Morgunblaðið - 30.08.2007, Síða 6

6 FIMMTUDAGUR 30. ÁGÚST 2007 MORGUNBLAÐIÐ
FRÉTTIR
FASTEIGNASALA
STÓRHÖFÐA 27
Sími 594 5000
Halla Unnur Helgadóttir
löggiltur fasteignasali.
GÓÐ 177,4FM 4RA HERBERGJA SÉRHÆÐ Á
GÓÐUM STAÐ Í GRAFARVOGI.
Sérlega rúmgóð eign með mikilli lofthæð. Stór inn-
byggður bílskúr. Sérafnotaréttur í garði. Góður
staður í Grafarvogi með miklu útsýni.
VERÐ: TILBOÐ
Nánari upplýsingar hjá sölufulltrúum Akkurat
Ásdís 898-3474 og Viggó 824-5066
OPIÐ HÚS Í DAG
MILLI 18.00 - 19.00
JÖKLAFOLD 4 - 112 RVK.
Eftir Ylfu Kristínu K. Árnadóttur
ylfa@mbl.is
ÖKUMENN á höfuðborgarsvæðinu
hafa ekki farið varhluta af mikilli um-
ferðaraukningu undanfarna daga en
hana má rekja til þess að nýbúið er að
setja flesta framhaldsskóla höfuð-
borgarsvæðisins auk þess sem
kennsla er hafin í flestum deildum há-
skólanna. Þá eru margir að snúa aftur
til vinnu eftir sumarleyfi.
Hjá framkvæmdasviði Reykjavík-
urborgar fengust þær upplýsingar að
fimmtudaginn 23. ágúst óku 1.010
bílar vestur Ártúnsbrekku á háanna-
tíma morgunumferðarinnar sem er
milli klukkan 7.35 og 7.45. Viku áður
óku þar á sama tíma 890 bílar og
fimmtudaginn þar áður, 9. ágúst,
voru 718 bílar á ferð. Því er um að
ræða rúmlega 40% aukningu á ein-
ungis tveggja vikna tímabili.
Árviss viðburður
Lögreglunni á höfuðborgarsvæð-
inu kemur þessi mikla aukning ekki
mikið á óvart. Að sögn Rúnars Sig-
urpálssonar, varðstjóra umferðar-
deildar, er um árvissan viðburð að
ræða þar sem umferðin eykst alltaf
gífurlega um leið og kennsla í skólum
hefst aftur eftir sumarleyfi. Þá bætir
ekki úr skák að verið er að reka
smiðshögg á malbiksframkvæmdir í
borginni en þær valda oftar en ekki
miklum umferðartöfum og er ekki á
bætandi á þessum árstíma.
Rúnar segir þó allar líkur á því að
það dragi nokkuð úr umferðar-
flauminum um miðjan septem-
bermánuð en þá sé skólafólk búið að
læra á leiðakerfið og sameinast í bíla
á leið til og frá skóla. Hann segist
vona að átakið „Frítt í strætó“ muni
skila sér í aukinni strætónotkun og
þar af leiðandi minni notkun einka-
bílsins.
Aukning í notkun strætisvagna
Strætó er vinsæll ferðamáti náms-
fólks og eru allar líkur á því að þessi
samgönguleið verði nú enn vinsælli
eftir að skólafólki bauðst að notfæra
sér hana að kostnaðarlausu, sem
hluta af tilraunaverkefni sveitarfélag-
anna. Augljós aukning hefur orðið í
notkun strætisvagna síðustu morgna
en aukavögnum hefur verið bætt á
ákveðnar leiðir á vissum tímum til að
sinna eftirspurn og dreifa álaginu. Þó
er það oft þannig að aukningin er
mest í byrjun en fljótlega sameinist
skólafólk um að fara saman á einka-
bílum og því dragi oft verulega úr
strætónotkuninni. Erfitt er því að
segja til um árangur gjaldfrjálsu her-
ferðarinnar fyrr en í september.
Þó er ljóst að námsfólk vill hafa
þann möguleika að nýta sér þennan
ókeypis farkost en hjá stúdentaráði
Háskóla Íslands fengust í gær þær
upplýsingar að mikil eftirspurn væri
eftir strætókortunum hjá nemend-
um. Síðan dreifing kortanna hófst í
húsakynnum stúdentaráðsins hefði
nánast hvern dag verið biðröð út fyrir
dyr en alls eru um tíu þúsund manns
skráðir til náms við HÍ.
Á heimasíðu VR birtist fyrir
skemmstu frétt þess efnis að meðlim-
ir félagsins eyddu að jafnaði 36 mín-
útum á dag í ferðir til og frá vinnu,
væri hvergi stoppað á leiðinni. Það
jafngildir 133 klst. á ári, að teknu til-
liti til helga, frídaga og sumarfrís.
Umferð þyngist verulega á höfuðborgarsvæðinu eftir að sumarleyfum lýkur
Rúmlega 40% umferðar-
aukning á tveimur vikum
Morgunblaðið/Ómar
Tafir Mörgum reynist erfitt að komast leiðar sinnar á morgnana en umferð hefur aukist mikið í höfuðborginni.
Í HNOTSKURN
»Frá 9. ágúst til 23. ágústjókst umferð vestur Ár-
túnsbrekku um 40%.
»Lögreglan segir að um ár-vissan viðburð sé að ræða
þegar kennsla í skólum hefjist
aftur eftir sumarleyfi.
»Vonast er til að átakið„Frítt í strætó“ sem gildir
fyrir framhalds- og há-
skólanema á höfuðborg-
arsvæðinu, muni skila sér í
minni notkun einkabílsins en
árangurinn mun koma í ljós í
september.
Eftir Silju Björk Huldudóttur
silja@mbl.is
RÍFLEGA hundrað mál vegalausra
útlendinga, þ.e. einstaklinga sem
ekki voru með skráð lögheimili hér-
lendis, hafa komið
inn á borð velferð-
arsviðs Reykja-
víkur á sl. fimm
árum. „Samtals
var um 101 mál að
ræða á þessum
tíma og voru karl-
ar í miklum meiri-
hluta eða 80%
málanna. Ríflega
helmingur kom
frá Austur-Evr-
ópu og er iðulega um að ræða menn
sem hafa komið til landsins í atvinnu-
leit en voru án atvinnuleyfis. Átján
komu frá Evrópusambandsríkum og
er oftast um að ræða veikindi þegar
þessu fólki er hjálpað heim. Asíubúar
voru fimmtán talsins og fimm frá
Afríku, einn frá Bandaríkjunum og
einn frá S-Ameríku.“ Þetta kemur
fram í skriflegum svörum Jóhönnu
Sigurðardóttur félagsmálaráðherra
við fyrirspurn blaðamanns.
Samkvæmt upplýsingum Jóhönnu
berast um 85% allra mála vegalausra
útlendinga inn á borð Reykjavíkur-
borgar. Aðspurð segir hún enga um-
sókn hafa borist þar sem heimilisof-
beldi var tiltekið í gögnum félags-
þjónustunnar á árabilinu 2002-2007. Í
nýlegri fréttaskýringu Morgunblaðs-
ins um málefni vegalausra útlendinga
lýstu aðilar sem vinna með þolendur
heimilisofbeldis áhyggjum sínum af
því að konum af erlendum uppruna,
sem ekki séu með skráð lögheimili
hérlendis, sé gert ókleift að yfirgefa
ofbeldisfullan maka sökum skorts á
formlegum úrræðum í kerfinu.
Kannast ekki við úrræðaleysi
Spurð hvort hún teldi þetta viðun-
andi ef rétt reyndist skrifar Jóhanna:
„Ég kannast ekki við að konum sem
búa við slíkt ástand sé gert þetta
ókleift, en þeim skal leiðbeint um að
leita til félagsþjónustu dvalarsveitar-
félags sem ber að kanna málið og
veita aðstoð í samráði við félagsmála-
ráðuneytið. Ef kona hefur t.d. lagt
fram kæru vegna heimilisofbeldis og
mikilvægt er talið að hún dvelji hér á
landi meðan á rannsókn máls stendur
og við yfirheyrslur þá yrði aðstoð
veitt til framfærslu og húsnæðis með-
an hún þyrfti að vera í landinu. […]
Á hinn bóginn verður líka að líta til
þess að ekki er eðlilegt að mínu mati
að einstaklingar séu studdir fjár-
hagslega til dvalar hér á landi lengur
en nauðsyn ber til ef ljóst er að þeir
dvelja hér ekki löglega. Aðstoð í slík-
um tilfellum hlýtur að miða að því að
hinu ólöglega ástandi ljúki, auðvitað í
fullu samræmi við réttindi viðkom-
andi og mannlega reisn.“
Jóhann var einnig spurð hvort hún
hygðist skoða þessi mál nánar og
hugsanlega breyta verklagsreglum
um aðstoð til handa vegalausum út-
lendingum í samræmi við þær ábend-
ingar sem m.a. komu fram í fyrr-
greindri fréttaskýringu frá starfs-
fólki Alþjóðahúss og Kvennaat-
hvarfsins. „Engin formleg erindi
hafa borist ráðuneytinu vegna þessa
og eins og áður hefur komið fram
hefði ég talið að núverandi verklag
næði utan um þau tilvik sem nefnd
eru í grein Morgunblaðsins [birt 22.
ágúst]. Samráðshópur þeirra sem
standa að samkomulaginu mun hins-
vegar hittast fljótlega og fara yfir
stöðuna. Ég mun óska eftir því að þar
verði þessi vafamál skoðuð nánar,“
skrifar Jóhanna.
Meirihluti vegalausra
útlendinga er karlar
101 vegalaus útlendingur leitaði eftir aðstoð frá árinu 2002
Í HNOTSKURN
»Snemma árs 2002 var und-irritað samkomulag um
verklag vegna aðstoðar við er-
lenda ríkisborgara sem eiga
ekki lögheimili á Íslandi og
eru í neyð.
»Að samkomulaginu standafélagsmálaráðuneytið, Fé-
lagsþjónustan í Reykjavík, Út-
lendingaeftirlitið, Lögreglan í
Reykjavík og Rauði kross Ís-
lands.
Jóhanna
Sigurðardóttir
SKIPAN hæstaréttaradómara er að
sjálfsögðu ekkert leyndarmál og
þegar dómsmálaráðherra hefur
ákveðið hverjum hann hyggst mæla
með, tillagan verið kynnt fyrir rík-
isstjórn og skipunarbréfið undirritað
af forseta, sendir dómsmálaráðu-
neytið frá sér fréttatilkynningu um
hver það hafi verið sem hreppti
hnossið. Svona er þessu yfirleitt
háttað en á þriðjudaginn, þegar til-
kynnt var að Páll Hreinsson myndi
taka sæti við réttinn, var það ekki
dómsmálaráðuneytið sem fyrst
greindi frá skipaninni með opinber-
um hætti, heldur kvisuðust tíðindin
út og urðu loks á allra vörum eftir
fréttir Ríkisútvarpsins klukkan 16.
Dómsmálaráðuneytið sendi síðan frá
sér tilkynningu nokkru síðar.
Ástæðan fyrir þessari krókaleið er
sú að Ólafur Ragnar Grímsson, for-
seti lýðveldisins, var erlendis og því
kom það í hlut handhafa forseta-
valds, þ.e. forsætisráðherra, forseta
Hæstaréttar og forseta Alþingis, að
skrifa upp á skipunarbréfið. Sá síð-
astnefndi, Sturla Böðvarsson, var á
fundi forsætisnefndar Alþingis í
Stykkishólmi umræddan dag og af
þeim sökum fékkst ekki undirskrift
hans fyrr en klukkan 16.30, að því er
fram kemur á vef Björns Bjarnason-
ar dómsmálaráðherra.
Páll Hreinsson, sem var á deild-
arfundi framan af degi, frétti raunar
ekki af skipaninni fyrr en skömmu
fyrir klukkan 16 þegar Gunnlaugur
Claessen, forseti Hæstaréttar,
hringdi í hann til að óska honum til
hamingju með embættið eins og
venja er þegar nýr dómari er skip-
aður við réttinn. Páll hefur um tvær
vikur til að ljúka störfum sem deild-
arforseti lagadeildar Háskóla Ís-
lands og hann mun taka til starfa við
réttinn 15. september.
Vantaði
eina undir-
skrift
Tók tíma að fá uppá-
skrift fyrir dómara
ICELANDAIR flutti rúmlega 218
þúsund farþega í áætlunarflugi sínu
í júlí og er það mesti fjöldi farþega
sem Icelandair hefur flutt í einum
mánuði frá upphafi en félagið fagn-
ar í ár 70 ára afmæli sínu. Skv. upp-
lýsingum félagsins fjölgaði farþeg-
unum um 5% frá því í júlí í fyrra en
þá voru þeir 207 þúsund. Sætafram-
boð Icelandair í júlí, mælt í sæt-
iskílómetrum, var aukið um 5% milli
ára og sætanýting félagsins í mán-
uðinum var 82,5%.
Á fyrstu sjö mánuðum ársins
fjölgaði farþegum Icelandair um 3%
frá síðasta ári og voru 910 þúsund.
Haft er eftir Jóni Karli Ólafssyni,
forstjóra Icelandair, að félagið hafi
aukið töluvert við framboðið í sum-
ar, bætt við nýjum áfangastöðum og
morgunflug hófst frá Íslandi til
Bandaríkjanna.
„Við sjáum því fleiri farþega en
nokkru sinni fyrr, verulega fjölgun á
farþegum frá Íslandi og til Íslands
en hins vegar fækkun á farþegum á
leið milli Bandaríkjanna og Evrópu
með viðkomu á Íslandi.“
Metfjöldi farþega í einum
mánuði í sögu Icelandair