Morgunblaðið - 11.01.2008, Blaðsíða 20

Eftir Bergþóru Njálu Guðmundsdóttur
ben@mbl.is
Davíð Örn Halldórsson er með eitt áhreinu varðandi dagskrá næstkom-andi sunnudags: Hann ætlar að sofavel og lengi út. Það á hann líka skilið
eftir stranga vinnutörn undanfarnar vikur en
þeirri lotu lýkur nú á laugardag þegar einka-
sýning hans, Absolút gamall kastale, opnar í
Gallerí Ágúst.
Á sýningunni verður geipistór mynd sem
Davíð málar beint á vegg gallerísins til sýnis
auk minni mynda sem málaðar eru á viðar-
plötur. Orðið graffití kemur upp í hugann þar
sem myndlist Davíðs er annars vegar en hann
vísar öllum slíkum tengingum á bug. „Ræt-
urnar mínar liggja ekki í veggjakroti og ég
byggi ekki á neinu graffitíi eins og við þekkjum
það í dag,“ segir hann. „Sennilega koma þessar
pælingar fólks til af því að ég vinn myndirnar
beint á vegginn og eins eru þær mjög litríkar.“
Undanfarið hefur Davíð staðið í ströngu
vegna sýningarinnar. „Það er alltaf viss tauga-
veiklun í kringum svona opnanir og ég er búinn
að vera ansi duglegur að vinna að myndunum
undanfarnar vikur. Jólin voru t.d. að mestu á
vinnustofunni,“ segir hann en ætlar sér þó að
vera kominn úr vinnugallanum talsvert fyrir
opnunina á laugardag. „Ég vona að ég eigi af-
slappaðan föstudag en maður veit aldrei – þetta
tekur alltaf lengri tíma en maður býst við.
Stundum reynist erfitt að vera nægilega skipu-
lagður þegar til kastanna kemur.“
Kominn tími á hvíld
Opnunin er kl. 16 og að henni lokinni á Davíð
von á að fara út að borða ásamt vinum og vanda-
mönnum. „Svo ætla ég að sofa lengi út á sunnu-
daginn. Það er kominn tími á hvíld.“
Hann hyggst þó ekki sitja alveg auðum hönd-
um eftir að hann er búinn að nudda stírurnar úr
augunum. „Það er opnunarhelgi í Hafnarhús-
inu, í Listasafni Reykjavíkur. Þar verður Ingi-
rafn Steinarsson með innsetningu í D-salnum
og aðalmálið er síðan sýning á verki Steingríms
Eyfjörð frá Feneyjatvíæringnum í fyrra. Ég
ætla því að reyna að kíkja þangað um helgina, á
sunnudag eða laugardag ef hann verður alveg
rosalega rólegur hjá mér, eins stefnt er að. Það
eru svona helmingslíkur á að það takist.“
Litlir listamenn á gestalista
Inntur eftir því hvernig helgarnar eru hjá
honum annars segir Davíð þær óttalega mis-
munandi. „Maður dettur inn í skemmtileg mat-
arboð og veislur og svo er kannski kíkt á ein-
hverja staði niðri í bæ. En satt best að segja er
ég búinn að vera meira og minna á vinnustof-
unni allt síðasta ár. Virka daga er ég að vinna á
leikskólanum Tjarnarborg og er þess vegna að-
eins duglegri að mála um helgar.“ Davíð vinnur
við myndlistarkennslu í leikskólanum og því
liggur beint við að spyrja hann hvort hann eigi
von á litlum myndlistarmönnum þaðan á sýn-
inguna? „Ég ætla að reyna að koma því í kring
að bjóða foreldrum og börnum og til dæmis eru
nokkrir strákar, sem útskrifuðust í vor og eru
byrjaðir í sex ára bekk, sem mig langar sér-
staklega að bjóða.“
Eins og lög gera ráð fyrir verða verkin á sýn-
ingu Davíðs til sölu, þ.e. þau sem yfirhöfuð er
hægt að flytja með góðu móti út úr galleríinu.
„Jú, það er allt falt,“ segir hann. „Enda er það
hluti af gleðinni fyrir mig sem listamann ef ein-
hverjar þessar myndir rata upp á stofuveggi hjá
öðrum.“
Morgunblaðið/Golli
Listamaðurinn Davíð Örn Halldórsson ætlar að vera duglegur að kíkja á sýningar annarra
myndlistarmanna um helgina, þegar hann er búinn að opna sína sýningu í Galleríi Ágúst.
Veggjalist í
miðbænum
Morgunblaðið/Valdís Thor
Litrík Ein af myndunum hans Davíðs.
Gallerí Ágúst er til húsa að Baldursgötu 12 og
stendur sýning Davíðs til 23. febrúar. Opið er
miðvikudaga-laugardaga milli kl. 12 og 17.
|föstudagur|11. 1. 2008| mbl.is
daglegtlíf
Kristín Guðmundsdóttir ákvað að fylgja
eftir bullandi sígaunaeðlinu sem blund-
aði í henni og gerast kafteinn á skútu við
Tyrklandsstrendur. »22
ferðalög
Þeir borgarbúar sem klæjar orðið í skíða-
fótinn ættu að fylgjast með stöðu mála í
Bláfjöllum því vera kann að þar verði
opnað fyrir almenning um helgina.» 22
mælt með
Leikritið: Fool for Love sem sýnt er í Austurbæ.
Sýningin: Sýning Ingarafns Steinarssonar og Steingríms Eyfjörð sem verður opnuð
í Hafnarhúsinu um helgina.
Bíómyndin: Myndin I’m not there sem er um Bob Dylan.
Kaffihús: Kaffiskammt dagsins sæki ég á Kaffibarinn í Bergstaðastræti.
Afslöppunin: Að sofa út og slaka vel á eftir góða vinnutörn.
Davíð Örn mælir með …
ÞAÐ er ekki bara minnið sem versnar með
árunum. Ný rannsókn sýnir að ímyndunar-
aflið lætur einnig undan.
Vísindamenn telja að minni og ímyndunar-
afl sé tengdara hvað öðru en hingað til hefur
verið talið, hefur vefmiðillinn forskning.no
eftir tímaritinu Nature.
Tveir hópar fólks tóku þátt í rannsókninni,
í öðrum voru þátttakendur 25 ára en 72 ára í
hinum. Bæði hinir eldri og yngri voru beðnir
um að sjá fyrir sér atburð sem gæti hent þá í
framtíðinni út frá ákveðnu stikkorði. Mark-
miðið var að prófa hugarflug þátttakenda.
Eitt stikkorðið var „mótor“ og sá unga
fólkið fyrir sér að það æki í hárauðum blæju-
bíl eftir glæsilegum strandvegi á heitum
sumardegi. Það sá fyrir sér mávana sem
hnituðu hringi fyrir ofan það meðan vind-
urinn léki um hárið og lyktin af söltum sjó
bærist að vitum þess.
Þegar þeir eldri áttu að gefa ímyndunar-
aflinu lausan tauminn varð niðurstaðan svo-
lítið eins og að skoða upplitaða svart-hvíta
ljósmynd. „Einn hinna eldri sá t.d. fyrir sér
að hann æki um í Saabinum sínum án þess að
hafa of miklar áhyggjur af eldsneytis-
útgjöldunum,“ skrifa vísindamennirnir. Al-
mennt voru ímyndanir þeirra eldri rýrari að
innihaldi og atburðarás.
Muna staðreyndir vel
Minni þátttakenda var einnig kannað með
því að láta þá rifja upp atburði úr eigin lífi.
Vísindamennirnir uppgötvuðu áhugaverðan
mun á svokölluðu innra og ytra minni hjá
hinum eldri. Ytra minni er það sem við not-
um til að geyma hlutlausar staðreyndaupp-
lýsingar, s.s. að himinninn hafi verið heiður
og sólin skinið þegar ákveðinn dagur er rifj-
aður upp. Innra minnið er notað til að muna
tengsl milli manneskja og atburðarás – er í
rauninni það tól sem leikur fyrir okkur
„innri kvikmynd“ þegar við hugsum til baka
til ákveðins dags.
Þeir eldri reyndust oft á tíðum hafa gott
ytra minni og voru lunknir við að gefa mikl-
ar upplýsingar um staðreyndir. Innra minnið
var hins vegar áberandi verra en hjá þeim
sem yngri voru. Þetta vilja vísindamennirnir
tengja við það sem virðist vera versnandi
hæfileiki til að ímynda sér hluti.
Rannsóknin styður við nýja kenningu inn-
an taugasjúkdómafræða, þ.e. að minni og
ímyndun noti að miklu leyti sama taugasvæði
í heilanum. „Kannski er stærsta hlutverk
minnisins í raun ekki að passa upp á fortíð-
ina heldur að hjálpa okkur að sjá fyrir okkur
framtíðina og undirbúa okkur fyrir hana,“
segja vísindamennirnir að lokum.
Hugarflugið veikist með aldrinum
Reuters
Hugarflugslaus? Hvort gleraugun hjálpi
Greenspan við að sjá betur fyrir sér framtíð-
ina en ella skal ósagt látið.