Morgunblaðið - 21.04.2008, Síða 4

4 MÁNUDAGUR 21. APRÍL 2008 MORGUNBLAÐIÐ
FRÉTTIR
Heimsferðir bjóða frábært tilboð á allra síðustu sætunum frá
Alicante 10. maí í 12 nætur. Gríptu tækifærið og tryggðu þér sæti
á frábærum kjörum.
Skógarhlíð 18 • sími 595 1000 • www.heimsferdir.is
Frábært tilboð frá
Alicante
10. maí
frá aðeins kr. 9.990
Síðustu sætin!
Verð kr. 9.990
Netverð á mann. Flugsæti aðra leið (ALC-KEF).
Sértilboð 10. maí.
Munið Mastercard
ferðaávísunina
Birt með fyrirvara um prentvillur. Heimsferðir áskilja sér rétt til leiðréttinga á slíku.
Ath. að verð getur breyst án fyrirvara.
Eftir Guðmund Sverri Þór
sverrirth@mbl.is
RAUNÁVÖXTUN Lífeyrissjóðs
starfsmanna ríkisins og Lífeyris-
sjóðs hjúkrunarfræðinga var nei-
kvæð á síðasta ári. Hjá LSR, sem er
stærsti lífeyrissjóður landsins miðað
við eignir, nam nafnávöxtun 5,1% og
hjá LH 4,4% en raunávöxtun LSR
var því -0,8% og LH -1,5%. Þetta
kemur fram í yfirlitsblaði frá LSR
sem finna má á vef sjóðsins en raun-
ávöxtun fæst með því að draga verð-
bólgu frá nafnávöxtun og verðbólga
síðasta árs var 5,9%. Á síðasta ári
var raunávöxtun 10,9% hjá LSR en
11,1% hjá LH en þegar litið er yfir
lengra tímabil má sjá að meðaltal
raunávöxtunar undanfarin fimm ár
er 8,7 hjá LSR og 8,8% hjá LH.
Þegar litið er til enn lengri tíma, þ.e.
10 ára, er meðaltal raunávöxtunar
hjá LSR 5,7% en hjá LH 5,6%.
Hrein eign LSR í árslok til
greiðslulífeyris nam tæpum 317
milljörðum króna og jókst hún um
34,6 milljarða frá árinu áður. Iðgjöld
ársins námu 15,8 milljörðum króna,
uppgreiðslur og innborganir vegna
skuldbindinga 14,2 milljörðum og
fjárfestingartekjur 15,3 milljörðum.
Lífeyrisgreiðslur ársins námu 16
milljörðum króna. Hrein eign LH
jókst um 985 milljónir króna á síð-
asta ári og var hún ríflega 23,1 millj-
arður í árslok. Iðgjöld sjóðsins
námu 280 milljónum króna, upp-
greiðslur 357 milljörðum og fjárfest-
ingartekjur ríflega milljarði króna
en lífeyrisgreiðslur ríflega 1,1 millj-
arði.
Samanlagðar eignir sjóðanna
skiptist þannig að fjárfestingar
nema 327,6 milljörðum króna, kröf-
ur 1,5 milljörðum og undir aðrar
eignir falla tæpir 12 milljarðar
króna. Tæplega 70% verðbréfaeign-
ar sjóðanna eru í íslenskum krónum
en ríflega 30% í erlendum gjaldmiðl-
um.
Árið 2007 reyndist íslenskum fjár-
festum ekki happadrjúgt og eru líf-
eyrissjóðir þar engin undantekning.
Á meðfylgjandi töflu má sjá raun-
ávöxtun nokkurra sjóða á árinu.
Raunávöxtun LSR og LH
var neikvæð á síðasta ári
Eignir lífeyrissjóðanna tveggja jukust
um tæplega 36 milljarða króna á árinu









 




 


 


  




 

  


 




 




 



  

!


 

"


 

#$ 
%&'
%&(
)&%
)&)
*&+
*&%
*
,*&-
,*&'
,)&)
,)&.
,)&.
,%&/
 



 


  AUSTFIRÐINGAR léku við hvern sinn fingur í veður-
blíðunni í gær. Þar skein sólin í heiði á lognværum og
mildum degi og vorhugur kominn í fólk þótt enn sé
töluverður snjór í hlíðum. Þessi eskfirski kappi lék í
gær listir sínar á sjóketti og lét sér hvergi bregða þótt
gusurnar gengju yfir hann. Spáð er góðu veðri fram
eftir vikunni en á föstudag á að kólna með norðaust-
anátt. Átökum árstíðanna er sem sagt ekki alveg lokið.
Á sjóketti í blíðunni á Eskifirði
Morgunblaðið/Helgi Garðarsson
KRISTJÁN
Möller sam-
gönguráðherra
hitti í opinberri
heimsókn sinni til
Brüssel Jacques
Barrot, fram-
kvæmdastjóra
samgöngumála
hjá ESB, og
ræddi m.a. við
hann um hvíldartíma bílstjóra.
„Við sögðum honum frá þessu eins
og öðru en lögðum jafnframt fram
undanþágubeiðnir um hvíldartíma
ökumanna, sem eru sameiginlegar
tillögur SA og ASÍ um lítils háttar
breytingar,“ segir Kristján. Hann
segir tillögurnar hafa verið lagðar
inn hjá ESA, eftirlitsstofnun ESB,
og þar muni þær fara í gegnum
venjulegt ferli. „Þeir sögðust mundu
láta sérfræðing skoða þessar sérís-
lensku aðstæður sem bent hefur ver-
ið á,“ segir Kristján en tekur skýrt
fram að ekki sé verið að veita neinn
afslátt á umferðaröryggi og að ekki
komi til greina að fella reglurnar all-
ar úr gildi eins og þeir sem stóðu fyr-
ir mótmælum nýlega kröfðust.
Tillögurn-
ar til ESA
Afsláttur ekki veittur
á umferðaröryggi
Kristján Möller
„REI-málið rist-
ir miklu dýpra
en svo, að unnt
sé að kalla borg-
arstjórnarflokk
sjálfstæðis-
manna einan til
ábyrgðar. Vissu-
lega ber hann
mikla ábyrgð í
öllu tilliti. Hann
er öflugasta
stjórnmálaaflið innan borgar-
stjórnar. Sjálfstæðismenn mynda
hins vegar ekki hreinan meirihluta
í borgarstjórn og þurfa þess vegna
samstarf við aðra til að sigla OR/
REI á lygnan sjó með hagsmuni
Reykvíkinga að leiðarljósi,“ skrifar
Björn Bjarnason, dómsmálaráð-
herra, í pistli á vefsvæði sínu,
bjorn.is, í gærdag.
Ráðherrann telur margt benda
til, að í samvinnu við eins-manns-
flokk takist borgarstjórnarflokki
sjálfstæðismanna ekki að „sigla
OR/REI á lygnan sjó“. Rekur
hann það ekki aðeins til ágreinings
milli borgarfulltrúa Sjálfstæðis-
flokks og „samstarfsmannsins“
heldur einnig mismunandi sjónar-
miða sjálfstæðismanna. „Vægi
þess ágreinings verður meira í
samstarfi við eins-manns-flokk en
ef samstarf tækist um fjölskipaðri
meirihluta. Ég hef hvatt til þess,
að innan borgarstjórnar reyndu
menn til þrautar að mynda slíkan
meirihluta, sem tæki markvisst á
innanmeinum í stjórnsýslu borg-
arinnar og þar á meðal Orkuveitu
Reykjavíkur.“
Verða að treysta á samstarf
Björn fjallar einnig stuttlega um
nýlegan leiðara Morgunblaðsins,
þar sem m.a. segir að ekki sé um
annað að ræða en að forysta Sjálf-
stæðisflokksins láti málefni borg-
arstjórnarflokksins til sín taka.
Ráðherrann telur þetta ekki rétt-
mæt ummæli, málið verði að leysa
í borgarstjórn. „Þar verða menn
að koma sér saman um niðurstöð-
una og hvergi annars staðar. Sjálf-
stæðismenn ráða þar ekki einir
ferð, þeir verða að treysta á sam-
starf við aðra.“
Ráðherrann klykkir svo út með
þeim orðum að takist borgar-
fulltrúum Sjálfstæðisflokks að
sameina borgarstjórn um þá
ákvörðun, að Orkuveitan einbeiti
sér að því að sinna þjónustu við
viðskiptavini sína, eigi þeir heiður
skilinn og þakklæti borgarbúa.
REI-málið
ristir djúpt
Björn Bjarnason
Ráðherra ekki bjart-
sýnn á góða útkomu
MIKIL óvissa er um hvernig skipu-
lagi á miðhálendinu verður háttað
verði frumvarp umhverfisráðherra
um ný heildarlög um skipulagsmál
að lögum, að því er segir í umsögn
Sambands íslenskra sveitarfélaga.
Sambandið leggst alfarið gegn því
að frumvarpið verði samþykkt
nema á því verði gerðar breytingar.
Ein meginbreytingin með frum-
varpinu er að ríkisvaldinu er ætlað
að leggja fram stefnumótun sína í
skipulagsmálum sem varða al-
mannahagsmuni. Nefnist sú stefnu-
mótun landsskipulagsáætlun.
Sambandið leggur m.a. áherslu á
að heiti landsskipulags verði breytt
þannig að um verði að ræða lands-
skipulagsstefnu „enda er sá mikli
galli á orðinu landsskipulagsáætlun
að nærtækt er að álykta að um sé
að ræða skipulagsáætlun sem sé
rétthærri en skipulagsáætlanir
sveitarfélaga“, segir í umsögninni
en Sambandið telur afar mikilvægt
að landsskipulagsáætlun ríkisins
verði ekki gerð rétthærri skipulags-
valdi sveitarfélaga.
Ekki tæki ríkisvaldsins
Sambandið er jafnframt eindreg-
ið þeirrar skoðunar að landsskipu-
lag megi aldrei nota sem tæki fyrir
ríkisvaldið til að knýja fram til-
tekna framkvæmd í andstöðu við
vilja sveitarstjórna, s.s. nýja virkj-
un á miðhálendinu. „Telur sam-
bandið til dæmis alls ekki sjálfgefið
að ríkið eigi að hafa meiri áhrif á
skipulagsákvarðanir á miðhálendinu
en annars staðar á landinu.“
Ekki náðist í Þórunni Svein-
bjarnardóttur umhverfisráðherra
en á málþingi Skipulagsstofnunar
um landsskipulag, sem haldið var
fyrr í mánuðinum, sagðist hún með-
vituð um að tillögurnar væru um-
deildar.
„Sumir halda því jafnvel fram að
með landsskipulagi yrði skipulags-
valdið að stórum hluta tekið frá
sveitarstjórnunum. Ég er alls ekki
þeirrar skoðunar og legg áherslu á
að eftir sem áður muni höfuðábyrgð
og forræði á skipulagsgerð liggja
hjá sveitarfélögunum. [...] Ég tel
líka bæði æskilegt og eðlilegt að
löggjafinn leggi fram sína heild-
stæðu sýn í skipulagsmálum á
landsvísu, og marki þar með skýra
framtíðarstefnu um nýtingu þeirra
land- og auðlindakosta sem varða
hagsmuni landsmanna allra.“
Óvissa skapast um skipu-
lagsmál á miðhálendinu
Samband íslenskra sveitarfélaga vill breytingar á frumvarpi