Morgunblaðið - 01.06.2007, Blaðsíða 47

MORGUNBLAÐIÐ FÖSTUDAGUR 1. JÚNÍ 2007 47
þreifa á og miðla síðan. Þessa braut
fann hann þar sem hann fann sig
sterkan – með Helgu Pálínu.
Elsku Helga mín, nú þarft þú að
vera sterk. Mínar innilegustu sam-
úðarkveðjur til þín, elsku vinkona
sem og til Ragnhildar, Jóns Ásgeirs
og Guðmundar Karls og móður
þeirra sem þarf að hugga drengina
sína, líka til Sollu, Dísu og Geirfinns.
Guð blessi ykkur öllu. Fámáll svanur
er horfinn til fjarlægra heiða.
Jórunn Sigurðardóttir.
Ég kynntist Jóni Gauta Jónssyni
fyrst þegar við settumst á bekki
Menntaskólans á Akureyri haustið
1967. Þar urðum við snemma mál-
kunnugir enda höfðu feður okkar
verið vinir og skólabræður.
Það vakti athygli mína hve Gauti
var hress og kátur en jafnan lítillát-
ur. Á sinn hæverska hátt tókst hon-
um að gera góðlátlegt grín að þeim
sem litu stórt á sig án þess að særa
nokkurn mann. Ég tók einnig eftir
því að Gauti var ágætur knatt-
spyrnumaður, fljótur að átta sig og
var furðu oft á réttum stað á réttum
tíma. Þessi eiginleiki kom að góðu
gagni í skólamóti í blaki þegar hann
lék með lágvöxnu drengjaliði úr
þriðja bekk sem spilaði til úrslita við
lið „tveggja metra karla“ úr sjötta
bekk. Tilþrifin og baráttan í leiknum
er minnisstæð flestum sem á horfðu
þó ofureflið hefði sigur að lokum.
Þrátt fyrir tapið var blak alla tíð í
miklu uppáhaldi hjá Gauta og hann
stundaði þá íþrótt sér til mikillar
ánægju allt þar til heilsan brást hon-
um.
Eftir stúdentsprófið skildi leiðir
eins og gengur. Gauti hóf nám í Há-
skóla Íslands í landafræði og sögu og
þá sá ég nýja hlið á honum sem ég
hafði ekki áttað mig á fyrr. Hann var
einlægur áhugamaður um náttúru
Íslands og sögu.
Mörgum árum síðar tókst með
okkur ágæt vinátta og þá kynntist ég
fræðimanninum Jóni Gauta. Á þeim
tíma var Gauti kennari við Mennta-
skólann við Sund og vann auk þess
að gerð útvarpsþátta og skrifaði
greinar um hugðarefni sín, náttúru
landsins og sögu. Þegar til stóð að
taka upp nýja námskrá í framhalds-
skólum landsins árið 1999 kom það í
okkar hlut að semja námsefni í jarð-
fræðihluta náttúruvísinda eins og
það var kallað. Við hófum þá um
haustið samvinnu og ég fann fljótt að
Gauti var einstakur að vinna með.
Hann var framúrskarandi nákvæm-
ur og bjó yfir mikilli kunnáttu en
missti þó aldrei sjónar á því mark-
miði að nýta til fulls þekkingu okkar
beggja og reynslu sem að mörgu
leyti var ólík. Mismunandi hugmynd-
ir okkar runnu á einhvern hátt
átakalaust saman í eina heild, ekki
síst vegna þess hve auðvelt var að
átta sig á skýrum rökum Gauta sem
hann setti fram á sinn hógværa hátt.
Við vorum vanir að skiptast á hug-
myndum í tölvupósti og hittast síðan
yfir kaffibollum til þess að bræða
þær saman eins og við kölluðum það.
Kaffifundir okkar héldust um
fimm ára bil og afraksturinn varð
ómæld ánægja og þrjár bækur. Nú,
síðasta árið hans Gauta, hef ég búið
erlendis þannig að kaffifundirnir
hafa því miður legið niðri en hug-
myndirnar hafa haldið áfram að ber-
ast í tölvuna mína eins og ekkert hafi
í skorist. Hann lét að því liggja að
samstarf okkar héldi áfram þegar ég
kæmi til baka löngu eftir að hann
vissi að hverju stefndi. Hann var of
starfsamur til þess að gefast upp þó
sjúkdómurinn herjaði á hann af stig-
vaxandi hörku.
Mér er ljóst að ég mun seint eign-
ast samstarfsmann sem fyllir skarð
Jóns Gauta en reynslan af samvinnu
okkar mun fylgja mér áfram. Þessa
reynslu ber mér að þakka og ég mun
sakna góðs félaga. Meiri er þó missir
Helgu Pálínu og fjölskyldunnar og
vil ég nota tækifærið og votta þeim
samúð mína.
Jóhann Ísak Pétursson.
Í fimm ár unnum við Jón Gauti ná-
ið saman í lífsleiknikennslu við
Menntaskólann við Sund og það kom
í okkar hlut að móta þann áfanga við
skólann. Það var mikið lán að eiga
Jón Gauta að samstarfsfélaga þessi
ár sem hann kenndi lífsleikni við
skólann. Í byrjun höfðum við Aðal-
námskrá framhaldsskólanna til að
byggja á og var lítið sem ekkert
námsefni til. Því fór í hönd mikil
vinna við að safna saman og semja
námsefni og móta greinina. Einnig
tók Jón Gauti virkan þátt í undirbún-
ingi að stofnun F-líf (Félags lífs-
leiknikennara í framhaldsskólum).
Jón Gauti hafði brennandi áhuga á
vinnunni, var mikill skipuleggjandi
og einstaklega vandvirkur í öllu sem
hann gerði. Hann var fróður maður,
vel að sér í tölvuheimi og fylgdist
grannt með þróun mála í kennslu-
háttum. En það er ekki nóg að vera
fróður og flinkur þegar maður er
kennari, maður verður líka að geta
miðlað áfram til annarra. En það var
sannarlega styrkleiki hjá Jóni Gauta,
sem nemendur hans nutu góðs af og
fékk ég sem samstarfskennari að
njóta þeirra hæfileika hans í ríkum
mæli, en það er ég afar þakklát fyrir.
Jón Gauti lét sig líka varða
skemmtanir kennara og átti hann
margar frumlegar og skemmtilegar
hugmyndir þar, svo sem eftirminni-
lega listaverkasamkeppni sem við
kennarar þreyttum eitt vorkvöld við
Hreðavatn.
Með þessum orðum kveð ég Jón
Gauta og þakka honum einstakt
samstarf. Með honum er genginn
góður vinur og samstarfsmaður.
Skólinn hefur misst mikið og verður
erfitt að fylla hans skarð. Helgu Pál-
ínu, sonum og öðrum aðstandendum
bið ég huggunar og styrks í sorg
sinni.
Sjöfn Guðmundsdóttir,
kennari við Menntaskólann
við Sund.
Vinur minn, Jón Gauti Jónsson, er
dáinn. Kynni mín af honum hófust
þegar ég kom til starfa við Mennta-
skólann við Sund árið 2001. Jón
Gauti kenndi jarðfræði, umhverfis-
fræði og lífsleikni og það tók mig
ekki langan tíma að átta mig á því að
hann var að mörgu óvenjulegur mað-
ur. Í mínum huga var Jón Gauti
miklu meira en bara kennari. Reynd-
ar var hann frábær kennari, en fyrst
og fremst var hann mikill skólamað-
ur og einstaklega góður maður.
Jón Gauti var brautryðjandi. Ekki
einungis í jarðfræðikennslu þar sem
hann samdi kennslubækur og annað
námsefni í félagi við Jóhann Ísak
Pétursson, heldur einnig í lífsleikni
þar sem hann, ásamt Sjöfn Guð-
mundsdóttur, vann þrekvirki í að
móta nýja námsgrein. Þá má ekki
gleyma því að Jón Gauti á stærstan
þátt í því að skipuleggja nám í um-
hverfisfræðum við Menntaskólann
við Sund. Forysta skólans á því sviði
væri ekki sú sama ef hann hefði ekki
dregið vagninn, samið námsefnið og
mótað allt skipulag þessa náms.
Jón Gauti kom eins fram við alla.
Kurteis, hógvær, hlýr, áhugasamur,
hvetjandi og fullur af eldmóði og frá-
bærum hugmyndum sem hann vildi
prófa og prófaði í kennslu. Jón Gauti
var ótrúlega fjölhæfur maður. Hann
var hafsjór fróðleiks og hafði víð-
tæka þekkingu á náttúru landsins
sem og sögu þess og menningu.
Nemendur nutu þessarar þekkingar
hans og einstaks hæfileika hans til að
miðla efni á skipulegan, skýran og
skemmtilegan hátt. Jón Gauti helg-
aði sig starfinu og bar umhyggju og
virðingu fyrir nemendum sínum. Síð-
ustu dagana áður en kallið kom var
hann með hugann við nemendur
sína. Fárveikur vildi hann fylgjast
með því hvernig þeim reiddi af. Um-
hyggjan var slík.
Jón Gauti var einstaklega vel rit-
fær maður og lét sig ekki muna um,
meðfram kennslunni, að skrifa af-
bragðsgóðar kennslubækur sem eru
notaðar í öllum framhaldsskólum
landsins. Auk þess auðnaðist honum
að ljúka við eina glæsilegustu Árbók
Ferðafélags Íslands sem út hefur
komið. Ber hún nafnið Mývatnssveit
með kostum og kynjum og er frá
árinu 2006. Við lestur þessarar bókar
sést vel hve fróður Jón Gauti var.
Hann fjallar um náttúruna, fólkið og
menninguna í sinni heimasveit af
slíkri leikni að ekki er hægt annað en
dást að. Þessi frásagnarhæfileiki
Jóns Gauta birtist víða, svo sem í út-
varpsþáttum um náttúru landsins,
sögu þess og menningu.
Það sem Jón Gauti tók að sér gerði
hann vel. Hann naut mikillar virð-
ingar samstarfsmanna sinna sem og
nemenda. Hann var afkastamaður í
vinnu en samt var hann aldrei að
flýta sér. Hann hafði alltaf tíma til að
ræða málin og það var auðsótt að
leita til hans og fá góð ráð ef á þurfti
að halda. Við sem vorum svo lánsöm
að fá að starfa með honum munum
ætíð minnast hans sem frábærs sam-
starfsmanns og góðs vinar.
Ég færi Helgu Pálínu og fjöl-
skyldu mínar innilegustu samúðar-
kveðjur. Það eru forréttindi að hafa
fengið að kynnast Jóni Gauta. Hans
er sárt saknað.
Már Vilhjálmsson.
Haustið 1974 hóf fjölbreyttur og
góður hópur nemenda nám í landa-
fræði við Háskóla Íslands. Þar var
fremstur meðal jafningja Jón Gauti
Jónsson, bráðgreindur og skemmti-
legur námsmaður. Fljótlega urðum
ágætir vinir og fylgdumst að í gegn-
um námið og fram að þeim tíma er
hann flutti norður.
Eftir að hann kom aftur suður
endurnýjuðum við kunningsskapinn
og það leið ekki á löngu þar til ég fór
að leita til hans við prófarkalestur og
greinargerðarskrif í tengslum við
skipulagsverkefni. Ekki var hægt að
finna betri mann til þeirra verka þar
sem Jón Gauti var einn af þeim sem
með sanni má segja að hafi verið fjöl-
fræðingur. Hann var jafnvígur á ís-
lenska tungu, náttúru, sögu, atvinnu-
og ferðamál, Hann var sífellt að
safna að sér upplýsingum um nátt-
úru og sögu landsins og áreynslu-
laust tókst honum ætíð að koma með
samantektir sem hæfðu efni og
landshluta. Á tímum sérfræðinga er
þetta orðinn fágætur eiginleiki og er
hin vandaða Árbók Ferðafélagsins
2006, Mývatnssveit með kostum og
kynjum, eftir Jón Gauta gott dæmi
um það hvernig honum tókst best
upp.
Mývatnssveitin var honum mjög
kær og lagði hann allt sem til þurfti í
þessa síðustu bók sína. Öllum má
ljóst vera að hér kveðjum við góðan
samferðamann langt um aldur fram.
Ég bið fyrir samúðarkeðjur til
Helgu og ættingja Jóns Gauta. Megi
minning um góðan dreng veita þeim
styrk á þessum erfiða tíma.
Yngvi Þór Loftsson.
FRÉTTIR
Morgunblaðið birtir minningargreinar alla útgáfudagana.
Skil | Greinarnar skal senda í gegnum vefsíðu Morgunblaðsins: mbl.is –
smella á reitinn Senda efni til Morgunblaðsins – þá birtist valkosturinn
Minningargreinar ásamt frekari upplýsingum.
Skilafrestur | Ef birta á minningargrein á útfarardegi verður hún að berast
fyrir hádegi tveimur virkum dögum fyrr (á föstudegi ef útför er á mánudegi
eða þriðjudegi). Ef útför hefur farið fram eða grein berst ekki innan hins til-
tekna skilafrests er ekki unnt að lofa ákveðnum birtingardegi. Þar sem pláss
er takmarkað getur birting dregist, enda þótt grein berist áður en skila-
frestur rennur út.
Lengd | Minningargreinar séu ekki lengri en 3.000 slög (stafir með bilum -
mælt í Tools/Word Count). Ekki er unnt að senda lengri grein. Hægt er að
senda örstutta kveðju, HINSTU KVEÐJU, 5-15 línur, og votta þeim sem
kvaddur er virðingu sína án þess að það sé gert með langri grein. Ekki er
unnt að tengja viðhengi við síðuna.
Myndir | Ef mynd hefur birst í tilkynningu er hún sjálfkrafa notuð með
minningargrein nema beðið sé um annað. Ef nota á nýja mynd er ráðlegt að
senda hana á myndamóttöku: pix@mbl.is og láta umsjónarmenn minningar-
greina vita.
Minningargreinar
SLÖKKVILIÐ höfuðborgarsvæð-
isins, ásamt fleiri slökkviliðum og
Eignarhaldsfélaginu Brunabóta-
félag Íslands, hafa byrjað samstarf
við leikskóla um eldvarnaeftirlit og
fræðslu, sem einkum er beint að
elstu börnunum og starfsfólki. Að
sögn Jóns Viðars Matthíassonar
slökkviliðsstjóra var blásið til átaks-
ins í kjölfar könnunar Capacent sem
staðfesti þann grun slökkviliðsins
að brunavarnir á heimilum væru í
óviðunandi ástandi.
Flóttaleiðir, viðvörunarkerfi og
fleira verður tekið út á hverjum
leikskóla fyrir sig en auk þess höfð-
að til barnanna og þau vakin til vit-
undar um mikilvægi eldvarna.
Markmið samstarfsins er að slá
tvær flugur í einu höggi; þ.e. að
tryggja öryggi á leikskólum og fá
börnin til að færa þekkinguna inn á
heimilin. Jón Viðar segir viðbrögðin
hafa verið mjög jákvæð og vonast
hann til að um 140-160 leikskólar
taki fullan þátt.
Morgunblaðið/Júlíus
Eldvarnir í leikskólum
LISTA- og menningarhátíðin Bjart-
ir dagar hófst í gærmorgun með
söng fjögur hundruð hafnfirskra
barna. Fjórðubekkingar úr öllum
átta skólum Hafnarfjarðar tóku
þátt í söngnum og fylktu liði hver
frá sínum skóla. Þau fóru sem leið
lá um bæinn í rjómablíðu og sungu
á dvalarheimilinu Hrafnistu, á leik-
skólum og víðar. Klukkan tíu sam-
einuðust fylkingarnar allar á
Thorsplani í miðbæ Hafnarfjarðar
og sungu meðal annars átthaga-
söng Hafnfirðinga, Þú hýri Hafnar-
fjörður, en hann hefur hljómað við
hátíðleg tækifæri í bænum síðustu
sjötíu ár. Krakkarnir voru margir
hverjir komnir talsvert langt að og
kunnu vel að meta kleinur og safa í
hressingu eftir sönginn.
Bjartir dagar eru nú haldnir í
fimmta sinn og hafa vaxið með
hverju árinu. Helsta nýbreytnin í
ár er að Þjóðahátíð Alþjóðahúss
verður nú haldin undir merki
þeirra, en hún verður í íþróttahús-
inu við Strandgötu á morgun frá
12-18.
Meðal þess sem boðið verður upp
á í dag eru saxófóntónleikar í
Hafnarborg klukkan átta og tón-
leikar Páls Óskars og Moniku í
Víðistaðakirkju klukkan níu.
Dagskrá hátíðarinnar er hægt að
nálgast á vefsíðu Hafnarfjarðar-
bæjar, hafnarfjordur.is.
Morgunblaðið/Ásdís
Börnin sungu inn Bjarta daga
FORMLEG opnunarhelgi
verður um helgina á nýj-
um veitinga- og skemmti-
stað í Seljahverfi í Reykja-
vík. Staðurinn heitir Moe’s
Bar Grill og er til húsa í
Jafnaseli 6.
Hjalti Ragnarsson mat-
reiðslumaður tók nýverið
við rekstri staðarins. Að
sögn Hjalta er staðurinn
tæplega 400 fermetrar að
stærð og rúmar yfir 200
gesti. Einnig er hægt að fá
leigðan einkasal fyrir
margvíslega mannfagnaði,
svo sem fundi fyrirtækja, afmælis-
fagnaði og þessháttar. Dags dag-
lega er boðið upp á venjulegan mat-
seðil, svo sem hamborgara og
samlokur en hægt verður að panta
allan mat ef svo ber undir. Tveir
stórir sjónvarpsskjáir eru á staðn-
um og geta gestir horft á knatt-
spyrnuleiki í beinni.
Á hinni formlegu opnunarhelgi
verða dansleikir bæði föstudags- og
laugardagskvöld. Fram koma Bríet
Sunna Idolstjarna og André Bach-
mann og hljómsveitin Stefnumót.
Aldurstakmark er 20 ár. Að sögn
Hjalta verður boðið upp á fleiri
dansleiki í sumar ef vel tekst til.
„Það er markmiðið að staðurinn
verði miðpunktur Seljahverfisins,“
segir Hjalti.
Opnunarhelgi í Seljahverfi
Morgunblaðið/Eggert
Nýr staður Bríet Sunna syngur í Seljahverfi.