Morgunblaðið - 20.10.2007, Blaðsíða 6

6 LAUGARDAGUR 20. OKTÓBER 2007 MORGUNBLAÐIÐ
FRÉTTIR
Ég hef átt náið og dýrmætt sálufélag við þá, sem
settu spakan skáldskap og skáldlega speki á bækur
forðum daga suður þar í Hellas og mæltu fegurst á
tignustu tungu Evrópu.
Um frægar heimaslóðir þeirra fór Páll, langförull
maður austan úr Gyðingalandi, þeirra erinda að
segja mönnum þar, að það sem þeir hefðu óafvit-
andi verið að leita að, væri fundið. Sjálfur Guð hefði
afhjúpað veru sína með óvæntum en ótvíræðum
hætti, vakið nýja andlega lífsmöguleika og beint
sköpun sinni inn á nýja braut. Nú væri þar bati að
verki, nú væri í vændum full heilsa hins fallna, sára
heims.
Og hver mannssál væri kölluð til að fá hlutdeild í
batanum og þjóna honum.
Þetta sagði þessi ferðamaður. Og hann hripar
niður nokkur bréf á hlaupum að kalla, orðsend-
ingar, afgreiddar með hraði af knýjandi tilefnum,
án nokkurs þanka í þá átt, að hann væri með þess-
um bréfagerðum að gera annað en að gegna kalli og
þörf hverfullar stundar.
En þau snúast öll um þetta eina, sem honum lá á
hjarta. Og það er Jesús Kristur, krossfestur og
upprisinn, og lífið, sem hann vísar til og gefur.
Engin orð, sem mælt voru og rituð í þessu landi,
náðu dýpri og sterkari tökum.
Ég veit ekki annað furðulegra úr grískri sögu en
þennan gest, þennan hraðboða, sem rétt tyllti niður
fótum í Hellas, en lét eftir þau áhrif, að enginn þar-
lendur maður markaði dýpri spor.
Alltént er það öruggt, að Korinta á engin minnis-
merki um sína fornu, litríku tilveru, sem jafnist á
við bréfin tvö frá Páli, sem hann sendi þangað og
varðveittust þar.
Og engir andans tindar í Hellas náðu upp fyrir
risið á þessum bréfum, þar sem það nær hæst, svo
sem í 13. og 15. kaflanum í fyrra bréfinu.
Norðar í landinu voru borgirnar Þessaloníka og
Filippi.
Þar kom Páll einnig við og bréf hans til safnað-
anna þar hljóta að teljast með hinum meiri gersem-
um úr landi Platóns.
Engum getur dulist, að með tilkomu þeirrar trú-
ar, sem með þessum hætti var að hefja landnám í
Evrópu, urðu straumhvörf í sögunni.
Það sagði Páll við Aþenumenn, að þeir hefðu án
þess að vita það verið að biðja, ákalla, tilbiðja þann
Guð, sem hafði skapað þá, gefið þeim hugsun og vit
og þrá eftir æðra lífi.
Hann sá letrað á hvert altari, á bak við öll hof og
goðamyndir, þetta leyndarmál: „Guð vildi að þjóð-
irnar leituðu hans, ef verða mætti að þær þreifuðu
sig til hans og fyndu hann. En eigi er hann langt
frá neinum af oss. Í honum lifum, hrærumst og er-
um vér“.
En vanviska er mikilvirk í allri sögu mannsins.
Hann lætur blekkjast.
Þetta segir Páll líka við Rómverja, þegar hann
skrifar þeim.
Þar talar hann um „hið skynlausa hjarta“ manns-
ins, sem „hefur hjúpast myrkri“ (Róm. 1,26).
En Guð hefur „umborið tíðir vanviskunnar“ og í
leyndum verið að undirbúa þau tímahvörf, sem nú
eru orðin með sigri Guðs sonar.
Í því ljósi blasir við ný framtíð fyrir alla menn á
jörð, hinn eilífi veruleiki hefur lokist upp, himinn
kærleikans stendur opinn hverri sál, sem snýr sér í
áttina þangað.
Sigurbjörn Einarsson
Hvað viltu, veröld? (21)
NÝ kapella var vígð á slysa- og
bráðadeild LSH í Fossvogi á fimmtu-
dag. Séra Jón Dalbú Hróbjartsson
prófastur Reykjavíkurprófasts-
dæmis vestra vígði kapelluna og
prédikaði.
Gunnar Gunnarsson lék á flautu
og Helgi Bragason á orgel. Ávarp
flutti sr. Sigfinnur Þorleifsson yfir-
maður sálgæslu presta og djákna á
LSH og ritningargreinar lásu auk
hans og prófasts Sóley Erla Ingólfs-
dóttir aðstoðardeildarstjóri slysa- og
bráðadeildar, Ófeigur Tryggvi Þor-
geirsson yfirlæknir slysa- og bráða-
deildar, sr. Gunnar Rúnar Matthías-
son sjúkrahúsprestur og sr. Ingileif
Malmberg sjúkrahúsprestur.
Miklar breytingar og endurbætur
standa yfir á húsnæði slysa- og
bráðadeildar. Meðal annars var
kapella, sem var vígð þar árið 2000,
færð á annan stað í húsnæðinu og
við hliðina komið fyrir rúmgóðri og
vistlegri aðstöðu fyrir aðstand-
endur.
Kapella vígð Séra Jón Dalbú Hróbjartsson, prófastur Reykjavíkur-
prófastsdæmis vestra, vígði nýju kapelluna og prédikaði. Á myndinni eru
hann og sr. Ingileif Malmberg, sjúkrahúsprestur á LSH, ásamt fleiri prest-
um á Landspítala og starfsmönnum slysa- og bráðadeildar.
Ný kapella á LSH í Fossvogi
PÁLL Einarsson jarðeðlisfræð-
ingur flytur erindi á haustfundi
Jöklarannsóknarfélagsins á mánu-
dag sem nefnist „Hvað er svona
merkilegt við skjálfta undir Öskju
og Upptyppingum“.
Í kynningu á erindinu í riti fé-
lagsins segir m.a.: „Flekaskilunum í
gegnum Ísland fylgja jarðskjálftar
og jarðskjálftahrinur. Flestar hrin-
urnar tengjast flekahreyfingunum
beint og verða þegar stökk jarð-
skorpan brotnar á flekaskilunum. Í
lok febrúar á þessu ári hófst hrina
af smáskjálftum um 20 km austan
við Öskju, undir móbergsfjallinu
Upptyppingum. Virknin fór vax-
andi fram eftir árinu, náði í há-
marki í júlí og ágúst, en hefur dvín-
að talsvert í september og októ-
ber.“
Upp úr kl. 1 í fyrrinótt hófst jarð-
skjálftahrina í Herðubreiðartögl-
um. Um hádegi í gær höfðu mælst
þar 25 skjálftar og varð stærsti
skjálftinn klukkan 10:12 og var sá
3,1 stig.
Morgunblaðið/ Jón Sigurðarson
Skjálftahrina
í rénun?
ÁRLEGT Norðurlandaráðsþing verður haldið dag-
ana 30. október til 1. nóvember í Ósló. Þingið hefst
með leiðtogafundi þar sem forsætisráðherrar og
leiðtogar stjórnarandstöðu í löndunum og sjálf-
stjórnarsvæðunum ræða viðbrögð við loftslags-
breytingum.
Dagfinn Høybråten forseti Norðurlandaráðs er
gestgjafi þingsins sem verður haldið í Stórþinginu. Í
fréttatilkynningu er haft eftir honum að þing
Norðurlandaráðs sé mikilvægasti umræðuvettvangur
norrænna þingmanna.
Í lok árs munu Al Gore, fyrrverandi varaforseti Bandaríkjanna og lofts-
lagsnefnd Sameinuðu þjóðanna veita viðtöku friðarverðlaunum Nóbels í
Ósló, fyrir framlag sitt við að miðla þekkingu um afleiðingar loftslags-
breytinga af manna völdum. Þær verða einnig ofarlega á dagskrá Norður-
landaráðsþings.
Loftslagsmál ofarlega á baugi
ÍTR býður konum í sund í Vestur-
bæjarlauginni á kvennafrídaginn
24. október, milli kl. 19 og 22. Í til-
efni dagsins hvetur ÍTR konur á öll-
um aldri til að hittast, syngja í
sturtunni, synda og syngja, fara í
sundleikfimi og ræða jafnréttismál
í pottinum. Ingveldur Ýr söngkona
kemur í heimsókn og ýmsir fasta-
gestir hefja upp raust sína. Starfs-
menn ÍTR ætla að nota tækifærið til
að kynna fjölbreytta starfsemi ÍTR
í sundlaugunum og sérstöðu sér-
hverrar laugar.
Synt og sungið
LANDSÆFING björgunarsveita
verður haldin í dag í nágrenni
Skóga undir Eyjafjöllum. Æfingin
verður afar umfangsmikil en um
300 manns taka þátt. Björgunar-
sveitir munu á æfingunni leysa
margvísleg verkefni, m.a. í fjalla-
björgun, rútstabjörgun, leitar-
tækni, fyrstu hjálp og fleira. Upp-
setning verkefna verður með þeim
hætti að þau líkist sem mest raun-
verulegum aðstæðum og í þeim til-
gangi verður fjöldi „sjúklinga“ á
svæðinu.
300 æfa björgun
VEFUR vínbúðanna, vinbud.is. hef-
ur verið endurbættur. Sú nýjung er
á vefnum að hægt er að nálgast
gagnlegar upplýsingar sem tengja
saman mat og vín. Á vefnum er
fróðleikur um vín, uppskriftir að
kokkteilum, greinar um ábyrga
áfengisneyslu og fleira. Tenging
fyrirtækisins við samfélagslega
ábyrgð hefur fengið aukið vægi á
vefnum, enda leggur fyrirtækið
mikla áherslu á þann þátt í sinni
starfsemi, segir í tilkynningu.
Endurbættur vefur
GEIR H. Haarde forsætisráðherra
opnaði sérstaka sýningu í Þjóðar-
bókhlöðunni í gær í tilefni af útkomu
nýrrar íslenskrar biblíuþýðingar þar
sem um er að ræða fyrstu heild-
arþýðingu biblíunnar frá árinu 1912.
Eins árs undirbúningsvinna ligg-
ur að baki sýningunni í Þjóðarbók-
hlöðunni og er sýningarstjóri
Emelía Sigmarsdóttir. Meðal fá-
gætra muna á sýningunni er Guð-
brandsbiblía frá árinu 1584 sem talin
er ein mesta gersemi íslenskrar
bókagerðar. Sýningin stendur til
áramóta en þeir sem standa að henni
eru Hið íslenska biblíufélag, Guð-
fræðideild Háskóla Íslands, Íslensk
málnefnd, Þýðingarsetur Háskóla
Íslands, Skálholtsskóli og Lands-
bókasafn Íslands - háskólabókasafn.
Sýningin fjallar um biblíuþýð-
ingar með nokkurri áherslu á þá
þýðingu sem nú hefur litið dagsins
ljós og dregur jafnframt fram eldri
biblíuþýðingar á liðnum öldum.
Við opnun sýningarinnar hélt
biskup Íslands, Karl Sigurbjörns-
son, ávarp og þá var þýðingarnefnd
þökkuð vel unnin störf með því að af-
henda nefndarmönnum eintak bibl-
íunnar. Jafnframt fengu fulltrúar í
samstarfsnefnd trúfélaga á Íslandi
eintak. Í gærmorgun fékk forseti Ís-
lands, Ólafur Ragnar Grímsson
fyrsta eintak þýðingarinnar við há-
tíðlega athöfn í Dómkirkjunni og
skömmu síðar, í Alþingishúsinsu,
fengu forseti Alþingis, forsætisráð-
herra og kirkjumálaráðherra sitt
eintakið hver.
Morgunblaðið/Kristinn
Fyrstur Biskup Íslands, Karl Sigurbjörnsson, afhenti forseta Íslands, Ólafi Ragnari Grímssyni, fyrsta eintak
biblíuþýðingarinnar í Dómkirkjunnni í Reykjavík í gær. Þýðingin er sú fyrsta frá árinu 1912.
Guðbrandsbiblía frá
1584 sýnd almenningi
Morgunblaðið/Frikki
Sýning Biskup Íslands, Karl Sigurbjörnsson, flytur ávarp í Þjóðar-
bókhlöðunni við opnun sýningarinnar. Ein mesta gersemi íslenskrar
bókagerðar er á sýningunni, Guðbrandsbiblía frá árinu 1584.