Morgunblaðið - 08.09.2007, Blaðsíða 23

SMÍÐA þarf nýtt stýri í hafrann-
sóknaskipið Bjarna Sæmundsson.
Árni Friðriksson dró Bjarna til Ak-
ureyrar í vikunni, eftir að hann
missti stýrið út af Vestfjörðum, og
er Bjarni nú í slipp á athafnasvæði
Slippsins Akureyri ehf. Að sögn
Antons Benjamínssonar, fram-
kvæmdastjóra Slippsins, var Bjarni
væntanlegur í smávægilegt viðhald
í vikunni en verkið verði vitaskuld
umfangsmeira en ætlað var, eftir
að stýrið hvarf í hafið. Hann gerir
ráð fyrir að skipið verði tilbúið til
siglinga á ný innan þriggja vikna.
Nýtt stýri smíðað í Bjarna
Sæmundsson í Slippnum
Morgunblaðið/Skapti
Stýrislaus Rannsóknarskipið
Bjarni Sæmundsson á athafnasvæði
Slippsins á Akureyri.
MORGUNBLAÐIÐ LAUGARDAGUR 8. SEPTEMBER 2007 23
AKUREYRI
KRISTJÁN Jóhannsson tenór-
söngvari stígur á svið í sínum
gamla heimabæ, Akureyri, á morg-
un, í fyrsta skipti í nokkur ár. Hann
kemur þá fram ásamt tveimur er-
lendum söngvurum og Sinfóníu-
hljómsveit Norðurlands í Íþrótta-
höllinni.
Söngvararnir sem koma fram
ásamt Kristjáni á morgun eru ann-
ars vegar Ítalinn Corrado Cappitta,
baritónsöngvari sem Kristján segir
gríðarlegt efni og hins vegar grísk
sópransöngkona, Sofia Mitropoul-
os, sem hann segir einnig ákaflega
hæfileikaríka. Þess má geta að
Cappitta er í læri hjá Kristjáni.
Tónleikarnir eru haldnir til heið-
urs móður Kristjáns, Fanneyju
Oddgeirsdóttur, níræðri. Hún fagn-
ar 90 ára afmæli 14. september
næstkomandi – og bera tónleikarn-
ir yfirskriftina Fyrir mömmu.
Kristján var glaður í bragði þegar
Morgunblaðið hitti hann í gær,
sagðist í hörkuformi og lofaði
dúndurtónleikum á morgun. Þeir
hefjast kl. 16.
Sungið til
heiðurs
Fanneyju
Ljósmynd/Kristján
Til hamingju með afmælið! Kristján Jóhannsson ásamt móður sinni, Fanneyju Oddgeirsdóttur, og dótturinni Rann-
veigu á Dvalarheimilinu Hlíð, þar sem Fanney býr. Hún verður níræð 14. september og tónleikarnir eru haldnir
henni til heiðurs. Svo skemmtilega vill til að ömmustelpan Rannveig verður tíu ára daginn eftir afmæli Fanneyjar.
Morgunblaðið/Skapti Hallgrímsson
Á æfingu Kristján, Sofia Mitropoulos sópransöngkona, Guðmundur Óli
Gunnarsson, stjórnandi Sinfóníuhljómsveitar Norðurlands, og Corrado
Cappitta baritónsöngvari æfðu um hádegisbil í gær í húsnæði Tónlistar-
skólans og síðan var æft með hljómsveitinni í Höllinni í gærkvöldi.
TVEIR nemendur Háskólans á Akureyri fengu í vik-
unni styrk til framhaldsnáms frá Landsbankanum á
Akureyri, 500 þúsund krónur hvor. Þetta er í fimmta
sinn sem bankinn veitir tveimur nemendum HA styrk
til framhaldsnáms í greinum sem tengjast sjávarútvegi
eða fjármálastarfsemi eða til rannsóknarverkefnis á
sömu sviðum. Alls bárust sex styrkhæfar umsóknir, en
þau sem hlutu styrk að þessu sinni voru Hildur Þóra
Magnúsdóttir, sem brautskráðist með B.Sc.-próf í við-
skiptafræði vorið 2006, og Hörður Sævaldsson, sem
brautskráðist með B.Sc.-próf í sjávarútvegsfræði í vor.
Hildur stefnir að því að ljúka næsta vor M.Sc.-gráðu í
fjármálum og alþjóðaviðskiptum við Århus School of
Business og Hörður er í framhaldsnámi í bankastarf-
semi og fjármálum til M.Sc.-gráðu við Háskólann í
Stirling í Skotlandi.
Styrkurinn afhentur Helgi Teitur Helgason og Birgir B. Svavarsson, útibússtjórar Landsbankans á Akureyri,
Rósa Njálsdóttir sem tók við styrk Hildar Þóru Magnúsdóttur, Hörður Sævaldsson, styrkþegi, Þorsteinn Gunn-
arsson, rektor Háskólans á Akureyri, og Bjarni P. Hjarðar, deildarforseti viðskipta- og raunvísindadeildar HA.
Landsbankinn styrkir tvo úr HA
-hágæðaheimilistæki
Kraftmiklar ryksugur
fyrir öll heimili
Verð frá kr.:
15.990
Miele ryksugurnar eru traustar og kraftmiklar. Þær eru með
stillanlegu röri og mikið úrval fylgihluta er fáanlegt með vélini.
Verið velkomin í glæsilegar verslanir Eirvíkur á Akureyri
og í Reykjavík og kynnið ykkur Miele ryksugurnar.
vi
lb
or
ga
@
ce
nt
ru
m
.is
Suðurlandsbraut 20, Reykjavík | Baldursnes 6, Akureyri | Sími 588 0200
Miele
ryksugur
– litlar og liprar.
www.eirvik.is
Ljósheimaskólinn
Vegur til andlegs þroska og þekkingar
Skólinn er fyrir alla þá sem vilja kynnast fleiru en því efnislega
og öðlast víðari sýn á heiminn. Námið er byggt upp á fyrir-
lestrum, umræðu, hugleiðslu og öðrum æfingum.
Skólinn hefst 12. september
Byggðu þig upp í vetur með öðru góðu fólki!
Upplýsingar á www.ljosheimar.is og í síma 862-4545