Morgunblaðið - 25.09.2008, Blaðsíða 13

MORGUNBLAÐIÐ FIMMTUDAGUR 25. SEPTEMBER 2008 13
FRÉTTIR
LANDBÚNAÐARHÁSKÓLI Ís-
lands stendur fyrir námskeiði um
forntraktora á Hvanneyri, laug-
ardaginn 11. október nk.
Námskeiðið fer fram í Landbún-
aðarsafni Íslands á Hvanneyri kl.
10-17.
Námskeiðið er öllum opið. Það
hentar vel þeim sem hafa áhuga á
varðveislu forntraktora. Á nám-
skeiðinu verður fjallað um forn-
traktora á Íslandi og hvernig þeim
má gera til góða, hirða þá og
varðveita sögu þeirra. Áhersla
verður lögð á virkni þátttakenda,
á miðlun reynslu og þekkingar um
viðfangsefnið og að efla tengsl
þeirra.
Bjóða upp á námskeið um
varðveislu forntraktora
ALÞJÓÐLEGI skólamjólkurdagurinn var haldinn í níunda sinn í gær. Af
því tilefni bauð Mjólkursamsalan öllum grunnskólabörnum landsins upp á
mjólk í skólunum en reiknað var með að um 12 þúsund lítrar af mjólk yrðu
drukknir.
Dagurinn er haldinn hátíðlegur víða um heim að tilstuðlan Mat-
vælastofnunar Sameinuðu þjóðanna. Hér á landi er dagurinn haldinn undir
yfirskriftinni „Holl mjólk og heilbrigðir krakkar.“
Í tengslum við daginn var árlegri teiknisamkeppni hleypt af stokkunum
sem allir nemendur 4. bekkjar geta tekið þátt í. Myndefnið er frjálst en
æskilegt þykir að það tengist hollustu mjólkur fyrir ungt fólk. Tilgangur
dagsins er einmitt að vekja athygli á mikilvægi mjólkur í fæði barna.
Drukku 12.000 lítra af mjólk
Holl og góð Mjólkurneysla hefur farið minnkandi á kostnað ávaxtasafa og
gosdrykkja. Þessi börn kunnu vel að meta mjólkina í gær.
FULLTRÚAR minnihlutans í borg-
arstjórn hafa lagt til að hafist verði
handa við mótun grænnar umhverf-
isstefnu í öllum hverfum borg-
arinnar og verði hún unnin í sam-
ráði við íbúasamtök, skóla,
hverfisráð og foreldrafélög.
Í greinagerð með tillögunni kem-
ur fram að bílaumferð innan hverfa
sé alvarleg ógn við lífsgæði gang-
andi vegfarenda. Margir foreldrar
skutli börnum sínum til og frá skóla
og tómstundum vegna öryggis
þeirra í bílaumferðinni, sem aftur á
móti skapi ennþá meiri umferð.
Þannig geti skapast vítahringur
vaxandi umferðar. Hvetja þurfi því
börn til að taka strætó eða ganga
þar sem því verði komið við.
Morgunblaðið/Golli
Hjól Græn umhverfisstefna felst í
því að stuðla að því að fleiri hjóli.
Græn um-
hverfisstefna
STJÓRN kjördæmafélags Frjálslynda flokksins í
Reykjavíkur norður skorar á Sigurjón Þórðarson, fyrr-
verandi alþingismann, að bjóða sig til formanns flokks-
ins. Stjórnin telur Frjálslynda flokkinn eiga góð sókn-
arfæri í næstu alþingiskosningum og mikilvægt sé því
„að kalla til forystu alla þá sem líklegastir séu til að taka
með röggsemi á vandamálum flokksins og sameina
krafta til sóknar. Við treystum engum til þess betur en
Sigurjóni Þórðarsyni sem hefur reynslu og er í góðu
sambandi við grasrót flokksins sem og forystu.
Þess vegna skorum við á Sigurjón Þórðarson að gefa
kost á sér til formennsku á landsþingi flokksins í janúar
2009,“ segir í tilkynningu.
Vilja Sigurjón í formannsstól
Sigurjón
Þórðarson
LANDSFUNDUR Jafnréttis-
nefndar sveitarfélaga fór fram dag-
ana 18.-19. september sl. í Mosfells-
bæ. Fundurinn tókst mjög vel og
voru fundargestir á fimmta tug.
Á fundinum var Evrópusáttmáli
um jafna stöðu kvenna og karla í
sveitarfélögum kynntur. Ásamt því
voru samþykktar ályktanir um auk-
inn hlut kvenna í stjórnmálum og
stjórnum fyrirtækja og jafnrétti í
skólum auk þess sem fundurinn
lýsti yfir áhyggjum af auknum
launamun kynjanna.
Meira jafnrétti,
minni launamun
Á LAUGARDAG nk. standa Lands-
samtökin Þroskahjálp, Sjálfsbjörg
landssamband, Ás styrktarfélag og
Styrktarfélag lamaðra og fatlaðra
fyrir ráðstefnu undir heitinu „að
vita sjálfur hvar skórinn kreppir“.
Á ráðstefnunni mun fatlað fólk
og sérfræðingar fjalla um not-
endastýrða þjónustu við fatlaða.
Ráðstefnan er haldin á Grand hóteli
Reykjavík og stendur frá kl. 9.30-
16.00. Ráðstefnan er öllum opin.
Funda um fatlaða
STUTT
MINKUM hefur stórfækkað um miðbik Árnes-
sýslu samkvæmt tölum Reynis Bergsveinssonar
minkaveiðimanns og höfundar minkasíunnar.
Frá síðustu áramótum hafa veiðst 112 fullorðnir
minkar og 28 hvolpar í minkasíur í Bláskóga-
byggð, Grímsnesi, Grafningshreppi og í Ölfusi.
Minkur sem Reynir telur að sé aliminkur, stór og
kolsvartur, kom í minkasíu í Grímsnesinu.
„Það er óséð frá hvaða minkabúi hann getur
verið og ekki vitað hve lengi hann er búinn að
vera úti í náttúrunni, mér vitanlega er ekkert
minkabú nálægt veiðistaðnum,“ sagði Reynir.
Hann sagðist ekki hafa orðið þess var að dýr
væru að sleppa úr minkabúum á Suðurlandi.
Þessi minkur var fyrsta eða annað alidýrið af
500-600 minkum sem Reynir hefur veitt á svæð-
inu.
Reynir segir að aldurshlutföll í aflanum séu
ólík eftir svæðum. Við Þingvallavatn var hlutfall
hvolpa mjög hátt og lítið af fullorðnum dýrum.
Annars staðar var því þveröfugt farið. „Þar sem
fyrst og fremst veiðast hvolpar er af nógu að
taka,“ sagði Reynir.
Tilrauna- og rannsóknaverkefnið Ölfus–
Öxará–Grímsnes, sem varðar notkun minkasía í
Ölfusi, upp með Soginu, um allt Þingvallavatn og
austur um Grímsnes og hófst 2005, hefur nú verið
framlengt til ársloka 2008. Verkefnið styrkja
Orkuveita Reykjavíkur, Landsvirkjun, Þingvalla-
þjóðgarður í samstarfi við sveitarfélög á svæðinu.
„Það er algjörlega sannfæring mín að við eig-
um eftir að komast miklu lengra í þessu til-
raunaverkefni en staðan í dag gefur til kynna,“
sagði Reynir. „Við náum sífellt betri tökum á
vandanum. Til þess þarf þekkingu og skilning á
eðli og hegðun minksins.“
Veiðnar minkasíur
Tilraunaverkefni
í Árnessýslu fram-
lengt til ársloka
Morgunblaðið/Árni Sæberg
Afli Aliminkurinn sem Reynir Bergsveinsson veiddi er ofar en
fyrir neðan er íslenskur villiminkur, báðir eru steggir.
Menningarráð Vesturlands og Háskólinn á Bifröst
halda sameiginlega ráðstefnu um byggingararfinn,
skipulag, íslenska byggingarlist í dreifbýli og list í
landslagi.
Ráðstefnan er öllum opin og hvetjum við alla sem
hafa áhuga á menningarstarfi, skipulagsstarfi og
listum að taka þátt. Aðgangur að ráðstefnunni er
ókeypis.
Fundarstjóri er Njörður Sigurjónsson, forstöðumaður
Rannsóknarmiðstöðvar Háskólans á Bifröst
Ráðstefnunni lýkur með umræðum sem Njörður
Sigurjónsson stjórnar, þátttakendur verða
nemendur í menningarstjórnun við Háskólann
á Bifröst, nemendur í umhverfisskipulagi og
skipulagsfræði við Landbúnaðarháskóla Íslands,
fulltrúar skipulagsnefnda sveitarfélaganna og aðrir
áhugamenn um menningu á landsbyggðinni.
Nemendur Landbúnaðarháskólans sýna verkefni
fyrir framan ráðstefnusalinn.
Að loknum umræðum verður farið í Jafnaskarðsskóg
og notið listsýningar í skóginum og veitinga.
Jafnaskarðsskógur er aðeins í nokkurra mínútna
fjarlægð frá Bifröst, ekið er niður með Hreðavatni.
Góð bílastæði eru í 5 mínútna göngufæri frá
listsýningunni.
Menning í landslagi
Ráðstefna um byggingararf, skipulag og list í landslagi
á Bifröst 27. september 2008 kl. 13:00 til 16:00
Dagskrá:
Guðrún Gunnarsdóttir varaformaður menningarráðs
setur ráðstefnuna fyrir hönd Menningarráðs Vesturlands.
Pétur H Ármannsson, arkitekt: „Byggingararfur í sveitum
landsins“.
Sturla Böðvarsson, forseti Alþingis og fyrrverandi
bæjarstjóri í Stykkishólmi: „Stykkishólmur, hvernig tókst
að þróa skipulag bæjarins og vernda menningarverðmæti
skipulagsins og húsanna”.
Kolfinna Jóhannesdóttir, sérfræðingur hjá
Rannsóknarmiðstöð Háskólans á Bifröst:
„Menningarleg áhrif breytinga á eignarhaldi jarða”.
Sigríður Kristjánsdóttir, skipulagsfræðingur og lektor við
Landbúnaðarháskóla Íslands: „Til hvers að skipuleggja?
Gæði og verðmæti góðs skipulags”.
Salvör Jónsdóttir, land- og skipulagsfræðingur Alta,
frá Melaleiti Hvalfjarðarsveit: „Landslagsmenning”.
Þóra Sigurðardóttir, listamaður og Sumarliði Ísleifsson,
sagnfræðingur; listabændur að Nýp, Skarðsströnd,
„Að gera gömlu húsi til góða og skapa því verkefni”.
Elísabet Haraldsdóttir, Menningarfulltrúi Vesturlands:
Listsýning i Jafnaskarðsskógi: „Að nýta náttúruna sem
sýningarstað”.
Umræður
Nánari upplýsingar er að finna á www.menningarviti.is
og www.bifrost.is