Morgunblaðið - 02.01.2008, Page 28

28 MIÐVIKUDAGUR 2. JANÚAR 2008 MORGUNBLAÐIÐ
Víkverji stóð uppi áSkólavörðuholti
þegar mest gekk á og
hefur sjaldan séð jafn-
magnaða flugeldasýn-
ingu og þar fór fram.
Þegar Víkverji síðan
situr og setur niður
þessi orð undir kvöld á
nýársdegi hefur skot-
gleðin tekið við sér á
ný, við glymja spreng-
ingar og hvellir og him-
inninn lýsist upp.
x x x
Það hefur ekki fariðfram hjá neinum
að mun fleiri selja nú
flugelda en áður. Ekki er langt síðan
flugeldar voru helsta tekjulind
björgunarsveita og einnig hafa
íþróttafélög selt flugelda. Lands-
björg seldi nú um 500 tonn af flug-
eldum. Salan var dræm framan af,
en tók kipp og var á endanum vipuð
og tvö síðastliðin ár.
x x x
Ef til vill er það í samræmi viðhugmyndir um frjálsa sam-
keppni að þeir sem á því hafi áhuga
skuli fá leyfi til að selja flugelda, en
Víkverji er svo gamaldags að honum
finnst að þarna mætti draga mörk.
Hann verður þó að sætta sig við
frelsið, ekki síst í ljósi þess að hann
þykist vera ötull málsvari þess, og
vona þess í stað að neytendur noti
frjálsan vilja sinn til að velta fyrir
sér hverjum óbilandi áhugi þeirra á
að kveðja gamla árið og heilsa því
nýja með sprengjugný eigi að vera
tekjulind.
Vilji Íslendinga tilað halda einka-
flugeldasýningar um
áramót er einbeittur.
Það sýndi sig glögg-
lega nú um áramótin
þegar óttalausir flug-
eldasýningastjórar
örkuðu út í rokið með
birgðir sínar af skot-
eldum hvers konar og
lögðu að þeim eld.
Óvenjumikið var um
lágflug á rakettum,
ekki vegna nýrrar
hönnunar flugelda,
heldur hrifsaði vind-
urinn þá með sér um
leið og þeir náðu upp
fyrir húsþök.
x x x
  



víkverji skrifar | vikverji@mbl.is
Kampavín, flugeldar, gleði ogást voru ofarlega á baugivíða um heim þegar árinu
2008 var fagnað með stæl. Sinn er
siður í landi hverju en áramótin eru
þó tilefni fagnaðar alls staðar.
Hvort sem það er í Rússlandi,
Frakklandi, Brasilíu, Kína eða
Bandaríkjunum virðast sömu til-
finningar bærast innra með mann-
skepnunni á stundum sem þessum.
Reuters
Brasilía Áætlað er að meira en tvær milljónir manna hafi komið saman á Copacabana-ströndinni
í Ríó de Janeiro til að fagna því þegar árið 2008 gekk í garð.
Bandaríkin Klæddur eftir tilefninu fagnar
þessi nýju ári á Times Square í New York.
Frakkland Nýja árinu var fagnað með
stjörnuljósum á Champs Elysees-torgi í París.
Kína Verðandi brúðhjón á torgi í bænum Xiamen á nýársdag. Nákvæmlega
2008 brúðhjón tóku þátt í hefðbundnu fjöldabrúðkaupi til að fagna nýju ári. Nýársbörn í Kína Þau eru ófá, eins og gefur að skilja.
Nýju ári
fagnað
áramót
Það er eftirsóknarvert aðvera við góða heilsu og einbesta leiðin til þess að bætaeigin heilsu er að hætta að
reykja. Leiðin að því marki er þó ekki
alltaf eins greið og ætla mætti. Nú til
dags er vitað að árangursríkasta að-
ferðin til að hætta að reykja er að fá
faglegan stuðning til þess, ásamt því
að nota reykleysislyf. Þrátt fyrir að
þessi vitneskja liggi fyrir reyna flest-
ir að hætta að reykja á eigin spýtur,
án aðstoðar. Eflaust er engin ein rétt
leið til við að hætta að reykja sem
passar fyrir alla og er mjög mismun-
andi hvað hentar hverjum og einum í
hverju tilviki fyrir sig.
Eitt er þó víst í þessum málum, að
með aðstoð tvöfaldar þú að minnsta
kosti líkurnar á því að þér takist að
hætta.
Að hætta að reykja
Mjög auðvelt er að fá aðstoð til
þess að hætta að reykja hvenær sem
þú ert tilbúin(n) til þess. Flestir hafa
reynt nokkrum sinnum að hætta að
reykja áður en þeim tekst það end-
anlega og er um að gera að halda
áfram að reyna þangað til takmark-
inu er náð. Að hætta að reykja er
ákveðið ferðalag með mismörgum
stoppum á leiðinni. Segja má að
ferðalagið samanstandi þó alltaf af
þremur áföngum: Fyrsti áfanginn er
að taka ákvörðun um að hætta að
reykja og undirbúa það. Síðan er það
framkvæmdin, að hætta að reykja.
Að lokum er það áfangastaðurinn,
sem felur í sér að halda sig við lífs-
stílsbreytinguna, að vera reyklaus til
framtíðar.
Það hefur gefist mörgum mjög vel
að ákveða hvaða dag þeir ætla að
hætta og undirbúa sig síðan í nokkra
daga fyrir það, til dæmis með því að
draga markvisst úr fjölda sígarettna
sem reyktur er hvern dag og skipu-
leggja og ákveða hvernig bregðast
skuli við því þegar löngunin í sígar-
ettu kemur yfir. Eins er gagnlegt að
æfa sig í að vera reyklaus í ákveðnum
aðstæðum, prófa hvað virkar og hvað
virkar ekki eins vel.
Gott er að hugsa fyrir því hvort
reykleysislyf myndu hjálpa í þínu til-
viki og vera þá búin(n) að nálgast þau
þegar að þeim merkisdegi líður að þú
hættir að reykja. Komið er á mark-
aðinn fyrsta lyfið sem hannað var í
þeim tilgangi að aðstoða fólk til þess
að hætta að reykja, lyfið Champix
sem er án nikótíns og lofar góðu.
Nikótínlausa lyfið Zyban, sem hefur
verið á markaðnum í nokkur ár, hef-
ur líka hjálpað mörgum. Síðan eru
það hin svokölluðu nikótínlyf sem
margir hafa notað með góðum ár-
angri.
Mikilvægt er að hafa fleiri úrræði
en eingöngu viljann að vopni. Rann-
sóknir sýna mjög skýrt að aðstoð fag-
fólks í formi einstaklingsráðgjafar,
reykleysisnámskeiða eða tilvísun á
aðstoð til að hætta að reykja ásamt
því að nota reykleysislyf gefur lang-
bestan árangur.
Hverjir veita aðstoð?
Hér á landi er starfrækt ýmiss
konar þjónusta sem ætluð er til að
aðstoða fólk til þess að hætta að
reykja. Ber þar fyrst að nefna Reyk-
símann – Ráðgjöf í reykbindindi s.:
800 6030. Einstaklingsmiðuð ráðgjöf
í síma er veitt af hjúkrunarfræð-
ingum sem hafa sérhæft sig í að veita
þeim aðstoð sem vilja hætta að
reykja. Ráðgjöfin byggist á reyk-
ingasögu og þörfum hvers ein-
staklings og hægt er að fá fræðslu-
efni sent heim og eftirfylgd er veitt í
formi endurhringinga. Símaþjón-
ustan þjónar öllu landinu og er veitt
endurgjaldslaust. Hjá Reyksímanum
er hægt að fá allar mögulegar upp-
lýsingar um hvaða ráð eru fyrir hendi
varðandi það hvernig best sé að bera
sig að við að hætta að reykja. Þessir
hjúkrunarfræðingar þekkja reynslu
margra sem hafa staðið í þessum
sporum og geta því miðlað bæði af
eigin fagþekkingu og reynslu ann-
arra sem hætt hafa að reykja.
Annað úrræði til að fá aðstoð við að
hætta að reykja er að skrá sig á
gagnvirku heimasíðuna reyklaus.is.
Þar færðu allar helstu upplýsingar
sem snúa að því að hætta að reykja,
þú ákveður daginn sem þú ætlar að
hætta og færð síðan daglega sendan
tölvupóst með góðum ráðum og
hvatningu til dáða. Eins er hægt að
senda tölvupóst til hjúkrunarfræð-
inganna hjá Reyksímanum og fá
frekari upplýsingar eða stuðning ef
þörf er á. Á reyklaus.is getur þú á
sérstöku spjallsvæði talað við aðra
sem eru að reyna að hætta og þú get-
ur haldið þína eigin dagbók sem þú
ræður hvort þú hefur opna fyrir öðr-
um eður ei. Á síðunni eru marg-
víslegar upplýsingar, allt frá fræðslu
um skaðsemi reykinga til umfjöll-
unar um reykleysislyfin. Ekkert þarf
að greiða fyrir þjónustu Reyksímans
né reyklaus.is.
Nokkur félagasamtök, einkaaðilar,
apótek og stofnanir veita líka aðstoð
við að hætta að reykja, ýmist með
námskeiðum eða einkaviðtölum og er
því um að gera að leita fyrir sér að
því úrræði og þeim stuðningi sem þér
hentar. Á heimasíðu Lýðheilsustöðv-
ar, undir tóbaksvörnum, er hægt að
nálgast lista yfir þá aðila sem veita
aðstoð til reykleysis. Eins á að vera
hægt að leita sér aðstoðar á heilsu-
gæslustöð viðkomandi bæjarfélags
og fá þar ráðgjöf og stuðning til þess
að hætta að reykja.
Að sjálfsögðu er allt hægt ef viljinn
er fyrir hendi.Viljinn og hugarfarið
eru gífurlega mikilvægir þættir í því
hvort fólki tekst að hætta að reykja –
en því ekki að tvöfalda líkurnar á að
þér takist að ná markmiðinu sem þú
hefur sett þér og þiggja aðstoð og
þann stuðning sem er í boði við að
hætta að reykja?
Gangi þér vel!
Að hætta að reykja – með aðstoð
Morgunblaðið/Ómar
Drepið í Margir hætta um áramót en ýmis aðstoð býðst í þeim efnum.
http://www.lydheilsustod.is
http://www.8006030.is
http://www.reyklaus.is
Bára Sigurjónsdóttir
verkefnisstjóri tóbaksvarna,
Lýðheilsustöð
hollráð um heilsuna | lýðheilsustöð