1.500 kajaka séu að minnsta kosti að
finna í landinu öllu. „Á vegum
klúbbsins eru vikulegir félagsróðrar
við Geldinganesið, þar sem við erum
með okkar aðal aðstöðu, bæði á
sumrin og á veturna, og förum við út
í nánast hvaða veðri sem er. Að auki
erum við að æfa okkur inni í Laug-
ardalslauginni vikulega yfir vetr-
artímann. Straumvatnskajakfólkið
hefur á hinn bóginn verið að leita í
Elliðaárnar í vetur."
Róa nálægt strandlengjunni
Á sumrin leggjast kajakmenn í
lengri og styttri ferðalög. „Auk
styttri dagsferða hafa tvær kajak-
gistiferðir verið skipulagðar á veg-
um klúbbsins í Breiðafjörðinn í sum-
ar auk þess sem við hjónin ætlum í
júnílok að fara með ferðahópi á
Norðurlandið og róa frá Ólafsfirði,
út í Hrísey og síðan austur í Fjörður,
í Hvalvatnsfjörð og Þorgeirsfjörð, út
í Flatey á Skjálfanda og svo austur á
Húsavík," segir Karl Geir, en sami
hópur réri í fyrra um Hornstrandir,
frá Hornvík í Ingólfsfjörð á Strönd-
um og hafði áður róið um Austfirð-
ina, alla leið frá Bakkafirði að
Djúpavogi. „Við siglum eins nálægt
strandlengjunni og kostur er því þar
er mest að sjá. Það er svo stór-
fenglegt að sjá landið frá sjónum,
fjölbreytt fuglalífið og alla sjáv-
arhellana, sem víða er að finna undir
hamrabeltum."
Karl Geir sagði að á ferðalögunum
hafi aldrei komið upp tvísýn staða
enda ynni ferðahópurinn saman eins
og vel þjálfuð áhöfn. „Það hjálpa all-
ir til ef eitthvað fer úrskeiðis. Við
þekkjum öll styrkleika og veikleika
hvers annars og vitum við hverju má
búast frá samferðafólkinu. Þetta
sport snýst auðvitað um að ferðast
með góðu fólki."
Karl Geir á kajak af gerðinni
NDK Explorer sem stendur fyrir
Nigel Dennis Kayak, en Nigel er sá
sem stendur fyrir kajak-námskeið-
unum í Wales og framleiðir einnig
kajaka. „Minn bátur er 5,40 metrar
að lengd og 54 cm á breidd. Þetta er
þokkalega góður ferðabátur, sömu
gerðar og kajakarnir, sem hafa farið
hringinn í kringum landið að und-
anförnu.
Hafi fólk áhuga á því að reyna fyr-
ir sér á kajak, mælir Karl Geir með
því að fólk prófi fyrir sér með nett-
um byrjendahring, t.d. í Hvammsvík
eða í Stykkishólmi, áður en það fer
að fjárfesta í græjum því nýr bátur
og búnaður kosti í kringum 160 þús-
und kr. og þurrbúningur tæpar 50
þúsund krónur. Að því búnu væri
námskeið rökrétt framhald.
Gaman að sjá landið frá sjó
Morgunblaðið/Ásdís
Útbúnaðurinn Það eru flestir farnir að nota heila þurrgalla því það getur verið kalt að detta í sjóinn.
Ferðalangurinn Á sumrin leggjast kajakmenn eins og Karl Geir í ferðalög.
Eftir að Karl Geir Ara-
son uppgötvaði kaj-
aksiglingar sem áhuga-
mál segist hann í samtali
við Jóhönnu Ingvarsdótt-
ur hafa farið víða til að
sjá landið sitt frá öðru
sjónarhorni en akandi
eða gangandi.