Morgunblaðið - 18.08.2008, Blaðsíða 13
MORGUNBLAÐIÐ MÁNUDAGUR 18. ÁGÚST 2008 13
ERLENT
Útsala
20 - 70 % afsl.
Baðdeild Álfaborgar
Skútuvogi 4 - sími: 525 0800
Sturtuklefar
Baðinnréttingar
Hreinlætistæki
Blöndunartæki
Baðker ofl.
Rússar út úr Georgíu
Rússar hétu því í gær að herlið þeirra yrði dregið til baka frá átakasvæðum í
Georgíu í dag Angela Merkel sagði Georgíumenn geta gengið í NATO í gær
Eftir Sigrúnu Hlín Sigurðardóttur
sigrunhlin@mbl.is
RÚSSAR hafa lofað því að byrja að draga herlið
sitt í Georgíu til baka í dag. Vestrænir bandamenn
Mikhel Saakashvili, forseta Georgíu, höfðu þrýst
rækilega á Rússa að yfirgefa Georgíu. Condo-
leezza Rice, utanríkisráðherra Bandaríkjanna, var
ómyrk í máli þegar hún gagnrýndi Rússa og sagði
orðspor þeirra vera í molum.
Áform Rússa um friðargæslulið umdeild
Vopnahlé er enn í gildi, en áform Rússa um að
halda eftir rússneskum friðargæsluliðum í
Georgíu eru umdeild. Georgísk stjórnvöld hafa
áhyggjur af því að ótilgreindur fjöldi friðargæslu-
liða í ótilgreindan tíma þýði áframhaldandi her-
setu Rússa í Georgíu. Á fundi Saakashvili með An-
gelu Merkel, kanslara Þýskalands, sagði hann að
það væri ekkert til í Georgíu sem héti rússneskir
friðargæsluliðar. Þeir væru einfaldlega rússneskir
hermenn og ekki velkomnir í Georgíu.
Angela Merkel var stuðningsrík í garð hans og
sagði að Georgíumönnum stæðu opnar dyr inn í
Atlantshafsbandalagið, óskuðu yfirvöld þess.
„Georgíumenn fá aðild að NATO ef þeir vilja – og
það vilja þeir,“ sagði hún við Saakashvili. Rússar
hafa lýst yfir reiði sinni vegna yfirlýsingar Merkel.
Í HNOTSKURN
»Rússar lofuðu að byrja í dag að draga tilbaka herlið sitt í Georgíu.
»Áform Rússa um að halda eftir rúss-neskum friðargæsluliðum í Georgíu eru
þó umdeild.
»Angela Merkel sagði í gær að Georgíu-menn gætu gengið í Atlantshafs-
bandalagið ef stjórnvöld óskuðu eftir því.
RÍKISSJÓNVARP Írans sýndi í gær myndskeið af því
þegar skotið var upp fjarskiptahnetti fyrir dögun í gær-
morgun. Skotið var í tilraunaskyni, en öll tæknin var
írönsk hönnun og framleiðsla. Eldflaugin fékk nafnið
Safir, sem þýðir sendiherra, en gervihnötturinn heitir
Omid, sem þýðir von. Hvort tveggja var það fyrsta sinnar
tegundar sem Írönum hefur tekist að búa til. Yfirvöld í
Íran hafa staðfest þetta. Íranska ríkissjónvarpið sagði
Írana nú brátt verða tilbúna til að senda raunverulegan
fjarskiptahnött á sporbaug um jörðu.
Bandaríkjamenn hafa þegar lýst yfir áhyggjum sínum.
Talsmaður forseta, Gordon Johndroe, sagði að þróun
búnaðar til að skjóta gervihnöttum á sporbaug í Íran
væri áhyggjuefni og vekti spurningar um fyrirætlanir Ír-
ana. Hann sagði að tilraunir með búnað sem væri hægt
að nota til að setja á loft skotflaugar væru ekki í sam-
ræmi við skuldbindingar Írana gagnvart Öryggisráði
Sameinuðu þjóðanna.
Íranar vísa hins vegar á bug ásökunum um að tæknin
sé liður í því að þróa kjarnavopn. sigrunhlin@mbl.is
Gervihnöttur á loft í Íran
Bandaríkjamenn lýsa yfir
áhyggjum af eldflaugatækni
Reuters
Sendiherra Mahmoud Ahmadinejad skoðar flaugina.
JOHN McCain og Barack Obama
mættust í gær í fyrsta sinn á sviði
síðan þeir tryggðu sér útnefnginu
forsetaframbjóðenda. Stefnumótið
fór fram í kirkju evangelista í Kali-
forníu og leiddi presturinn Rick
Warren samkomuna. Keppinaut-
arnir svöruðu spurningum um
stefnumál sín, hvor í sínu lagi.
Spurningar um fóstureyðingar,
illu öflin og olíu dundu á þeim og
þótti McCain vera fullur af eldmóði
og snöggur til svars. Obama tók sér
betri tíma til að svara en var óræð-
ari í svörum.
McCain var spurður hvenær
hann teldi barn fá mannréttindi.
Undireins svaraði hann: „Við getn-
að!“ og uppskar mikinn fögnuð
áhorfenda. Þegar Warren spurði
hvað væri réttast að gera við illsk-
una; komast að samkomulagi við
hana, fanga hana eða sigra hana,
hrópaði McCain: „Sigrum hana! Ef
ég verð forseti Bandaríkjanna mun
ég elta Osama bin Laden að fordyri
helvítis og tortíma honum!“
Var mál kirkjugesta að McCain
hefði staðið sig betur. Það eru
slæmar fréttir fyrir Obama en fylgi
kristinna er mikilvægt báðum
frambjóðendum. sigrunhlin@mbl.is
Einvígi for-
setaframbjóð-
enda í kirkju
John McCain Barack Obama
MEÐLIMIR bænahóps í Wash-
ington sem hafa stundað það um
nokkurt skeið að safnast saman við
bensíndælur og biðja fyrir verð-
lækkunum eru kampakátir um
þessar mundir.
Þeir telja árangurinn af starfi
sínu ekki leyna sér, því nýlega
lækkaði meðalbensínverð í Banda-
ríkjunum um 0,20 dali, og kostar
því sem jafngildir 83 krónum á lítr-
ann. Pílagrímarnir sögðu að á
mörgum bensínstöðvum hefðu
starfsmenn komið út og lækkað
verðið þegar þeir höfðu lokið við að
biðja bænir og syngja sálma.
Rocky Twyman, forsprakki hóps-
ins, segist ekki hafa trú á því að
markaðsöfl hafi áhrif á bensínverð.
„Við þessum vandamálum verður
að leita hjálpar Guðs en ekki
manna.“ sigrunhlin@mbl.is
Bensínbænir
báru árangur
INDÓNESAR fagna þjóðhátíðardegi sínum á
ýmsan máta, meðal annars með leiknum Panjat
Pinang. Íbúar Djakarta reyndu í gær með sér í
leiknum, en hann felst í því að reyna að klifra
upp staura smurða með feiti. Efst á staurunum
eru síðan verðlaun fyrir þann sem klífur staur-
inn fyrstur. Þau geta verið allt frá fötu til reið-
hjóls. Indónesar fögnuðu því í gær að 63 ár eru
síðan þeir fengu sjálfstæði frá Hollendingum.
Indónesar fögnuðu í gær sjálfstæði í 63 ár
Sjáið staurinn! Þarna fór ég
Reuters