Fréttablaðið - 14.04.2009, Blaðsíða 32
22 14. apríl 2009 ÞRIÐJUDAGUR
menning@frettabladid.istonlist@frettabladid.is
TÓNNINN GEFINN
Trausti Júlíusson
Sögur af tónlistarmönnum sem hafa brotist úr sárri fátækt og orðið
heimsfrægir hafa lengi heillað fólk. Svoleiðis sögur eru orðnar
sjaldgæfar á Vesturlöndum, en þær gerast enn í þriðja heiminum.
Gott dæmi um það er hljómsveitin Staff Benda Bilili frá Kinshasa í
Kongó, en flestir meðlimir hennar eru lömunarveikir götuspilarar.
Tónlistarmenn frá Kongó hafa vakið athygli síðustu ár. Þar á
meðal má nefna Konono No1 sem komu hingað til lands á Listahátíð
sællar minningar og hljómsveitina Kasai Allstars sem sendi frá sér
fína plötu í fyrra.
Báðar þessar sveitir
voru uppgötvaðar af
upptökustjóranum
Vincent Kenis og
gefnar út hjá belg-
íska útgáfufyrir-
tækinu Crammed
Discs. Það sama á
við um Staff Benda
Bilili.
Staff Benda Bilili
er búin að vera
starfandi í nokkur ár. Kjarninn í sveitinni er gamlir lamaðir götu-
spilarar sem ferðast um á sérútbúnum mótor- og reiðhjólum, en til
liðs við þá hafa líka gengið yngri menn. Sá sem vekur mesta athygli
er strákur að nafni Roger sem sveitin tók upp á sína arma eftir að
hafa séð hann spila fyrir smápeninga fyrir utan verslun í borginni.
Hann spilar á strengjahljóðfæri sem hann fann upp sjálfur og er
gert úr málningardós, tréboga og einum streng. Á þetta hljóðfæri
sýnir hann snilldartakta.
Staff Benda Bilili heillaði bæði evrópska og afríska tónlistarmenn
og blaðamenn þegar Africa Express-hópur Damons Albarn heim-
sótti Kinshasa í fyrra. Síðan hefur leiðin legið upp á við hjá sveitinni.
Fyrsta plata Staff Benda Bilili er nýkomin út. Hún heitir Trés trés
fort og var tekin upp 2007. Tónlistin er léttleikandi sambland af þjóð-
legri rúmbu frá Kongó, kúbverskri dægurtónlist, reggí og fönki. Flott
plata sem hefur vakið mikla athygli, en Staff Benda Bilili prýðir for-
síðu apríl/maí útgáfu bresku heimstónlistarbiblíunnar Songlines.
Óvenjulegar poppstjörnur
STJÖRNUR Staff Benda Bilili er heitasta nýja nafnið í
heimstónlistinni í dag.
New York-sveitin Yeah
Yeah Yeahs var ein af þeim
sveitum sem fengu athygli
í kjölfar vinsælda The
Strokes. Það fer ekki mikið
fyrir The Strokes í dag, en
þau Karen O, Brian Chase
og Nick Zinner sem skipa
Yeah Yeah Yeahs voru að
senda frá sér nýja plötu,
It’s Blitz!, sem margir telja
þeirra bestu hingað til.
Trausti Júlíusson hlustaði á
gripinn.
„Það var svo mikil reiði á Show
Your Bones að við urðum að kom-
ast út úr því. Það er alveg nóg af
þunglyndislegu indí-rokki fyrir!
Málið er líka að ef þú ætlar í frí
og þú ert þegar búinn að fara til
Egyptalands og Parísar þá ferðu
varla aftur til Egyptalands og Par-
ísar ...“ segir Nick Zinner gítar-,
bassa- og hljómborðsleikari Yeah
Yeah Yeahs í nýlegu viðtali við
Mojo. Ný plata sveitarinnar It’s
Blitz! sem var að koma út er tölu-
vert frábrugðin fyrri plötunum.
Á henni notast sveitin við hljóð-
gervla í fyrsta sinn og yfirbragðið
er jákvæðara en áður. Krafturinn
er samt enn til staðar.
Mögnuð tónleikasveit
Yeah Yeah Yeahs var stofnuð í
New York árið 2000. Hún vakti
fljótt athygli og var eftir nokkra
mánuði farin að hita upp fyrir The
Strokes og The White Stripes. Tón-
listin var þeirra útfærsla af hráu
bílskúrspönki. Sveitin sendi frá
sér EP-plötuna Yaeh Yeah Yeahs
síðla árs 2001 og árið 2003 kom
fyrsta platan, Fever to Tell. Báðar
vöktu mikla athygli. Sveitin varð
líka þekkt sem ein öflugasta tón-
leikasveitin á senunni, ekki síst
fyrir mögnuð sviðstilþrif Karenar
O. Þetta sést vel á tónleika DVD-
disknum Tell Me What Rockers to
Swallow sem kom út árið 2004. Ég
hvet alla sem hafa ekki skoðað þá
útgáfu að gera það hið fyrsta.
Aftur kallað á Nick Launey
Árið 2006 kom önnur plata Yeah
Yeah Yeahs í fullri lengd, Show
Your Bones. Hún var smá von-
brigði þrátt fyrir fín lög inn á
milli, t.a.m. hið ofurgrípandi Gold
Lion. Eftir Show Your Bones fór
sveitin í smá hlé, en gaf samt út
fimm laga EP-plötuna Is Is árið
2007. Sú var tekin upp með upp-
tökustjóranum Nick Launey sem
á að baki glæstan feril og stjórn-
aði m.a. upptökum á Release the
Bats og Junkyard með Birthday
Party og plötum með PiL, Nick
Cave, Arcade Fire o.fl. Þegar
sveitin ákvað að gera nýja plötu
var aftur kallað á Launey, en að
auki var gamall góðvinur sveitar-
innar, galdramaðurinn David
Sitek úr TV on the Radio, fenginn
til samstarfs.
Rokk og hrátt rafpopp
It’s Blitz! var tekin upp í fjór-
um hljóðverum í fjórum ríkjum
Bandaríkjanna. Stærstur hluti
hennar var tekinn upp í eyði-
merkurstúdíói fyrir utan El Paso í
Texas, rétt við landamæri Mexíkó,
en einnig var tekið upp í sveita-
hljóðveri í Massachusetts og hjá
Dave Sitek í Brooklyn. Eins og
áður segir kveður við nýjan tón á
It’s Blitz! Sveitin notar hljóðgervla
í fyrsta sinn, en fer sínar leiðir og
útkoman er flott plata sem á eru
kraftmikil rokklög og líka hrá raf-
popplög. Einhvern veginn smell-
ur þetta hjá þeim og mann grunar
að Dave Sitek eigi sinn þátt í flott-
um hljóðheiminum. Viðtökurnar
eru ekki af verri endanum: Fimm
stjörnur í Q Magazine, 81/100 hjá
Pitchforkmedia og 4/5 í NME,
Mojo, Rolling Stone og Uncut ...
Ný leiftursókn frá New York
YEAH YEAH YEAHS Það kveður við nýjan tón hjá Yeah Yeah Yeahs á nýju plötunni, en hún var unnin með hjálp upptökustjóranna
Nick Launey og David Sitek úr TV on the Radio.
> Plata vikunnar
Eberg - Antidote
★★★★
„Eberg fylgir eftir hinni frábæru
Voff, voff með fínni plötu.
Nútímaleg tónlist með sterkar
rætur í sígildri popplagahefð.“
TJ
> Í SPILARANUM
Neil Young - Fork in the Road
Fever Ray - Fever Ray
Doves - Kingdom of Rust
Bat for Lashes - Two Suns
St. Vincent - Actor
NEIL YOUNG ST. VINCENT
Jón Þór Birgisson, söngvari Sigur Rósar,
og Alex Somers kærasti hans gefa út
plötu 20. júlí næstkomandi. Þeir hafa um
nokkurra ára skeið sýnt myndlist sína
saman undir nafninu Riceboy Sleeps og
plata þeirra verður einnig gefin út undir
því nafni.
Platan inniheldur níu lög sem öll voru
tekin upp hér á landi. Lögin kallast
Happiness, Atlas Song, Indian Summer,
Stokkseyri, Boy 1904, All the Big Trees,
Daniell in the Sea, Howl og Sleeping
Giant.
Þeir félagar njóta aðstoðar stelpnanna
í strengjakvartettinum Amiinu og kórs
sem kallast Kópavogsdætur.
Liðsmenn Sigur Rósar eru í fríi eftir
að langri tónleikaferð þeirra um heiminn
lauk á síðasta ári.
Jónsi og Alex gefa út plötu
PLATA Á LEIÐINNI Jónsi og Alex Somers gefa út
plötu undir nafninu Riceboy Sleeps. FRÉTTABLAÐIÐ/GVA
Rapparinn Cee-Lo úr hljómsveitinni Gnarls Barkley
er áhugasamur um að rokka aðeins upp hljóðheim
sveitarinnar. Það vill hann gera með því að vinna
með bresku rokkurunum úr Oasis. Cee-Lo skip-
ar hljómsveitina með taktsmiðnum Danger Mouse
og þeir félagar eru helst þekktir fyrir fönkað sánd
sitt. En rapparinn er sannfærður um að gott eitt geti
komið út úr þessu samstarfi.
„Ég er búinn að vera að hlusta á nýju Oasis-plöt-
una og hún er flott,“ segir Cee-Lo. „Þegar ég var í
London hékk ég aðeins með Noel og við skemmtum
okkur vel. Ég væri til í að gera eitthvað sérstakt
með þeim.“
Spenntur fyrir
Oasis-bræðrum
GNARLS BARKLEY
Rapparinn Cee-Lo vill
vinna með Oasis.