Morgunblaðið - 31.05.2008, Síða 21

MORGUNBLAÐIÐ LAUGARDAGUR 31. MAÍ 2008 21
MENNING
AFLEIÐINGAR Kárahnjúka-
virkjunar eru viðfangsefni Rúríar
í innsetningu hennar í StartArt
sýningarrýminu við Laugaveg.
Hún hefur lokað út á götuna og
komið fyrir stóru tjaldi fyrir
glugganum, þar sýnir hún mynd-
band af Töfrafossi sem hvarf í
uppistöðulón virkjunarinnar og
hávaðinn í fossinum varpast yfir
rýmið. Frístandandi skjáir sýna
gæsavarp fara undir vatn og á
endavegg renna hjá upplýsingar
um áhrif virkjunarinnar á nátt-
úru landsins.
Eins og oftar í list Rúríar
þjóna verk hennar ákveðnum til-
gangi, undanfarin ár hefur hún
einbeitt sér að verndun náttúr-
unnar. List sem hefur áróður að
markmiði á það á hættu að
hverfa í skugga hans, sjónrænir
þættir verða málpípa ákveðinna
skoðana og þrengja svo að manni
að fátt annað kemst að. Hér er
innsetningin nær yfirþyrmandi í
rýminu, ef til vill gæðir það hana
auknum krafti, en gaman væri að
sjá verkin njóta sín á annan hátt
í stærra rými sem um leið gæfi
áhorfandanum aukið andrúm til
að melta boðskapinn.
Á sama tíma lætur íslensk
náttúra ekki að sér hæða og
heillandi fossbeljandinn í hljóði
og mynd og harmleikur gæsanna
ná tökum á manni í víðara skiln-
ingi en bara út frá sjónarhorninu
sem beinist að Kárahnjúkum.
Samhengi sýningarinnar við aðra
sýningu í StartArt, samsýn-
inguna Heima, kemur henni mjög
til góða því þar opnast fleiri túlk-
unarmöguleikar hvað varðar hug-
myndir um heimkynni, hörm-
ungar af margvíslegum toga og
fólksflutninga, svo dæmi sé nefnt.
Markmið sýningarinnar, að
minna enn og aftur á áhrif Kára-
hnjúkavirkjunar á náttúru lands-
ins og vekja til umhugsunar al-
mennt, kemst kirfilega til skila,
en hinn ákaflega skýri boðskapur
verður ekki endilega til þess að
gæða myndefnið eða viðfangs-
efnið aukinni vídd.
Myndverkið Existential sem
sýnir fjórar súlur, fylltar olíu,
maís, vatni og lofti, vísar til af-
komu mannkyns í víðu samhengi,
hér vinna saman sjónrænir þætt-
ir og hugmyndir um ástand jarð-
ar.
Fossbúinn kveður
Morgunblaðið/G.Rúnar
Kraftur „Frístandandi skjáir sýna gæsavarp fara undir vatn og á endavegg
renna hjá upplýsingar um áhrif virkjunarinnar á náttúru landsins.“
MYNDLIST
StartArt við Laugaveg
Til 30. júní. Opið þri. til lau. frá kl. 13–17.
Aðgangur ókeypis.
Listahátíð í Reykjavík, Rúrí, Sökkvun
bbbnn
Ragna Sigurðardóttir
HVAÐ gerist þegar við
söfnum, flokkum, fær-
um til, geymum og
skrásetjum og hvernig
gerist þetta ferli? Eitt-
hvað á þessa leið hljóð-
ar viðfangsefni lista-
mannanna þriggja sem
sýna í Safnasafninu á
Svalbarðsströnd í
tengslum við Listahátíð
í Reykjavík.
Safnasafnið sjálft er
þeim innblástur. Safnið
sem fjallar um söfn og
söfnun og er einstakt
fyrirbæri hérlendis og
þó víðar væri leitað en
þar er að finna í sam-
hljómi naífa list, list fólks sem á
við geðræn vandamál að stríða,
byggðasafnssýningu og sam-
tímalist. Safnið er síðan í góðum
tengslum við náttúrulegt umhverfi
sitt sem er eins og hluti af því.
Þetta hafa listamennirnir Anna
Líndal, Bjarki Bragason og Hildi-
gunnur Birgisdóttir unnið með í
sýningu sinni sem þau nefna
Greinasafn. Það vísar til náttúr-
unnar og til þeirrar kvíslgrein-
ingar sem söfnun leiðir af sér,
þegar farið er að flokka í flokka
og undirflokka auk þeirra smá-
greina sem birtast í útgáfunni með
sýningunni.
Greinasafn er unnið sem ein
heild, sjónrænt hryggstykki sýn-
ingarinnar er stór grein af lerkitré
sem tengir sýningarbásana þrjá
uppi undir lofti, en á gólfi er kom-
ið fyrir speglum. Stór sýning-
arskápur í innsta rými hýsir smá-
útgáfur á listaverkum sem falla
vel að heildarhugmyndinni og hér
má líka sjá leirtau, leikföng og
fleira sem vísar til safna okkar
allra, þeirra litlu einkasafna sem
er að finna í geymslum eða barna-
herbergjum. Baka til í skápnum
má sjá stafla af kössum úr Safna-
safninu, fulla af gripum sem safnið
varðveitir en ekki eru til sýnis.
Einnig eru hér myndbönd tekin í
umhverfi safnsins en læknum sem
kliðar fyrir utan var fylgt eftir og
hann og nágrenni hans myndað,
aðferðir okkar við að skrásetja
náttúruna eru þannig hluti af sýn-
ingunni.
Hugmyndin um söfnun og skrá-
setningu er þema sem hug-
myndalistamenn sjöunda og átt-
unda áratugar síðustu aldar
notuðu stundum, en það er til
marks um hversu mikið hefur
breyst á síðustu áratugum að
horfin er sú kerfisbundna svart-
hvíta framsetning sem stundum
einkenndi hugmyndalist. Afi hug-
myndalistarinnar, Joseph Kosuth,
notaði td. helst ekki liti en í dag
er horfin er sú hugmynd að mynd-
listin megi ekki vera leikur að lit-
um og formum sem þótti svo létt-
væg og úr sér gengin nálgun um
tíma.
Greinasafn er sýning sem birtir
vel hversu færir myndlistarmenn
samtímans eru orðnir í hug-
myndafræðilegri vinnu verka
sinna, framsetningu og sjónrænni
útfærslu. Allt er tekið með í reikn-
inginn; viðfangsefnið og eig-
inleikar þess, samhengi sýningar,
þe. sýningarstaður, frelsi til ljóð-
rænnar nálgunar og þeir mögu-
leikar sem hin alltumlykjandi mið-
ill myndlistin býður upp á.
Sýningunni er fylgt úr garði með
útgáfu sem tryggir varðveislu
hennar, í samræmi við viðfangs-
efnið. Þessi vönduðu vinnubrögð
eru þó kannski aðeins um of innan
öruggra marka þess hug-
myndafræðilega ramma sem sýn-
ingin gengur út frá og verður
þetta til þess að sjónrænir þættir
hennar njóta sín ekki alveg eins
sjálfstætt og ella. Niðurstaðan er
engu að síður sérlega vel unnin og
eftirminnileg sýning þar sem sam-
vinna er í fyrirrúmi.
Að greina
og skilja
MYNDLIST
Safnasafnið
á Svalbarðsströnd
Til 8. júlí. Opið 10 – 18 alla
daga frá 15. maí til 15.
ágúst
Listahátíð í Reykjavík,
Greinasafn, samsýning
þriggja listamanna.
bbbbn
Ragna Sigurðardóttir
Flokkað Ferlið við flokkun, tilfærslu, geymslu
og skrásetningu.
Lyf skipta sköpum!
„Koma í veg fyrir
veikindi og bjarga
milljónum mannslífa!“
„Heimur án lyfja væri mikið ólíkur þeim veruleika sem við búum við í
dag. Lyf á borð við sýklalyf og bóluefni koma t.d. í veg fyrir veikindi og
bjarga milljónum mannslífa á ári hverju. Lyf eru vandmeðfarin vara og
má skilgreina þau sem virkt efni sem komið hefur verið fyrir í sérhæfðu
lyfjaformi t.d.töflu.
Frá því að virkt lyfjaefni er uppgötvað og þar til lyf kemst á markað fara
fram þrotlausar rannsóknir, þróunarvinna og prófanir til að tryggja öryggi
neytandans. Lyfjafræðingar gegna lykilhlutverki í þessu ferli því þeir búa
yfir víðtækri þekkingu á sviði lyfjavísinda.“
Margrét Bessadóttir, lyfjafræðingur og doktorsnemi í lyfjafræði við Háskóla Íslands.
E
F
L
IR
a
lm
a
n
n
a
te
n
g
s
l
/
H
N
O
T
S
K
Ó
G
U
R
g
ra
fí
s
k
h
ö
n
n
u
n