Morgunblaðið - 15.10.2008, Síða 8

8 MIÐVIKUDAGUR 15. OKTÓBER 2008 MORGUNBLAÐIÐ
FRÉTTIR
Eftir Örlyg Stein Sigurjónsson
orsi@mbl.is
HJÁLMAR H. Ragnarsson, rektor
Listaháskóla Íslands, segir mjög
sterka öldu innan skólans í þá veru
að hrinda af stað nýjum náms-
leiðum, svokölluðum námskörfum
þar sem tengdar yrðu saman húm-
anískar og listfræðilegar greinar
fyrir fólk sem hefði raungreina-
eða viðskiptamenntun en fyndi hjá
sér löngun til að feta nýjar slóðir
eftir fjármálahrunið.
Segir Hjálmar mikilvægt að
menntayfirvöld og háskólarnir geri
áætlun til að bregðast við yfirvof-
andi atvinnuleysi hjá menntuðu
fólki. „Ég tel að slík áætlun þurfi
að ná yfir miklu fleira en það eitt
að fjölga námsleiðum sem þegar
eru fyrir hendi eru í háskólunum,“
segir hann.
Að sögn Hjálmars hefur fjár-
málageirinn á liðnum misserum
sogað til sín
mikið af háskóla-
menntuðu fólki á
sviði viðskipta-
og verkfræði og
lögfræði svo
dæmi séu tekin.
Segist hann ekki
viss um að
menntafólkið
sem nú horfir
upp á atvinnu-
leysi, og hugsar sér að fara í frek-
ara nám, sé mjög spennt fyrir við-
bótarnámi í þessum greinum.
Leita dýpri sanninda
„Ég held að fólk vilji halda á ný
mið og leita dýpri sanninda en
boðist hafa í því námi sem hefur
tengst atvinnulífinu með beinum
hætti,“ segir hann og nefnir í
þessu sambandi framboð á náms-
körfu með greinum á borð við
heimspeki, hönnun, listfræði ofl.
„En fyrst og fremst þarf að efla
gagnrýna hugsun. Það má spyrja
sig hvort háskólarnir hafi staðið
við þá skyldu sína að efla gagn-
rýna hugsun hjá nemendum sínum
– eða hvort allt of mikil áhersla
hafi verið lögð á að framleiða
vinnuafl.“
Mikilvægt að efla LÍN
Hjálmar segir afar mikilvægt að
efla LÍN því fyrirséð sé að fólk
muni leita í frekara nám. Endur-
skoða þurfi úthlutunarreglur
sjóðsins því annars megi gera ráð
fyrir að margir sem koma úr at-
vinnulífinu verði ekki lánshæfir
vegna of hárra tekna.
„Sú spurning blasir við hvort
ekki sé rétt að fara þá leið sem
Finnar hafa farið, þ.e. að efla
menntakerfi, til að bregðast við yf-
irvofandi atvinnuleysi, jafnvel að
það verði gert að einhverju leyti
sem félagsleg aðgerð.“
Fólk fái nýtt námsval
Hjálmar H.
Ragnarsson
FATASÖFNUN Rauða kross Íslands stendur fyr-
ir fyrstu fataúthlutun sinni í nýju húsnæði á
Laugavegi 116, gengið inn frá Grettisgötu, í dag
milli kl. 10 og 14. Að sögn Arnar Ragnarssonar,
verkefnisstjóra Fatasöfnunar RKÍ, var við flutn-
ing fataflokkunarstöðvar í sumar gert hlé á út-
hlutunum en með opnun verslunar RKÍ með not-
aðan fatnað á Laugavegi 116 sl. föstudag hafi
skapast aðstæður til að hefja úthlutun á ný.
Spurður um fjölda þeirra sem leiti til Fata-
söfnunarinnar segir Örn að í fyrra hafi 2.300
mann fengið úthlutuð föt og á fyrstu sex mán-
uðum þessa árs hafi um 1.200 manns fengið föt
hjá söfnuninni. Aðspurður segir Örn Fatasöfnun
RKÍ hafa úr talsvert mörgum flíkum að moða því
það sem af sé ári hafi henni verið gefin 879 tonn
af fötum sem hún geti gefið áfram til þeirra sem
á þurfi að halda. Aðspurður segir hann ráðgert
að vera með úthlutun að minnsta kosti vikulega
og getur hver einstaklingur fengið um 4-5 kg af
fötum í hvert sinn. silja@mbl.is
Morgunblaðið/Ómar
Fötin ganga í endurnýjun lífdaga
Á FUNDI í framkvæmda- og eigna-
ráði Reykjavíkurborgar í gær voru
samþykktar framkvæmdir á borg-
arstíg, sem liggur meðfram baklóð-
um húsa við Framnesveg. Úrbóta
hefur verið þörf á þessu svæði
lengi.
Göngustígurinn verður endur-
bættur, lýstur upp og fegraður.
Gangandi vegfarendur fá forgang
því ekki er gert ráð fyrir neinum
bílastæðum inni á reitnum og að
inngarðurinn verði lokaður fyrir al-
mennri bílaumferð. Gert er ráð fyr-
ir að lýsingu svæðisins verði breytt
og settir upp lægri ljósastaurar
með lýsingu sem truflar minna íbúa
innan lóða og í íbúðum. Svæði á að
helluleggja og setja niður bekki til
að njóta útivistar. Öryggi verður
bætt og dregið úr truflun af bílaum-
ferð. Hljóðvist, næði og öryggi á
svæðinu á að stórbæta.
Framkvæmdirnar verða í sam-
ræmi við deiliskipulag á Fram-
nesreit sem samþykkt var 2005.
Meginmarkmið er að varðveita
merkilega byggð og styrkja svæðið
í heild sem íbúðasvæði . sisi@mbl.is
Úrbætur
gerðar á
borgarstíg
Framnesvegur fær
andlitslyftingu
JÓHANNES Fylkir
Ágústsson, ferðafröm-
uður á Ísafirði, lést á
Landspítalanum 9.
október sl.
Fylkir fæddist á Ísa-
firði 24. desember 1943
og hóf skólagöngu sína í
heimabæ sínum en auk
þess nam hann við
lýðháskóla í Danmörku
á árunum 1961-1962.
Fylkir stofnaði bók-
haldsþjónustu sem
hann rak til dánardags
ásamt því að reka
ferðaskrifstofuna Fylk-
ir.is sem sérhæfði sig í sumarhúsum
og bílaleigubílum í Danmörku.
Fylkir tók virkan þátt í bæjarmál-
um á vegum Framsóknarflokksins á
Ísafirði og gegndi ýmsum trúnaðar-
störfum í Vestfjarða-
kjördæmi.
Fylkir var ræðis-
maður Danmerkur á
Ísafirði frá 1991 til
2007 og var sæmdur
Dannebrogsorðu árið
2000 af Danadrottn-
ingu. Meðal fjölmargra
félagsmála sem Fylkir
vann að á starfsferli
sínum var endurreisn
sunddeildar Vestra en
sjálfur vann Fylkir Ís-
landsmeistaratitla í
sundi á árunum 1964
og 1965. Þá var hann
landsforseti Junior Chamber á Ís-
landi. Fylkir lætur eftir sig eigin-
konu og fjögur uppkomin börn.
Útför hans fer fram frá Fossvogs-
kirkju 21. október nk. kl. 13.
Andlát
Jóhannes Fylkir
Ágústsson
SKÝRSLA bresku hagfræðinganna
Willems H. Buiters og Anne C. Si-
bert um íslenska bankakerfið, sem
þau skrifuðu fyrir Landsbankann
fyrr á þessu ári, þótti þess eðlis að
henni var stungið undir stól. Þetta
kom fram í fréttum Ríkissjónvarps-
ins í gærkvöldi.
Buiter er prófessor við London
School of Economics. Hann segir á
bloggi sínu 9. október sl. að íslenskir
viðmælendur hans hafi talið efni
skýrslunnar of viðkvæmt fyrir
markaðinn. Þegar íslensku bank-
arnir þrír voru komnir undir skila-
nefndir taldi hann óhætt að leyfa
skýrslunni að koma fram og er hann
búinn að birta hana á netinu.
Buiter segir á bloggi sínu að
Landsbankinn hafi leitað til þeirra
Anne Sibert snemma á árinu 2008.
Voru þau beðin að skrifa skýrslu um
ástæður efnahagsörðugleika sem Ís-
land og bankar landsins stæðu and-
spænis og möguleika í stöðunni.
Buiter segir að þau hafi sent skýrsl-
una til bankans undir lok apríl síð-
astliðins. Þau kynntu síðan upp-
færða útgáfu skýrslunnar á fundi í
Reykjavík 11. júlí síðastliðinn. Í hópi
áheyrenda voru hagfræðingar frá
Seðlabankanum, fjármálaráðuneyt-
inu, einkageiranum og háskólasam-
félaginu.
Helsta röksemd þeirra var að við-
skiptaumhverfi bankakerfis Íslands
og í raun landsins væri óhentugt.
Landið gæti haldið alþjóðlegu
bankakerfi sínu en það krefðist þess
að það skipti um gjaldmiðil. Það
þyrfti að leggja af krónuna og leita
inngöngu í Evrópusambandið til
þess að verða fullgildur þátttakandi
í Myntbandalaginu og taka upp evru
sem gjaldmiðil. Eins gæti það haldið
gjaldmiðlinum en þá þyrfti að flytja
alþjóðlegan hluta bankakerfisins úr
landi. Viðskiptaumhverfið réði ekki
við að halda alþjóðlegri starfsemi
bankanna í landinu og hafa um leið
eigin gjaldmiðil.
Í grein á FT.com 9. október færir
Buiter rök fyrir því að það sé óráð-
legt fyrir íslenska ríkið að taka yfir
bankana þrjá. Hann segir m.a. að
ríkið hafi ekki fjárhagslega burði til
þess að standa við þjóðnýtingu
bankanna með trúverðugum hætti,
nema með því að hlutafjárvæða
orkugeirann, vatnsafls- og jarðhita-
nýtinguna. Það hafi þau Anne raun-
ar lagt til í apríl. gudni@mbl.is
Réð ekki við bankana
Skýrslu um erf-
iðleika bankanna
stungið undir stól
Morgunblaðið/samsett mynd
Ofviða Ísland réð ekki við alþjóð-
lega starfsemi bankanna.
GORDON Brown, forsætisráðherra
Bretlands, er sakaður um rag-
mennsku vegna framgöngu sinnar í
garð Íslendinga í bloggi eins af
þingmönnum breska Íhaldsflokks-
ins á Evrópuþinginu.
Íhaldsmaðurinn Daniel Hannan
segir að það hafi verið slæmt að
bresk yfirvöld skyldu hafa tekið
eignir banka vinveitts ríkis eignar-
námi en að það hafi verið „ófyrir-
gefanlegt“ að gera það í krafti laga
sem sett voru til að auðvelda bar-
áttuna gegn hryðjuverkum.
„Það að leggja land með helm-
ingi færri íbúa en Wiltshire í einelti
var ragmennska, ekki hugrekki,“
skrifaði þingmaðurinn.
„Gordon Brown heldur því fram
að eignarnámið hafi verið nauðsyn-
legt vegna þess að Ísland hafi ekki
ætlað að standa í skilum. Hvernig
hann fékk þá flugu í höfuðið er hul-
in ráðgáta. Fjármálaráðherra Ís-
lands tók skýrt fram á fundum með
breskum yfirvöldum að sparifjár-
eigendum yrði greitt,“ skrifaði
þingmaðurinn og bætti við að fyrir
atlöguna hefði Geir H. Haarde for-
sætisráðherra lýst því yfir að leitað
yrði viðunandi lausna fyrir alla
aðila og íslenska ríkisstjórnin væri
staðráðin í að láta ekki málið
skyggja á áralanga vináttu Íslands
og Bretlands.
Bloggið er birt í dagblaðinu The
Times í dag. bogi@mbl.is
Sakar Gordon Brown
um ragmennsku
Brown Heigull eða hugrakkur?