Morgunblaðið - 11.01.2008, Blaðsíða 8

ATHUGUN Vegagerðarinnar á
þeim kosti að Sundabraut verði lögð í
jarðgöng hefur leitt í ljós að sú lausn
er tæknilega möguleg en kostnaður-
inn er hins vegar mun meiri en áður
var talið, eða 24 milljarðar króna
með vegtengingum.
Jarðgangalausn væri því um níu
milljörðum króna dýrari kostur en
svokölluð eyjalausn.
Þetta kemur fram á vef Vegagerð-
arinnar sem segir að fyrir þennan
mismun megi gera mislæg gatnamót
Miklubrautar og Kringlumýrar-
brautar, leggja Miklubraut í stokk
vestur fyrir Lönguhlíð og Kringlu-
mýrarbraut í stokk suður fyrir
Listabraut. Auk þess yrði rekstrar-
kostnaður ganganna töluverður og
mun meiri en til dæmis af Hvalfjarð-
argöngum, enda er í raun um tvenn
Sundagöng að ræða og öryggiskröf-
ur yrðu ríkari vegna margfalt meiri
umferðar. Vegagerðin áætlar að
rekstur Sundaganga myndi kosta að
minnsta kosti 200 milljónum króna
meira á ári en eyjalausnin.
Vegagerðin segir að eyjalausnin
feli ekki í sér að umferð aukist um
Skeiðarvog eins og íbúar óttist þótt
Sundabrautin muni að sjálfsögðu
breyta umferðinni hvar sem brautin
verði lögð. Röskunin verði eigi að
síður mun meiri með jarðgöngum en
eyjalausn.
Vegagerðin kveðst ekki geta mælt
með því að jarðgangalausnin verði
valin þar sem eyjalausnin sé mun
betri kostur tæknilega, fjárhagslega
og hvað umferðina áhrærir. Eyja-
lausnin gefi miklu meiri arðsemi af
því fjármagni sem til fram-
kvæmdanna sé varið.
Vegagerðin segir afstöðu sína al-
veg skýra og nú sé komið að stjórn-
málamönnum að taka af skarið um
hvaða lausn verði valin og hvernig
skipta eigi kostnaðinum. Jarðgangalausn Svona yrði Sundabrautin ef hún yrði lögð í jarðgöng.
Göng 9 milljörðum dýrari
8 FÖSTUDAGUR 11. JANÚAR 2008 MORGUNBLAÐIÐ
FRÉTTIR
EINAR Skúlason, forstöðumaður
Alþjóðahúss, segist hafa á tilfinn-
ingunni að meiri hreyfing sé á út-
lendingum sem hér hafa stundað
vinnu en verið hefur undanfarin ár.
Margir séu á heimleið, ekki bara út-
lendingar, sem starfað hafa við upp-
byggingu álvers og virkjunar á
Austurlandi.
Einar segist ekki heyra frá út-
lendingum að þeir eigi erfiðara með
að fá vinnu hér á landi þrátt fyrir
umrót í efnahagsmálum. „Ég hef
samt á tilfinningunni að það sé meiri
hreyfing á fólki nú en áður. Það er
eins og það séu fleiri að fara heim
en koma hingað. Kannski eru tæki-
færin hér á landi ekki eins mikil og
þau voru,“ sagði Einar.
Einar sagði að tækifæri væru að
aukast fyrir fólk í Póllandi og það
gæti verið að það hefði áhrif á fólk
sem væri bundið heimahögunum.
Einar sagði að undanfarin ár
hefðu um átján þúsund útlendingar
komið til landsins. Það gleymdist
hins vegar oft í umræðunni að
meirihluti þessa fólks væri hér bara
tímabundið og sneri aftur eftir
nokkurra mánaða eða missera
vinnu. Árið 2007 hefði nettófjölg-
unin aðeins verið tæplega þrjú þús-
und manns.
Einar sagði að í fyrrasumar hefðu
verið fréttir í Póllandi um að hægt
væri að fá vel launaða vinnu á Ís-
landi við ýmis störf. Hann sagði
dæmi um nokkuð ýktar fréttir af
stöðu mála á Íslandi. Það fylgdi ekki
alltaf sögunni hvernig húsnæðisverð
og almennt verðlag væri á Íslandi.
Meiri hreyfing á útlend-
ingum hér á landi en áður
Í HNOTSKURN
»Samkvæmt upplýsingum fráVinnumálastofnun er talið að
á þessu ári hafi um 18.000 útlend-
ingar verið á vinnumarkaði hér á
landi, en til samanburðar voru að
jafnaði 13-14.000 útlendingar í
vinnu á Íslandi á árinu 2006.
Samfylkingin
heldur flokks-
stjórnarfund á
morgun, laug-
ardag, kl. 13 í
Hlégarði, Mos-
fellsbæ. Á fund-
inum mun Ingi-
björg Sólrún
Gísladóttir, for-
maður flokksins,
flytja ávarp og
Dagur B. Eggertsson borgarstjóri
mun innleiða pallborðsumræður
undir yfirskriftinni „Brýnustu
verkefni Samfylkingarinnar“ með
þátttöku bæjarstjóranna Lúðvíks
Geirssonar, Svanfríðar Jónasdóttur
og Ragnheiðar Hergeirsdóttur.
Ráðherrar munu svara spurning-
um flokksmanna. Málefnanefndir
flokksins funda að morgni þar sem
flokksmenn geta tekið þátt í stefnu-
mótunarvinnu í helstu málaflokk-
um.
Ingibjörg Sólrún
Gísladóttir
Samfylkingin
heldur fund Eftir Davíð Péturssonog Andra Karl
ENGAN sakaði í eldsvoða sem upp
kom á Hvanneyri í gærmorgun. Tveir
karlmenn voru handteknir vegna
gruns um að hafa kveikt í, en öðrum
manninum var sleppt um miðjan dag.
Hinn sætti yfirheyrslum lögreglunn-
ar á Borgarnesi fram eftir kvöldi.
Einnig voru nokkur vitni yfirheyrð
vegna málsins.
Á fimmta tímanum í gærmorgun
varð eldur laus í parhúsi við Sóltún á
Hvanneyri. Einn karlmaður býr í
íbúðinni og komst hann út með því að
brjóta rúðu og skríða þar út, en húsið
var fullt af sóti og reyk. Kallaði hann á
hjálp í næsta húsi og þaðan var óskað
eftir lögreglu og slökkviliði.
Svo vel vildi til að einn slökkviliðs-
maðurinn á Hvanneyri, Guðmundur
Hallgrímsson, var með mörg fullhlað-
in slökkvitæki í bíl sínum, sem áttu að
fara upp í Hvítársíðu í gær. Hann fór
að húsinu og þegar hann sá að
slökkviliðsbíllinn var rétt ókominn
braut hann rúðu í herberginu sem
eldurinn logaði í, og með snarræði var
hann nánast búinn að slökkva eldinn,
sem logaði í sófa og stól, með því að
tæma úr tveimur tækjum.
Lögreglan af höfuðborgar-
svæðinu aðstoðar
Slökkviliðsstjórinn á Hvanneyri,
Kristján Pétursson, fór síðan inn í
húsið, búinn reykköfunartækjum,
með vatnsslöngu úr bílnum og drap í
þeirri glóð sem eftir var. Slökkviliðs-
starfið gekk mjög vel og var lokið fyr-
ir kl. 5. Eldurinn var staðbundinn og
húsnæðið skemmdist ekki mikið,
nema af völdum sóts og reyks. Engar
skemmdir urðu á hinni íbúðinni í hús-
næðinu.
Líkt og áður segir leikur grunur á
íkveikju og er málið rannsakað sem
slíkt. Tæknideild lögreglunnar á höf-
uðborgarsvæðinu aðstoðar lögregl-
una í Borgarnesi við rannsóknina og
kom hún á vettvang í gær og lokaði
allstóru svæði í kringum húsið.
Fréttaritari fékk því ekki leyfi til að
koma nálægt húsinu, vegna rann-
sóknarvinnu lögreglu.
Kveikt var í íbúðar-
húsnæði á Hvanneyri
Morgunblaðið/Davíð Pétursson
Rannsókn Lögreglumenn úr tæknideild lögreglunnar á höfuðborgarsvæð-
inu rannsökuðu vettvang, en grunur leikur á að um íkveikju sé að ræða.
Morgunblaðinu
hefur borist eft-
irfarandi yfirlýs-
ing Árna M.
Mathiesen, setts
dómsmálaráð-
herra við skipun
dómara í héraðs-
dóma Norður-
lands eystra og
Austurlands,
vegna greinar-
gerðar dómnefndar um hæfi um-
sækjenda:
„Í tilefni greinargerðar sem
dómnefnd, skv. 12. gr. laga nr. 15/
1998 um dómstóla, sendi frá sér í
gær 9. janúar 2008 vegna skipunar
dómara í Héraðsdóm Norðurlands
eystra og Héraðsdóm Austurlands
er óhjákvæmilegt að koma að
nokkrum athugasemdum.
Nefndin fer rangt með þegar
hún heldur því fram að það sé
einsdæmi að ráðherra fari ekki
að áliti nefndarinnar. Um það
eru bæði nýleg og eldri dæmi.
Einu gildir hversu mikill munur
er á áliti nefndarinnar og nið-
urstöðu ráðherrans. Staðreyndin
er sú að það er ekki einsdæmi að
ekki sé farið að áliti nefndarinn-
ar.
Ráðherra ber í störfum sínum
að taka sjálfstæða afstöðu til mála
sem fyrir hann eru lögð og meta
sjálfstætt álit hinna ýmsu nefnda
sem vinna að undirbúningi mála
fyrir hann. Það er ráðherrann sem
hefur skipunarvaldið og þar með
ábyrgðina og hvorugu getur hann
afsalað sér. Honum ber að fara
eftir eigin sannfæringu í sérhverju
máli en ekki sannfæringu annarra.
Í þessu tilfelli telur ráðherrann að
gallar hafi verið á umsögn dóm-
nefndar sem hafi verið ógagnsæ,
lítt rökstudd og innra ósamræmis
gætt við mat á reynslu sem hin
ýmsu störf gefa. Dómnefndin hef-
ur auðvitað þann lýðræðislega rétt
að hafa skoðun á niðurstöðu og
rökstuðningi ráðherrans en ráð-
herranum ber beinlínis skylda til
þess að hafa skoðun á umsögn
nefndarinnar og fara eftir eigin
mati við skipun í embættið ef hann
greinir á við nefndina.
Dómnefndin starfar eftir reglum
sem byggðar eru á dómstólalögum
frá 1998. Greinilegt er að nefndin
hefur misskilið hlutverk sitt og tel-
ur sig hafa vald sem hún hefur
ekki því í 7. gr. reglnanna segir:
„Umsögn nefndarinnar er ekki
bindandi við skipun í embætti hér-
aðsdómara“.“
Ráðherra segir dómnefnd
misskilja hlutverk sitt
Árni M.
Mathiesen
 Meira á mbl.is/ítarefni
PÉTUR Kr. Haf-
stein, formaður
dómnefndar um
dómstóla, segir
að í yfirlýsingu
sem Árni M.
Mathiesen, sett-
ur dóms-
málaráðherra,
sendi frá sér í
gær séu slíkar
rangfærslur að nefndin vilji ekki
elta ólar við þær í fjölmiðlum.
Árni skipaði Þorstein Dav-
íðsson í embætti dómara við Hér-
aðsdóm Norðurlands eystra og
Austurlands en dómnefnd taldi
þrjá aðra umsækjendur hæfari.
Nefndin mun ekki aðhafast frek-
ar í málinu, að sögn Péturs, og
vísar í greinargerð en frétt um
hana birtist í Morgunblaðinu í
gær.
Rangfærslur
í yfirlýsingu
ráðherra
Pétur Kr. Hafstein
RÚMLEGA 105 þúsund flugvélar
fóru um íslenska flugstjórnar-
svæðið árið 2007 og er það 7,7%
aukning frá árinu á undan. Farþeg-
ar í innanlandsflugi fóru yfir hálfa
milljón og er það einnig talsverð
aukning frá fyrra ári.
Þetta kemur fram í nýjum tölum
frá Flugstoðum ohf. sem hafa nú
lokið sínu fyrsta starfsári.
Íslenska flugstjórnarsvæðið er
um 5,4 milljónir ferkílómetrar að
stærð. Það nær frá Greenwich-
lengdarbaugnum í austri og vestur
fyrir Grænland, frá Norðurpólnum
og suður fyrir Færeyjar, langleið-
ina til Skotlands. 289 flugvélar fóru
um svæðið á dag að jafnaði og voru
32% þeirra í flugi til eða frá Íslandi.
Á síðustu fjórum árum hefur um-
ferð um íslenska flugstjórn-
arsvæðið aukist að meðaltali um
7,6% á ári. Á sama tímabili hefur
flugumferð yfir Norður-Atlants-
hafið aukist um 5,2% á ári að með-
altali.
Um 47% farþega í innanlands-
flugi fóru um Reykjavíkurflugvöll,
22% um Akureyrarflugvöll, 16% um
Egilsstaðaflugvöll, 5% um Ísafjarð-
arflugvöll og 5% um Vestmanna-
eyjaflugvöll. Mest aukning í innan-
landsflugi var á flugleiðunum á
milli Reykjavíkur og Akureyrar þar
sem farþegafjöldi fór yfir tvö
hundruð þúsund.
Morgunblaðið/Kristinn
Fjöldi Farþegar voru yfir 200 þús. á
milli Reykjavíkur og Akureyrar.
105 þúsund vélar fóru um
íslenska flugstjórnarsvæðið
Undrast
ákvörðun Borg-
arleikhúss
BORGARFULLTRÚAR sjálfstæð-
ismanna lögðu fram eftirfarandi
bókun í menningar- og ferða-
málaráði Reykjavíkur í fyrradag
en meirihlutinn stóð ekki að bók-
uninni.
„Fulltrúar Sjálfstæðisflokksins
í menningar- og ferðamálaráði
Reykjavíkurborgar lýsa yfir
undrun sinni á því að einn helsti
leiklistargagnrýnandi landsins
hafi verið tekinn af boðslista
frumsýningargesta í Borgarleik-
húsinu, að því er virðist vegna
óánægju með skrif hans. Mik-
ilvægt er að Borgarleikhúsið,
sem rekið er fyrir skattfé Reyk-
víkinga, kappkosti að vera í sam-
bandi við leiklistargagnrýnendur
dagblaðanna og gæti jafnræðis
gagnvart þeim varðandi aðgang
að frumsýningum, jafnvel þótt
stjórnendur hússins kunni að
vera ósáttir við skrif einstakra
manna.“