Morgunblaðið - 31.05.2008, Side 18

18 LAUGARDAGUR 31. MAÍ 2008 MORGUNBLAÐIÐ
ERLENT
Verð kr. 19.990
Netverð á mann. Flugsæti báðar leiðir með sköttum í 1 eða 2 vikur.
Sértilboð 13. júní kr. 4.000 aukalega.
M
bl
1
01
02
51
Allra síðustu sætin
Heimsferðir bjóða frábært tilboð á síðustu sætunum til Montreal
í júní. Þetta er einstakt tækifæri til að njóta lífsins í þessari
stórkostlega spennandi borg sem er önnur stærsta borg
Kanada. Í borginni mætast gamli og nýji tíminn, rík sagan og
iðandi nýbreytnin á einstaklega skemmtilegan hátt. Það er
frábært að skoða sig um, versla og njóta lífsins í Montreal; falle-
gar byggingar, endalaust úrval verslana og veitingastaða og
mjög hagstætt verðlag. Gríptu tækifærið og smelltu þér til
Montreal og njóttu þess besta sem þessi spennandi heimsborg
hefur að bjóða.
Skógarhlíð 18 • sími 595 1000 • www.heimsferdir.is
Munið Mastercard
ferðaávísunina
Birt með fyrirvara um prentvillur. Heimsferðir áskilja sér rétt til leiðréttinga á slíku.
Ath. að verð getur breyst án fyrirvara.
Montreal
6. og 13. júní
frá kr. 19.990
SVÆÐIÐ umhverfis dularfullu
steinhengjurnar í Stonehenge á
Englandi var notað sem grafreitur
samfleytt í um hálft árþúsund eftir
að þær voru reistar fyrir um 5000
árum. Áður var talið að staðurinn
hefði aðeins verið nýttur til greftr-
unar á öldinni 2700 til 2600 fyrir
Krist, áður en steinhengjunum var
komið fyrir.
Nýja kenningin um sögu greftr-
unar á svæðinu byggist á aldurs-
greiningu á beinum sem fundist
hafa við uppgröft. Má þar nefna að
aldursgreining bendir til að lítill
haugur af brenndum beinum og
tönnum sé frá tímabilinu 3030 til
2880 fyrir Krist, enbein annars full-
orðins einstaklings eru álitin vera
frá árunum 2930 til 2870 fyrir
Krist.
Stonehenge var ekki almennur
grafreitur og telja sérfræðingarnir
að þar hafi heldra fólk í samfélagi
þess tíma verið lagt til hinstu hvílu.
Andrew Chamberlain, sérfræð-
ingur við Sheffield-háskóla, gengur
lengra og hefur sett fram þá kenn-
ingu að Stonehenge hafi jafnvel
verið greftrunarstaður einnar fjöl-
skyldu og afkomenda hennar, sem
hugsanlega hafi tilheyrt einhvers
konar konungsætt.
Rannsóknin nú er sú fyrsta þar
sem háþróuðum aðferðum við ald-
ursgreiningu er beitt, en alls er tal-
ið að 240 menn séu þarna grafnir.
Stonehenge er eitt best varð-
veitta dæmið um forsögulegar
byggingar, en nú er almennt álitið
að steinhengjurnar áttatíu hafi ver-
ið reistar í kringum aldamótin
2.600 fyrir Krist, um 400 árum eftir
að steinhring var þar komið fyrir.
Sautján steindranganna sem
reistir voru eru enn uppistandandi.
Reuters
Dularfullt Steinhengjurnar í Stonehenge hafa öldum saman valdið mönnum
heilabrotum og frjóir hugir sett þær í samhengi við líf á öðrum hnöttum.
Var grafreitur í 500 ár
 Nýjar rannsóknir á svæðinu umhverfis steinhengjurnar
í Stonehenge  Kenning um greftrun einnar konungsættar
Yangon. AP. | Starfsmenn alþjóðlegra
hjálparstofnana sögðu í gær að her-
foringjastjórnin í Búrma væri farin
að neyða fólk til að fara úr flótta-
mannabúðum á svæðum þar sem
fellibylur olli miklu manntjóni og gíf-
urlegri eyðileggingu 2.-3. maí.
Teh Tai Ring, embættismaður
Barnahjálpar Sameinuðu þjóðanna
(UNICEF), sagði að herforingja-
stjórnin neyddi fólk, sem varð heim-
ilislaust í hamförunum, til að fara úr
flóttamannabúðunum. Flóttamenn-
irnir væru skildir eftir nálægt rúst-
um heimaþorpa þeirra, nánast án
nokkurra hjálpargagna. „Stjórnin er
að flytja fólk án þess að tilkynna
það.“
Ennfremur var skýrt frá því að
400 flóttamenn hefðu verið fluttir úr
baptistakirkju í Yangon, stærstu
borg landsins, að fyrirmælum her-
foringjastjórnarinnar. Allt flótta-
fólkið í kirkjunni, að undanskildum
barnshafandi konum, tveimur ung-
um börnum og sjúklingum, var flutt
með ellefu vörubílum. Yfirvöld sögðu
starfsmönnum kirkjunnar að fólkið
yrði flutt í flóttamannabúðir nálægt
rústum heimaþorps þess í sunnan-
verðu landinu þar sem tjónið varð
mest. Ekki væri vitað hvenær flótta-
mennirnir yrðu fluttir þaðan til fyrri
heimkynna sinna.
Hindrar neyðaraðstoð
Starfsmenn hjálparstofnana
sögðu að herforingjastjórnin hindr-
aði enn neyðaraðstoð við fólk, sem
missti allt sitt í náttúruhamförunum,
þótt hún hefði lofað Ban Ki-moon,
framkvæmdastjóra Sameinuðu þjóð-
anna, að hleypa „öllum hjálpar-
starfsmönnum“ inn í landið. Nokkrir
hjálparstarfsmenn biðu enn eftir
vegabréfsáritunum til að geta kom-
ist til Búrma og herforingjastjórnin
tæki sér tvo sólarhringa til að af-
greiða beiðnir hjálparstarfsmanna
um leyfi til að fara á hamfarasvæðin.
Alþjóða Rauði krossinn beið í gær
eftir heimild til að senda 30 erlenda
starfsmenn á hamfarasvæðin í sunn-
anverðu landinu.
Allslaust fólk hrakið
úr flóttamannabúðunum
Herforingjastjórnin í Búrma sökuð um að svíkja loforðin
Í HNOTSKURN
» Áætlað er að 2,4 milljónirmanna hafi orðið heimilis-
lausar í fellibylnum og þurfi enn
á neyðaraðstoð að halda.
» Herforingjastjórnin hefurlýst því yfir að eiginlegu
björgunarstarfi sé lokið og
endurreisnarstarfið hafið.
TVEIR menn biðu bana og einn slasaðist alvarlega þeg-
ar stór krani féll á efstu hæð 23 hæða fjölbýlishúss á
Manhattan í gær. Sjö byggingar á svæðinu voru rýmd-
ar vegna slyssins. Michael Bloomberg, borgarstjóri
New York, sagði að ekki væri vitað hvað olli slysinu en
slík slys væru „óviðunandi og óþolandi“. Þetta er annað
mannskæða kranaslysið á Manhattan á þremur mán-
uðum því sjö manns létu lífið í slíku slysi þar í mars.
Reuters
Kranaslys olli usla á Manhattan
SAMTÖK bandarískra fyrirtækja í ferða-
þjónustu (TIA) hafa birt rannsókn sem bendir
til þess að margir Bandaríkjamenn séu farnir
að forðast flugferðir vegna óánægju með
öryggiseftirlit á flugvöllum, tafir á flugi og
annað umstang sem getur fylgt flugferðum.
Roger Dow, framkvæmdastjóri samtak-
anna, segir að könnunin bendi til þess að dag
hvern greiði „rúmlega 100.000 manns atkvæði með veskinu og ákveði að
forðast flugferðir“. Samtökin áætla að Bandaríkjamenn forðist um 41
milljón flugferða á ári og það kosti bandaríska hagkerfið alls 26 milljarða
dollara, sem svarar tæpum 2.000 milljörðum króna.
Dow segir að flugfarþegar kvarti einkum yfir seinlegu öryggiseftirliti á
flugvöllum, töfum og aflýsingu flugferða.
Þorri flugfarþeganna telur að flugöryggið hafi aukist en 60% telja að
flugsamgöngunum hafi almennt hnignað í Bandaríkjunum. Þriðjungur
allra flugfarþeganna er óánægður með flugsamgöngurnar og 48% þeirra
sem fljúga fimm sinnum eða oftar á ári. Um 50% telja ekki líklegt að flug-
samgöngurnar batni á næstu árum.
Margir teknir að forðast
flugferðir vegna óánægju
58 ÁRA kona hefur verið handtekin í Japan fyrir að laumast inn í hús 57
ára gamals manns og hreiðra um sig í fataskáp hans án þess að hann vissi
af því. Maðurinn hafði tekið eftir því að matur hvarf úr ísskáp hans og
hann kom því upp eftirlitsmyndavél í húsinu. Konan sást þá ganga um hús-
ið þegar eigandinn var að heiman.
Lögreglan leitaði í húsinu og fann konuna sem hafði komið fyrir dýnu í
fataskápnum og kúldraðist þar. Að sögn lögreglunnar kvaðst konan vera
heimilislaus. Talið er að hún hafi dvalið þarna í um það bil eitt ár, en þó
ekki allan tímann.
Bjó í skáp án leyfis eigandans