Morgunblaðið - 27.05.2008, Page 18

Ungir kvikmyndatökumenn Þeir Freyr og Hörður spá og spekúlera á bak
við upptökuvélina við gerð myndarinnar In a Real Dark Night.
Eftir Kristínu Heiðu Kristinsdóttur
khk@mbl.is
Það hefur tekið rosalegalangan tíma að búa tilþessa átta mínútna stutt-mynd. Við erum búnir að
vera á fullu að vinna í þessu alveg
frá því í febrúar og skiluðum henni
inn á síðasta degi,“ segja þeir Jör-
undur Jörundsson, Freyr Sverr-
isson, Hörður Ragnarsson og Ró-
bert Barkarson sem allir eru
nemendur í tíunda bekk Vogaskóla.
Þeir hrepptu fyrsta sætið í sínum
aldursflokki fyrir bestu leiknu stutt-
myndina í keppni meðal grunn-
skólanema.
„Við erum búnir að vera í vali
sem heitir stuttmyndagerð og er í
boði hér í Vogaskóla bæði í níunda
og tíunda bekk. Ágúst Pétursson
kennir þar og við höfum lært öll
grunnatriðin sem þarf til að gera
mynd. Við fengum upptökuvélar á
námskeiðinu en Hörður og Freyr
sáu um endurvinnsluna og klipptu
myndina heima hjá sér í tölvu.“
Síðastliðinn fimmtudag var Kvik-
myndahátíð grunnskólanna haldin í
Kringlubíói og þar voru verðlaun
veitt í öllum flokkum og Jörundur
fékk auk þess verðlaun sem besti
leikarinn. Vert er að taka fram að
Jörundur, Freyr og Róbert hrepptu
einnig fyrsta sætið í fyrra fyrir
leikna stuttmynd sem þeir gerðu þá
í sömu keppni. Þeir félagarnir og
skólinn þeirra mega því una vel við
sinn hag.
„Við erum auðvitað mjög ánægðir
með að vinna aftur, en núna fengum
við góðan liðsauka, hann Hörð sem
var aðalmaðurinn í tæknibrellunum,
en þær voru frábærar, þótt við segj-
um sjálfir frá. Í myndinni stendur
tíminn til dæmis kyrr í svolitla
stund og það var mikil vinna að ná
því öllu eins og við vildum hafa
það.“
Jógúrt yfir kennarann
Þeir segja Hörð vera mun flinkari
en kennarana þegar tölvur eru ann-
ars vegar, en sjálfur er hann hóg-
vær.
„Ég gerði flestar tæknibrellurnar
með forriti sem ég prófaði mig
áfram með þangað til ég var ánægð-
ur með útkomuna.“
Myndin þeirra heitir In a Real
Dark Night og fjallar um strák sem
lagður er í einelti. „Hann er settur í
sturtu í öllum fötunum og þarf að
mæta þannig til fara í kennslustund
hjá kennara sem er ekkert mjög
góður við hann. En þegar tíminn
stoppar þá notar strákurinn tæki-
færið til að hefna sín.“
Jörundur lagði heilmikið á sig við
leik sinn í aðalhlutverkinu. „Við
þurftum að vera með regnhlíf í
sturtunni svo hann kálaðist ekki úr
kulda. Og kennarinn okkar á stutt-
myndanámskeiðinu, Ágúst Péturs-
son, hann lék kennarann í myndinni
og lagði það á sig að fá innihald úr
heilli jógúrtdós yfir andlitið á sér.
Við þurftum að taka atriðið upp
tvisvar, svo hann fékk tvisvar yfir
sig jógúrt,“ segja þeir og skelli-
hlæja. Þeir taka fram að margir hafi
lagt þeim lið við gerð myndarinnar,
til dæmis bekkjarfélagar þeirra sem
leika í myndinni.
Þeim finnst gaman að vinna að
kvikmyndagerð þótt það sé erfitt.
„Það þarf að pæla í svo mörgu;
myndatökunni, sjónarhornum,
leiknum, allri endurvinnslu og
slíku.“ Þrátt fyrir það stefnir enginn
þeirra á að læra kvikmyndagerð eða
leiklist, þeir ætla allir í menntaskóla
í haust. En svo er aldrei að vita …
Erfitt að láta tímann standa kyrran
Morgunblaðið/Golli
Sælir sigurvegarar Kvikmyndagerðarmennirnir Freyr, Róbert og Hörður með aðalleikarann Jörund í fanginu.
|þriðjudagur|27. 5. 2008| mbl.is
daglegtlíf
Morgunblaðið/Kristinn Ingvarsson
Flýtitíska Sara, sem gjarnan er kennd við Nakta Apann, kenndi stelp-
unum að búa til flottar flíkur úr gömlum fötum.
Valkyrjuhátíð Gestir voru valkyrjur á aldrinum 15-25 ára og var hátíð-
in tileinkuð þeim fjölbreytileika sem finna má í stúlknafansi landsins.
Lampaskreyting Gamlir, þreyttir lampar voru færðir í nýjan búning.
Valkyrjur
í öllu
sínu veldi
AF ÖLLUM stærðum og gerðum streymdu
þær í Hitt húsið um liðna helgi, íslenskar
valkyrjur á aldrinum 15-25 ára á hátíð sem
einmitt var tileinkuð þeim fjölbreytileika
sem finna má í stúlknafansi landsins. Hvort
sem þær höfðu áhuga á ljósmyndun, tísku,
jóga, skífuþeytingum, kynlífi, dekkjaskipt-
um, handavinnu eða að bora í vegg fundu
þær sér eitthvað við sitt hæfi.
Annar helmingur DJ-dúósins Ladycats
sýndi stelpunum réttu taktana við tónlist-
arspilun og hvernig setja má saman tónlist-
arlista, annars staðar mátti fá ráð til að
bæta eigin ljósmyndir, rætt var á hispurs-
lausum nótum um kynlíf, farið yfir förðun í
flýti, skipt um dekk, prjónað, borað og fúla
grettufésið sett upp svo fátt eitt sé nefnt.
„Þetta heppnaðist rosalega vel, góð þátt-
taka og mikil stemning,“ segir Arna Ýr
Sævarsdóttir, upplýsingafulltrúi Hins Húss-
ins, um Valkyrjuhátíðina. „Vinsælastar
voru skemmurnar með Ragnheiði Eiríks-
dóttur hjúkrunarfræðingi sem báru yf-
irskriftina „Kynlíf, ástir og unaður“ og
„Flýtitíska“ með Söru (Maríu Eyþórs-
dóttur) í Nakta apanum en þar var mikið
fjör.“
Hún segir þetta hafa verið í fyrsta sinn
sem Valkyrjuhátíðin er haldin. „Hún gekk
vonum framar svo nú stefnum við að því að
þetta verði árlegur viðburður hér eftir.“