Morgunblaðið - 20.11.2007, Blaðsíða 18

|þriðjudagur|20. 11. 2007| mbl.is
daglegtlíf
Óæskileg hegðun barna kem-ur oft til vegna frávika ímálþroska,“ útskýrir Ást-hildur. „Þegar börn eiga
erfitt með að hlusta eða tjá sig og eru
óróleg eru málþroskavandamál oft
undirliggjandi. Einnig eiga sum börn
það til að lokast inni í eigin heimi.
Hinir fullorðnu bregðast svo oftar en
ekki við með neikvæðum boðskiptum,
eins og t.d. með skömmum.“ Ásthild-
ur leggur áherslu á að jákvæð boð-
skipti séu mjög mikilvæg þegar taka
eigi á frávikum í málþroska og þá
sérstaklega að skapa áhuga hjá börn-
um í gegnum leik.
Vita ekki endilega hvernig þau
eiga að bera sig að
Ásthildur hefur starfað sem tal-
meinafræðingur í 30 ár og á þeim
langa starfsferli hefur hún unnið
mikið að því að aðstoða börn við að
bæta boðskipti sín.
„Hægt er að ná tökum á mál-
þroskavandamálum með svokallaðri
snemmtækri íhlutun,“ segir hún. Þá
er átt við að gripið sé inn í vandann
snemma og þannig hægt að snúa þró-
uninni við. Ásthildur byrjaði að vinna
mikið með dúkku sem hjálpartæki
við talþjálfunina og þar kviknaði hug-
myndin að Bínu, sem hún er nú búin
að skrifa tvær bækur um.
„Bína bálreiða kom út fyrir jólin í
fyrra. Hún segir frá dúkkunni Bínu
sem er bálreið af því að hún veit ekki
hvernig hún á að hegða sér,“ útskýrir
Ásthildur. Nú er komin út önnur bók
um Bínu: Bína fer í leikskóla, þar sem
Ásthildur fer yfir algeng tjáskipti
barna sem koma á leikskólann, eins
og það hvernig maður eigi að finna
sér leikfélaga.
„Sum börn vita ekki hvernig þau
eiga að bera sig að þegar þau vilja
leika við hin börnin og byrja kannski
á því að lemja þau börn sem þau hafa
áhuga á að leika við,“ segir hún og
brosir.
„Bókunum er ætlað að bæta við
flóru íslenskra barnabóka sem mér
finnst annars ekki nægjanlegt úrval
af. Það lá beinast við að leggja mína
sérþekkingu sem talmeinafræðings
inn í bækurnar þannig að þær beri
með sér jákvæðan boðskap til barna
um algeng boðskipti sem börn þurfa
að kljást við.“
Ásthildur greinir meiri óróleika
hjá börnum í dag en áður fyrr og
kennir um hraðanum í samfélaginu
og því mikla áreiti sem börn verða
fyrir daglega. „Börn eiga erfitt með
að hlusta í dag, þau vilja bara fram-
kvæma,“ segir hún.
Fyrst og fremst fyrir
góðar samverustundir
Bókunum er ætlað að styðja við
bak foreldra og leikskólakennara í
þeirri vinnu sem felst í því að kenna
börnum algengar boðskiptaleiðir. Í
viðleitni sinni við að aðstoða uppal-
endur í þeirri vinnu, útvíkkaði hún
síðan hugmyndina um Bínu og hann-
aði einnig myndalottó fyrir tveggja til
sex ára börn.
„Markmið spilsins eru að styrkja
hlustun, bæta hegðun og að auka
orðaforða barnanna. Auk þess læra
börnin að tengja tilfinningar sínar við
upplifanir annarra. Málþroskinn er
síðan efldur í gegnum sjónrænar vís-
bendingar og hentar því vel í vinnu
með börnum með einhverfu eða aðr-
ar fatlanir sem hafa málþroskafrávik
í för með sér,“ útskýrir Ásthildur.
Spilinu er þó fyrst og fremst ætlað
að skapa skemmtilegar samveru-
stundir hjá börnum og fullorðnum
þar sem málþroski barnanna er þjálf-
aður um leið. Ásthildur er sér-
staklega ánægð með að hafa fengið
starfandi myndlistarmann, Bjarna
Þór Bjarnason, til liðs við sig en hann
myndskreytti bæði bækurnar og
Myndalottóið. „Svo nota ég mikið dýr
í bókunum og spilinu; öll börn elska
dýr,“ segir Ásthildur að lokum.
Hegðun barna og
boðskipti eru nátengd
Morgunblaðið/Kristinn
Talmeinafræðingurinn Ásthildur Bj. Snorradóttir segir að hún greini meiri óróleika hjá börnum í dag en áður fyrr.
Lengi hefur tíðkast að líta á börn með hegðunarvandamál sem óþekk. Ásthildur Bj. Snorradóttir tal-
meinafræðingur lítur hins vegar öðrum augum á málið. Halldóra Traustadóttir ræddi við hana.
ÞAÐ stirndi svo sannarlega
á fyrirsæturnar á þessari
skartgripa- og tískusýningu
sem haldin var í Karachi í
Pakistan á dögunum.
Hefðirnar eru greinilega
hafðar í hávegum að þessu
sinni hjá hönnuðinum
Ayesha Warsi og glitrandi
klæðin og skartið tryggja
að athyglin beinist alveg
örugglega að þeim sem þau
ber.
Glitrandi
klæði
og gló-
andi gull
Reuters
Skrautleg Fatnaður og skart tónar vel saman
í skrautlegum klæðnaði þessarar fyrirsætu.
Glitrar og glóir Það er mikið lagt upp úr
smáatriðunum í þessum fatnaði.
Brókerað Gullbrókeraður spariklæðnaður í ljósum lit-
um sem myndi sóma sér vel í hvaða veislu sem væri.
HVER kannast ekki við þá tilhneig-
ingu að fá sér súkkulaðimola þegar
ástarsorg eða önnur leiðindi hellast
yfir í öllu sínu veldi? Fátt er meira
huggandi en gómsæti í munni þeg-
ar allt verður öfugsnúið og von-
laust. Víst er að margir geta sam-
samað sig skáldsagnapersónunni
Bridget Jones sem er jú einmitt ein
af þeim sem skvetta í sig einni eða
fleiri hvítvínsflöskum og slatta af
kalóríuríkri fæðu þegar kærast-
arnir eru leiðinlegir við hana eða
láta hana róa.
En nú berast þau tíðindi að það
geti verið ansi erfitt fyrir slíka ein-
staklinga að losna við aukakílóin.
Frá þessu er sagt á vefmiðli BBC,
en þar er vitnað í bandaríska rann-
sókn sem gerð var á þeim sem eiga
við offituvandamál að stríða og
tóku þátt í sérstöku verkefni sem
miðaði við að léttast.
Niðurstaðan var meðal annars sú
að þeir sem hefðu tilhneigingu til
að borða þegar þeir væru einmana
eða leiðir ættu erfiðara með að
losna við aukakílóin en aðrir og
eins væru þeir fljótari að hlaða
þeim á sig aftur. Hjá þeim ein-
staklingum þar sem hugsanir og til-
finningar voru á bak við átið, fóru
sem sagt ekki aðeins færri kíló,
heldur voru þeir líka fljótari að
bæta þeim á sig aftur. Það er því er
full ástæða til að horfa meira til
þeirra tilfinninga sem tengjast ofáti
hjá fólki þegar reynt er að hjálpa
því við að ná kjörþyngd. Offita er jú
mikið heilsufarsvandamál.
Fyrrnefnd rannsókn var gerð á
The Miriam Hospital og hjá The
Warren Alpert Medical School of
Brown University og tóku 286 of-
fitusjúklingar þátt í henni, bæði
karlar og konur.
Reuters
Tilfinningavera Bridget Jones
dettur stundum í súkkulaðiát.
Tilfinninga-
át hamlar
kílóalosun