Morgunblaðið - 20.11.2007, Blaðsíða 19
úr bæjarlífinu
MORGUNBLAÐIÐ ÞRIÐJUDAGUR 20. NÓVEMBER 2007 19
Hafi einhver haldið að jólin byrj-
uðu á höfuðborgarsvæðinu þá leið-
réttist það hér með. Því á föstu-
daginn byrjuðu jólin í Borgarnesi
með því að þjónustufyrirtæki
kveiktu á jólaljósunum og bærinn
varð baðaður jólaljósum í einu vet-
fangi. Meira að segja Grýla lét sig
hafa það að klöngrast ofan af fjöll-
um en naut þó aðstoðar Björg-
unarsveitarinnar til að komast til
byggða.
Allsherjar jólastemning var í
bænum alla helgina, verslanir og
þjónustufyrirtæki voru með fjöl-
breytt tilboð og alls konar
uppákomur voru út um allan bæ.
T.d. var ljóðasýning barna opnuð í
Safnahúsinu í tilefni af degi ís-
lenskrar tungu, kórar flökkuðu um
bæinn, danshópur sýndi listir sínar
og óhefðbundin guðþjónusta var á
sunnudag. Þetta er í fyrsta sinn
sem fyrirtæki sameinast um tíma-
setningu á jólaskreytingum og ekki
annað hægt að segja en vel hafi
heppnast.
Nú hefur hlaupið á snærið hjá
glæsilegum konum í Borgarfirði og
nærsveitum því hér hefur verið
opnuð verslun með kvenfatnað í
stærðum yfir 46. Verslunin er í
sama húsnæði og efnalaugin Múla-
kot og eigendurnir segja að með
opnun verslunarinnar hafi þær lát-
ið gamlan draum rætast. Fatn-
aðurinn er að mestu innfluttur frá
Ungverjalandi og ennfremur verða
á boðstólum pólskar snyrtivörur.
Sjón er sögu ríkari.
Geiri bakari hefur nýverið tekið
upp á því að hafa girnileg og
freistandi hádegistilboð sem er öt-
ullega dreift inn á öll fyrirtæki á
svæðinu með tölvupósti. Þessu hef-
ur verið afar vel tekið og einstaka
fyrirtæki hefur hreinlega lokað í
hádeginu vegna þess að allir
starfsmenn eru saman að snæða
hjá Geira.
Framan af hausti vissu Borgnes-
ingar ekki alveg hvað stæði til með
fyrrum veitingastaðinn Nauthól
sem var fluttur í heilu lagi með öll-
um innanstokksmunum og tækjum
upp í Borgarnes. Það er ekki laust
við að maður finni fyrir nokkurri
eftirvæntingu meðal bæjarbúa eftir
því hvernig til mun takast þegar
staðurinn verður opnaður. Stað-
urinn hefur verið vel upplýstur og
svei mér þá ef hann tekur sig ekki
bara vel út í klettinum undir
vatnstankinum græna. Heyrst hef-
ur að staðurinn muni ekki verða
viðbót við bensínstöðvarnar m.t.t.
„hamborgara og franskra“ þemans.
Og í vikunni sem leið voru forvarn-
ardagar í Grunnskólanum og
félagsmiðstöðinni Óðali. Margt var
brallað fyrir og fræðsla og
skemmtanir fyrir nemendur í 7.-10.
bekk. Nemendur fylgdu stunda-
skrá í fyrsta tíma en svo tók við
dagskrá forvarnardaga. Í lok vik-
unnar var svo hið árlega for-
varnar- og æskulýðsball í íþrótta-
miðstöðinni á það var öllum
skólum á Snæfellsnesi, Hólmavík,
Búðardal, Hvalfjarðarsveit og
Borgarbyggð boðið. Forvarn-
arvikan er dæmi um hvernig ung-
lingarnir sjálfir vilja standa að for-
vörnum.
BORGARNES
Guðrún Vala Elísdóttir fréttaritari
Morgunblaðið/ Guðrún Vala Elísdóttir
Jólastemning Grýla kerlingin lét
sjá sig í Borgarnesi á föstudaginn
þegar að jólaljósin voru tendruð í
bænum.
Eldur logar um alla sveit ogandstaðan hörð í Flóa“ var
haft eftir Halldóru Gunnarsdóttur,
talsmanni Sólar í Flóa, á Vísir.is.
Hallmundur Kristinsson botnaði
„með fíflahætti“.
Enn eru víða beljur á beit
og bráðlega fer að snjóa.
Vinur Auðuns Braga Sveinssonar
horfir mikið á íþróttir á stöðinni Sýn
og á ágætan vin, sem er norskur
skógarköttur.
Helst þú kýst að horfa á SÝN,
– hressilega spretti.
En þó mesta unun þín
er að strjúka ketti.
Enn af gæludýrum. Elvis sendir
vini sínum Basil í Hallormsstað
kveðju:
Óskaplega sakna ég þín, elsku vina mín
og eitthvað vil ég naga eða brjóta en
fyrst að þú ert langt í burtu, litla dúllan
mín
þá ligg ég einn og dunda við að hrjóta.
„Þetta hvíslaði hann á milli
hrotukviða,“ skrifar Sigurður
Ingólfsson. „Hrjótandi hundar eru
mjög spaugilegir, sérstaklega þegar
þeir ná að yrkja upp úr svefni um
sjálfa sig.“
pebl@mbl.is
VÍSNAHORNIÐ
Af gæludýrum og fíflahætti
Þú færð ráðgjöf og tilboð hjá sölufulltrúum
okkar í eftirfarandi símanúmerum;
Söludeild Reykjavík s. 569 2200 og söludeild Akureyri s. 460 9610.
Einnig geturðu sent fyrirspurnir á netfangið soludeild@ms.is
eða með bréfsíma í númer 569 2222.
Á vefsíðu okkar www.ostur.is er að finna nánari upplýsingar
um sælkeraostakörfurnar okkar og ostana sem í þeim eru.
Gómsæt gjöf
fyrir sælkera
Falleg gjafakarfa með úrvali af bragðgóðum
íslenskum ostum er tilvalin jólagjöf
handa starfsfólki og viðskiptavinum
www.ostur.is
15% vaxtaauki!
Þeir sem stofna sparnaðarreikningana SPRON Vaxtabót,
SPRON Viðbót eða SPRON Veltubót á Netinu fyrir 3. desember nk.
fá um næstu áramót 15% vaxtaauka á áunna vexti.
A
RG
U
S
/
07
-0
82
7
Nýttu þér þetta
TILBOÐ og sto
fnaðu
reikning á spron
.is