Morgunblaðið - 25.09.2008, Blaðsíða 2
2 FIMMTUDAGUR 25. SEPTEMBER 2008 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Sunna Ósk Logadóttir, sunna@mbl.is Egill Ólafsson, egol@mbl.is Viðskipti vidsk@mbl.is Björgvin Guðmundsson, fréttastjóri, bjorgvin@mbl.is Daglegt líf Anna Sigríður Einarsdóttir,
annaei@mbl.is, Bergþóra Njála Guðmundsdóttir, ben@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar mbl.is/sendagrein, Stefán Ólafsson,
Arnór Ragnarsson Íþróttir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is Sunnudagur Ragnhildur Sverrisdóttir, ritstjórnarfulltrúi, rsv@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Eftir Örlyg Stein Sigurjónsson
orsi@mbl.is
ÞETTA var mjög erfiður fundur,“
sagði Jóhann R. Benediktsson lög-
reglustjóri á Suðurnesjum að lokn-
um fjölmennum fundi með starfs-
fólki sínu þar sem hann tilkynnti að
hann myndi hætta sem lögreglu-
stjóri 1. október og þrír stjórnendur
með honum.
Jóhann sagðist hafa rakið fyrir
samstarfsfólki sínu samskiptin við
dómsmálaráðuneytið og kvað starfs-
fólkið gera sér grein fyrir eðli máls-
ins. „Við fáum ekki sanngjarna
málsmeðferð og ég held að lands-
menn allir hafi séð að skýringar
dómsmálaráðherra standast enga
skoðun,“ sagði Jóhann og vísaði til
skýringa ráðherra á þeirri ákvörðun
að auglýsa stöðu lögreglustjórans.
„Ég held að allra vegna, þá verði ég
að víkja og ég vil að ráðherra fái
tækifæri til að koma að þeim manni
sem getur framfylgt stefnu hans í
málefnum þessa embættis. Ég vona
að það verði einhver góður maður,“
sagði Jóhann og útilokaði að hann
myndi sjálfur sækja um stöðuna.
„Það kemur ekki til greina,“ sagði
hann.
Sagði hann rás atburða hafa verið
mjög hraða að undanförnu og ekki
væri hægt að svara því hvað tæki nú
við hjá sér. Hann sagðist skilja við
embættið á mjög erfiðum tíma.
„Auðvitað óskar þess enginn að
ganga úr embættinu við þessar að-
stæður,“ sagði hann.
Þeir sem ganga úr embættinu
með Jóhanni eru Eyjólfur Krist-
jánsson, staðgengill hans, Guðni
Geir Jónsson fjármálastjóri og Ás-
geir J. Ásgeirsson starfsmanna-
stjóri.
Að sögn Ásgeirs voru allir sam-
starfsmenn á fundinum mjög slegnir
yfir tíðindum dagsins þótt samstaða
og stuðningur hefðu einkennt fund-
inn. „Þetta er afar sorglegt en í ljósi
aðdragandans, þá var þetta óhjá-
kvæmilegt,“ sagði hann. Brotthvarf
Ásgeirs sjálfs á sér nokkurn aðdrag-
anda, en honum bauðst annað starf
„og það lá beinast við að þiggja það
þegar þessi staða var komin upp hjá
embættinu. Mann langar ekki til að
vinna þarna lengur.“
Einn lögregluþjónn sem sat fund-
inn var óviss um hvort hann mundi
halda áfram hjá lögreglunni eftir
brotthvarf Jóhanns. „Það hefur ver-
ið mjög gott að vinna undir stjórn
Jóhanns og hann er líklega besti
stjórnandi sem hægt er að hugsa
sér,“ sagði hann.
Annar lögregluþjónn sagði ill-
mögulegt að horfa á rás atburða
undanfarin misseri án þess að kom-
ast að þeirri niðurstöðu að lög-
reglustjórinn hefði verið lagður í
einelti af dómsmálaráðuneytinu.
„Ákvörðun ráðherra um að auglýsa
embættið mun ekki eiga sér nein
fordæmi – en þó kemur hún ekki á
óvart í augum þeirra sem til
þekkja,“ sagði hann.
Ljósmynd/Víkurfréttir
Jóhann „Ég held að allra vegna, þá verði ég að víkja og ég vil að ráðherra fái tækifæri til að koma að þeim manni sem getur framfylgt stefnu hans.“
„Ég verð að víkja“
Jóhann R. Benediktsson lögreglustjóri segir embætti sitt hafa fengið ósanngjarna
málsmeðferð og hættir um næstu mánaðamót ásamt þremur lykilstarfsmönnum
ÍBÚAR á veitu-
svæði Orkuveitu
Reykjavíkur,
sem búa í 110
fermetra íbúð,
mega búast við
að hitareikning-
urinn hækki um
300 krónur á
mánuði, frá 1.
október nk. Er sú
hækkun miðuð
við algenga notkun á heitu vatni.
Stjórn Orkuveitunnar samþykkti á
fundi sínum síðastliðinn föstudag
að hækka rúmmetra af heitu vatni
úr 65,23 kr. í 71,56 kr. án virðis-
aukaskatts. Nemur hækkunin því
tæpum 10%. Iðnaðarráðherra stað-
festi í kjölfarið breytinguna.
Í tilkynningu frá Orkuveitunni
kemur fram að ástæður hækkunar-
innar séu hækkun kostnaðar og
fjárfesting í nýrri hitaveitu á Hellis-
heiði. Að auki segir, að gjald-
skrárbreytingin sé sú fyrsta frá því
Orkuveitan lækkaði verð á heitu
vatni árið 2005. „Á síðustu árum
hefur vægi húshitunar í vísitölu
neysluverðs lækkað úr 2,5% árið
1995 í 1,0% árið 2008.“
Skemmst er að minnast þess að í
lok ágúst sl. hvatti ASÍ ríki og sveit-
arfélög til að sýna samstöðu og
stöðva hækkanir á gjaldskrám sín-
um. Var bent á að litlu hlutirnir
skiptu máli þegar þeir reiknuðust
saman. andri@mbl.is
Verðhækkun
á heitu vatni
Orkuveita
Reykjavíkur
TVEIR karlmenn og ein kona hafa
verið handtekin og hneppt í varð-
hald vegna morðsins á Hrafnhildi
Lilju Georgsdóttur í Dóminíska lýð-
veldinu á sunnudag. Annar mann-
anna og konan voru starfsmenn
gistiheimilis sem Hrafnhildur vann
á í smábænum Caborete, sam-
kvæmt upplýsingum lögreglu til
mbl.is. Lögregla leitar nú að morð-
vopni í nágrenni vettvangsins en
vefútgáfa dagblaðsins Listin Diaro
segir að hin látna hafi ítrekað verið
stungin með hnífi og orðið fyrir
þungu höfuðhöggi auk þess sem
áverkar voru á hálsi. Telur lög-
reglan líklegt að Hrafnhildur hafi
þekkt árásarmanninn eða -mennina
því engin merki voru um innbrot.
Óvíst er hvenær unnt verður að
flytja jarðneskar leifar hinnar látnu
til greftrunar á Íslandi.
Þrjú grunuð
um morðið
BJÖRN Bjarnason dómsmálaráð-
herra segir að skýr efnisleg rök
hafi verið færð fyrir því af sinni
hálfu að auglýsa lögreglustjóra-
embættið á Suðurnesjum og hann
hafi ekki búist við þessum við-
brögðum Jóhanns R. Benedikts-
sonar.
„Að lögreglustjóri bregðist við á
þann veg, sem fyrir liggur, kom
mér á óvart,“ segir Björn og óskar
honum, Ásgeiri, Eyjólfi og Guðna
velfarnaðar með þökkum fyrir sam-
fylgdina frá 1.
janúar 2007.
„Nú blasir við
að fylla skörð
þeirra, sem
kveðja, og
tryggja framtíð
hins mikilvæga
starfs, sem unnið
er af lögreglu,
tollvörðum og
öryggisvörðum við embættið,“ seg-
ir Björn.
Ákvörðunin á sér skýr rök
Björn Bjarnason
Eftir Birnu Önnu Björnsdóttur
í New York
bab@mbl.is
INGIBJÖRG Sólrún Gísladóttir ut-
anríkisráðherra sinnti störfum sam-
kvæmt dagskrá sinni á allsherjar-
þingi Sameinuðu þjóðanna í New
York í gær og mun gera slíkt hið
sama í dag, en á mánudag greindist
hún með góðkynja mein í höfði við
læknisrannsókn sem hún undir-
gekkst eftir að hafa veikst á fundi á
vegum UNIFEM þar sem hún hélt
framsögu um málefni kvenna í Afr-
íku. Sú sem þetta skrifar var við-
stödd þann fund og það var ekki á ut-
anríkisráðherra að sjá þegar hún
flutti ræðuna að nokkuð væri að.
Þegar pallborðsumræður hófust fann
hún fyrir óþægindum og lýsti því svo
í samtali í gærkvöldi:
„Ég fékk svona aðkenningu af að-
svifi, fann að mér leið ekki vel í þessu
pallborði og gat nú komist út úr því
nokkurn veginn án þess að eftir því
yrði tekið. En svo liðu þessi óþægindi
ekki hjá og þess vegna var ákveðið að
fara upp á spítala og þó mér hafi
náttúrlega þótt það mesta vitleysa þá
get ég nú þakkað fyrir það eftir á að
það var gert, því þá kom þetta í ljós.
Það er mein í höfðinu sem er góð-
kynja og líklega búið að vera að
þróast í langan tíma og þarf auðvitað
að taka. Og það er þá það verkefni
sem ég sný mér að, væntanlega í
næstu viku. En mér líður ágætlega
núna, ég er komin á lyf sem vinna
gegn þessum einkennum og ætla,
eftir föngum, að fylgja eftir minni
dagskrá hér í New York. Ég verð þó
líklega að sleppa einhverju, ég má
auðvitað ekki ætla mér um of og verð
að sýna ákveðna skynsemi eftir að
hafa fengið svona viðvörun.
En ég má síðan búast við því að
þetta geti kannski haft þau áhrif að
ég verði að vera frá vinnu í tvær til
fjórar vikur eftir aðgerð. Það er að
minnsta kosti þannig sem það lítur út
núna, sagði Ingibjörg Sólrún.
Ingibjörg Sólrún sótti í gær fund
með utanríkisráðherrum Evrópu-
sambandsins og NATO: „Á þeim
fundi voru meðal annars rædd mál-
efni Rússlands og Georgíu sem er
mesta hitamálið núna. Þessi fundur
er mjög góður því það eru bara utan-
ríkisráðherrar sem sitja hann og það
er hægt að tala saman í góðum trún-
aði.“
Situr fund með Rice í dag
Í gær átti hún einnig tvíhliða fund
með Sergei Lavrov, utanríkis-
ráðherra Rússlands: „Þetta var
ágætur fundur og hreinskiptinn. Við
ræddum samskipti landanna og und-
irrituðum meðal annars samkomulag
um vegabréfsáritanir sem á að auð-
velda almenningi og fólki í fyrir-
tækjarekstri að fara á milli land-
anna.“
Í dag situr Ingibjörg Sólrún svo
meðal annars fund með öðrum kven-
utanríkisráðherrum sem Condo-
leezza Rice, utanríkisráðherra
Bandaríkjanna, stýrir.
Má auðvitað ekki ætla mér um of
Utanríkisráðherra greindist með góðkynja mein í höfði við læknisrannsókn í New York
Morgunblaðið/Ómar
Skyldustörf Ingibjörg Sólrún mun gegna skyldum sínum í New York.