Morgunblaðið - 03.03.2008, Blaðsíða 2

2 MÁNUDAGUR 3. MARS 2008 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann
Björnsson, fréttastjóri, bjb@mbl.is Daglegt líf Anna Sigríður Einarsdóttir, annaei@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi,
gudlaug@mbl.is Minningar minning@mbl.is, Stefán Ólafsson, Arnór Ragnarsson Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Sigurlaug Jakobsdóttir, dagskra@mbl.is mbl.is netfrett@mbl.is Guðmundur
Sv. Hermannsson fréttastjóri gummi@mbl.is
Vestmannaeyjar | Stórhríð gekk yfir Vest-
mannaeyjar í fyrrinótt og í gær og hefur ekki
verið meiri snjór í Eyjum í áratugi. Flestar
götur voru ófærar og var fólki ráðlagt að halda
sig heima við.
Lögregla og Björgunarfélag Vestmannaeyja
höfðu í nógu að snúast við að koma fólki úr og
í vinnu og í Herjólf.
Tíðindum sætir að dæmi voru um að fólk
sem ætlaði með Herjólfi komst hvergi því ekki
var hægt að koma bílunum um borð. Und-
antekning var að sjá bíla á ferðinni og þeir
sem hættu sér út óðu snjóinn í geirvörtur þar
sem ófærðin var mest. Ekki var lögreglu kunn-
ugt um slys á fólki en bíll lenti út af í ófærð-
inni án þess að nokkur meiddist.
Mesti snjór í áratugi
„Þetta er mesti snjór sem ég man eftir frá
því ég byrjaði í lögreglunni fyrir 25 árum,“
sagði Jóhannes Ólafsson, yfirlögregluþjónn í
Vestmannaeyjum, þegar Morgunblaðið ræddi
við hann í gær. Þá var hann nýkominn til
vinnu. „Þeir sem lengst muna segja að ekki
hafi jafnmikill snjór komið hér síðan í lok mars
1968, eða fyrir sléttum 40 árum. Þá féll hér
einhver mesti snjór sem menn muna eftir,“
bætti hann við.
„Ég þurfti aðstoð Björgunarfélagsins til að
komast til vinnu og tók ferðin um 40 mínútur,“
sagði Jóhannes, sem býr í um kílómetra fjar-
lægð frá lögreglustöðinni. Stendur hún við
Faxastíg og er neðarlega í bænum.
„Þetta er ótrúlega mikill snjór og skaflar
sem eru vel á fjórða metra. Björgunarfélagið
og við höfum verið að aðstoða fólk við að kom-
ast í og úr vinnu enda ekki fært nema fyrir öfl-
ugustu bíla að fara um bæinn. Höfum við ráð-
lagt fólki að vera ekki á ferðinni. Ljóst að ekki
komast allir með Herjólfi sem ætluðu sér að
fara í dag. Þeir komast einfaldlega ekki um
borð með bíla sína. Okkur er ekki kunnugt um
slys en einn bíll fór út af klukkan átta í morg-
un án þess að nokkur meiddist.“
Guðmundur Þ.B. Ólafsson, forstöðumaður
Þjónustumiðstöðvar Vestmannaeyjabæjar,
sagði að öll tiltæk snjóruðningstæki hefðu ver-
ið kölluð út í gærmorgun en fljótlega hefði ver-
ið hætt. „Við höfðum hreinlega ekki undan og
fennti jafnóðum í slóðina. Við höfum reynt að
halda Strandveginum opnum þannig að hægt
sé að koma loðnu milli húsa. Nú bíðum við
bara eftir að það stytti upp og lægi. Fyrr er
ekkert hægt að gera,“ sagði Guðmundur.
Braust í gegnum snjóinn
til að koma mat heim til vinar
Guðjón Sigtryggson hjá Björgunarfélaginu
sagði að þeir hefðu verið kallaðir út um klukk-
an þrjú í fyrrinótt og fyrsta verkefnið var að
koma fólki heim af skemmtistöðum.
„Við erum tíu og með tvo bíla. Þetta hefur
gengið vel fyrir sig og núna erum við að skutla
fólki um borð í Herjólf sem fer klukkan fjögur.
Við vitum dæmi þess að fólk hefur ekki komist
heiman að frá sér. Fréttum við af einum sem
braust í gegnum snjóinn til að koma mat heim
til vinar síns,“ sagði Guðjón að lokum.
Enn gekk á með éljum í Vestmannaeyjum
síðdegis í gær. Ekki er útlit fyrir að snjórinn
fari alveg á næstunni þó spáð sé þíðu á mið-
vikudaginn. Á morgun er spáð áframhaldandi
frosti og á miðvikudaginn er gert ráð fyrir
meiri snjókomu.
Morgunblaðið/Ómar Garðarsson
Fannfergi Snjóþyngsli voru í Eyjum í gær eftir stórhríð og snjóruðningstæki höfðu ekki undan.
Ófært Fólki var ráðlagt að halda sig heima við.
Óðu snjóinn upp að brjósti
Snjóruðningstæki
höfðu ekki undan í
mestu snjóþyngslum
í áratugi í Eyjum
Eftir Steinþór Guðbjartsson
steinthor@mbl.is
VONSKUVEÐUR var frá Jökulsá á
Sólheimasandi austur að Mýrdals-
sandi í gær og var Suðurlandsvegi
lokað frá Vík vestur að Skógum vegna
veðurs auk þess sem ekkert ferðaveð-
ur var frá Eyjafjöllum austur að
Kirkjubæjarklaustri. Margir öku-
menn virtu lokunina að vettugi og
höfðu björgunarmenn og lögregla
nóg að gera við að koma fólki í öruggt
skjól.
Bryndís F. Harðardóttir, formaður
svæðisstjórnar Landsbjargar á svæði
16, sem er í umdæmi lögreglunnar á
Hvolsvelli, segir að gengið hafi á með
miklu hvassviðri og ofankomu. Lög-
regla og björgunarsveitarmenn hafi
verið á fimm bílum, þremur frá
Hvolsvelli og tveimur frá Vík, við að
bjarga fólki og koma því til byggða.
Umferð hafi verið mikil og fólk hafi
ekki látið sér segjast fyrr en lögregl-
an hafi komið sér fyrir á veginum og
sagt hingað og ekki lengra. Enginn
hafi samt verið hætt kominn, en ekk-
ert hafi þýtt að ryðja því fannfergið
hafi verið það mikið. Einhverja bíla
hafi þurft að skilja eftir en reynt hafi
verið að draga sem flesta til byggða.
Að sögn Bryndísar var allt kol-
ófært í Vík enda þorpið á kafi í snjó.
„Veðrið hefur verið alveg glórulaust.
Ég hef oft verið í byl en sjaldan séð
það jafn svart. Maður sá ekki húddið
á bílnum. það var bara veggur.“ Hún
bætir við að í stuttu máli sagt hafi
ekki verið neitt ferðaveður og fólk
ætti að taka mark á því.
Minnir á 1968
„Í gærkvöldi var jafnfallinn snjór
farinn að nálgast 100 sentimetra, en
annars eru húsháir skaflar, því að
með kvöldinu hefur hvesst og skafið
mjög.“
Svo segir í Morgunblaðinu 22. mars
1968 um samfellda snjókomu í Vest-
mannaeyjum í tvo sólarhringa en
fannfergið um helgina minnir um
margt á veðrið fyrir um 40 árum. Í
gærmorgun var 50 sm jafnfallinn
snjór á Stórhöfða og síðan hélt áfram
að snjóa fram eftir degi en undir
kvöld var kominn mikill skafrenning-
ur.
Einar Sveinbjörnsson, veðurfræð-
ingur, segir á vef sínum að síðast hafi
snjódýptin á Stórhöfða verið álíka
mikil og nú 19. janúar 1993 en þá hafi
hún mælst 56 sm.
Í fyrrnefndri frétt í Morgunblaðinu
kemur fram að snjórinn 1968 hafi ver-
ið sá mesti í manna minnum og eng-
inn vetur sambærilegur nema ef vera
skyldi veturinn 1928. Einar bendir á
að í hretinu 1968 hafi verið verulegar
samgöngutruflanir á Suðurlandi, rétt
eins og nú. Þá hafi mikið snjóað í Mýr-
dal og snjóflóð fallið úr Reynisfjalli á
fjárhúsin á bænum Lækjarhvammi
og meira en 200 kindur drepist.
Suðurlandsvegur lokaður
og ökumenn í vandræðum
Morgunblað/Guðmundur Karl
Bílvelta Á ýmsu gekk í umferðinni. Enginn slasaðist þegar bifreið valt á
mótum Biskupstungnabrautar og Suðurlandsvegar í gærkvöldi.
BRESKA dag-
blaðið Financial
Times segir í
grein á vefsíðu
sinni í gær að
Geir H. Haarde
forsætisráðherra
vilji að íslensku
bankarnir rifi
seglin í útþenslu-
áformum sínum
til að draga úr áhyggjum alþjóð-
legra fjárfesta. „Bankarnir hafa
gengið fram af miklu kappi í út-
þenslunni; ef til vill er kominn tími
til að þeir fari í saumana á þeirri
stefnu,“ segir Geir í viðtali við blað-
ið. Blaðið bendir á að skuldatrygg-
ingaálag bankanna þriggja hafi sex-
faldast á undanförnu hálfu ári en
hefur eftir Geir að álagið sé alger-
lega óréttlætanlegt. „Séu menn
hræddir um að fá ekki endurgreitt,
og um það snýst trúverðugleiki þeg-
ar skuldir eru annars vegar, ættu
þeir ekki að hafa áhyggjur af ís-
lensku bönkunum, hvað þá stjórn
landsins,“ segir Geir.
Blaðið segir að ráðherrann ætli í
þessum mánuði að hrinda af stokk-
unum ímyndarherferð til að róa al-
þjóðlega fjárfesta. „Margir vita ekki
hvað er að gerast og við þurfum að
taka á því,“ segir Geir í viðtalinu.
Bankarnir
rifi seglin
Geir H. Haarde
GERT er ráð fyrir að rækjuveiðar
hefjist í Arnarfirði í vikunni eftir
að sjávarútvegsráðuneytið heimil-
aði veiðar á 150 lestum.
Fyrir skömmu lauk Hafrann-
sóknastofnunin könnun á inn-
fjarðarækjusvæðinu í Arnarfirði.
Niðurstaðan er að stofnvísitalan
hefur hækkað frá því haustið 2007
og auk þess er útbreiðsla rækj-
unnar mun meiri en undanfarna
vetur.
Í könnuninni reyndist rækjan
mun stærri en oftast áður í vor-
könnunum eða 188 stk. í kílói. Í
kjölfar könnunarinnar lagði Haf-
rannsóknastofnunin til við sjávar-
útvegsráðuneytið að heimilaðar
yrðu veiðar á 150 lestum af rækju
á vertíðinni.
Jón Þórðarson, útgerðarmaður á
Bíldudal, segir að átta leyfishafar
séu á rækjunni en tveir bátar,
Höfrungur BA og Brynjar BA,
hefji veiðarnar. Hins vegar verði
rækjuverksmiðjan á staðnum ekki
ræst þar sem ekki taki því fyrir
svo lítið magn, en rækjan verði
seld í burtu.
Morgunblaðið/Ómar
Löndun Frá rækjulöndun á Bíldu-
dal fyrir tveimur árum.
Rækju-
veiðar
hefjast í
Arnarfirði