Morgunblaðið - 01.06.2007, Blaðsíða 54

Ekki fóru allar tillögur
inn, til að mynda
fannst mönnum ótækt að
hafa Hitler og Jesú á mynd-
inni … 60
»
reykjavíkreykjavík
Eftir Jóhann Bjarna Kolbeinsson
jbk@mbl.is
ÞEIR sem hafa lesið sjónvarps-
dagskrána á blaðsíðu 62 í Morg-
unblaðinu í dag hafa ef til vill tekið
eftir því að útsendingum Skjás
sports hefur verið hætt. „Ég hef lok-
ið störfum og eins og menn þekkja
erum við búin að missa réttinn á
enska boltanum. Grundvöllurinn
fyrir að halda áfram með áskrift-
arsjónvarp er því brostinn,“ segir
Snorri Már Skúlason, fráfarandi
sjónvarpsstjóri Skjás sports. „Það
er hins vegar óráðið hvort einhverju
lífi verði blásið í þessa stöð með
haustinu. En eftir því sem ég best
veit yrði þá ekki um áskriftarstöð að
ræða, heldur frístöð með íþróttaefni.
Þetta er möguleiki sem hefur verið
ræddur en engin ákvörðun hefur
verið tekin,“ segir Snorri.
Skjár sport hefur sýnt leiki úr
enska boltanum undanfarin ár, auk
leikja úr ítölsku knattspyrnunni.
Sýn hefur nú tryggt sér réttinn að
enska boltanum og að sögn Snorra
verður ekki haldið áfram með ítalska
boltann.
„Ég er að fara í smáverkefni úti í
heimi fyrir utanríkisráðuneytið,“
segir Snorri þegar hann er spurður
hvað taki við hjá honum. Hann vill
lítið meira um málið segja, en segir
þó að verkefnið tengist ekki fótbolta.
Snorri útilokar þó ekki endurkomu í
sportið. „Þessi bransi togar alltaf í,“
segir hann að lokum.
Útsendingum lokið í bili
Morgunblaðið/Árni Torfason
Hættur og farinn „Ég er að fara í smá verkefni úti í heimi fyrir utanríkis-
ráðuneytið,“ segir Snorri Már sem sést hér í myndveri Skjás sports.
 Draumaverk-
efni framleiðand-
ans Jims Stark er
að hans sögn að
framleiða mynd
sem þrír leik-
stjórar skipta á
milli sín. Og ekki
bara einhverjir leikstjórar. Efst á
óskalistanum eru Aki Kaurismäki,
norski leikstjórinn Bent Hammer
og okkar eigin Dagur Kári.
Frá þessu greinir Stark, sem
meðal annars framleiddi Cold Fe-
ver Friðriks Þórs, í viðtali við
finnska tímaritið Helsingin Sano-
mat.
Stark sér að eigin sögn fyrir sér
að hver leikstjóranna þriggja leik-
stýri hálftíma bút sem saman myndi
heila kvikmynd.
Dagur Kári og Aki Kaur-
ismäki saman í mynd
 Ef marka má
orð Steingríms
Sævarrs Ólafs-
sonar á blogg-
síðu sinni stend-
ur nú til að gera
íslenska útgáfu
af fyrirsætuleit-
inni America’s
Next Top Model.
Mun SkjárEinn hafa tryggt sér
réttinn til að framleiða þætti
byggða á hinni bandarísku fyr-
irmynd.
„Þetta mun vera samstarfsverk-
efni SkjásEins, Casting og Eskimo
models. Þátturinn mun að öllum lík-
indum heita Made in Iceland og
byggist á ANTM-þáttunum en er
ekki beint íslenska útgáfan,“ segir
meðal annars á heimasíðu Stein-
gríms.
Þá er bara spurningin hver er
Tyra Banks Íslands? Þegar stórt er
spurt…
Hver er hin íslenska
Tyra Banks?
 Fyrsta plata X-Factor-stjörn-
unnar Jógvans kemur út í þarnæstu
viku aðdáendum hans, nær og fjær,
til mikillar ánægju. Upptökum
stjórnaði Vignir Snær Vigfússon en
hljóðblöndum var í höndum Þor-
valds Bjarna Þorvaldssonar og
verður platan að mestum hluta
byggð á þeim lögum sem hann söng
í keppninni. Nokkur laganna eru þó
eftir Jógvan sjálfan.
Styttist í fyrstu plötu
Jógvans Hansonar
Eftir Jóhann Bjarna Kolbeinsson
jbk@mbl.is
„SVEITIN var stofnuð í maí í fyrra þannig að hún
er eins árs,“ segir Bjarki Sigurðsson, forsprakki
hljómsveitarinnar B. Sig sem sendi nýverið frá
sér sína fyrstu plötu, Good Morning Mr. Evening.
Bjarki segir að drög að hljómsveitinni hafi hins
vegar verið lögð í New York fyrir fjórum árum.
„Drengirnir voru í Jagúar og ég var eitthvað að
handboltast þannig að það var enginn tími. En
svo var þetta neglt þegar ég var að fara í nám til
Liverpool og þá fékk ég svolítið samviskubit yfir
að vera að fara út því þá þurfti ég að bíða í ár eft-
ir að koma heim og gera plötu með strákunum,“
segir Bjarki, en með honum í sveitinni eru bræð-
urnir Daði og Börkur Hrafn Birgissynir, oft
kenndir við Jagúar, auk þeirra Inga Björns Inga-
sonar og Kristins Snæs Agnarssonar. Það vekur
því athygli að sveitin er nefnd í höfuðið á Bjarka,
þótt um fimm manna sveit sé að ræða. „Við sett-
umst niður og ég vildi fá það á hreint á hvaða for-
sendum þetta væri, hvort þetta væri heil hljóm-
sveit eða ég og hljómsveit, eða bara ég. Mér
finnst þetta vera hljómsveit og ég hefði viljað
finna eitthvert nafn eins og B. Sig og eitthvað. En
þetta er hljómsveit og það eru allir í þessu af
áhuga og gleði,“ segir Bjarki og bætir við að
sveitin spili melódískt rokk og popp, oft blús-
skotið. „Þetta eru lög þar sem hljóðfæraleik-
ararnir fá að njóta sín, tónleikarnir eru til dæmis
mjög opnir og þar fá þeir að njóta sín. Ég er mjög
ánægður með að hafa af-djassað tvo í sveitinni,“
segir hann í léttum dúr, en þar á hann við þá Börk
og Daða sem sögðu skilið við Jagúar til að ganga
til liðs við nýju sveitina.
Enn að leika sér
Bjarki lærði hljóðvinnslu og upptökustjórnun í
Liverpool og hann segir að námið hafi á vissan
hátt hjálpað sér þegar platan var tekin upp. „Ég
lærði mjög margt í Liverpool sem ég notaði ekki
á plötunni. Það sem þeir kenna þarna úti er svo-
lítið stíliserað og hreinsað, og ég ákvað að fara
ekki þá leið,“ segir Bjarki, sem samdi flest lögin á
kassagítarinn heima í eldhúsi. „Ég hef verið að
taka upp við tölvuna í einhver sjö til átta ár. Ég
byrjaði reyndar með lítið upptökutæki fyrir tólf
árum, en svo fékk ég loksins tölvu árið 2000 og þá
fór ég að gera þetta af einhverri alvöru,“ segir
hann, og bætir við að elstu lögin á plötunni séu
fimm til sex ára gömul.
Good Morning Mr. Evening hefur gengið nokk-
uð vel á Tónlistanum og er nú í tólfta sætinu yfir
vinsælustu plötur landsins. „Þetta er búið að
ganga vel, því við erum t.d. ekki með neinar aug-
lýsingar,“ segir Bjarki. „Þetta er svona hin hliðin
á því sem hægt er að gera því við gerum þetta allt
sjálfir með aðstoð góðra manna sem eru nánir
okkur. Við erum ekki með stórt fyrirtæki á bak
við okkur, þó það sé með stórt hjarta,“ segir
Bjarki og bætir við að framtíð sveitarinnar sé
nokkuð óráðin. „Okkur langar að spila og njóta
þess að vera saman. Auðvitað væri gaman að geta
lifað á þessu, en það verður bara að koma í ljós.
Það er langur vegur og mikil vinna og við erum
ekki einu sinni byrjaðir að æfa okkur fyrir þá
vinnu, við erum bara að leika okkur enn sem
komið er.“
Ekki hefur enn verið ákveðið hvenær útgáfu-
tónleikar fara fram en áhugasömum er bent á að
fylgjast með á heimasíðu sveitarinnar.
Morgunblaðið/Ásdís
Bjarki og Börkur „Ég er mjög ánægður með að hafa af-djassað tvo í sveitinni,“ segir Bjarki, en þar á hann við þá bræður Börk Hrafn og Daða Birgissyni.
Rokk og blús í bland
B. Sig sendi nýverið frá sér sína fyrstu plötu, Good Morning Mr. Evening
www.bsigmusic.com