Morgunblaðið - 01.06.2007, Blaðsíða 21

MORGUNBLAÐIÐ FÖSTUDAGUR 1. JÚNÍ 2007 21
Eftir Arndísi Þórarinsdóttur
arndis@mbl.is
Í GÆR gaf dómstóll EFTA, Frí-
verslunarsamtaka Evrópu, ráðgef-
andi álit sem varðar norska löggjöf
um happdrætti, veðmál og fjár-
hættuspil. Dómurinn staðfesti rétt
aðildaríkja Evrópska efnahagssvæð-
isins, EES, til þess að setja sína eigin
löggjöf í þessum málum og þannig
banna auglýsingar erlendra fjár-
hættuspilafyrirtækja.
Stærsta happdrættis- og veðmála-
fyrirtæki í heimi, Ladbrokes, var
fyrir nokkru synjað um starfsleyfi í
Noregi, en fyrirtækið hefur slíkt
leyfi í heimalandi sínu, Bretlandi.
Í Noregi ríkja strangar reglur um
slíka starfsemi, og er hún að miklu
leyti undir stjórn ríkisins og sam-
kvæmt norskum lögum skulu happ-
drættisleikir einungis boðnir fram af
góðgerðarsamtökum og félögum
sem ekki eru rekin í ágóðaskyni.
Ladbrokes var því meinað um leyfi
til að starfa í landinu.
Ladbrokes höfðaði mál á hendur
norska ríkinu og norskir dómstólar
báðu EFTA-dómstólinn um álit á
málavöxtum. Aðilar málsins voru
einnig nokkur önnur aðildarríki
EES, þar á meðal Ísland.
Dómstóllinn bendir á að allar teg-
undir happdrætta, veðmála og fjár-
hættuspila teljist atvinnustarfsemi í
skilningi EES-samningsins, og falli
undir gildissvið hans. Takmarkanir
líkar þeim sem eru í norsku lögunum
útiloka aðila í atvinnurekstri frá því
að stunda starfsemi á viðkomandi
markaði og hindra þar með stað-
festurétt þeirra, sem og frelsi þeirra
til að veita þjónustu.
Á móti kemur, að markaðshindr-
anir geti verið réttlætanlegar sam-
kvæmt EES-rétti, þjóni þær lög-
mætum markmiðum í almannaþágu.
Baráttan gegn spilafíkn, sem og
þeim afbrotum sem henni tengjast,
getur, að mati dómsins, talist slíkt
markmið. Páll Hreinsson, prófessor
við lagadeild Háskóla Íslands, segir
það sæta mestum tíðindum í þessu
áliti, að réttur EES-ríkjanna til að
skapa takmarkanir á þessu sviði sé
staðfestur.
Beðið eftir úrskurði
dómstóls í Noregi
Dómur er enn ekki fallinn í málinu
í Noregi, og næstavíst er að nú hefj-
ist snarpar rimmur fyrir norskum
dómstólum. EFTA-dómstóllinn
ályktar að telji héraðsdómur Óslóar
að þær markaðshindranir sem um
ræðir séu réttlætanlegar, þá sé
norska ríkinu heimilt að banna fram-
boð og markaðssetningu á happ-
drættum, veðmálum og fjárhættu-
spilum frá öðrum ríkjum. Skiptir þar
engu þó að um lögmæta starfsemi sé
að ræða í upprunaríkinu. Komist
norski dómstóllinn aftur á móti að
þeirri niðurstöðu að umræddar
markaðshindranir standist ekki lög,
þá geti norska ríkið engu að síður
krafist þess að innlendir rekstrarað-
ilar sæki um innlent starfsleyfi á
sömu forsendum og innlendir aðilar.
Slík krafa myndi þó ekki samræmast
meðalhófsreglunni, ef fyrir lægi að
viðkomandi fyrirtæki hefði þegar
verið veitt rekstrarleyfi í heimalandi
sínu, og að skilyrði þeirrar leyfisveit-
ingar væru sambærileg þeim skil-
yrðum sem gilda í Noregi.
Á Íslandi er lagaumhverfi fjár-
hættuspils fremur íhaldssamt, t.d. er
rekstur spilavíta ekki leyfður, ólíkt
því sem gerist í mörgum nágranna-
löndum okkar. Þessi dómur staðfest-
ir rétt Íslendinga til þess að tak-
marka starfsemi og auglýsingar
erlendra aðila á sviði happdrætta,
veðmála og fjárhættuspila, að því
gefnu að þær takmarkanir séu mark-
hæfar, nauðsynlegar og hóflegar.
Dómstóll leyfir bann við
erlendu fjárhættuspili
Morgunblaðið/Sverrir
Ekki leyft Enn um sinn eiga íslensk stjórnvöld þess kost að halda starfsemi
og auglýsingum erlendra fjárhættuspilafyrirtækja utan landsteinanna.
Riga. AFP. | Lettn-
eska þingið kaus
í gær nýjan for-
seta landsins,
lækninn Valdis
Zatlers, og verð-
ur hann þriðji
þjóðarleiðtoginn
frá því að Lettar
fengu á ný sjálf-
stæði 1991.
Seinna kjörtímabili núverandi for-
seta, Vairu Vike-Freiberga, lýkur í
júlí.
Hinn 52 ára gamli Zatlers var til-
nefndur af ríkisstjórn hægri- og
miðjumanna og sigraði hann keppi-
naut sinn, Aivars Endzins, með 58
atkvæðum gegn 39. Zatlers sagði
reynslu sína af læknisstarfinu
myndu gera sér fært að „gæta á
skynsamlegan hátt hagsmuna allra
samfélagshópa, virða þá og það
sem mestu skiptir, hlusta á þá“.
Nýr forseti
Lettlands
Valdis Zatlers
Yfirtökutilboð til hluthafa
í Actavis Group hf.
Novator eignarhaldsfélag ehf. („tilboðsgjafi”) gerir hér með tilboð í allt hlutafé
Actavis Group hf. í A-flokki sem er ekki þegar í eigu félaga tengdum tilboðsgjafa
eða í eigu Actavis Group hf. Félög tengd tilboðsgjafa eiga alls 1.296.379.823 hluti
í A-flokki hlutafjár Actavis Group hf., sem nemur um 38,5% af útgefnu hlutafé í
A-flokki og af atkvæðisrétti í Actavis Group hf.
Tilboðsverðið er EUR 0,98 í reiðufé fyrir hvern hlut í A-flokki, kvaða- og veðbandalausan. Verð þetta jafn-
gildir kr. 85,23 fyrir samsvarandi hlut samkvæmt opinberu viðmiðunargengi Seðlabanka Íslands gagnvart
evru þann 9. maí 2007, einum viðskiptadegi fyrir tilkynningu um tilboðið. Tilboðsverðið er hærra en það
lokagengi, sem hæst hefur verið á hlutabréfum í Actavis Group hf. fyrir tilkynningu um tilboðið þann 10.
maí sl., en slíkt lokagengi var kr. 79,4 þann 4. maí 2007. Jafnframt stóð tilboðið fyrir yfirverði sem nemur
u.þ.b.:
• 9,0% miðað við gengið kr. 78,2, sem var lokagengi þann 9. maí 2007, einum viðskiptadegi fyrir
tilkynningu um tilboðið.
• 15,6% miðað við gengið kr. 73,7, sem var meðaltals lokagengi þriggja mánaðanna fyrir 9. maí 2007.
• 21,2% miðað við gengið kr. 70,3, sem var meðaltals lokagengi sex mánaðanna fyrir 9. maí 2007.
• 26,2% miðað við gengið kr. 67,6, sem var meðaltals lokagengi 12 mánaðanna fyrir 9. maí 2007.
Hluthafar sem skráðir eru í hlutaskrá Actavis Group hf. við lokun viðskipta þann 30. maí 2007 munu fá
sent opinbert tilboðsyfirlit, samþykkiseyðublað, afrit greiðsluábyrgðar og áletrað svarsendingarumslag.
Til þess að samþykkja yfirtökutilboð tilboðsgjafa skulu hluthafar skila rétt útfylltu samþykkiseyðublaði
til Landsbanka Íslands hf., Hafnarstræti 5, 155 Reykjavík, merkt „Actavis Yfirtökutilboð”, í meðfylgjandi
svarsendingarumslagi. Einnig geta hluthafar samþykkt yfirtökutilboðið með því að senda samþykkis-
eyðublaðið á faxnúmerið 410 3002 eða fara inn á vefsíðu Landsbankans, www.landsbanki.is, og nota
aðgangsupplýsingar sem fram koma í bréfi til hluthafa Actavis. Greitt verður fyrir þá hluti sem samþykkt
verður að selja á grundvelli samþykkts yfirtökutilboðs, í evrum inn á bankareikning hluthafa, sem tilgreina
skal á samþykkiseyðublaðinu. Eigi hluthafi ekki evrureikning mun Landsbanki Íslands hf. aðstoða við
að stofna slíkan reikning fyrir viðkomandi hluthafa, eða bjóða greiðslu í íslenskum krónum samkvæmt
umreikningsgengi á greiðsludegi.
Gildistími yfirtökutilboðsins er frá kl. 9:00 5. júní 2007 til kl. 16:00 3. júlí 2007. Samþykki yfirtökutil-
boðsins verður að hafa borist Landsbanka Íslands hf. áður en gildistíminn rennur út. Tilboðið er háð þeim
skilyrðum sem koma fram í opinbera tilboðsyfirlitinu.
Landsbanki Íslands hf. - Fyrirtækjaráðgjöf er ráðgjafi tilboðsgjafa og umsjónaraðili yfirtökutilboðs þessa.
Fyrirtækjaráðgjöf mun hafa umsjón með tilboðinu fyrir hönd tilboðsgjafa. Landsbanki Íslands hf. er
jafnframt uppgjörsbanki yfirtökutilboðsins. Opinbera tilboðsyfirlitið, samþykkiseyðublað, afrit greiðslu-
ábyrgðar og áletrað svarsendingarumslag er hægt að nálgast hjá Landsbanka Íslands hf. að Hafnarstræti
5, 3. hæð, 155 Reykjavík, og á vefsíðu bankans, www.landsbanki.is. Þjónustuver Landsbankans mun einnig
veita nánari upplýsingar um yfirtökutilboðið í síma 410 4000, auk þess sem hægt er að senda fyrirspurnir
á tölvupóstfangið Actavis-tilbod@landsbanki.is.
Tilboðsverð
Samþykki og greiðsla
Gildistími
Umsjón
ÍS
LE
N
SK
A
S
IA
.IS
/L
B
I
3
77
22
0
5/
07