Morgunblaðið - 20.11.2007, Qupperneq 8

8 ÞRIÐJUDAGUR 20. NÓVEMBER 2007 MORGUNBLAÐIÐ
FRÉTTIR
AÐALFUNDUR Ferðamála-
samtaka Íslands sem haldinn var
15. nóvember sl. beinir þeim ein-
dregnu tilmælum til Alþingis að
fresta fyrirhuguðum flutningi mál-
efna ferðamála frá samgöngu-
ráðuneyti til iðnaðarráðuneytis í
eitt ár. Leggur fundurinn til að tím-
inn verði nýtur til að samræma og
undirbúa nauðsynlega þætti máls-
ins betur. Þá sé mikilvægt að
trygga aukið fjármagn til fram-
kvæmdarinnar og greinarinnar.
Morgunblaðið/Kristinn
Flutningi verði
frestað um ár
FORSETI Ís-
lands hefur að
tillögu forsætis-
ráðherra skipað
Ólaf Egilsson, fv.
sendiherra, Rak-
el Olsen fram-
kvæmdastjóra og
Þórunni Sigurð-
ardóttur, stjórn-
anda Listahátíð-
ar, í orðunefnd
til næstu 6 ára. Af störfum í orðu-
nefnd láta Guðný Guðmundsdóttir
konsertmeistari, Jón Páll Hall-
dórsson framkvæmdastjóri og Sig-
mundur Guðbjarnason, fv. háskóla-
rektor.
Forseti skipar
í orðunefnd
Ólafur Ragnar
Grímsson
MEIRA en eitt þúsund manns nýttu
sér Vefþulu á fyrsta degi en það er
ný vefþjónusta ætluð lesblindum
námsmönnum á slóðinni http://
www.hexia.net/upplestur. Vefþula
gerir lesblindum kleift að fá lesinn
hvaða texta sem er á netinu, auk
þess sem þeir geta sjálfir skrifað
texta og fengið hann lesinn fyrir
sig. Landsbankinn er bakhjarl
verkefnisins og er því Vefþula öll-
um opin endurgjaldslaust. Engan
sérstakan búnað þarf á tölvu not-
enda því vefþula virkar alfarið yfir
netsamband.
Ný vefþjónusta
fyrir lesblinda
LÓÐIR í fyrsta og öðrum áfanga
Urriðaholts í Garðabæ eru nær
uppseldar og hófst sala einbýlis-
húsalóða í þriðja og síðasta áfanga
vesturhluta í gær, segir í frétta-
tilkynningu. Lóðir undir 278 íbúðir
hafa verið seldar í Urriðaholti.
Sala í Urriðaholti
STARFSSKIPULAGI heilbrigðis-
og tryggingamálaráðuneytisins
hefur verið breytt. Skrifstofum
hefur verið skipt í verkefnasvið
sem hvert um sig hefur sitt hlut-
verk.
Einfaldað skipulag á m.a. að
greiða fyrir samskiptum ráðuneyt-
isins og undirstofnana og auka skil-
virkni í starfseminni, segir í til-
kynningu. Nýtt skipulag
ráðuneytisins þýðir að starfsemi
þess skiptist í yfirstjórn, þrjú svið
og þjónustuskrifstofu. Berglind Ás-
geirsdóttir er ráðuneytisstjóri,
Ragnheiður Haraldsdóttir hefur yf-
irumsjón með stefnumótun í heil-
brigðismálum, Svanhvít Jak-
obsdóttir með fjármálum og rekstri
og Vilborg Þ. Hauksdóttir með
verkefnum laga- og stjórnsýslu.
Nýtt skipulag
ráðuneytis
TOGSKIPIÐ Þorvarður Lárusson
frá Grundarfirði hafði sl. laugardag
samband við Vaktstöð siglinga og
sagðist vera á togveiðum undan
Látrabjargi og hafa fengið stóra ál-
kúlu í veiðarfærin sem væri um 1,20
m í þvermál. Vaktstöð siglinga kom
skipstjóra skipsins í samband við
sprengjusérfræðing Landhelgisgæsl-
unnar og eftir lýsingum hans á dufl-
inu var enginn vafi talinn á að um
væri að ræða þýskt tundurdufl en
þeim var meðal annars lagt út við
Látrabjarg til að trufla ferðir skipa-
lesta á leið til Murmansk, í seinni
heimsstyrjöldinni. Í frétt frá Gæsl-
unni segir að óskað hafi verið eftir að
skipið kæmi strax að landi á Rifi.
Björgunarbátur á staðnum var feng-
inn til að flytja sprengjusérfræðinga
um borð í skipið en það reyndist óger-
legt vegna veðurs. Duflið var flutt á
afvikinn stað og sprengt. Sprengiefn-
ið úr duflinu reyndist vel virkt.
Virkt sprengiefni
í tundurduflinu
Ljósmynd/Sigurður Ásgrímsson
Eftir Jóhönnu Maríu Vilhelmsdóttur
jmv@mbl.is
BÓKIN Útkall. Þyrluna strax!
fjallar um strand kýpverska flutn-
ingaskipsins Wilson Muuga suður af
Sandgerði í desember í fyrra.
Bókin er fjórtánda bók Óttars
Sveinssonar í röð svokallaðra „út-
kallsbóka“ hans, en sú fyrsta kom út
árið 1994.
Aðstæður á strandstað voru mjög
erfiðar þessa desembernótt, en mik-
ið afrek vannst þegar áhöfnin á TF-
LÍF bjargaði sjö mönnum úr áhöfn
danska varðskipsins Triton.
Landhelgis-
gæslan bað skip-
herra Triton að
sigla og kanna að-
stæður á vett-
vangi, þar sem
það var statt
nærri.
Átta danskir
varðmenn voru
sendir út á gúm-
bát til að koma dælum í Wilson
Muuga, en veður versnaði og þeir
lentu í ógöngum. Björgunarmenn
TF-LÍF sýndu mikið hugrekki er
þeir björguðu sjö skipverjanna úr
átta metra háum öldunum. Einn
Dananna drukknaði.
Mikil dramatík
Óttar byggir bókina á því sem
gerðist á stranddaginn og afleiðing-
um þess og í bókinni eru fyrstu við-
tölin sem tekin eru við Danina að
hans sögn.
„Ég hef ekki skrifað meiri drama-
tík frá því ég skrifaði um Suðurland-
ið,“ segir Óttar og vísar til bókarinn-
ar Útkall í Atlantshafi á jólanótt,
sem fjallar um það þegar flutninga-
skipið Suðurland sökk.
„TF-LÍF stóð mjög tæpt, nokkuð
sem aldrei hefur komið fram, og
Danirnir voru veiddir upp úr átta
metra háum öldum í myrkri og kulda
eftir að hafa barist þar í um tvær
klukkustundir,“ segir Óttar.
Hann segir að það hafi verið erfitt
fyrir Danina að rifja upp atburðina
og að mikið hafi verið grátið.
„Sumir þeirra urðu óvinnufærir
eftir lífsreynsluna, en aðrir héldu
áfram að sigla,“ segir Óttar.
Hann er á förum til Danmerkur til
að vinna að útgáfumálum og segist
hafa fundið fyrir miklum áhuga það-
an, þar sem sagan sé ekki síður
dönsk en íslensk.
Morgunblaðið/RAX
Wilson Muuga Aðstæður á strandstað sunnan við Sandgerði voru erfiðar þessa nótt og áhöfn þyrlunnar TF-LÍF vann mikið björgunarafrek.
Þyrlan var hætt komin
Komin er út bók um strand Wilson Muuga sunnan við Sandgerði og björgunar-
afrek TF-LÍF-áhafnarinnar, sem við mjög erfiðar aðstæður bjargaði lífi sjö Dana
Óttar Sveinsson
FYRSTI framhaldsskólinn í Malaví
sem byggður er fyrir íslenskt fjár-
magn hefur verið afhentur mala-
vískum yfirvöldum. Nýi skólinn er í
þorpinu Nankhwali í Mangochi-
héraði þar sem Þróunarsam-
vinnustofnun Íslands hefur verið
með margvísleg verkefni á und-
anförnum árum. Skafti Jónsson um-
dæmisstjóri ÞSSÍ afhendi fulltrúa
menntamálayfirvalda í Malaví lykl-
ana að skólanum sl. fimmtudag.
Skólinn er sá fyrsti sem ÞSSÍ
byggir eftir nýrri umhverfisvænni
aðferð með sólþurrkuðum múr-
steinum úr sementsblöndu og jarð-
vegi.
Fjölmenni var við afhendinguna í
síðustu viku; höfðingjar, kennarar
og skólastjórnendur, nemendur,
foreldrar, héraðsyfirvöld og
menntamálayfirvöld landsins.
Íbúar og yfirvöld á svæðinu eru
þakklát ÞSSÍ fyrir að hlusta á
hverjar þarfir þeirra eru, segir í
frétt frá ÞSSÍ. Einnig eru þeir
þakklátir fyrir þær áherslur stofn-
unarinnar að afhenda fullbúna
skóla, með bókasafni, vísindastofu,
stjórnunarálmu, öllum nauðsyn-
legum húsbúnaði og salern-
isaðstöðu.
Í samstarfi við menntamála-
yfirvöld í Malaví var unnin þarfa-
greining á skólamálum í Mangochi-
héraði. Gerð var fjögurra ára áætl-
un um uppbyggingu skóla sem
unnið er samkvæmt.
Þróunarsamvinnustofnun afhendir framhaldsskóla í Malaví
Skóli úr sól-
þurrkuðum
múrsteinum