Morgunblaðið - 23.05.2008, Síða 15

MORGUNBLAÐIÐ FÖSTUDAGUR 23. MAÍ 2008 15
ÚR VERINU
Fáðu fréttirnar
sendar í símann þinn
Eftir Helga Bjarnason
helgi@mbl.is
„ÞETTA er lokaspretturinn hjá
okkur. Það styttist í að við förum
heim og reynum að veiða ýsu fyrir
norðan,“ sagði Arnþór Hermanns-
son, skipstjóri á Sæþóri EA 101
frá Árskógssandi. Hann hefur róið
frá Grundarfirði á vetrarvertíðinni
ásamt bræðrum sínum, Guðmundi
og Heimi.
Bræðurnir hafa í mörg ár róið
frá Grundarfirði á veturna. Í ár
komu þeir þangað 15. febrúar.
Þeir hafa átt góðan vetur. „Þetta
er lélegasti dagurinn, hálft fjórða
eða fjögur tonn í fimm trossur,“
sagði Arnþór í gær en þeir voru
þá í brúnunum úti af Arnarstapa,
höfðu fært sig úr Breiðafirðinum.
„Það er að dofna yfir þessu. Fisk-
urinn virðist vera genginn út.
Þetta er þó betra en í fyrra á
þessum tíma.“ Hann sagði að í maí
hefðu þeir fengið mest tólf tonn í
róðri og oft á bilinu 7 til 9 tonn.
Hörkuvinna
Vel hefur gengið hjá bræðr-
unum á Sæþóri í vetur. Þeir hafa
verið með fáar trossur í sjó,
lengstum þrjár, enda sagði Arnþór
að þeir hefðu ekki annað meiru.
Þeir fengu oftast 15 til 16 tonn af
þorski í róðri.
Sæþór er meðal aflahæstu smá-
báta á netum á vertíðinni, að því
er fram kemur á vefnum aflafrett-
ir.com, og aflar meira en margir
stórir vertíðarbátar.
Arnþór sagði að ekki væri hægt
að bera þeirra afla saman við þá
sem leggja áherslu á að bera sem
mest að landi. „Við gerum ýmis-
legt annað, slægjum allt og göng-
um síðan frá aflanum í landi. Það
fer mikill tími í það og fyrir
bragðið komumst við ekki yfir öllu
meira og komum með miklu færri
tonn en þeir aflahæstu.“
Það er hörkuvinna að slægja all-
an aflann um borð í smábát og
vinnuaðstaðan ekki upp á marga
fiska. Þannig sagði Arnþór að þeg-
ar mikið væri í netunum þyrftu
menn mikið að beygja sig niður á
dekk eftir fiskinum. Tíminn sem
fer í að draga netin tvöfaldast við
slæginguna. Slægt er í ískrapa og
svo bætast oft tveir til þrír tímar
við í landi þegar fiskinum er raðað
í ker og ísað.
„Þetta er hörkuvinna og erfið.
Maður hefði svo sem getað lagt
meira á sig, með því að hafa fleiri
net í sjó, en mér fannst þetta al-
veg nóg,“ sagði Arnþór.
– Af hverju leggið þið þetta á
ykkur?
„Það er gert til þess að reyna að
nýta kvótann betur. Svo fæst svo-
lítill peningur fyrir gotuna og lifr-
ina sem annars fengist ekki.
Þá er erfitt að fá kvóta leigðan
og hann er allt of dýr. Verðið sem
fæst fyrir fiskinn er ekki nógu
hátt til þess að gera út með leigu-
kvóta.“
– Borgar þetta sig?
„Já, ég held að það sé allt í lagi.
En það er svo sem ekki mikið eft-
ir. Ef við þurfum að greiða 250
kall fyrir kílóið er lítið eftir.
Kvótaverðið er alltaf að hækka.
Við leigðum kvóta í fyrra á 170
krónur. En þetta byggist auðvitað
á því að það séu einhverjir vitleys-
ingar, eins og við, sem eru tilbúnir
að leigja á þessu verði.“
Sæþór hefur mest lagt netin út
af Brúnunum í Grundarfirði í vet-
ur. Þar hefur verið mikill fiskur,
eins og út um allan sjó. „Það vita
allir sem fylgjast eitthvað með að
það er nóg af fiski í sjónum, það
er alveg sama hvar borið er nið-
ur,“ sagði Arnþór. Hann sagði
verst að fiskifræðingarnir fyndu
hann ekki.
Arnþór telur að ef þær aðferðir
sem notaðar hafa verið til að
byggja upp þorskstofninn skili
ekki árangri ættu menn að snúa
sér að einhverju öðru. Nefnir að
sífellt fjölgi öflugum trollurum
sem megi fara upp undir þrjár til
fjórar sjómílur. Það gæti verið ráð
að koma þeim utar, þar sem þeir
skemmdu minna.
Góð reynsla á samstarfið
Hermann Guðmundsson, faðir
þeirra bræðra, er útgerðarmaður
Sæþórs. Bræðurnir hafa lengi róið
saman eða í yfir tuttugu ár. Sam-
starfið hefur gengið vel. „Þetta
hentar okkur vel, það er komin
mikil reynsla á það. Við förum
ekki að taka upp á því núna að
vera með ósamkomulag,“ sagði
skipstjórinn.
Stutt í að við förum að
reyna við ýsuna fyrir norðan
Bræðurnir á
Sæþóri EA hafa
gert góða vertíð
í Grundarfirði
Ljósmynd/Grétar Þór Sæþórsson
Löndun Strákarnir á Sæþóri EA 101 hafa verið að fiska vel í vetur og gera
enn þó heldur hafi dregið úr mokinu upp á síðkastið.
Stórlúða Alltaf er gaman að fá
stórlúðu. Lúðan sem Arnþór Her-
mannsson skipstjóri mælir sig við
reyndist liðlega hálfur annar metri
á lengd og fór beint á markaðinn.
Í HNOTSKURN
»Sæþór EA-101 er rúmlegaársgamall plastbátur, 30 tonn
að stærð. Hann er af gerðinni
Víking 1500, smíðaður af Sam-
taki ehf. í Hafnarfirði fyrir út-
gerðina, G. Ben ehf. Hann er á
netaveiðum.
»Báturinn er gerður út fráÁrskógssandi, róið frá
Grundarfirði á vetrarvertíð en
aflinn fluttur norður í land og
lagður upp á GPG-fiskverkun
ehf. á Húsavík.
GÓÐ aflabrögð eru hjá bátum sem
gera út frá Grundarfirði, í öllum
veiðiskap. „Það er mok hjá troll-
urunum og góð rækjuveiði. Þá er
mjög gott á handfærum,“ segir Haf-
steinn Garðarsson hafnarvörður og
á hann þá ótalinn árangurinn á net-
unum hjá bræðrunum á Sæþóri.
„Það er þorskur alls staðar, fyrir
öllu Vesturlandi,“ segir Hafsteinn
og segir að svo virðist sem mun
meira sé af þorski en verið hefur.
„Nú þarf þorskurinn að fara að sjást
uppi í Skúlagötunni svo að fiski-
fræðingarnir vakni,“ segir hann.
Þarf að sjást á
Skúlagötunni
Umsóknarfrestur er til 30. maí
Kynntu þér námið á www.hr.is
HJÁ ATVINNULÍFINU
KEMUR ÞÉR Á KORTIÐ
Tölvunarfræði er afar fjölbreytt fagsvið sem býður upp á marga valkosti fyrir nám og störf,
allt frá hagnýtum verkefnum til fræðilegra, frá umsjón tölvukerfa til smíði flókinna hugbúnaðar-
kerfa, frá forritun til stjórnunar. Tölvunarfræðinám er góður grunnur fyrir starfsferil á fjölmörgum
sviðum.
Tölvunarfræðinám við Háskólann í Reykjavík einkennist af fjölbreytileika og skapandi umhverfi
þar sem nemendum gefst kostur á að vinna verkefni í nánum tengslum við fræðimenn og fyrirtæki.
Við bjóðum nýja nemendur velkomna til náms og starfa við öflugustu tölvunarfræðideild landsins.
• BSc í tölvunarfræði (90 einingar)
• BSc í hugbúnaðarverkfræði (90 einingar)
• BSc í stærðfræði (90 einingar)
• MSc í tölvunarfræði
• MSc í hugbúnaðarverkfræði
• MSc í máltækni
• PhD í tölvunarfræði
• Kerfisfræðigráða (60 eininga
nám í fjarnámi og með vinnu)
TÖLVUNARFRÆÐI
Tölvunarfræðideild HR býður upp á nám í